Bilang 27
27
Kay manga Anak Babayi ni Silupihad
1Si Silupihad may manga anak babayi sida ni Mala, ni Nuwa, ni Hugla, ni Milka, ag ni Tirsa. Si Silupihad anak ni Hipir ag laki ni Gilyad. Si Gilyad kay anak ni Makir ag laki ni Manasis. Si Manasis kay anak ni Husi. 2Taynguna, inda pag manga babayi nag-ati sa sabian Turda Taragbuan ag nagtindug sa atubangan ni Muysis, ni Iliyasar, hanggan sa manga takinan, ag sa buu nasakupan. Magkun ti manga babayi, 3“Namatay kanmi ama ati sa pangawakawaan ud may manga anak lalaki. Dapat namatay siya balaw dahil sa tagasunud siya ni Kura naglaban sa Diyus, nu unman dahil sa kay sadili kasalanan. 4Duraun yi lang aw lugud kay ngaran sa linahi Israil dahil sa unman siya may anak lalaki? Pakan-i diman kami daga parihu sa natanggap nimi manga katawuhan.”
5Nakan sinabi ni Muysis sa Panginuun kanda paghagadun, 6bag-u magkun ti Diyus sa kan Muysis, 7“Tutuu ti pagbagawun manga anak babayi ni Silupihad. Kailangan diman maayawan nimu sida daga parihu sa manga katawuhan nida ama. Pakan-an sa kanda ti para waydi sa kanda ama pag daga.
8“Ag sabihan nimu ti manga Israilita nu mamatay ti usa ka tawu ud may anak lalaki, kailangan ipakaun sa kay anak babayi kay daga. 9Nu unman siya may anak babayi, ipakaun sa kay manga patar-ari lalaki. 10Nu ud waydi gid siya may patar-ari lalaki, ipakaun kay daga sa kay manga bapa sa ama. 11Nu kay ama ud may patar-ari lalaki, ipakaun kay daga sa pinakaarani niya pag katawuhan, ag kay katawuhan ti makaapu tunda. Kailangan inda sundun manga Israilita bilang usa ka mayad pag kasuguan, angay sa kang pag-isugu sa kanmu, Muysis.”
Pinili si Huswi bilang Kaublus ni Muysis
(Diyut. 31:1-8)
12Bag-u magkun ti Panginuun sa kan Muysis, “Pagtukad kawu sa bantud Abarim, alantawa ati ginan ti ipinakaun niku pag daga sa manga Israilita. 13Nu maalantaw yi nimu inda, mamatay yi kawu parihu sa kanmu patar-ari sa kan Aarun. 14Dahil katpung naglaban ti manga Israilita sa kangku ati sa bulbugan pangawakawaan Sin, linabag niyu ni Aarun kang sugu sa pagpakakit niyu kang kadayawan sa kang nasakupan.” (Inda pag bulbugan imaw ti Miriba Kadis,#27:14 Miriba Kadis: ngatay, Miriba sa Kadis. sa pangawakawaan Sin.)
15Magkun si Muysis sa Panginuun, 16“Panginuun, Diyus gimpuunan buhi tanan tawu, pagpili duy mana kawu usa ka tawu manguna sa inda pag manga nasakupan, 17ag manguna sa kanda sa girahan, hampay kanmu nasakupan balaw bumaliw ga manga karanidu unman may manug-alaga.”
18Nakan magkun ti Panginuun sa kan Muysis, “Paataytagan si Huswi kay anak ni Nun, inulianan banal Ispiritu, bag-u ikupa nimu kanmu kamang sa kay ulu. 19Patinduga siya sa atubangan ni manughandug Iliyasar hanggan sa buu nasakupan, ag ipahayag nimu sa kanda siya ti pinili nimu kanmu kailis. 20Ipakaun nimu sa kanya kanmu iba ka katungkulan hampay siya maan ti sundun buu nasyun Israil. 21Sa kan Iliyasar pag maalaman niya kang kagustuhan sa panab-anan paggamit ni Iliyasar Urim#27:21 Urim: Bagay garamitun sa pag-alam sa kagustuhan Diyus. sa kang atubangan. Sa katida pag paraan, mapatigayunan ni Iliyasar si Huswi hanggan ti manga Israilita sa kanda buruwatun.”
22Tinupad ni Muysis ti isinugu Panginuun sa kanya. Ipinatawag niya si Huswi ag ipinatindug sa atubangan ni manughandug Iliyasar hanggan sa buu nasakupan. 23Angay sa isinugu Panginuun sa kanya, ikinupa niya kay kamang sa kan Huswi ag ibinarita si Huswi yi ti mangublus sa kanya.
Currently Selected:
Bilang 27: HNN
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
Bilang 27
27
Kay manga Anak Babayi ni Silupihad
1Si Silupihad may manga anak babayi sida ni Mala, ni Nuwa, ni Hugla, ni Milka, ag ni Tirsa. Si Silupihad anak ni Hipir ag laki ni Gilyad. Si Gilyad kay anak ni Makir ag laki ni Manasis. Si Manasis kay anak ni Husi. 2Taynguna, inda pag manga babayi nag-ati sa sabian Turda Taragbuan ag nagtindug sa atubangan ni Muysis, ni Iliyasar, hanggan sa manga takinan, ag sa buu nasakupan. Magkun ti manga babayi, 3“Namatay kanmi ama ati sa pangawakawaan ud may manga anak lalaki. Dapat namatay siya balaw dahil sa tagasunud siya ni Kura naglaban sa Diyus, nu unman dahil sa kay sadili kasalanan. 4Duraun yi lang aw lugud kay ngaran sa linahi Israil dahil sa unman siya may anak lalaki? Pakan-i diman kami daga parihu sa natanggap nimi manga katawuhan.”
5Nakan sinabi ni Muysis sa Panginuun kanda paghagadun, 6bag-u magkun ti Diyus sa kan Muysis, 7“Tutuu ti pagbagawun manga anak babayi ni Silupihad. Kailangan diman maayawan nimu sida daga parihu sa manga katawuhan nida ama. Pakan-an sa kanda ti para waydi sa kanda ama pag daga.
8“Ag sabihan nimu ti manga Israilita nu mamatay ti usa ka tawu ud may anak lalaki, kailangan ipakaun sa kay anak babayi kay daga. 9Nu unman siya may anak babayi, ipakaun sa kay manga patar-ari lalaki. 10Nu ud waydi gid siya may patar-ari lalaki, ipakaun kay daga sa kay manga bapa sa ama. 11Nu kay ama ud may patar-ari lalaki, ipakaun kay daga sa pinakaarani niya pag katawuhan, ag kay katawuhan ti makaapu tunda. Kailangan inda sundun manga Israilita bilang usa ka mayad pag kasuguan, angay sa kang pag-isugu sa kanmu, Muysis.”
Pinili si Huswi bilang Kaublus ni Muysis
(Diyut. 31:1-8)
12Bag-u magkun ti Panginuun sa kan Muysis, “Pagtukad kawu sa bantud Abarim, alantawa ati ginan ti ipinakaun niku pag daga sa manga Israilita. 13Nu maalantaw yi nimu inda, mamatay yi kawu parihu sa kanmu patar-ari sa kan Aarun. 14Dahil katpung naglaban ti manga Israilita sa kangku ati sa bulbugan pangawakawaan Sin, linabag niyu ni Aarun kang sugu sa pagpakakit niyu kang kadayawan sa kang nasakupan.” (Inda pag bulbugan imaw ti Miriba Kadis,#27:14 Miriba Kadis: ngatay, Miriba sa Kadis. sa pangawakawaan Sin.)
15Magkun si Muysis sa Panginuun, 16“Panginuun, Diyus gimpuunan buhi tanan tawu, pagpili duy mana kawu usa ka tawu manguna sa inda pag manga nasakupan, 17ag manguna sa kanda sa girahan, hampay kanmu nasakupan balaw bumaliw ga manga karanidu unman may manug-alaga.”
18Nakan magkun ti Panginuun sa kan Muysis, “Paataytagan si Huswi kay anak ni Nun, inulianan banal Ispiritu, bag-u ikupa nimu kanmu kamang sa kay ulu. 19Patinduga siya sa atubangan ni manughandug Iliyasar hanggan sa buu nasakupan, ag ipahayag nimu sa kanda siya ti pinili nimu kanmu kailis. 20Ipakaun nimu sa kanya kanmu iba ka katungkulan hampay siya maan ti sundun buu nasyun Israil. 21Sa kan Iliyasar pag maalaman niya kang kagustuhan sa panab-anan paggamit ni Iliyasar Urim#27:21 Urim: Bagay garamitun sa pag-alam sa kagustuhan Diyus. sa kang atubangan. Sa katida pag paraan, mapatigayunan ni Iliyasar si Huswi hanggan ti manga Israilita sa kanda buruwatun.”
22Tinupad ni Muysis ti isinugu Panginuun sa kanya. Ipinatawag niya si Huswi ag ipinatindug sa atubangan ni manughandug Iliyasar hanggan sa buu nasakupan. 23Angay sa isinugu Panginuun sa kanya, ikinupa niya kay kamang sa kan Huswi ag ibinarita si Huswi yi ti mangublus sa kanya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines