Bilang 17
17
Ti Sugkud ni Aarun
1Magkun ti Panginuun sa kan Muysis, 2“Sabihi ti manga Israilita ti kada takinan nida manga lahi pagpakaun sa kanmu usa ka sugkud, ag suratan nida kanda ngaran. Sampulu may duwa tanan ka sugkud. 3Sa lahi ni Libi pag sugkud, isurat kay ngaran ni Aarun. Dahil kailangan may usa ka sugkud sa kada takinan lahi. 4Ipauli ti tanan sugkud sa Turda Taragbuan, sa atubangan Kaban Kasunduan nu naan magpakakit aku sa kanyu ni Aarun. 5Ti mapili niku pag tawu manirbi sa kangku bilang manughandug manalingsing kay sugkud, sa panab-anan inda, umapas yi ti pagriklamu manga Israilita laban sa kanyu ni Aarun.”
6Nakan sinabihan ngani ni Muysis ti manga Israilita, ag ti kada takinan lahi nagpakaun sa kanya sugkud. Sampulu may duwa tanan ka sugkud, dara hanggan kan Aarun. 7Ipinauli ni Muysis ti manga sugkud sa atubangan Panginuun ati sa Turda sa may Kaban Kasunduan.
8Pagka surip, sinmulud si Muysis sa Turda nu naan pag-ipinauli ti Kaban Kasunduan. Ag nakitan niya ati ti sugkud ni Aarun, pinagkabilug lahi ni Libi, nanalingsing, namsang, nanbukul, ag namurak waya lutu almindru. 9Bag-u ipinalwas ni Muysis ti tanan sugkud ag ipinakakit sa tanan Israilita. Binantayan nida inda, ag ti kada takinan lahi bin-ul kanda sugkud.
10Magkun ti Panginuun sa kan Muysis, “Ibalik ti sugkud ni Aarun sa atubangan Kaban Kasunduan hampay bumaliw inda paandam sa manga maglaban kuntay mamatay sida nu balaw umapas sa pagriklamu laban sa kangku.” 11Sinunud ni Muysis ti pag-isugu Panginuun sa kanya.
12Magkun ti manga Israilita sa kan Muysis, “Mamatay yi kami inda tanan! 13Dahil una magpakarani lang ti usa ka tawu sa Turda Panginuun mamatay. Magkaramatay yi lang aw lugud inda kami tanan?”
Currently Selected:
Bilang 17: HNN
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
Bilang 17
17
Ti Sugkud ni Aarun
1Magkun ti Panginuun sa kan Muysis, 2“Sabihi ti manga Israilita ti kada takinan nida manga lahi pagpakaun sa kanmu usa ka sugkud, ag suratan nida kanda ngaran. Sampulu may duwa tanan ka sugkud. 3Sa lahi ni Libi pag sugkud, isurat kay ngaran ni Aarun. Dahil kailangan may usa ka sugkud sa kada takinan lahi. 4Ipauli ti tanan sugkud sa Turda Taragbuan, sa atubangan Kaban Kasunduan nu naan magpakakit aku sa kanyu ni Aarun. 5Ti mapili niku pag tawu manirbi sa kangku bilang manughandug manalingsing kay sugkud, sa panab-anan inda, umapas yi ti pagriklamu manga Israilita laban sa kanyu ni Aarun.”
6Nakan sinabihan ngani ni Muysis ti manga Israilita, ag ti kada takinan lahi nagpakaun sa kanya sugkud. Sampulu may duwa tanan ka sugkud, dara hanggan kan Aarun. 7Ipinauli ni Muysis ti manga sugkud sa atubangan Panginuun ati sa Turda sa may Kaban Kasunduan.
8Pagka surip, sinmulud si Muysis sa Turda nu naan pag-ipinauli ti Kaban Kasunduan. Ag nakitan niya ati ti sugkud ni Aarun, pinagkabilug lahi ni Libi, nanalingsing, namsang, nanbukul, ag namurak waya lutu almindru. 9Bag-u ipinalwas ni Muysis ti tanan sugkud ag ipinakakit sa tanan Israilita. Binantayan nida inda, ag ti kada takinan lahi bin-ul kanda sugkud.
10Magkun ti Panginuun sa kan Muysis, “Ibalik ti sugkud ni Aarun sa atubangan Kaban Kasunduan hampay bumaliw inda paandam sa manga maglaban kuntay mamatay sida nu balaw umapas sa pagriklamu laban sa kangku.” 11Sinunud ni Muysis ti pag-isugu Panginuun sa kanya.
12Magkun ti manga Israilita sa kan Muysis, “Mamatay yi kami inda tanan! 13Dahil una magpakarani lang ti usa ka tawu sa Turda Panginuun mamatay. Magkaramatay yi lang aw lugud inda kami tanan?”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines