Bilang 12
12
Ti Riklamu ni Miryam ag ni Aarun
1Taynguna, pagkadat-an ni Miryam ag ni Aarun si Muysis dahil nakaasawa siya taga Itiyupya.#12:1 taga Itiyupya: sa Hibriyu, taga Kus. ngatay, taga Midyan. 2Magkun sida, “Sa panab-anan lang aw lugud ni Muysis pag maghampang ti Panginuun? Maghampang diman siya sa panab-anan nimi.” Dapat nadnugan inda Panginuun.
3(Si Muysis mapinakumbabaun gid higit sa tanan tawu sa kalibutan.)
4Nakan susun nagbagaw ti Panginuun sa kan Muysis, hanggan sa kan Aarun, ag sa kan Miryam, “Pagluwas kamu tulu ag pag-ati sa Turda Taragbuan.” Nakan nagluwas ngani sida tulu ag nag-ati sa Turda. 5Bag-u nagdugsun ti Panginuun sa panab-anan rurum ga tulduk nagtindug sa sabian Turda Taragbuan ag tinawag si Aarun hanggan si Miryam. Pagka napakarani ti duwa, 6magkun ti Panginuun, “Pagpatingi kamu! Nu may purupita aku asan sa kanyu, maghampang aku sa kanya sa panab-anan pangakakitun hanggan tagin-up. 7Dapat balaw katida aku nu maghampang sa kan Muysis sa kang suruguun, masarigan pag takinan niku tanan nasakupan. 8Nu maghampang aku sa kanya, ga mag-aratubangan diman kami dahil kang pagbagawun sa kanya magkasalman gid mayad ag balaw sa pahalimbawa. Ga mag-akitan niya aku. Nakan hayga kamu unman gid magkadala magbagaw daut laban sa kang suruguun sa kan Muysis?”
9Nagalit gid ti Panginuun sa kanda, nakan nighit siya. 10Pagka nighit yi ti rurum sa babaw Turda, susun tinubuan si Miryam dilikadu pag sakit sa lukub,#12:10 dilikadu pag sakit sa lukub: Bantayi ti footnote sa 5:2. ag nanlagti kay lukub. Pagka nakakit si Aarun sa kanya, 11magkun si Aarun sa kan Muysis, “Magpakisuyu aku sa kanmu, danga kami pagparusahi nimu dahil sa nabwat nimi kasalanan. 12Danga pagpahintuluti nimu si Miryam bumaliw parihu sa usa ka anak ilinusad tigbak, kay katunga bilug buyuk yi.”
13Nakan nanuyu si Muysis sa Panginuun, “Diyus niku, magpakihampang aku sa kanmu, paayada nimu si Miryam.” 14Nagsagut ti Panginuun sa kan Muysis, “Unman aw nu bug-anan siya niya ama sa uyahun hampay pakay-ahun agwantahun niya ti kakay-ahan sa sulud pitu ka sirang? Nakan palwasan siya sa kampu sa sulud pitu ka sirang; pagkatapus pitu ka sirang, mahimu yi siya makabalik.”
15Nakan ipinalwas ngani si Miryam sa kampu sa sulud pitu ka sirang. Ti manga tawu unman nagparargu sa maglakaw tugka sa ud nakabalik si Miryam sa kampu. 16Igu natapus tunda, nighit sida sa Hasirut, ag kinmampu sa pangawakawaan Paran.
Currently Selected:
Bilang 12: HNN
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
Bilang 12
12
Ti Riklamu ni Miryam ag ni Aarun
1Taynguna, pagkadat-an ni Miryam ag ni Aarun si Muysis dahil nakaasawa siya taga Itiyupya.#12:1 taga Itiyupya: sa Hibriyu, taga Kus. ngatay, taga Midyan. 2Magkun sida, “Sa panab-anan lang aw lugud ni Muysis pag maghampang ti Panginuun? Maghampang diman siya sa panab-anan nimi.” Dapat nadnugan inda Panginuun.
3(Si Muysis mapinakumbabaun gid higit sa tanan tawu sa kalibutan.)
4Nakan susun nagbagaw ti Panginuun sa kan Muysis, hanggan sa kan Aarun, ag sa kan Miryam, “Pagluwas kamu tulu ag pag-ati sa Turda Taragbuan.” Nakan nagluwas ngani sida tulu ag nag-ati sa Turda. 5Bag-u nagdugsun ti Panginuun sa panab-anan rurum ga tulduk nagtindug sa sabian Turda Taragbuan ag tinawag si Aarun hanggan si Miryam. Pagka napakarani ti duwa, 6magkun ti Panginuun, “Pagpatingi kamu! Nu may purupita aku asan sa kanyu, maghampang aku sa kanya sa panab-anan pangakakitun hanggan tagin-up. 7Dapat balaw katida aku nu maghampang sa kan Muysis sa kang suruguun, masarigan pag takinan niku tanan nasakupan. 8Nu maghampang aku sa kanya, ga mag-aratubangan diman kami dahil kang pagbagawun sa kanya magkasalman gid mayad ag balaw sa pahalimbawa. Ga mag-akitan niya aku. Nakan hayga kamu unman gid magkadala magbagaw daut laban sa kang suruguun sa kan Muysis?”
9Nagalit gid ti Panginuun sa kanda, nakan nighit siya. 10Pagka nighit yi ti rurum sa babaw Turda, susun tinubuan si Miryam dilikadu pag sakit sa lukub,#12:10 dilikadu pag sakit sa lukub: Bantayi ti footnote sa 5:2. ag nanlagti kay lukub. Pagka nakakit si Aarun sa kanya, 11magkun si Aarun sa kan Muysis, “Magpakisuyu aku sa kanmu, danga kami pagparusahi nimu dahil sa nabwat nimi kasalanan. 12Danga pagpahintuluti nimu si Miryam bumaliw parihu sa usa ka anak ilinusad tigbak, kay katunga bilug buyuk yi.”
13Nakan nanuyu si Muysis sa Panginuun, “Diyus niku, magpakihampang aku sa kanmu, paayada nimu si Miryam.” 14Nagsagut ti Panginuun sa kan Muysis, “Unman aw nu bug-anan siya niya ama sa uyahun hampay pakay-ahun agwantahun niya ti kakay-ahan sa sulud pitu ka sirang? Nakan palwasan siya sa kampu sa sulud pitu ka sirang; pagkatapus pitu ka sirang, mahimu yi siya makabalik.”
15Nakan ipinalwas ngani si Miryam sa kampu sa sulud pitu ka sirang. Ti manga tawu unman nagparargu sa maglakaw tugka sa ud nakabalik si Miryam sa kampu. 16Igu natapus tunda, nighit sida sa Hasirut, ag kinmampu sa pangawakawaan Paran.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines