Bilang 10
10
Ti manga Turumpita Pilak
1Magkun ti Panginuun sa kan Muysis, 2“Pagpabuwat kawu duwa ka turumpita pilak, inda kanmu gamitun hampay tipunun ti manga tawu ag ialistu sida sa paglakaw. 3Nu sabay ipatunug ti duwa ka turumpita, maniripnan ti buu nasakupan sa may sabian Turda Taragbuan. 4Nu kay lang usa ti ipatunug, ti manga takinan lang kada lahi ti maniripnan sa kanmu atubangan. 5Nu patunugun ti turumpita hampay ialistu ti manga tawu sa paglakaw, ti manga lahi sa butlakan baliwa Turda ti umuna lumakaw. 6Sa ikadwa pag tunug turumpita, ti lahi waydi sa salatan baliwa Turda ti umuna lumakaw. Inda pag tunug imaw ti magsabi magkalakaw yi sida. 7Dapat tuhay pag tunug turumpita nu tipunun sida.
8“Ti manga magtal-anakan lang ni Aarun pag manga manughandug ti pumatnug manga turumpita. Inda pag manga surundanun kailangan niyu sundun hanggan niyu manga magtal-anakan hanggan waya aban.
9“Nu ati yi kamu sa kanyu kadagaan, ag lumaban yi kamu sa manga kalaban nag-api sa kanyu, patnuga niyu kanyu turumpita hampay aku, ti Panginuun niyu Diyus, alalahanun niku kamu, ag iribri sa kanyu manga kalaban. 10Sa udas magsaya niyu — sa kanyu pag-alaala sa kapistahan, hanggan sa Pista Lapus Lati#10:10 Pista Lapus Lati: Bantayi sa listahan manga bagaw sa dayu. — patnugun diman niyu ti manga turumpita nu maghayin kamu manga handug pagsunugun hanggan handug tungkul sa mayad pag pakiusa. Ti manga turumpita ti magpaalaala sa kangku sa kang taratu sa kanyu. Aku, ti Panginuun niyu Diyus.”
Nighit ti manga Israilita sa Sinai
11Pagka sa ika-20 pag sirang sa ikadwa pag bulan, sa ikadwa pag timpu katpung ipinalwas ti manga Israilita ginan sa Ihiptu, napaabwat ti rurum ginan sa Turda Tiripnan. 12Nighit ti manga Israilita sa pangawakawaan Sinai ag naparargu kanda lakaw tugka sa nagpat-ung ti rurum sa Paran pag pangawakawaan. 13Inda kanda un-an naglakaw nagsunud angay sa sugu Panginuun sa kan Muysis. 14Ti un-an naglakaw pag gurupu dara kanda bandira ti lahi ni Huda pagpangunahan ni Nashun kay anak ni Aminadab. 15Kan Isakar pag lahi pagpangunahan ni Natanyil anak ni Suwar, 16ti lahi ni Sabulun pagpangunahan ni Ilyab anak ni Hilun.
17Igu nalubad ti Turda Tiripnan, ti nagdara manga magtal-anakan ni Girsun hanggan kay magtal-anakan ni Mirari, ag dasun sida linmakaw.
18Ti dasun linmakaw dara kanda bandira ti gurupu pagpangunahan lahi ni Rubin. Kanda takinan si Ilisur anak ni Sidiyur. 19Kan Simyun pag lahi pagpangunahan ni Silumyil anak ni Surisaday, 20kan Gad pag lahi pagpangunahan ni Iliyasap anak ni Diyuwil.
21Bag-u dinmasun ti magtal-anakan ni Kuhat may dara manga banal pag kagamitan Turda. Kailangan nipatindug yi ti Turda bag-u sida rumas-ug sa kanda kampuhan pag rugar.
22Ti dasun linmakaw dara kanda bandira ti gurupu pagpangunahan lahi ni Ipraim. Kanda takinan si Ilisama anak ni Amihud. 23Kan Manasis pag lahi pagpangunahan ni Gamalyil anak ni Pidasur, 24kan Binhamin pag lahi pagpangunahan ni Abidan anak ni Gidyuni.
25Ti pinaka-uryan linmakaw dara kanda bandira ti gurupu pagpangunahan lahi ni Dan. Sida ti manga guwardiya sa dayuan tanan gurupu. Kanda takinan si Ayisir anak ni Amisaday. 26Bag-u kan Asir pag lahi pagpangunahan ni Pagiyil anak ni Ukran, 27ag kan Niptali pag lahi pagpangunahan ni Ahira anak ni Inan.
28Katida ti pagkasunud-sunud manga linahi ni Israil sa kanda magkarabanan maglakaw. 29Bag-u magkun si Muysis sa kay bayaw sa kan Hubab anak ni Ruwil taga Midyan, “Maglakaw yi kami atabug sa rugar itinaratu Panginuun ipakaun niya sa kanmi. Nakan pagkuyug kawu sa kanmi, balaw nimi kawu pabay-anan, dahil nanaratu ti Panginuun papaladan niya ti Israil.” 30Nagsagut si Hubab, “Dayu duy aku! Muli lang aku sa kang banwa hanggan sa kang katawuhan.” 31Magkun si Muysis, “Nu mahimu, danga kawu magpablag sa kanmi. Kawu ti may alam nu naan ti mayad pag rugar sa pangawakawaan kanmi kampuhan. 32Nu kumuyug kawu sa kanmi, pakan-an di nimi kawu tanan papalad ipakaun Panginuun.”
33Nakan nighit ngani sida ginan sa bantud Panginuun, naglakaw sa sulud tulu ka sirang. Mag-una sa kanda ti Kaban Kasunduan hampay manhanap rugar kanda mapaharyan. 34Nu sirang sa kanda maglakaw ti rurum Panginuun sa kanda tungud. 35Kada pagdarahun nida ti Kaban Kasunduan, indaay kay pagsabihun ni Muysis, “Panginuun, kawu duy ti pag-una ag wayaka nimu kanmu manga kalaban. Mana manlinayas sida.” 36Ag nu pag-ipat-ung maan ti Kaban Kasunduan, magkumun maan si Muysis, “Panginuun, pagsitay yi duy kawu ag asikasuha nimu ti kayamuan nasakupan Israil.”
Currently Selected:
Bilang 10: HNN
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
Bilang 10
10
Ti manga Turumpita Pilak
1Magkun ti Panginuun sa kan Muysis, 2“Pagpabuwat kawu duwa ka turumpita pilak, inda kanmu gamitun hampay tipunun ti manga tawu ag ialistu sida sa paglakaw. 3Nu sabay ipatunug ti duwa ka turumpita, maniripnan ti buu nasakupan sa may sabian Turda Taragbuan. 4Nu kay lang usa ti ipatunug, ti manga takinan lang kada lahi ti maniripnan sa kanmu atubangan. 5Nu patunugun ti turumpita hampay ialistu ti manga tawu sa paglakaw, ti manga lahi sa butlakan baliwa Turda ti umuna lumakaw. 6Sa ikadwa pag tunug turumpita, ti lahi waydi sa salatan baliwa Turda ti umuna lumakaw. Inda pag tunug imaw ti magsabi magkalakaw yi sida. 7Dapat tuhay pag tunug turumpita nu tipunun sida.
8“Ti manga magtal-anakan lang ni Aarun pag manga manughandug ti pumatnug manga turumpita. Inda pag manga surundanun kailangan niyu sundun hanggan niyu manga magtal-anakan hanggan waya aban.
9“Nu ati yi kamu sa kanyu kadagaan, ag lumaban yi kamu sa manga kalaban nag-api sa kanyu, patnuga niyu kanyu turumpita hampay aku, ti Panginuun niyu Diyus, alalahanun niku kamu, ag iribri sa kanyu manga kalaban. 10Sa udas magsaya niyu — sa kanyu pag-alaala sa kapistahan, hanggan sa Pista Lapus Lati#10:10 Pista Lapus Lati: Bantayi sa listahan manga bagaw sa dayu. — patnugun diman niyu ti manga turumpita nu maghayin kamu manga handug pagsunugun hanggan handug tungkul sa mayad pag pakiusa. Ti manga turumpita ti magpaalaala sa kangku sa kang taratu sa kanyu. Aku, ti Panginuun niyu Diyus.”
Nighit ti manga Israilita sa Sinai
11Pagka sa ika-20 pag sirang sa ikadwa pag bulan, sa ikadwa pag timpu katpung ipinalwas ti manga Israilita ginan sa Ihiptu, napaabwat ti rurum ginan sa Turda Tiripnan. 12Nighit ti manga Israilita sa pangawakawaan Sinai ag naparargu kanda lakaw tugka sa nagpat-ung ti rurum sa Paran pag pangawakawaan. 13Inda kanda un-an naglakaw nagsunud angay sa sugu Panginuun sa kan Muysis. 14Ti un-an naglakaw pag gurupu dara kanda bandira ti lahi ni Huda pagpangunahan ni Nashun kay anak ni Aminadab. 15Kan Isakar pag lahi pagpangunahan ni Natanyil anak ni Suwar, 16ti lahi ni Sabulun pagpangunahan ni Ilyab anak ni Hilun.
17Igu nalubad ti Turda Tiripnan, ti nagdara manga magtal-anakan ni Girsun hanggan kay magtal-anakan ni Mirari, ag dasun sida linmakaw.
18Ti dasun linmakaw dara kanda bandira ti gurupu pagpangunahan lahi ni Rubin. Kanda takinan si Ilisur anak ni Sidiyur. 19Kan Simyun pag lahi pagpangunahan ni Silumyil anak ni Surisaday, 20kan Gad pag lahi pagpangunahan ni Iliyasap anak ni Diyuwil.
21Bag-u dinmasun ti magtal-anakan ni Kuhat may dara manga banal pag kagamitan Turda. Kailangan nipatindug yi ti Turda bag-u sida rumas-ug sa kanda kampuhan pag rugar.
22Ti dasun linmakaw dara kanda bandira ti gurupu pagpangunahan lahi ni Ipraim. Kanda takinan si Ilisama anak ni Amihud. 23Kan Manasis pag lahi pagpangunahan ni Gamalyil anak ni Pidasur, 24kan Binhamin pag lahi pagpangunahan ni Abidan anak ni Gidyuni.
25Ti pinaka-uryan linmakaw dara kanda bandira ti gurupu pagpangunahan lahi ni Dan. Sida ti manga guwardiya sa dayuan tanan gurupu. Kanda takinan si Ayisir anak ni Amisaday. 26Bag-u kan Asir pag lahi pagpangunahan ni Pagiyil anak ni Ukran, 27ag kan Niptali pag lahi pagpangunahan ni Ahira anak ni Inan.
28Katida ti pagkasunud-sunud manga linahi ni Israil sa kanda magkarabanan maglakaw. 29Bag-u magkun si Muysis sa kay bayaw sa kan Hubab anak ni Ruwil taga Midyan, “Maglakaw yi kami atabug sa rugar itinaratu Panginuun ipakaun niya sa kanmi. Nakan pagkuyug kawu sa kanmi, balaw nimi kawu pabay-anan, dahil nanaratu ti Panginuun papaladan niya ti Israil.” 30Nagsagut si Hubab, “Dayu duy aku! Muli lang aku sa kang banwa hanggan sa kang katawuhan.” 31Magkun si Muysis, “Nu mahimu, danga kawu magpablag sa kanmi. Kawu ti may alam nu naan ti mayad pag rugar sa pangawakawaan kanmi kampuhan. 32Nu kumuyug kawu sa kanmi, pakan-an di nimi kawu tanan papalad ipakaun Panginuun.”
33Nakan nighit ngani sida ginan sa bantud Panginuun, naglakaw sa sulud tulu ka sirang. Mag-una sa kanda ti Kaban Kasunduan hampay manhanap rugar kanda mapaharyan. 34Nu sirang sa kanda maglakaw ti rurum Panginuun sa kanda tungud. 35Kada pagdarahun nida ti Kaban Kasunduan, indaay kay pagsabihun ni Muysis, “Panginuun, kawu duy ti pag-una ag wayaka nimu kanmu manga kalaban. Mana manlinayas sida.” 36Ag nu pag-ipat-ung maan ti Kaban Kasunduan, magkumun maan si Muysis, “Panginuun, pagsitay yi duy kawu ag asikasuha nimu ti kayamuan nasakupan Israil.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines