Libitiku 2
2
Handug Pasalamat sa Panginuun
1Nu may manhandug handug pasalamat sa Panginuun, gamitun niya ti marinu pag kalasi arina ag paulian niya inda lana ulibu hanggan kamangyan. 2Darahun niya tunda sa manga manughandug lahi ni Aarun. Bag-u bul-an manughandug usa ka akup ti mininsan arina hanggan lana, ag sunugun niya inda sa harandugan kaibahan ti tanan kamangyan inamut sa arina. Sunugun niya tunda bilang pag-alaala sa Panginuun. Kay hungaw tunda pag handug sa panab-anan apuy#2:2 handug sa panab-anan apuy: Balaw malinaw kay ibug sabihun sa bagaw Hibriyu. Dapat makitan sa manga paggamitun pag manga bibliya inda pag bagaw para sa tuhay-tuhay manga handug. Pag-ingarnan diman inda “karan-unun Diyus” sa Lib. 21:6, 21; Bil. 28:2. makapasulung gid sa Panginuun. 3Ti nasawad pag arina para yi sa kanda ni Aarun hanggan sa kay manga lahi, banal gid inda dahil bahagi inda handug sa panab-anan apuy para sa Panginuun.
4Nu may manhandug tinapay tinama sa pugun bilang handug pasalamat, kailangan buwat inda ginan sa marinu pag kalasi arina ag balaw pinaulian pamadaka. Mahimu yi ihandug ti madamul pag tinapay may lakay lana ngatay ti manipis pag tinapay pinayidan lana.
5Nu ti ihandug pag tinapay tinama sa sartin,#2:5 sartin: Mag-ikbit inda sa kawali, dapat manipis lang inda. Taramaan tinapay kaybi pag panahun, katunda diman sa talata 7. kailangan buwat inda ginan sa marinu pag kalasi arina may lakay lana, dapat balaw may lakay pamadaka. 6Pika-pikahun tunda ag paulian lana. Handug tunda bilang pasalamat.
7Nu ti ihandug pag tinapay tinama sa sartin, kailangan binwat diman tunda ginan sa marinu pag kalasi arina may lakay lana.
8Daraha inda pag kalasi handug sa manughandug hampay ihandug sa Panginuun ati sa harandugan. 9Bawasan tunda manughandug, ag ti binawas sunugun niya sa harandugan bilang pag-alaala sa Panginuun. Kay hungaw tunda pag handug sa panab-anan apuy makapasulung gid sa Panginuun. 10Ti nasawad sa tunda pag handug para yi sa kan Aarun hanggan sa kay manga lahi, banal gid tunda dahil bahagi tunda handug sa panab-anan apuy ihinandug para sa Panginuun.
11Ti tanan handug pasalamat sa Panginuun kailangan unman may pamadaka, dahil balaw dapat kamu magsunug may pamadaka ngatay daykut sa kanyu maghandug sa panab-anan apuy para sa Panginuun. 12Mahimu niyu ihandug ti may pamadaka ngatay daykut bilang handug ginan sa un-an niyu bahagi inani, dapat danga niyu inda pagsunuga sa harandugan. 13Asini niyu ti tanan handug pasalamat, dahil ti asin tanda niyu unman may katapusan pag kasunduan sa Diyus. Asini ti tanan niyu handug.
14Nu manhandug kamu ginan sa kanyu un-an ani bilang pasalamat sa Panginuun, paghandug kamu ginaling pag manga butir sinanglay. 15Paulian niyu tunda lana hanggan kamangyan. Handug tunda bilang pasalamat. 16Sunugun manughandug ti iba ka ginaling may lana, kaibahan ti tanan kamangyan ipinauli ati sa ginaling, bilang pag-alaala sa Panginuun. Tunda handug sa panab-anan apuy para sa Panginuun.
Currently Selected:
Libitiku 2: HNN
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
Libitiku 2
2
Handug Pasalamat sa Panginuun
1Nu may manhandug handug pasalamat sa Panginuun, gamitun niya ti marinu pag kalasi arina ag paulian niya inda lana ulibu hanggan kamangyan. 2Darahun niya tunda sa manga manughandug lahi ni Aarun. Bag-u bul-an manughandug usa ka akup ti mininsan arina hanggan lana, ag sunugun niya inda sa harandugan kaibahan ti tanan kamangyan inamut sa arina. Sunugun niya tunda bilang pag-alaala sa Panginuun. Kay hungaw tunda pag handug sa panab-anan apuy#2:2 handug sa panab-anan apuy: Balaw malinaw kay ibug sabihun sa bagaw Hibriyu. Dapat makitan sa manga paggamitun pag manga bibliya inda pag bagaw para sa tuhay-tuhay manga handug. Pag-ingarnan diman inda “karan-unun Diyus” sa Lib. 21:6, 21; Bil. 28:2. makapasulung gid sa Panginuun. 3Ti nasawad pag arina para yi sa kanda ni Aarun hanggan sa kay manga lahi, banal gid inda dahil bahagi inda handug sa panab-anan apuy para sa Panginuun.
4Nu may manhandug tinapay tinama sa pugun bilang handug pasalamat, kailangan buwat inda ginan sa marinu pag kalasi arina ag balaw pinaulian pamadaka. Mahimu yi ihandug ti madamul pag tinapay may lakay lana ngatay ti manipis pag tinapay pinayidan lana.
5Nu ti ihandug pag tinapay tinama sa sartin,#2:5 sartin: Mag-ikbit inda sa kawali, dapat manipis lang inda. Taramaan tinapay kaybi pag panahun, katunda diman sa talata 7. kailangan buwat inda ginan sa marinu pag kalasi arina may lakay lana, dapat balaw may lakay pamadaka. 6Pika-pikahun tunda ag paulian lana. Handug tunda bilang pasalamat.
7Nu ti ihandug pag tinapay tinama sa sartin, kailangan binwat diman tunda ginan sa marinu pag kalasi arina may lakay lana.
8Daraha inda pag kalasi handug sa manughandug hampay ihandug sa Panginuun ati sa harandugan. 9Bawasan tunda manughandug, ag ti binawas sunugun niya sa harandugan bilang pag-alaala sa Panginuun. Kay hungaw tunda pag handug sa panab-anan apuy makapasulung gid sa Panginuun. 10Ti nasawad sa tunda pag handug para yi sa kan Aarun hanggan sa kay manga lahi, banal gid tunda dahil bahagi tunda handug sa panab-anan apuy ihinandug para sa Panginuun.
11Ti tanan handug pasalamat sa Panginuun kailangan unman may pamadaka, dahil balaw dapat kamu magsunug may pamadaka ngatay daykut sa kanyu maghandug sa panab-anan apuy para sa Panginuun. 12Mahimu niyu ihandug ti may pamadaka ngatay daykut bilang handug ginan sa un-an niyu bahagi inani, dapat danga niyu inda pagsunuga sa harandugan. 13Asini niyu ti tanan handug pasalamat, dahil ti asin tanda niyu unman may katapusan pag kasunduan sa Diyus. Asini ti tanan niyu handug.
14Nu manhandug kamu ginan sa kanyu un-an ani bilang pasalamat sa Panginuun, paghandug kamu ginaling pag manga butir sinanglay. 15Paulian niyu tunda lana hanggan kamangyan. Handug tunda bilang pasalamat. 16Sunugun manughandug ti iba ka ginaling may lana, kaibahan ti tanan kamangyan ipinauli ati sa ginaling, bilang pag-alaala sa Panginuun. Tunda handug sa panab-anan apuy para sa Panginuun.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines