Romye 5
5
Ɗoltə ka hanɨngtə
1Ɓəgəng Həmɨnpwa sawuɗam dɨ ha mwadiyale, gə-angɨn hɨm nə ka nzaa ɗoltə ɓwaa kan dɨ haka Həmɨmiye dam Yesu Ma Həmɨnpwa a Yaɓwarən. 2Dɨ hakan hɨm a ɗɨməm a pɨrə vor wuladəha da Həmɨnpwa di ha mwadiyale, a hɨm a gəmə vorsən ɓəgəng. Hɨm nə dɨ jeli kan gələ bəə myente hɨm a gəm kaarə a nə fukatɨ dan. 3Aa angɨn nə ɓəmbə, hɨm nə dɨ məndaranye a vor tənətɨnə dam, gəkɨlə tənətɨngɨn a dɨ shi ka miye ka ɓwamosowe, 4ɓwamosowe mgban a dɨ shikam ka tikɨstə, tikɨstə mgban a dɨ shi ka bəə myentə. 5Bəə myente hɨm a gəm kaarə aa dɨ vəm sopye gəkɨlə Həmɨnpwa pukam mwoha a hubosəm dɨ haka Pitɨ Ɗəmɗəmte nda və miye.
6Zə niyəm ko, Ma Həmɨnpwa a Yaɓwarən a mbɨrə gə le da ji-ɗa səhase a fəra Həmɨnpwa a kana, a ite taa mbarəti kam. 7Ɓa o ama a mwa a mbɨrə gə le da ma pepeye, ndəng mgban ama ɓa mwamdiya a mbɨrə gə le da nzə-ɗa səfeme. 8Yangnə Həmɨnpwa a bɨləm mwoha dan, ite hɨm nə ɓɨla a vor səhase dam, Ma Həmɨnpwa a Yaɓwarən a mbɨrə gə le dam. 9Gələ Həmɨnpwa a sawuɗam dɨ ha zaambə Yesu, ɓə ya hɨm aa dɨ ɗɨməm mbətə gə yedi-kɨtta Həmɨnpwa dɨ hakan? 10Gələ anda a ite hɨm nə ji-nyaagə Həmɨnpwa, ɓəgəng mye mɨnadəm a hakan dɨ ha we da nzəngɨn, ɓə ya hɨm aa dɨ ɗɨməm mbətə dɨ ha myente nzəngɨn a gə kaara? 11Aa angɨn nə mba-mba, shezə Həmɨnpwa a ɗɨkəm hanɨngtə a hubosəm gələ mya ɗɨməm mɨnatə a hakan dɨ haka Həmɨmiye dam Yesu Ma Həmɨnpwa a Yaɓwarən.
We a shi dɨ haka Adamu, myentə a shi dɨ haka Ma Həmɨnpwa a Yaɓwarən
12Gə-angɨn, ɓətɨya səhase a pɨra a vor vɨratə dɨ haka ɓwaara hiɗə, we a kwaɗa beetɨ səhase a pɨra a vɨratə, gə ləngɨn mgban ɓwaare kat a nza nə we. Gəkɨlə ɓwaare kat ji-ɗa səhasə – 13səhase nee a vɨratə a ite Həmɨnpwa aa nda və Musa ɓashitɨ dan, shezə Həmɨnpwa aawa salə səhase a ite taa ɓashiti də. 14Kat ka angɨn, ɓwaare kat a nza nə we a nzata Adamu baa dɨmə nzata Musa, kat ka myee aa ɗa wule səhasa Adamu a ɗa a ite nda ɓiya ɓashita Həmɨnpwa. Adamu, pasagə ma ɓaga shi vor vɨratə nə.
15Mingɨn dɨ kpeyə (a Adamu ka Yesu) tənə som-som, gəkɨlə wulate Həmɨnpwa a wula ka ɓwaare a nggurərəngə səhase darən nə som ka lyentɨ hatte Adamu a ɗa. Anda gəkɨlə səhase da ɓwaara hiɗə ɓwaare hananang a mbərə, ɓə ya gə le da ɓwaara hiɗə a ndi Yesu Ma Həmɨnpwa a Yaɓwarən, ɓwaare hananang aa dɨ ɗɨm həmte shi dɨ ha wuladəha da Həmɨnpwa? 16Mɨni ɓə həmte Həmɨnpwa a vədə aa gələ səhase da ɓwaara hiɗə. Ɓashitə a kwaɗa beetɨ səhase da Adamu ndi hiɗəsən a shi ka ɓashitɨ we. Shezə həmtɨngɨn a kwaɗa səhasa ɓwaare a ɗa hananang, dɨ hangɨn mgban Həmɨnpwa a sawuɗa ɓwaare. 17Anda səhase da ɓwaara hiɗə nə ɓa ɗɨkdə ɓwaare kat təna nza nə we, ɓə ya myee luu wuladəha gbake da Həmɨnpwa ka həmtɨ pepetɨ dan aa dɨ nza vor nɨngtɨ myente dɨ haka ɓwaara hiɗə a ndi Yesu Ma Həmɨnpwa a Yaɓwarən?
18Gə-angɨn, naya səhasa dɨ haka ɓwaara hiɗə a ɗɨkdə ɓwaare kat a ɓashitɨ we, sə mgban lyentɨ pepeta ɓwaara hiɗə a ɗɨkə ɓwaare kat təna ɗɨm sawuɗaha shi ka myentə. 19Ɓətɨya gələ ɗongə koddə ləme da ɓwaara hiɗə, ɓwaare hananang a gə vor səhase, sə mgban gələ koddə ləme da ɓwaara hiɗə, ɓwaare hananang a gəə mi pepeyi a humwa Həmɨnpwa. 20Həmɨnpwa a pɨradə ɓashita Musa gələ ɓwaare a naa səhase bwang, shezə haa səhase a gbakə də, wuladəha da Həmɨnpwa a dɨ gbakə a pɨrə. 21Həmɨnpwa a ɗaasə, gə ɓətɨya səhase a shi ka we nda gə nə miye, sə mgban wuladəha dan a shi ka pepetə ngga gə nə miye. Angɨn a shikam ka myente kaaru-kaaru dɨ haka Yesu ndi Həmɨmiye dam Ma Həmɨnpwa a Yaɓwarən.
Currently Selected:
Romye 5: bcy
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Romye 5
5
Ɗoltə ka hanɨngtə
1Ɓəgəng Həmɨnpwa sawuɗam dɨ ha mwadiyale, gə-angɨn hɨm nə ka nzaa ɗoltə ɓwaa kan dɨ haka Həmɨmiye dam Yesu Ma Həmɨnpwa a Yaɓwarən. 2Dɨ hakan hɨm a ɗɨməm a pɨrə vor wuladəha da Həmɨnpwa di ha mwadiyale, a hɨm a gəmə vorsən ɓəgəng. Hɨm nə dɨ jeli kan gələ bəə myente hɨm a gəm kaarə a nə fukatɨ dan. 3Aa angɨn nə ɓəmbə, hɨm nə dɨ məndaranye a vor tənətɨnə dam, gəkɨlə tənətɨngɨn a dɨ shi ka miye ka ɓwamosowe, 4ɓwamosowe mgban a dɨ shikam ka tikɨstə, tikɨstə mgban a dɨ shi ka bəə myentə. 5Bəə myente hɨm a gəm kaarə aa dɨ vəm sopye gəkɨlə Həmɨnpwa pukam mwoha a hubosəm dɨ haka Pitɨ Ɗəmɗəmte nda və miye.
6Zə niyəm ko, Ma Həmɨnpwa a Yaɓwarən a mbɨrə gə le da ji-ɗa səhase a fəra Həmɨnpwa a kana, a ite taa mbarəti kam. 7Ɓa o ama a mwa a mbɨrə gə le da ma pepeye, ndəng mgban ama ɓa mwamdiya a mbɨrə gə le da nzə-ɗa səfeme. 8Yangnə Həmɨnpwa a bɨləm mwoha dan, ite hɨm nə ɓɨla a vor səhase dam, Ma Həmɨnpwa a Yaɓwarən a mbɨrə gə le dam. 9Gələ Həmɨnpwa a sawuɗam dɨ ha zaambə Yesu, ɓə ya hɨm aa dɨ ɗɨməm mbətə gə yedi-kɨtta Həmɨnpwa dɨ hakan? 10Gələ anda a ite hɨm nə ji-nyaagə Həmɨnpwa, ɓəgəng mye mɨnadəm a hakan dɨ ha we da nzəngɨn, ɓə ya hɨm aa dɨ ɗɨməm mbətə dɨ ha myente nzəngɨn a gə kaara? 11Aa angɨn nə mba-mba, shezə Həmɨnpwa a ɗɨkəm hanɨngtə a hubosəm gələ mya ɗɨməm mɨnatə a hakan dɨ haka Həmɨmiye dam Yesu Ma Həmɨnpwa a Yaɓwarən.
We a shi dɨ haka Adamu, myentə a shi dɨ haka Ma Həmɨnpwa a Yaɓwarən
12Gə-angɨn, ɓətɨya səhase a pɨra a vor vɨratə dɨ haka ɓwaara hiɗə, we a kwaɗa beetɨ səhase a pɨra a vɨratə, gə ləngɨn mgban ɓwaare kat a nza nə we. Gəkɨlə ɓwaare kat ji-ɗa səhasə – 13səhase nee a vɨratə a ite Həmɨnpwa aa nda və Musa ɓashitɨ dan, shezə Həmɨnpwa aawa salə səhase a ite taa ɓashiti də. 14Kat ka angɨn, ɓwaare kat a nza nə we a nzata Adamu baa dɨmə nzata Musa, kat ka myee aa ɗa wule səhasa Adamu a ɗa a ite nda ɓiya ɓashita Həmɨnpwa. Adamu, pasagə ma ɓaga shi vor vɨratə nə.
15Mingɨn dɨ kpeyə (a Adamu ka Yesu) tənə som-som, gəkɨlə wulate Həmɨnpwa a wula ka ɓwaare a nggurərəngə səhase darən nə som ka lyentɨ hatte Adamu a ɗa. Anda gəkɨlə səhase da ɓwaara hiɗə ɓwaare hananang a mbərə, ɓə ya gə le da ɓwaara hiɗə a ndi Yesu Ma Həmɨnpwa a Yaɓwarən, ɓwaare hananang aa dɨ ɗɨm həmte shi dɨ ha wuladəha da Həmɨnpwa? 16Mɨni ɓə həmte Həmɨnpwa a vədə aa gələ səhase da ɓwaara hiɗə. Ɓashitə a kwaɗa beetɨ səhase da Adamu ndi hiɗəsən a shi ka ɓashitɨ we. Shezə həmtɨngɨn a kwaɗa səhasa ɓwaare a ɗa hananang, dɨ hangɨn mgban Həmɨnpwa a sawuɗa ɓwaare. 17Anda səhase da ɓwaara hiɗə nə ɓa ɗɨkdə ɓwaare kat təna nza nə we, ɓə ya myee luu wuladəha gbake da Həmɨnpwa ka həmtɨ pepetɨ dan aa dɨ nza vor nɨngtɨ myente dɨ haka ɓwaara hiɗə a ndi Yesu Ma Həmɨnpwa a Yaɓwarən?
18Gə-angɨn, naya səhasa dɨ haka ɓwaara hiɗə a ɗɨkdə ɓwaare kat a ɓashitɨ we, sə mgban lyentɨ pepeta ɓwaara hiɗə a ɗɨkə ɓwaare kat təna ɗɨm sawuɗaha shi ka myentə. 19Ɓətɨya gələ ɗongə koddə ləme da ɓwaara hiɗə, ɓwaare hananang a gə vor səhase, sə mgban gələ koddə ləme da ɓwaara hiɗə, ɓwaare hananang a gəə mi pepeyi a humwa Həmɨnpwa. 20Həmɨnpwa a pɨradə ɓashita Musa gələ ɓwaare a naa səhase bwang, shezə haa səhase a gbakə də, wuladəha da Həmɨnpwa a dɨ gbakə a pɨrə. 21Həmɨnpwa a ɗaasə, gə ɓətɨya səhase a shi ka we nda gə nə miye, sə mgban wuladəha dan a shi ka pepetə ngga gə nə miye. Angɨn a shikam ka myente kaaru-kaaru dɨ haka Yesu ndi Həmɨmiye dam Ma Həmɨnpwa a Yaɓwarən.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.