Romye 3
3
Tikɨstɨ da Həmɨnpwa
1Ɓə anda she ləngɨn a gə, ka mɨnə Yawude a pɨrgə mbiɗita, ɓə mɨnə fukate a lakəwne da Yawude? 2Mbak-mbak nagi dɨ ndo gyengə, fukatə nee ka Yawude. A kwamətə, Yawude nə Həmɨnpwa a vərən ləməgye dan gə təna kɨsə ta nidərən.
3Ɓə a shiya mya sa ka ləngɨn, anda imi a vor Yawude a bɨldə ɗongə tikɨstə, angɨn ɓa mɨndə tikɨsta Həmɨnpwa ɓaa ma? 4Kək! Aa sə gən, nagi kəng-kəng. Nagi mi vɨratə kat ɓa gəə ji-kər jeronyi, Həmɨnpwa nee kangə nə tikɨstə ka diyale. Ɓətɨya mya doro,
“Mbak-mbak ləməgyee hye boyo
a bɨlə atɨ hye nee tikɨs,
nagi hye ɓashiyə,
ɓashitɨngɨn nee twa.”#3.4 Naasə: Dyemshe 51.4.
5Ɓə anda hasɨne dam nə ɓa dɨmaadə pepeta Həmɨnpwa bwang, a shiya mya sa ka ləngɨn? Anda Həmɨnpwa jangadə ɓashitɨ dan a nəngəm, ɗongə pepetɨ dan nə ɗɨki ma? (Na bwe lanə a vor ɗyangale da ɓwaara.) 6Ka twai aa sə gən, ɓə anda sə a gə, ya Həmɨnpwa ɓa ɓashiyə mi vɨrata? 7Sə mgban, anda kər-jeronye de nə ɓa ɗɨkə diyale da Həmɨnpwa a dɨma bwang a bɨldə fukatɨ dan, ɓə ya mya mɨna ɓashidi atɨ hɨn nzə-ɗa səhasa? 8Imi a dɨttenə ka byele atɨ, hina sa atɨ, “Ndɨka mya pɨrəmə humwa ka ɗa səhase, gə-angɨn a shi ka səfeme.” Həmɨnpwa ɓa ɓashiyə mingɨn ka wule byela.
Taa ama pepeyə də
9Ɓə kpawtɨ la nee a shiya gəngna? Mye ɓa sa atɨ hɨm nə fukam pɨri ma? Ə'ə, aa sə nagi kəng-kəng! Gə hɨm bɨldən bwang atɨ ka Yawude ka myee aa Yawude nee kat a kwa-hiɗə a pukə səhase. 10Ɓətɨya mya doro vor Malɨmtɨ Ɗəmɗəmtə atɨ,
“Taa ndəng ama femə də nagi hiɗə,
11taa ama də ka lele,
a ma dɨ mwi atɨ nda ɗɨm Həmɨnpwa.
12Ɓwaare kat viriwo
gəə mi ɓayi,
taa ama də dɨ ɗa sə pepeye, nagi hiɗə.”#3.12 Naasə: Dyemshe 14.1-3; 53.1-3.
13“Ləməgyee dɨ dɨma dɨ kwaamɨngrən nə
ɓətɨ taanə wuni dɨ pomi.
Kwaamɨngrən nə naa pas ka vwakaha.”#3.13 Naasə: Dyemshe 5.9.
“Ləməgye darən nə ɓətɨ kyanatɨ rokonyi.”#3.13 Naasə: Dyemshe 140.3.
14“Kwaamɨngrən nə naa pas ka hiwdəha ka kwatɨne.”#3.14 Naasə: Dyemshe 10.7.
15“Təna dɨ tan-tanə ɓɨl we,
16nagi a ndo haa
təna pɨrə kat,
təna dɨ pɨrdə ɓwaare
a humwaa tuktə ka tənətə,
hangɨn a bəə yaafə.
17Tənaawa shi ka nzaa ɗoltə a wakaa ɓwaare.”#3.17 Naasə: Ishaya 59.8.
18“Tən tam ka kala Həmɨnpwa a hubosərən.”#3.18 Naasə: Dyemshe 36.1.
19Gəngnə hɨm leyəm kat atɨ nagi mɨnə ɓashita Musa a boyo, ngga boyə nə myee a pukə ɓashitɨngɨn, gə kwaamɨ nagi ndo ma a gbəə a humwaa Həmɨnpwa, nagi wonə a vɨratə a leyə atɨ Həmɨnpwa nə ɓa ɗan ɓashitə. 20Gə-angɨn taa ndəng ma də ɓa gəə ma pepeyə a humwaa Həmɨnpwa dɨ ha koddə ɓashitə. Ə'ə, ɓashitə a dɨ bɨlə ɓwaara atɨ ndi nzə-ɗa səhasə.
Pepetə dɨ ha mwadiyale
21Gəngnə Həmɨnpwa dɨmaadə pepetɨ dan dɨ a kwatɨfə som, aa dɨ ha koddə ɓashitə. Malɨmta Həmɨnpwa ka kpalye dan bwe le a nə wule kwatɨfəngɨn ka ɓongtə. 22Wule pepetɨngɨn da Həmɨnpwa a dɨma dɨ ha mwadiyale ka Yesu Ma Həmɨnpwa a Yaɓwarən ɓəmbə, a haka myee kat mwakan. Taa som-somtidə, 23gəkɨlə ɓwaare kat ɗa səhase, tən kwakagə fukata Həmɨnpwa. 24Kat ka angɨn Həmɨnpwa dɨ ha wuladəha dan, nda sawuɗarən ɓaa dɨ haka Yesu Ma Həmɨnpwa a Yaɓwarən ndi ma vərən ɗɨmne. 25Həmɨnpwa a vədə Yesu kwa hamati. Ite nda kəjidə zaambəngɨn a mbɨrə, nda nggurgə səhase. Mya ngguro ɓwaare gə səhase dɨ ha mwadiyale ɓəmbə. Həmɨnpwa a ɗaasə gələ nda bɨldə gəəte nda gəədə ɓwaare mi pepeyi. A vor mbasɨtɨ dan, ndaa ɓashiyə ɓwaare a nə səhasa təna ɗa a kwamətə. 26Həmɨnpwa a ɗaasə a vor nzatɨnə ɓəgəng gələ nda bɨldə nəngɨn atɨ ndi ma tikɨsə, nda gəədə myee mwadiyale ka Yesu mi pepeyi.
27Ɓə a nə mɨnə mya ɓə dɨ məndaranye? Taa ndəng sə də. A nə mɨnə ya, a nə koddə ɓashitə kpəkəkə? Ə'ə, a nə mwadiyale mba-mba. 28Mye kangə nə sate atɨ dɨ ha mwadiyale ɓəmbə Həmɨnpwa ɓa gəədə ɓwaara ma pepeyə, aa dɨ ha koddə ɓashita Musa. 29Həmɨnpwa ɓwaa, Həmɨnpwata Yawude ɓəmbə ma? Ndi aa Həmɨnpwata myee aa Yawude? Sə gən, ndi Həmɨnpwati a haka myee aa Yawude mgban. 30Gəkɨlə Həmɨnpwa nə hiɗə kal-kal ɓa gəədə myee mya jengdərən a lakəwne mi pepeyi dɨ ha mwadiyale, sə mgban ndi ɓa gəədə myee myaa jengdərən a lakəwne mi pepeyi dɨ ha mwadiyalə hiɗətɨngɨn. 31Mye ɓa mɨndə ɓashitə nggagə ɓaa gələ mwadiyale? Ə'ə, nyerəti mya dɨ nyerədə.
Currently Selected:
Romye 3: bcy
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Romye 3
3
Tikɨstɨ da Həmɨnpwa
1Ɓə anda she ləngɨn a gə, ka mɨnə Yawude a pɨrgə mbiɗita, ɓə mɨnə fukate a lakəwne da Yawude? 2Mbak-mbak nagi dɨ ndo gyengə, fukatə nee ka Yawude. A kwamətə, Yawude nə Həmɨnpwa a vərən ləməgye dan gə təna kɨsə ta nidərən.
3Ɓə a shiya mya sa ka ləngɨn, anda imi a vor Yawude a bɨldə ɗongə tikɨstə, angɨn ɓa mɨndə tikɨsta Həmɨnpwa ɓaa ma? 4Kək! Aa sə gən, nagi kəng-kəng. Nagi mi vɨratə kat ɓa gəə ji-kər jeronyi, Həmɨnpwa nee kangə nə tikɨstə ka diyale. Ɓətɨya mya doro,
“Mbak-mbak ləməgyee hye boyo
a bɨlə atɨ hye nee tikɨs,
nagi hye ɓashiyə,
ɓashitɨngɨn nee twa.”#3.4 Naasə: Dyemshe 51.4.
5Ɓə anda hasɨne dam nə ɓa dɨmaadə pepeta Həmɨnpwa bwang, a shiya mya sa ka ləngɨn? Anda Həmɨnpwa jangadə ɓashitɨ dan a nəngəm, ɗongə pepetɨ dan nə ɗɨki ma? (Na bwe lanə a vor ɗyangale da ɓwaara.) 6Ka twai aa sə gən, ɓə anda sə a gə, ya Həmɨnpwa ɓa ɓashiyə mi vɨrata? 7Sə mgban, anda kər-jeronye de nə ɓa ɗɨkə diyale da Həmɨnpwa a dɨma bwang a bɨldə fukatɨ dan, ɓə ya mya mɨna ɓashidi atɨ hɨn nzə-ɗa səhasa? 8Imi a dɨttenə ka byele atɨ, hina sa atɨ, “Ndɨka mya pɨrəmə humwa ka ɗa səhase, gə-angɨn a shi ka səfeme.” Həmɨnpwa ɓa ɓashiyə mingɨn ka wule byela.
Taa ama pepeyə də
9Ɓə kpawtɨ la nee a shiya gəngna? Mye ɓa sa atɨ hɨm nə fukam pɨri ma? Ə'ə, aa sə nagi kəng-kəng! Gə hɨm bɨldən bwang atɨ ka Yawude ka myee aa Yawude nee kat a kwa-hiɗə a pukə səhase. 10Ɓətɨya mya doro vor Malɨmtɨ Ɗəmɗəmtə atɨ,
“Taa ndəng ama femə də nagi hiɗə,
11taa ama də ka lele,
a ma dɨ mwi atɨ nda ɗɨm Həmɨnpwa.
12Ɓwaare kat viriwo
gəə mi ɓayi,
taa ama də dɨ ɗa sə pepeye, nagi hiɗə.”#3.12 Naasə: Dyemshe 14.1-3; 53.1-3.
13“Ləməgyee dɨ dɨma dɨ kwaamɨngrən nə
ɓətɨ taanə wuni dɨ pomi.
Kwaamɨngrən nə naa pas ka vwakaha.”#3.13 Naasə: Dyemshe 5.9.
“Ləməgye darən nə ɓətɨ kyanatɨ rokonyi.”#3.13 Naasə: Dyemshe 140.3.
14“Kwaamɨngrən nə naa pas ka hiwdəha ka kwatɨne.”#3.14 Naasə: Dyemshe 10.7.
15“Təna dɨ tan-tanə ɓɨl we,
16nagi a ndo haa
təna pɨrə kat,
təna dɨ pɨrdə ɓwaare
a humwaa tuktə ka tənətə,
hangɨn a bəə yaafə.
17Tənaawa shi ka nzaa ɗoltə a wakaa ɓwaare.”#3.17 Naasə: Ishaya 59.8.
18“Tən tam ka kala Həmɨnpwa a hubosərən.”#3.18 Naasə: Dyemshe 36.1.
19Gəngnə hɨm leyəm kat atɨ nagi mɨnə ɓashita Musa a boyo, ngga boyə nə myee a pukə ɓashitɨngɨn, gə kwaamɨ nagi ndo ma a gbəə a humwaa Həmɨnpwa, nagi wonə a vɨratə a leyə atɨ Həmɨnpwa nə ɓa ɗan ɓashitə. 20Gə-angɨn taa ndəng ma də ɓa gəə ma pepeyə a humwaa Həmɨnpwa dɨ ha koddə ɓashitə. Ə'ə, ɓashitə a dɨ bɨlə ɓwaara atɨ ndi nzə-ɗa səhasə.
Pepetə dɨ ha mwadiyale
21Gəngnə Həmɨnpwa dɨmaadə pepetɨ dan dɨ a kwatɨfə som, aa dɨ ha koddə ɓashitə. Malɨmta Həmɨnpwa ka kpalye dan bwe le a nə wule kwatɨfəngɨn ka ɓongtə. 22Wule pepetɨngɨn da Həmɨnpwa a dɨma dɨ ha mwadiyale ka Yesu Ma Həmɨnpwa a Yaɓwarən ɓəmbə, a haka myee kat mwakan. Taa som-somtidə, 23gəkɨlə ɓwaare kat ɗa səhase, tən kwakagə fukata Həmɨnpwa. 24Kat ka angɨn Həmɨnpwa dɨ ha wuladəha dan, nda sawuɗarən ɓaa dɨ haka Yesu Ma Həmɨnpwa a Yaɓwarən ndi ma vərən ɗɨmne. 25Həmɨnpwa a vədə Yesu kwa hamati. Ite nda kəjidə zaambəngɨn a mbɨrə, nda nggurgə səhase. Mya ngguro ɓwaare gə səhase dɨ ha mwadiyale ɓəmbə. Həmɨnpwa a ɗaasə gələ nda bɨldə gəəte nda gəədə ɓwaare mi pepeyi. A vor mbasɨtɨ dan, ndaa ɓashiyə ɓwaare a nə səhasa təna ɗa a kwamətə. 26Həmɨnpwa a ɗaasə a vor nzatɨnə ɓəgəng gələ nda bɨldə nəngɨn atɨ ndi ma tikɨsə, nda gəədə myee mwadiyale ka Yesu mi pepeyi.
27Ɓə a nə mɨnə mya ɓə dɨ məndaranye? Taa ndəng sə də. A nə mɨnə ya, a nə koddə ɓashitə kpəkəkə? Ə'ə, a nə mwadiyale mba-mba. 28Mye kangə nə sate atɨ dɨ ha mwadiyale ɓəmbə Həmɨnpwa ɓa gəədə ɓwaara ma pepeyə, aa dɨ ha koddə ɓashita Musa. 29Həmɨnpwa ɓwaa, Həmɨnpwata Yawude ɓəmbə ma? Ndi aa Həmɨnpwata myee aa Yawude? Sə gən, ndi Həmɨnpwati a haka myee aa Yawude mgban. 30Gəkɨlə Həmɨnpwa nə hiɗə kal-kal ɓa gəədə myee mya jengdərən a lakəwne mi pepeyi dɨ ha mwadiyale, sə mgban ndi ɓa gəədə myee myaa jengdərən a lakəwne mi pepeyi dɨ ha mwadiyalə hiɗətɨngɨn. 31Mye ɓa mɨndə ɓashitə nggagə ɓaa gələ mwadiyale? Ə'ə, nyerəti mya dɨ nyerədə.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.