Lyenta 26
26
1Agripa a sa Bulus atɨ, “Mye vu byele.”
Bulus a maɗə a kangə, nda maddə tɨfəngɨn a pwa, nda ɓə tiya bwegə le dan gə nda dɨmdə nəngɨn. 2Nda sa atɨ, “Həmɨn Agripa, na wula, hanɨnyi mgban ka ite na ɗɨm humwatə a kangə humwasa gə na bwegə le de a dɨmdə na gə ləməgyee Yawude a ɗɨki a nə ɓaa. 3Hanɨnyi mgban gəkɨlə hye lee təfəgi kwalə kottɨ da Yawude kat ka wule shee tən ka nənəngrən təna dɨ məntəmətə a nəngrən. Gə-angɨn hɨnə dɨ nyisu, sardə kwakinga hye kɨlti pepe ka mbasɨtə.
4“Yawude kat tən lee wule nzate na nza wakasərən ka swaɗəshi. Tən leeri ite hɨne a vɨrashi, kat ka ite na shi a nza vor Urshelima. 5Tən leeri ka ɓongtə, tən ɓa mba bwetə bwe diyale a na tən kana mwo, atɨ ka swaɗəshi hɨnə pɨrgə mbiɗitɨ ɓwaare ka koddə kwalə kottɨ denə, gə hɨn Farisa. 6Ɓəgəng, sa ɗa təna sɨ kaadi ganə nə atɨ gəkɨlə na gə ka bəə myentə a nə ləməgyee Həmɨnpwa a kɨləsə ka yə sɨnggenə. 7Tən myee dam, kworye bəw a mbiɗi-kpe kat, ka mɨni bəə myentə ka hɨmne atɨ ləməgyee Həmɨnpwa a kɨləsə ka yə jigenə ɓa naa, səngɨn nə ɗa mgban təna dɨ kala Həmɨnpwa gbəətə ka diyale tukotə ka fəre. Gəkɨlə ləngɨn nə ɓəmbə, kwe həmɨn, Yawude a dɨ ɓashidi. 8Ɓə mɨnə də, hwunaa mwa atɨ Həmɨnpwa nee ka gətə nda maddə myee mbəri ka myenta?
9“Nagi hɨnə ka nəna, a kwamətə na niyə ɓətɨ shi twayi na dɨ ɗa ka sa na mban a ɗa kat gə na kɨɗa kwakɨ Yesu a dɨ Nazarat. 10Wule shee na ɗatɨrən a vor Urshelima nə 'ye. Kɨsahəmə kpane nə vi humwatə na kər myee da Həmɨnpwa hananang a ɗɨkə gbərəwe, ite mya dɨ ɓəltɨrən mgban hɨne kangə hangɨn dɨ mwaka sa mya dɨ ɗa. 11Laka furi-furi, na dɨ pɨrə vəni kəndəshe som-som a kər ji-kottə a tənəə dərən, 'ye də mgban na ɗɨkdərən gə təna kɨɗa kwakɨ Yesu a məntəməsən. A fərə mgban, na dɨ maɗə ka muune kɨr-kɨr a dɨmə a muɗə i vɨre ɓong-ɓong gə na kər ji-kottə a tənəə dərən.
12“A fərə hɨn nggur tɨfe dɨ muɗə vor vɨra Damaska, ka humwate kɨsehəmi kpan-kpanye a vi. 13Hɨne a nə tɨfe dɨ muɗi tee kwe həmɨn, ka fəre a nən, na naa ɓɨrtə ite wuɗila kɨr-kɨr, a ɓɨrə a pɨrgə fəre, ngga takadi ka myee hina dɨ woyə kaarən. 14Hin kat hina fokə njiya, na kɨla korme nee dɨ boyi le ka kwa-Yawude atɨ, ‘Shawulu, Shawulu, mɨnə ɗa hye dɨ tənəə di? Tee dɨ mba gwoktə a shomtɨrə.#26.14 Nyati hye dɨ nya ka Həmɨnpwa ɓa jamba nanga ɓaa.’
15“Na ɗiyə atɨ, ‘Makpane, hyenə wonə yə?’
“Həmɨmiye a luwa a sa atɨ, ‘Hɨnə Yesu a hye dɨ tənəə dən. 16Zə maɗi kanyi, hɨnə dɨma kəw gə na viriwda hye gəə kɨsa de a ɗe lyentə a takale a humwa ɓwaare a nə sa hye nan kat ka wule shee hɨn ɓa bɨlu. 17Hɨn ɓa mbəda gə tɨfə myee dəw, tən Yawude, kat ka myee aa Yawude a 'ye hɨn ɓa lyenta a hakarən 18gə hye wana diingrən təna viriwagə kulitə a ɗaka gəta Shetan a mɨna a haka ɓɨrta Həmɨnpwa. Dɨ ɗatɨngɨn mya nggurərəngə səhase darən təna ɗɨm nzatə a waka myee Həmɨnpwa a taɗə dɨ ha mwadiyale ke.’
19“Hye niyə, həmɨn Agripa, taa ushi sa Həmɨnpwa a wuni diya na nan dɨ vor pwa. 20Də mgban na maɗə a dɨ boyə ɓwaare le da Həmɨnpwa, na tiya ka myee a vor Damaska ka myee a Urshelima ka myee a bətɨ Yawudiya kat, ka mbiɗitɨ myee aa Yawude mgban. Na boyərən atɨ a təna por-njiya a mɨna a haka Həmɨnpwa, təna ɗa lyente ɓa bɨldə sate atɨ tən por-njiya ka diyale. 21Gəkɨlə lanə mba-mba Yawude a pee a kɨtti a Kwa-Shafe ɓa ɓɨlti. 22Də mgban Həmɨnpwa a gwadi a dɨmə fəranə supo. Ɓəgəng hɨnə kangə humwa mi gbake ka je gə na takale a hakarən. Taa bwe alə som pɨrgə ləməgyee kpalye a boyo, kat ka ləməgyee Musa a boyo atɨ tən ɓa naa, 23atɨ Ma Həmɨnpwa a Yaɓwarən ɓa tənə a mbɨrə, sɨnə ma mgban ɓa tiya mattə gə we ka myente kaaru-kaaru. Sɨnə ɓa bɨldə ɓɨrtə a haka myee dan, Yawude kat ka myee aa Yawude.”
24Bulus nee a vor byele tee Festus a maddə kormɨngɨn a gɨrarən atɨ, “Bulus pɨle nee gu. Bəlshi kɨr-kɨrye dəw nee dɨ vu gətɨ pɨle.”
25Bulus a luwa a san atɨ, “Pɨle aa gi kwe Magbake Festus. Diyalə na dɨ boyo. Ləməgyee na dɨ boyə nee ka naare kaarən. 26Ndi həmɨn Agripa lee shingɨn kat, gə ləngɨn na dɨ byelə kan pɨraɗaw. Hɨn leyə atɨ həmɨn Agripa aa ɗongə lee ləməgyee na dɨ boyo kat, gə shee na bwe le a nəngrən myaa ɗatɨrən a haa ɓotə. 27Həmɨn Agripa, hye mwaka ləməgyee kpalye da Həmɨnpwa a dora? Hɨn leyə atɨ hye mwakarən.”
28Həmɨn Agripa a luwa a sa Bulus atɨ, “Hye dɨ niyə ɓətɨ hye ɓa mbe a mbɨrti gə na gəə nzə-kotti ɓəgəng ma?”
29Bulus a luwa a san atɨ, “Nagi ɓəgəng, nagi ɓong-ɓong, hɨnə dɨ ɗa Həmɨnpwa hiwtə, aa hyenə ɓəmbə, hiwtɨ de a haka Həmɨnpwa nə atɨ, myee kat dɨ kɨlti supo, təna gəə ji-kotti ɓətɨ hɨn, shezə aa ka mali nə.”
30Həmɨn a maɗə kat ka nggwamna ka Barnis, ka mbiɗitɨ myee nza kat. 31Təna dɨmgə vɨnə petə a peyə a boyəsə ləməgye, a shalale. Təna sa, “Manə aa ɗa asə a kəni mya ɓɨltən, ndaa ɗa asə a mgban mya ɗɨkdən a gbərəwe.”
32Həmɨn Agripa a sa Festus atɨ, “Mya nda para ma gə gbərəwe nda muɗə, na aa gə nda pɨrdə ɓashitə a haka Kaisar.”
Currently Selected:
Lyenta 26: bcy
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Lyenta 26
26
1Agripa a sa Bulus atɨ, “Mye vu byele.”
Bulus a maɗə a kangə, nda maddə tɨfəngɨn a pwa, nda ɓə tiya bwegə le dan gə nda dɨmdə nəngɨn. 2Nda sa atɨ, “Həmɨn Agripa, na wula, hanɨnyi mgban ka ite na ɗɨm humwatə a kangə humwasa gə na bwegə le de a dɨmdə na gə ləməgyee Yawude a ɗɨki a nə ɓaa. 3Hanɨnyi mgban gəkɨlə hye lee təfəgi kwalə kottɨ da Yawude kat ka wule shee tən ka nənəngrən təna dɨ məntəmətə a nəngrən. Gə-angɨn hɨnə dɨ nyisu, sardə kwakinga hye kɨlti pepe ka mbasɨtə.
4“Yawude kat tən lee wule nzate na nza wakasərən ka swaɗəshi. Tən leeri ite hɨne a vɨrashi, kat ka ite na shi a nza vor Urshelima. 5Tən leeri ka ɓongtə, tən ɓa mba bwetə bwe diyale a na tən kana mwo, atɨ ka swaɗəshi hɨnə pɨrgə mbiɗitɨ ɓwaare ka koddə kwalə kottɨ denə, gə hɨn Farisa. 6Ɓəgəng, sa ɗa təna sɨ kaadi ganə nə atɨ gəkɨlə na gə ka bəə myentə a nə ləməgyee Həmɨnpwa a kɨləsə ka yə sɨnggenə. 7Tən myee dam, kworye bəw a mbiɗi-kpe kat, ka mɨni bəə myentə ka hɨmne atɨ ləməgyee Həmɨnpwa a kɨləsə ka yə jigenə ɓa naa, səngɨn nə ɗa mgban təna dɨ kala Həmɨnpwa gbəətə ka diyale tukotə ka fəre. Gəkɨlə ləngɨn nə ɓəmbə, kwe həmɨn, Yawude a dɨ ɓashidi. 8Ɓə mɨnə də, hwunaa mwa atɨ Həmɨnpwa nee ka gətə nda maddə myee mbəri ka myenta?
9“Nagi hɨnə ka nəna, a kwamətə na niyə ɓətɨ shi twayi na dɨ ɗa ka sa na mban a ɗa kat gə na kɨɗa kwakɨ Yesu a dɨ Nazarat. 10Wule shee na ɗatɨrən a vor Urshelima nə 'ye. Kɨsahəmə kpane nə vi humwatə na kər myee da Həmɨnpwa hananang a ɗɨkə gbərəwe, ite mya dɨ ɓəltɨrən mgban hɨne kangə hangɨn dɨ mwaka sa mya dɨ ɗa. 11Laka furi-furi, na dɨ pɨrə vəni kəndəshe som-som a kər ji-kottə a tənəə dərən, 'ye də mgban na ɗɨkdərən gə təna kɨɗa kwakɨ Yesu a məntəməsən. A fərə mgban, na dɨ maɗə ka muune kɨr-kɨr a dɨmə a muɗə i vɨre ɓong-ɓong gə na kər ji-kottə a tənəə dərən.
12“A fərə hɨn nggur tɨfe dɨ muɗə vor vɨra Damaska, ka humwate kɨsehəmi kpan-kpanye a vi. 13Hɨne a nə tɨfe dɨ muɗi tee kwe həmɨn, ka fəre a nən, na naa ɓɨrtə ite wuɗila kɨr-kɨr, a ɓɨrə a pɨrgə fəre, ngga takadi ka myee hina dɨ woyə kaarən. 14Hin kat hina fokə njiya, na kɨla korme nee dɨ boyi le ka kwa-Yawude atɨ, ‘Shawulu, Shawulu, mɨnə ɗa hye dɨ tənəə di? Tee dɨ mba gwoktə a shomtɨrə.#26.14 Nyati hye dɨ nya ka Həmɨnpwa ɓa jamba nanga ɓaa.’
15“Na ɗiyə atɨ, ‘Makpane, hyenə wonə yə?’
“Həmɨmiye a luwa a sa atɨ, ‘Hɨnə Yesu a hye dɨ tənəə dən. 16Zə maɗi kanyi, hɨnə dɨma kəw gə na viriwda hye gəə kɨsa de a ɗe lyentə a takale a humwa ɓwaare a nə sa hye nan kat ka wule shee hɨn ɓa bɨlu. 17Hɨn ɓa mbəda gə tɨfə myee dəw, tən Yawude, kat ka myee aa Yawude a 'ye hɨn ɓa lyenta a hakarən 18gə hye wana diingrən təna viriwagə kulitə a ɗaka gəta Shetan a mɨna a haka ɓɨrta Həmɨnpwa. Dɨ ɗatɨngɨn mya nggurərəngə səhase darən təna ɗɨm nzatə a waka myee Həmɨnpwa a taɗə dɨ ha mwadiyale ke.’
19“Hye niyə, həmɨn Agripa, taa ushi sa Həmɨnpwa a wuni diya na nan dɨ vor pwa. 20Də mgban na maɗə a dɨ boyə ɓwaare le da Həmɨnpwa, na tiya ka myee a vor Damaska ka myee a Urshelima ka myee a bətɨ Yawudiya kat, ka mbiɗitɨ myee aa Yawude mgban. Na boyərən atɨ a təna por-njiya a mɨna a haka Həmɨnpwa, təna ɗa lyente ɓa bɨldə sate atɨ tən por-njiya ka diyale. 21Gəkɨlə lanə mba-mba Yawude a pee a kɨtti a Kwa-Shafe ɓa ɓɨlti. 22Də mgban Həmɨnpwa a gwadi a dɨmə fəranə supo. Ɓəgəng hɨnə kangə humwa mi gbake ka je gə na takale a hakarən. Taa bwe alə som pɨrgə ləməgyee kpalye a boyo, kat ka ləməgyee Musa a boyo atɨ tən ɓa naa, 23atɨ Ma Həmɨnpwa a Yaɓwarən ɓa tənə a mbɨrə, sɨnə ma mgban ɓa tiya mattə gə we ka myente kaaru-kaaru. Sɨnə ɓa bɨldə ɓɨrtə a haka myee dan, Yawude kat ka myee aa Yawude.”
24Bulus nee a vor byele tee Festus a maddə kormɨngɨn a gɨrarən atɨ, “Bulus pɨle nee gu. Bəlshi kɨr-kɨrye dəw nee dɨ vu gətɨ pɨle.”
25Bulus a luwa a san atɨ, “Pɨle aa gi kwe Magbake Festus. Diyalə na dɨ boyo. Ləməgyee na dɨ boyə nee ka naare kaarən. 26Ndi həmɨn Agripa lee shingɨn kat, gə ləngɨn na dɨ byelə kan pɨraɗaw. Hɨn leyə atɨ həmɨn Agripa aa ɗongə lee ləməgyee na dɨ boyo kat, gə shee na bwe le a nəngrən myaa ɗatɨrən a haa ɓotə. 27Həmɨn Agripa, hye mwaka ləməgyee kpalye da Həmɨnpwa a dora? Hɨn leyə atɨ hye mwakarən.”
28Həmɨn Agripa a luwa a sa Bulus atɨ, “Hye dɨ niyə ɓətɨ hye ɓa mbe a mbɨrti gə na gəə nzə-kotti ɓəgəng ma?”
29Bulus a luwa a san atɨ, “Nagi ɓəgəng, nagi ɓong-ɓong, hɨnə dɨ ɗa Həmɨnpwa hiwtə, aa hyenə ɓəmbə, hiwtɨ de a haka Həmɨnpwa nə atɨ, myee kat dɨ kɨlti supo, təna gəə ji-kotti ɓətɨ hɨn, shezə aa ka mali nə.”
30Həmɨn a maɗə kat ka nggwamna ka Barnis, ka mbiɗitɨ myee nza kat. 31Təna dɨmgə vɨnə petə a peyə a boyəsə ləməgye, a shalale. Təna sa, “Manə aa ɗa asə a kəni mya ɓɨltən, ndaa ɗa asə a mgban mya ɗɨkdən a gbərəwe.”
32Həmɨn Agripa a sa Festus atɨ, “Mya nda para ma gə gbərəwe nda muɗə, na aa gə nda pɨrdə ɓashitə a haka Kaisar.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.