Lyenta 19
19
Bulus a Afisus
1Apolos nee baa ɓəgəng a vor vɨra Korintiya, Bulus a nggur tɨfe a koɗə dɨ nə mwe a zə vor Afisus. A hangɨn nda pa i ji-kotti 2nda ɗiyərən le atɨ, “Ite hwuna mwadiyale, Pitɨ Ɗəmɗəmtə janga a nəngəwnə ma?”
Təna luwa a san atɨ, “Hinaa ndaga kɨlə atɨ Pitɨ Ɗəmɗəmtə nə də.”
3Bulus a ɗiyərən atɨ, “Nda ndo wule batisɨmati nə mya ɗəwna?”
Təna luwa a san atɨ, “Ka wule hɨnggə Yohana nzə-ɗa batisɨmatə.”
4Bulus a sarən atɨ, “Batisɨmata Yohana, i por-njiya gə səhase. Nda mɨna boyə ɓwaare atɨ, a təna mwadiyale ka ma dɨ kwaɗa beesən, ndi Yesu.” 5Tən ɓe kɨlə tee, təna mwaka ləngɨn mya ɗarən batisɨmatə ka haɓye a vor kwakɨ Həmɨmiye Yesu. 6Beetɨ angɨn, Bulus a puk tyefingɨn a nəngrən, Pitɨ Ɗəmɗəmtə a janga kaarən, təna tiya byele ka kwaame som-som, tən ta kpali ka ləməgye da Həmɨnpwa. 7Furo mingɨn kat nee bəw a mbiɗi-kpe.
8Bulus a ɗa lyekətye mwaakɨn sɨne pɨrə vor vəni kəndəshe da Yawude, ndi ta kənərən shee pɨraɗaw, ndi ta alale a nggala hubosərən a nə həmne da Həmɨnpwa. 9Imi dɨ vor Yawude a mgbəəngə a kwo le, tənaa yə mwadiyale ka ləməgi kotte Bulus a dɨ boyərən, təna maɗə a kangə bwang ta bwelə hase a nə Tɨfe, tən ta shar Yesu a mɨndən ɓaa. Bulus ɓe niyə shee, nda ɗaka vɨnə kəndəshe darən. Təna dɨmə kat ka ji-kottə a wudə a dɨ pɨrə a vɨnə a mya wa atɨ vɨnə byalata Tiranus. A hangɨn nda pɨrə humwa ta kəndəshe fərə-fərə. 10Bulus a pɨrə humwa ka kəndəshe a hangɨn kyawatə kpe. Gə-angɨn, Yawude ka Heline kat 'ye nza bətɨ njiya Asiya a kɨl ləməgye a nə Həmɨmiye 'ye Bulus a dɨ boyo.
11A vor bətɨngɨn, Həmɨnpwa a ɗa zərgi shikoshopye myaa ndaga naarən dɨ haka Bulus. 12Nagi baaseshee Bulus a dɨ shapwa ka 'ye nda dɨ fegə ruwatə kaarən nə mya zəkarən a dɨ pa sɨtɨ ji-ootə, ootɨngɨn a dɨ dɨmgə sɨsərən. Imi mgban hananang ji-dwati dɨ dɨmi dɨ sɨsərən.
13I Yawude a wule myee dɨ woyə hee som-som gə dɨmdə pɨle ji-dwatə gə sɨtɨ ɓwaare, a ɓərə ɓa ɗa lyentə ka kwakɨ Yesu Həmɨmiye gə təna dɨmdə pɨle ji-dwatə gə sɨtɨ ɓwaare. Tən ta sa atɨ, “A vor kwakɨ Yesu a Bulus a dɨ hiwa ka le dan, hɨnə dɨ gɨrara, dɨmi.” 14I ji nə də tən tukolukpe, je da hiɗə dɨ vor kɨsehəmi kpan-kpanye a mya warən atɨ, Siva. Jingɨn nee a vor myee dɨ woyi mbəgə hee dɨ ɗa shingɨn. 15A fərə ama ka pɨla nzə-dwatə a sɨsən a sarən atɨ, “Di hɨn lee Yesu, Bulus mgban hɨn kɨl ləngɨn, ɓə hwun, hwunə yə wonə?” 16Ma ka pɨla nzə-dwatə a sɨsən a maɗə a ndɨlə nəngrən, nda leyərən a vopə kat. Nda lyebə a ɗəkərən ɓokye, təna gyeɓə a dɨmgə hwoɗingɨn dɨfuwa ka zaambe a sɨsərən.
17Ite Yawude ka Heline 'ye nza vor vɨra Afisus a kɨl ləngɨn, kala a gərən kat. Gə ləngɨn ɓwaare hananang a ndukodə kwakɨ Yesu Həmɨmiye kɨr-kɨr. 18Ɓwaare hananang mgban dɨ vor myee mwadiyale a dɨma a haa bwange bwang, tən ta bwegə wule shi hashe təna ɗa kat ta por-njiya. 19Ji-kushe hananang mgban a dɨma ka malɨmi sɨlare darən a hyanarən a haa bwange. Malɨmyee ji-kushingɨn a hyanarən, taarən pɨrgə taa nggɨrngɨme haru bəw laka bəwtə tuf.
20Gə-angɨn le da Həmɨnpwa a fɨlə a ləw hee kat ta pɨrə humwa ka gətə.
21Beetɨ shinə ɗa ɗatɨnə kat a vor Afisus, Bulus a ngguro hubosən atɨ ndi ɓa koɗə dɨ vor njiya Masɨdoniya ka Akaya nda ɓə zə Urshelima. Nda sa atɨ, “Hɨn kana tɨlə a mbəə, mbak-mbak na pɨrə a zə Roma mgban.” 22Nda lyen yə Timoti ka Arastus a Masɨdoniya gə tənə myee dɨ gwadən. Ndi ka nənəngɨn nda mbiɗi a vor Afisus a njiya Asiya a ɗɨm bətə də.
Mwanatə a vor Afisus
23A vor bətɨngɨn, mwanatə a maɗə vor Afisus kɨr-kɨr a nə ləməgi Tɨfəngɨn. 24A kɨla, nzə-puka nggɨrngɨmə mya wa atɨ Dimitɨriyus, sɨnə dɨ ɗa wule vɨnə nggɨrngɨmə pɨlate mya watɨrə atɨ Atemi. Imi a Afisus a dɨ ɗɨm taa dɨ ha wule shingɨn 'ye nda dɨ ɓɨlə. 25Ndi Dimitɨriyus, nda waga myee dan kat ka mbiɗitɨ i kɨle, nda pedərən a sarən atɨ, “Myee dam, hwun leyə atɨ hɨm kat hɨm a dɨ ɗɨməm gɨnətə dɨ ha wule lyentɨ kɨlawna nə. 26Ɓəgəng hwun naa ləngɨn ka diingəwnə, hwun kɨl wule ləməgyee Bulus a dɨ boyo a ngama hubə ɓwaare ta viriwdərən. Ɓəgəng ɓwaare hananang a vor Afisus ka bətɨ njiya Asiya kat virwo koɗən ɗaka kottə dam. Gəkɨlə nda sa atɨ Həmɨnpwate mya ɗa ka tɨfe, aa Həmɨnpwati, pɨla. 27Kaɓa sə kpanə dɨ bəngrəm, myenə ɓa pɨrə vor poritə ka tənətə, lumotɨ dam nə ɓa fukə. Aa la nə ɓəmbə, shafe da pɨlatɨ kpantɨ dam, a nggi Atemi kwakɨngrə nə ɓa kɨɗə. Nggi pɨlatɨngɨn ka nənəngrə, a ite mya dɨ hiwo a kalarə-gbəətə a mbəgə hee kat a vor bətɨ njiya Asiya ka vor vɨratə kat, fukasə nə ɓa mbəə ɓaa.”
28Ite təkə-təkətɨ ɓwaaree paya a hangɨn ɓe kɨla ləməgyee Dimitɨriyus a boyo, təna puk gəəshe ka muune, tən ta sa atɨ, “Atemitɨ Afisus, kwakɨngrə nə kpan, kote kɨr-kɨr.” 29Də a hangɨn vor vɨra Afisus a nggəmə, haa maɗə a kangə-kangə. Ɓwaaree paya a hangɨn a kɨr Gayus ka Aristakus a ləkədərən tan-tan a pɨrə kaarən a vor gwotə. (Gayus ka Aristakus nə dɨ vor njiya Masɨdoniya, tənə dɨma ka Bulus.) 30Ite Bulus a maɗə ɓa dɨmə a pɨrə vor təkə-təkətɨ ɓwaaree paya, ji-kotte a vor Afisus a kwon le a kərən dɨmtə. 31Həmi njiya Asiya mgban, a myee tənə yə ndewogə Bulus, təna lyanashe a nyisən atɨ ɓe ndaa dɨmə vor ɓwaare a vor gwotə.
32A itɨngɨn haa peyə gə tukut. Ɓwaare peyə dɨ gəəshe, imi ta gəəshe a bwe anə, imi a bwe arə. Ɓwaare hananang a vorsəngrən aa tiya lee sa zəkarən də. 33Yawude a hangɨn a kɨr ama mya wa atɨ Alezanda a lɨkədən a humwa, atɨ a nda bwe le. Ndi Alezanda, nda maddə tɨfəngɨn a pwa gə nda bwegə kormingɨn a dɨmdə nəngɨn. 34Ite ɓwaaree peyə hangɨn a niya nan, təna leyə atɨ ndi Yawuda, təna pukdə gəəshe kat, a ɗa awatə kpe tən ta bwelə hiɗəti atɨ, “Atemitɨ Afisus, kwakɨngrə nə kpan, kote kɨr-kɨr.”
35Beetɨ awatə kpetɨngɨn nzə-dorshe da ji-shalalə Afisus a dɨma a gɨraha, haa talə shetət. Nda sarən atɨ, “Mi Afisus, wonə mbiɗi a bətɨ vɨratə kat, a ma aa leyə atɨ a vor vɨra Afisus shafe da pɨlatɨ kpantə Atemi a gə, kat ka faratɨ kwale darə ite fuka dɨ pwa? 36Ka lee sate atɨ taa ndəng ma mbiɗi ndaa lee ləməginə kat, mbamə sɨsəwnə ɓe hwunaa gwang-gwangə. 37Zə niyəm pe, a hwuna fwawa minə a shikarən ganə, tənaa hɨr asə dɨ shafe da pɨlatɨ dam, tənaa kɨɗa kwakɨrə mgban. 38Anda Dimitɨriyus ka mbiɗitɨ kɨle nee ka alə mbiɗi tən ɓa shikan, a təna shikan, vəni ɓashitə nə puki bwang ji-ɓashitə nee də, a təna dɨ kaadəha, mye ɓa ɓashiyərən. 39Anda i ləməginə də som pɨrgə inə hwuna dɨ mwo atɨ hwuna shikarən, hwuna shi ka ləməgingɨn kat, mi kpan-kpani ji-shalale ɓa peyə a nidərən. 40Ɓəgəng myenə ɓa ɗɨməm le a haka yə həmi njiya atɨ mya maddə nyatə a tukuta haa supo. Yə həmi njiya kana warəm a ɗiyəm le, a shiya mye ɓa sarən? Taa mgbaalə kam a nə wule mwanate hwuna maddə supo.” 41Ite nda boyo shee a mbəə, nda sa təkə-təkətɨ ɓwaarengɨn atɨ a təna təkəsə a muɗə.
Currently Selected:
Lyenta 19: bcy
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Lyenta 19
19
Bulus a Afisus
1Apolos nee baa ɓəgəng a vor vɨra Korintiya, Bulus a nggur tɨfe a koɗə dɨ nə mwe a zə vor Afisus. A hangɨn nda pa i ji-kotti 2nda ɗiyərən le atɨ, “Ite hwuna mwadiyale, Pitɨ Ɗəmɗəmtə janga a nəngəwnə ma?”
Təna luwa a san atɨ, “Hinaa ndaga kɨlə atɨ Pitɨ Ɗəmɗəmtə nə də.”
3Bulus a ɗiyərən atɨ, “Nda ndo wule batisɨmati nə mya ɗəwna?”
Təna luwa a san atɨ, “Ka wule hɨnggə Yohana nzə-ɗa batisɨmatə.”
4Bulus a sarən atɨ, “Batisɨmata Yohana, i por-njiya gə səhase. Nda mɨna boyə ɓwaare atɨ, a təna mwadiyale ka ma dɨ kwaɗa beesən, ndi Yesu.” 5Tən ɓe kɨlə tee, təna mwaka ləngɨn mya ɗarən batisɨmatə ka haɓye a vor kwakɨ Həmɨmiye Yesu. 6Beetɨ angɨn, Bulus a puk tyefingɨn a nəngrən, Pitɨ Ɗəmɗəmtə a janga kaarən, təna tiya byele ka kwaame som-som, tən ta kpali ka ləməgye da Həmɨnpwa. 7Furo mingɨn kat nee bəw a mbiɗi-kpe.
8Bulus a ɗa lyekətye mwaakɨn sɨne pɨrə vor vəni kəndəshe da Yawude, ndi ta kənərən shee pɨraɗaw, ndi ta alale a nggala hubosərən a nə həmne da Həmɨnpwa. 9Imi dɨ vor Yawude a mgbəəngə a kwo le, tənaa yə mwadiyale ka ləməgi kotte Bulus a dɨ boyərən, təna maɗə a kangə bwang ta bwelə hase a nə Tɨfe, tən ta shar Yesu a mɨndən ɓaa. Bulus ɓe niyə shee, nda ɗaka vɨnə kəndəshe darən. Təna dɨmə kat ka ji-kottə a wudə a dɨ pɨrə a vɨnə a mya wa atɨ vɨnə byalata Tiranus. A hangɨn nda pɨrə humwa ta kəndəshe fərə-fərə. 10Bulus a pɨrə humwa ka kəndəshe a hangɨn kyawatə kpe. Gə-angɨn, Yawude ka Heline kat 'ye nza bətɨ njiya Asiya a kɨl ləməgye a nə Həmɨmiye 'ye Bulus a dɨ boyo.
11A vor bətɨngɨn, Həmɨnpwa a ɗa zərgi shikoshopye myaa ndaga naarən dɨ haka Bulus. 12Nagi baaseshee Bulus a dɨ shapwa ka 'ye nda dɨ fegə ruwatə kaarən nə mya zəkarən a dɨ pa sɨtɨ ji-ootə, ootɨngɨn a dɨ dɨmgə sɨsərən. Imi mgban hananang ji-dwati dɨ dɨmi dɨ sɨsərən.
13I Yawude a wule myee dɨ woyə hee som-som gə dɨmdə pɨle ji-dwatə gə sɨtɨ ɓwaare, a ɓərə ɓa ɗa lyentə ka kwakɨ Yesu Həmɨmiye gə təna dɨmdə pɨle ji-dwatə gə sɨtɨ ɓwaare. Tən ta sa atɨ, “A vor kwakɨ Yesu a Bulus a dɨ hiwa ka le dan, hɨnə dɨ gɨrara, dɨmi.” 14I ji nə də tən tukolukpe, je da hiɗə dɨ vor kɨsehəmi kpan-kpanye a mya warən atɨ, Siva. Jingɨn nee a vor myee dɨ woyi mbəgə hee dɨ ɗa shingɨn. 15A fərə ama ka pɨla nzə-dwatə a sɨsən a sarən atɨ, “Di hɨn lee Yesu, Bulus mgban hɨn kɨl ləngɨn, ɓə hwun, hwunə yə wonə?” 16Ma ka pɨla nzə-dwatə a sɨsən a maɗə a ndɨlə nəngrən, nda leyərən a vopə kat. Nda lyebə a ɗəkərən ɓokye, təna gyeɓə a dɨmgə hwoɗingɨn dɨfuwa ka zaambe a sɨsərən.
17Ite Yawude ka Heline 'ye nza vor vɨra Afisus a kɨl ləngɨn, kala a gərən kat. Gə ləngɨn ɓwaare hananang a ndukodə kwakɨ Yesu Həmɨmiye kɨr-kɨr. 18Ɓwaare hananang mgban dɨ vor myee mwadiyale a dɨma a haa bwange bwang, tən ta bwegə wule shi hashe təna ɗa kat ta por-njiya. 19Ji-kushe hananang mgban a dɨma ka malɨmi sɨlare darən a hyanarən a haa bwange. Malɨmyee ji-kushingɨn a hyanarən, taarən pɨrgə taa nggɨrngɨme haru bəw laka bəwtə tuf.
20Gə-angɨn le da Həmɨnpwa a fɨlə a ləw hee kat ta pɨrə humwa ka gətə.
21Beetɨ shinə ɗa ɗatɨnə kat a vor Afisus, Bulus a ngguro hubosən atɨ ndi ɓa koɗə dɨ vor njiya Masɨdoniya ka Akaya nda ɓə zə Urshelima. Nda sa atɨ, “Hɨn kana tɨlə a mbəə, mbak-mbak na pɨrə a zə Roma mgban.” 22Nda lyen yə Timoti ka Arastus a Masɨdoniya gə tənə myee dɨ gwadən. Ndi ka nənəngɨn nda mbiɗi a vor Afisus a njiya Asiya a ɗɨm bətə də.
Mwanatə a vor Afisus
23A vor bətɨngɨn, mwanatə a maɗə vor Afisus kɨr-kɨr a nə ləməgi Tɨfəngɨn. 24A kɨla, nzə-puka nggɨrngɨmə mya wa atɨ Dimitɨriyus, sɨnə dɨ ɗa wule vɨnə nggɨrngɨmə pɨlate mya watɨrə atɨ Atemi. Imi a Afisus a dɨ ɗɨm taa dɨ ha wule shingɨn 'ye nda dɨ ɓɨlə. 25Ndi Dimitɨriyus, nda waga myee dan kat ka mbiɗitɨ i kɨle, nda pedərən a sarən atɨ, “Myee dam, hwun leyə atɨ hɨm kat hɨm a dɨ ɗɨməm gɨnətə dɨ ha wule lyentɨ kɨlawna nə. 26Ɓəgəng hwun naa ləngɨn ka diingəwnə, hwun kɨl wule ləməgyee Bulus a dɨ boyo a ngama hubə ɓwaare ta viriwdərən. Ɓəgəng ɓwaare hananang a vor Afisus ka bətɨ njiya Asiya kat virwo koɗən ɗaka kottə dam. Gəkɨlə nda sa atɨ Həmɨnpwate mya ɗa ka tɨfe, aa Həmɨnpwati, pɨla. 27Kaɓa sə kpanə dɨ bəngrəm, myenə ɓa pɨrə vor poritə ka tənətə, lumotɨ dam nə ɓa fukə. Aa la nə ɓəmbə, shafe da pɨlatɨ kpantɨ dam, a nggi Atemi kwakɨngrə nə ɓa kɨɗə. Nggi pɨlatɨngɨn ka nənəngrə, a ite mya dɨ hiwo a kalarə-gbəətə a mbəgə hee kat a vor bətɨ njiya Asiya ka vor vɨratə kat, fukasə nə ɓa mbəə ɓaa.”
28Ite təkə-təkətɨ ɓwaaree paya a hangɨn ɓe kɨla ləməgyee Dimitɨriyus a boyo, təna puk gəəshe ka muune, tən ta sa atɨ, “Atemitɨ Afisus, kwakɨngrə nə kpan, kote kɨr-kɨr.” 29Də a hangɨn vor vɨra Afisus a nggəmə, haa maɗə a kangə-kangə. Ɓwaaree paya a hangɨn a kɨr Gayus ka Aristakus a ləkədərən tan-tan a pɨrə kaarən a vor gwotə. (Gayus ka Aristakus nə dɨ vor njiya Masɨdoniya, tənə dɨma ka Bulus.) 30Ite Bulus a maɗə ɓa dɨmə a pɨrə vor təkə-təkətɨ ɓwaaree paya, ji-kotte a vor Afisus a kwon le a kərən dɨmtə. 31Həmi njiya Asiya mgban, a myee tənə yə ndewogə Bulus, təna lyanashe a nyisən atɨ ɓe ndaa dɨmə vor ɓwaare a vor gwotə.
32A itɨngɨn haa peyə gə tukut. Ɓwaare peyə dɨ gəəshe, imi ta gəəshe a bwe anə, imi a bwe arə. Ɓwaare hananang a vorsəngrən aa tiya lee sa zəkarən də. 33Yawude a hangɨn a kɨr ama mya wa atɨ Alezanda a lɨkədən a humwa, atɨ a nda bwe le. Ndi Alezanda, nda maddə tɨfəngɨn a pwa gə nda bwegə kormingɨn a dɨmdə nəngɨn. 34Ite ɓwaaree peyə hangɨn a niya nan, təna leyə atɨ ndi Yawuda, təna pukdə gəəshe kat, a ɗa awatə kpe tən ta bwelə hiɗəti atɨ, “Atemitɨ Afisus, kwakɨngrə nə kpan, kote kɨr-kɨr.”
35Beetɨ awatə kpetɨngɨn nzə-dorshe da ji-shalalə Afisus a dɨma a gɨraha, haa talə shetət. Nda sarən atɨ, “Mi Afisus, wonə mbiɗi a bətɨ vɨratə kat, a ma aa leyə atɨ a vor vɨra Afisus shafe da pɨlatɨ kpantə Atemi a gə, kat ka faratɨ kwale darə ite fuka dɨ pwa? 36Ka lee sate atɨ taa ndəng ma mbiɗi ndaa lee ləməginə kat, mbamə sɨsəwnə ɓe hwunaa gwang-gwangə. 37Zə niyəm pe, a hwuna fwawa minə a shikarən ganə, tənaa hɨr asə dɨ shafe da pɨlatɨ dam, tənaa kɨɗa kwakɨrə mgban. 38Anda Dimitɨriyus ka mbiɗitɨ kɨle nee ka alə mbiɗi tən ɓa shikan, a təna shikan, vəni ɓashitə nə puki bwang ji-ɓashitə nee də, a təna dɨ kaadəha, mye ɓa ɓashiyərən. 39Anda i ləməginə də som pɨrgə inə hwuna dɨ mwo atɨ hwuna shikarən, hwuna shi ka ləməgingɨn kat, mi kpan-kpani ji-shalale ɓa peyə a nidərən. 40Ɓəgəng myenə ɓa ɗɨməm le a haka yə həmi njiya atɨ mya maddə nyatə a tukuta haa supo. Yə həmi njiya kana warəm a ɗiyəm le, a shiya mye ɓa sarən? Taa mgbaalə kam a nə wule mwanate hwuna maddə supo.” 41Ite nda boyo shee a mbəə, nda sa təkə-təkətɨ ɓwaarengɨn atɨ a təna təkəsə a muɗə.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.