Lyenta 12
12
Mye gbə Bitrus a vɨnə gbərəwe
1A vor bətɨngɨn, həmɨn Hiridus a kət i ji-kotti a gbərən a vɨnə gbərəwe gə nda tənəə dərən. 2Nda ɗɨkə mya kɨt Yakubu ndi jibiyə Yohana a ɓɨlə ka sungwa. 3Ite Hiridus a niyə hanɨngə Yawude ka sa nda ɗa, nda pɨrə a kɨt Bitrus a gbən a vɨnə gbərəwe mgban. Itɨngɨn mye nee a vor ɗa sɨlangsətɨ Zɨm Burodite taa maɗə kaarə. 4Ite Hiridus a kɨt Bitrus, nda gbən, a ɗakan a tɨfə ji-pakawate mya takarən fwat laka fwat. Ndi Hiridus kanasən nə atɨ sɨkwalə Lawuttə kana pɨrə, nda dɨmaadə Bitrus a haa bwange gə mya ɗan ɓashitɨ we.
5Tee Bitrus a gə vor vɨnə gbərəwe, shezə ji-kottə a peyə ta ɗa Həmɨnpwa hiwtə ka diyale gə le dan.
6Ka tukote haa ɓa kɨɗa Hiridus a dɨmaadə Bitrus a ɓashiyən də, Bitrus nee bə waka ji-pakawatə kpe dɨ shini, mye ɓwerən ka malye kpe. Nggɨre ji-pakawatə mgban nee gbalzumtə kangə kwa-vɨnə gbərəwe. 7Malyene da Həmɨnpwa a nzaa dɨma tee tan, ɓɨrtə a takadə vɨnə gbərəwe. Malyenəngɨn a ɓinagə Bitrus a gyengəngɨn a maddən gə shintə a san atɨ, “Maɗi tan-tan.” Malyee mya pukə Bitrus a tyefingɨn a kəji.
8Malyene a san atɨ, “Kala sɨɓwetɨ dəw hye dəm hwanye.” Bitrus a ɗaasə mgban. Malyene a mɨna san atɨ, “Shapwa baase dəw kwaɗe.” 9Bitrus a dɨmgə vor vɨnə gbərəwe a koɗən ka dii-shintə, ndaa lee diyalə sa dɨ ɗa, haagən ɓətɨ diya mya wunən. 10Təna woyə a pɨrgə ji-pakawatɨ kwamətə ka i kpeyəte gbalzumtə kanyi, ite təna tɨla a kwatɨfa mya ɗa ka sɨtaa, a ɓa dɨmə a pɨrə vor vɨratə, kwatɨfəngɨn a wunə ka nənəngɨn, təna pɨrə a dɨmə haa bwange. Ite təna woyə a pɨrə a haa gungulungə, gbyel a hangɨn malyene a kipə a ɗakan.
11Bitrus ɓe mɨna a sɨsən, nda boyə nəngɨn atɨ, “Ɓəgəng hɨn she leyə atɨ lanə diyalə taa ndələ də. Həmɨnpwa nə lyana malyene dan nda sɨ mbədi gə tɨfə Hiridus kat ka səhasa Yawude a kana ɓa ɗa ke.”
12Ite Bitrus a səɗə ka yedingɨn a lee sa dɨ muɗə nəngɨn, nda ɗɨrə a muɗə dɨ hwoda Maryamu nuwogə Yohana a mya wa atɨ Markus, a hangɨn ɓwaare nee peyi hananang dɨ ɗa Həmɨnpwa hiwtə. 13Bitrus a kangə haa bwange ta kwal-haa. Njite dɨ ɗa lyentə a hwoɗingɨn, kwakɨngrə nə Roda, ngga maɗa a shi kwatɨfe. 14Ite ngga kɨla kormɨ Bitrus a leyə atɨ sɨnə, gəkɨlə hanɨngtə, ngga giɓə a mɨnə vor vɨne nggaa wuna kwatɨfe. Ngga hiwa myee a vor hwoɗye atɨ, “Bitrus nə kangə kwatɨfe.”
15Təna sarə atɨ, “Pɨle nee gu.” Ite ngga pɨrə humwa ta boyərən atɨ diyalə, təna sarə atɨ, “Ndəng pɨlangɨn nə.”
16Ite Bitrus a pɨrə humwa ka kwal-haa, təna wuna haa a nan sɨnə, təna kangə kiw. 17Nda maɗərən də tɨfəngɨn gəkɨlə təna ɗaka byele, haa a talə. Nda shea boyərən le a nə dɨmate Həmɨnpwa a dɨmaadən dɨ vor vɨnə gbərəwe. Nda sarən atɨ, “Boyəmə Yakubu makpanə vɨnə hiwtə ka mbiɗitɨ ji-kottə ləngɨn.” Nda ɗakarən a muɗə a haa.
18Na haa ɓe kɨɗa, tukuttə a pɨrə waka ji-pakawate mya vərən gɨratə a vor vɨnə gbərəwe kɨr-kɨr. Tən ta ɗiyəsə le atɨ, a ndo haa gə Bitrus. 19Də Hiridus a ɗɨkdə ɓwaare mya woyə a ɨl Bitrus, myaa nan. Nda waga nggɨre ji-pakawate mya vərən nidə Bitrus a ɗiyərən ləməgye a mbəə, nda ɗɨkha mya ɓəltɨrən.
We da Hiridus
Beetɨ angɨn həmɨn Hiridus a dɨmgə vor njiya Yawudiya a muɗə a dɨ nza vor vɨra Kesariya a ɗɨm bətə ɓyeləng. 20Itɨngɨn yedi Hiridus nee dɨ kɨɗən ka mi Taya ka Sidon. Də mi Taya ka Sidon a peyə gə təna lyenshe a hakan. Təna zə dɨ haka kpana da Hiridus a mya wa atɨ Bilastus, təna nyisən gə nda byelə ka Hiridus wakasərən a mɨna wula gə ndi Hiridus a ɗɨma gwadərən. (Mi Taya ka Sidon a dɨ ɗɨm sɨzɨmtə dɨ vor njiya da həmɨn Hiridus.)
21A fəra mi Taya ka Sidon a paya kat ɓa naa Hiridus də, Hiridus a kala sɨɓwetɨ həmne dan, a nza nə ruutɨ dan, a lama ka ɓwaare. 22Ɓwaare a puk kawahəme atɨ, “Wule korma, kormɨ Həmɨnpwati, aa kormɨ ɓwaara.” 23Də a hangɨn gbyel, malyene da Həmɨnpwa a zaarən nda fukə, eeshe a zɨmrən nda mbɨrə gəkɨlə ndaa ndukodə Həmɨnpwa.
24Shezə ləməgye da Həmɨnpwa a fɨlə ta mbəgə hee, ɓwaare hananang a kɨl ləmə feme da Yesu.
25Ite Barnabas ka Shawulu a mbəgə lyente zə kaarən, təna dɨmagə vor Urshelima ɓa mɨnə vor Antiyok. Təna kɨsə ka Yohana, a mya wa atɨ Markus.
Currently Selected:
Lyenta 12: bcy
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Lyenta 12
12
Mye gbə Bitrus a vɨnə gbərəwe
1A vor bətɨngɨn, həmɨn Hiridus a kət i ji-kotti a gbərən a vɨnə gbərəwe gə nda tənəə dərən. 2Nda ɗɨkə mya kɨt Yakubu ndi jibiyə Yohana a ɓɨlə ka sungwa. 3Ite Hiridus a niyə hanɨngə Yawude ka sa nda ɗa, nda pɨrə a kɨt Bitrus a gbən a vɨnə gbərəwe mgban. Itɨngɨn mye nee a vor ɗa sɨlangsətɨ Zɨm Burodite taa maɗə kaarə. 4Ite Hiridus a kɨt Bitrus, nda gbən, a ɗakan a tɨfə ji-pakawate mya takarən fwat laka fwat. Ndi Hiridus kanasən nə atɨ sɨkwalə Lawuttə kana pɨrə, nda dɨmaadə Bitrus a haa bwange gə mya ɗan ɓashitɨ we.
5Tee Bitrus a gə vor vɨnə gbərəwe, shezə ji-kottə a peyə ta ɗa Həmɨnpwa hiwtə ka diyale gə le dan.
6Ka tukote haa ɓa kɨɗa Hiridus a dɨmaadə Bitrus a ɓashiyən də, Bitrus nee bə waka ji-pakawatə kpe dɨ shini, mye ɓwerən ka malye kpe. Nggɨre ji-pakawatə mgban nee gbalzumtə kangə kwa-vɨnə gbərəwe. 7Malyene da Həmɨnpwa a nzaa dɨma tee tan, ɓɨrtə a takadə vɨnə gbərəwe. Malyenəngɨn a ɓinagə Bitrus a gyengəngɨn a maddən gə shintə a san atɨ, “Maɗi tan-tan.” Malyee mya pukə Bitrus a tyefingɨn a kəji.
8Malyene a san atɨ, “Kala sɨɓwetɨ dəw hye dəm hwanye.” Bitrus a ɗaasə mgban. Malyene a mɨna san atɨ, “Shapwa baase dəw kwaɗe.” 9Bitrus a dɨmgə vor vɨnə gbərəwe a koɗən ka dii-shintə, ndaa lee diyalə sa dɨ ɗa, haagən ɓətɨ diya mya wunən. 10Təna woyə a pɨrgə ji-pakawatɨ kwamətə ka i kpeyəte gbalzumtə kanyi, ite təna tɨla a kwatɨfa mya ɗa ka sɨtaa, a ɓa dɨmə a pɨrə vor vɨratə, kwatɨfəngɨn a wunə ka nənəngɨn, təna pɨrə a dɨmə haa bwange. Ite təna woyə a pɨrə a haa gungulungə, gbyel a hangɨn malyene a kipə a ɗakan.
11Bitrus ɓe mɨna a sɨsən, nda boyə nəngɨn atɨ, “Ɓəgəng hɨn she leyə atɨ lanə diyalə taa ndələ də. Həmɨnpwa nə lyana malyene dan nda sɨ mbədi gə tɨfə Hiridus kat ka səhasa Yawude a kana ɓa ɗa ke.”
12Ite Bitrus a səɗə ka yedingɨn a lee sa dɨ muɗə nəngɨn, nda ɗɨrə a muɗə dɨ hwoda Maryamu nuwogə Yohana a mya wa atɨ Markus, a hangɨn ɓwaare nee peyi hananang dɨ ɗa Həmɨnpwa hiwtə. 13Bitrus a kangə haa bwange ta kwal-haa. Njite dɨ ɗa lyentə a hwoɗingɨn, kwakɨngrə nə Roda, ngga maɗa a shi kwatɨfe. 14Ite ngga kɨla kormɨ Bitrus a leyə atɨ sɨnə, gəkɨlə hanɨngtə, ngga giɓə a mɨnə vor vɨne nggaa wuna kwatɨfe. Ngga hiwa myee a vor hwoɗye atɨ, “Bitrus nə kangə kwatɨfe.”
15Təna sarə atɨ, “Pɨle nee gu.” Ite ngga pɨrə humwa ta boyərən atɨ diyalə, təna sarə atɨ, “Ndəng pɨlangɨn nə.”
16Ite Bitrus a pɨrə humwa ka kwal-haa, təna wuna haa a nan sɨnə, təna kangə kiw. 17Nda maɗərən də tɨfəngɨn gəkɨlə təna ɗaka byele, haa a talə. Nda shea boyərən le a nə dɨmate Həmɨnpwa a dɨmaadən dɨ vor vɨnə gbərəwe. Nda sarən atɨ, “Boyəmə Yakubu makpanə vɨnə hiwtə ka mbiɗitɨ ji-kottə ləngɨn.” Nda ɗakarən a muɗə a haa.
18Na haa ɓe kɨɗa, tukuttə a pɨrə waka ji-pakawate mya vərən gɨratə a vor vɨnə gbərəwe kɨr-kɨr. Tən ta ɗiyəsə le atɨ, a ndo haa gə Bitrus. 19Də Hiridus a ɗɨkdə ɓwaare mya woyə a ɨl Bitrus, myaa nan. Nda waga nggɨre ji-pakawate mya vərən nidə Bitrus a ɗiyərən ləməgye a mbəə, nda ɗɨkha mya ɓəltɨrən.
We da Hiridus
Beetɨ angɨn həmɨn Hiridus a dɨmgə vor njiya Yawudiya a muɗə a dɨ nza vor vɨra Kesariya a ɗɨm bətə ɓyeləng. 20Itɨngɨn yedi Hiridus nee dɨ kɨɗən ka mi Taya ka Sidon. Də mi Taya ka Sidon a peyə gə təna lyenshe a hakan. Təna zə dɨ haka kpana da Hiridus a mya wa atɨ Bilastus, təna nyisən gə nda byelə ka Hiridus wakasərən a mɨna wula gə ndi Hiridus a ɗɨma gwadərən. (Mi Taya ka Sidon a dɨ ɗɨm sɨzɨmtə dɨ vor njiya da həmɨn Hiridus.)
21A fəra mi Taya ka Sidon a paya kat ɓa naa Hiridus də, Hiridus a kala sɨɓwetɨ həmne dan, a nza nə ruutɨ dan, a lama ka ɓwaare. 22Ɓwaare a puk kawahəme atɨ, “Wule korma, kormɨ Həmɨnpwati, aa kormɨ ɓwaara.” 23Də a hangɨn gbyel, malyene da Həmɨnpwa a zaarən nda fukə, eeshe a zɨmrən nda mbɨrə gəkɨlə ndaa ndukodə Həmɨnpwa.
24Shezə ləməgye da Həmɨnpwa a fɨlə ta mbəgə hee, ɓwaare hananang a kɨl ləmə feme da Yesu.
25Ite Barnabas ka Shawulu a mbəgə lyente zə kaarən, təna dɨmagə vor Urshelima ɓa mɨnə vor Antiyok. Təna kɨsə ka Yohana, a mya wa atɨ Markus.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.