Pedrin toine kirjaine 1
1
1Minä Simon-Pedri, Iisusan Hristosan käskyläine da apostol, työnnän tervehytty teile, kudamile meijän Jumal da Piästäi Iisus Hristos omas hyvyös andoi juuri moizen hinnattoman uskon kui meilegi.
2Anna teijän ozakse tulou ainos vai enämbi hyvytty da rauhuttu, sendäh gu työ tunnetto Jumalua da meijän Ižändiä Iisussua.
Kučundu da valličendu
3Hänen jumalalline vägi andoi meile lahjakse kai, midä pidäy tozi elaijas da Jumalan varuandas, sendäh gu myö tiijustimmo Händy, kudai kučui meidy omal taivahallizel valgiel da väil. 4Nenga Häi andoi meile ylen suuret da kallehet uskalmot, gu työ niilöin vuoh pagenizitto pahois himolois, kudamat rikotah rahvastu muailmas, da gu suazitto vuitin jumalallizes.
5Sikse pangua kai väit, gu ozuttua omas uskos hyvii ruadoloi da hyvis ruadolois – ellendysty, 6a ellendykses – ičen käzispidämisty, ičen käzispidämizes – keständiä, keständäs – Jumalan varuandua, 7Jumalan varuandas – vellien suvaičendua, vellien suvaičendas – kaikkien rahvahien suvaičendua. 8Gu kai tämä teis on da suurenou, sit meijän Ižändän Iisusan Hristosan tundemine ei jiä teis sualehettah da hyvyöttäh. 9A se, kes nämii ei ole, on sogei, nägöy vai oman nenänalustan. Häi unohti, kui händy puhtastettih endizis riähkis.
10Ga opikkua sit, vellet, enämbäl da enämbäl lujendua teijän kučundua da valličendua. Gu muga ruatto, sit nikonzu etto öntästy. 11I muga avavutah teile veriät kahtalleh meijän Ižändän da Piästäjän Iisusan Hristosan ilmanigäzeh valdukundah.
Sana on uskottavu
12Sendäh tahton ainos juohtutella teile nämii dieloloi, hos työ tiijättö net da lujah pyzyttö toves, kudai teile on annettu. 13Kačon oigiekse juohtutella teile, kuni vie olen täs omas rungutalois. 14Minä tiijän, tämä taloi terväh riičitäh – sen minule avai meijän Ižändy Iisus Hristos. 15Tälleh tahton pidiä huolen sit, gu työ minun lähtiettyygi ainos pidäzittö mieles nämä dielot.
16Emmohäi myö sanelluh teile ounahasti luajittuloi zuakkunoi, konzu sanelimmo meijän Ižändän Iisusan Hristosan vägeh da tulendah näh. Myö omin silmin näimmö Hänen väin da suuruon. 17Jumal, Tuatto, andoi Hänele kunnivon dai taivahallizen valgien, konzu Ylimäzes Valgiespäi tuli Hänen luo iäni: «Tämä on Minun armas Poigu, Häneh Minä miellyin.» 18I tämän iänen myö kuulimmo taivahaspäi, konzu olimmo Hänenke pyhäl mäil.
19Sendäh myö endisty enämbäl voimmo uskuo Jumalan iänenkandajien sanoih. Työ luajitto hyvin, gu kiännyttö sih sanah kui pimies palajah lampah, kuni ei valgone päivy da ei nouze huondestiähti teijän sydämis. 20Tiijäkkiä enne kaikkie, gu ni yhty Pyhien Kirjutuksien ennustustu niken iče ei voi sellittiä. 21Eihäi ni yksi jumalalline viesti nikonzu ole tulluh ristikanzan tahtos, a Pyhän Hengen käskys rahvas paistih sidä, midä suadih Jumalaspäi.
Currently Selected:
Pedrin toine kirjaine 1: LIVVI
Highlight
Share
Copy
Want to have your highlights saved across all your devices? Sign up or sign in
(c) Biblienkiännändyinstituuttu, Helsinki 2003
Pedrin toine kirjaine 1
1
1Minä Simon-Pedri, Iisusan Hristosan käskyläine da apostol, työnnän tervehytty teile, kudamile meijän Jumal da Piästäi Iisus Hristos omas hyvyös andoi juuri moizen hinnattoman uskon kui meilegi.
2Anna teijän ozakse tulou ainos vai enämbi hyvytty da rauhuttu, sendäh gu työ tunnetto Jumalua da meijän Ižändiä Iisussua.
Kučundu da valličendu
3Hänen jumalalline vägi andoi meile lahjakse kai, midä pidäy tozi elaijas da Jumalan varuandas, sendäh gu myö tiijustimmo Händy, kudai kučui meidy omal taivahallizel valgiel da väil. 4Nenga Häi andoi meile ylen suuret da kallehet uskalmot, gu työ niilöin vuoh pagenizitto pahois himolois, kudamat rikotah rahvastu muailmas, da gu suazitto vuitin jumalallizes.
5Sikse pangua kai väit, gu ozuttua omas uskos hyvii ruadoloi da hyvis ruadolois – ellendysty, 6a ellendykses – ičen käzispidämisty, ičen käzispidämizes – keständiä, keständäs – Jumalan varuandua, 7Jumalan varuandas – vellien suvaičendua, vellien suvaičendas – kaikkien rahvahien suvaičendua. 8Gu kai tämä teis on da suurenou, sit meijän Ižändän Iisusan Hristosan tundemine ei jiä teis sualehettah da hyvyöttäh. 9A se, kes nämii ei ole, on sogei, nägöy vai oman nenänalustan. Häi unohti, kui händy puhtastettih endizis riähkis.
10Ga opikkua sit, vellet, enämbäl da enämbäl lujendua teijän kučundua da valličendua. Gu muga ruatto, sit nikonzu etto öntästy. 11I muga avavutah teile veriät kahtalleh meijän Ižändän da Piästäjän Iisusan Hristosan ilmanigäzeh valdukundah.
Sana on uskottavu
12Sendäh tahton ainos juohtutella teile nämii dieloloi, hos työ tiijättö net da lujah pyzyttö toves, kudai teile on annettu. 13Kačon oigiekse juohtutella teile, kuni vie olen täs omas rungutalois. 14Minä tiijän, tämä taloi terväh riičitäh – sen minule avai meijän Ižändy Iisus Hristos. 15Tälleh tahton pidiä huolen sit, gu työ minun lähtiettyygi ainos pidäzittö mieles nämä dielot.
16Emmohäi myö sanelluh teile ounahasti luajittuloi zuakkunoi, konzu sanelimmo meijän Ižändän Iisusan Hristosan vägeh da tulendah näh. Myö omin silmin näimmö Hänen väin da suuruon. 17Jumal, Tuatto, andoi Hänele kunnivon dai taivahallizen valgien, konzu Ylimäzes Valgiespäi tuli Hänen luo iäni: «Tämä on Minun armas Poigu, Häneh Minä miellyin.» 18I tämän iänen myö kuulimmo taivahaspäi, konzu olimmo Hänenke pyhäl mäil.
19Sendäh myö endisty enämbäl voimmo uskuo Jumalan iänenkandajien sanoih. Työ luajitto hyvin, gu kiännyttö sih sanah kui pimies palajah lampah, kuni ei valgone päivy da ei nouze huondestiähti teijän sydämis. 20Tiijäkkiä enne kaikkie, gu ni yhty Pyhien Kirjutuksien ennustustu niken iče ei voi sellittiä. 21Eihäi ni yksi jumalalline viesti nikonzu ole tulluh ristikanzan tahtos, a Pyhän Hengen käskys rahvas paistih sidä, midä suadih Jumalaspäi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Biblienkiännändyinstituuttu, Helsinki 2003