Romo 9
9
Godena yarepe mi wenaalina angele
1Neme doame pi angelere ora angele doa. Niri Yesu Kerisona eiyalo arare neme yayapi na-doa. Na kone pange ande Epe Yaakopi Sipiridimi surumbea eimiyalo arare neme ora lalo lo ni rambamilia. 2Nina repaa wenaalisi yara waru puaya. Nimu yara puaya eimi na pumi pange kenda andaai ruayo. 3Go eina ni pora menda sula payalore neme nimu na-alu pi ni alu pulame Keriso rapu na-aperae ni pane alapawa.
4Go repaa nimuri Godeme mumaya wenaali. Nipumi nimu nipuna nongo nakinu ma-aulaoma nipuna paa pi ei nimu rapu rali pea. Gupuma nimu rapu angele lo korasuma nimu repara ande Rudule Angele alo pisaya. Gode reparare nimumi ora rupa rumu yaruaoma yainya puaeme. Gupuma Godeme gula loma wili mandaa meaisaya alenu ora mupeme. 5Nimuna aya kasuanuri Eparame pange Aisake pange Dieikopo nimuna repaa. Gupuma Yesuri go suna ipuma ali aulisaya dinare go repaa ali aisaya. Gode alenda alenda raayosi andere-aya alina bi minyasiaminya. Orae.
6Ande Godena wili mandaa misaya angelere na-pea pi na-lalo. Akepeare Isaraeli wenaali raayosi Godeme mea wenaali dia. 7Gurupa mandare Eparamena mandu rangala pae wenaali mendapare komea ora Godena wenaali. Godeme Eparame para gupi lisaya.
Ande neme wili mandaa meaisuande repaare
Aisakeme mandu rangala palia.
8Go lea eiri gupi loma lea. Eparameme mandu rangala pae repaa raayo Godena repaa dia. Go au na-piri ande Godena wili mandaa misayanda mandisaya wenaali komea ora Godeme mandu rangala pae repaa. 9Godeme Eparame repara wili mandaa misaya angele go.
Ora nipuna naare opolo epelea dinare Serame
naki mandia lisaya.
10Go ei komea dia. Akepeare Rebekana naki laapona arare komea kama. Go aliri Aisake, naa mandu rangala pae ali. 11-12Godeme Rebeka repara lalore gupi lisaya.
Nena ririna nakimiri nena werepe nane nakina
rolo para ao-alia lea.
Gode nipumi go lea eiri gore nipumi monde naki menda mealo ara naki menda na-misaya eiri nipuna ambala ririna pinya kone wisaya ei. Nipumi Rebeka para lisaya eiri Rebekame naki laapo raidipuna ambe na-mandi-ainya lisaya. Godeme go au pea eiri monde naki laapome epe aunu pange koae aunu pange menda ambe na-pi ainyaloma pea. Go einare Godeme mo naki menda mealo ara naki menda na-mea eiri nipumi ale menda pependa diayapare Gode nipuna pena para ambala wi la mea rupa. 13Monde Godena angele wia bukamere gupi lea rupa ora pea.
Neme Dieikopo mealo ara Iso minyapalayo, lea.
14Go pea einare naame Godemere rendepona au na-pia laminyapae. Dia. Gupi na-dema. 15Akepeare Godeme Mosesi para gupi lisaya.
Neme nina rana pilia wenaali para kome
yarame komala pulae, lisaya.
16Go einare Godeme ali menda mealo ara ali menda na-mea eiri nipumi ale menda peanda diayapare Gode nipuna pakama yarame komea eina pea. 17Ande Godena angele wia bukame Kini Pero parare gupi lea.
Neme nee Kini ali ma-pirae auri nee repara na puri
wadoame pawae, lisaya.
Gupuma na bi alenda alenda parasi raayo
winyayanda pawae, lisaya.
18Go einare Godemere nipuna rana pilia wenaali komea nipumi yarame komea. Gurupa mandare nipuna rana pilia wenaalinuna pu ma-rokeyaoma kana peme ma-andao-aya.
Godeme rono pangala ei yarame komala ei laapo
19Ali mendame ni para gupi dea. Godeme go aunda piliandare gore nipumi naame pape-na-ya au pemelore akepea deayapae. Godena rana pea eiri apimi rungudiayapae. 20Gode repara konda liae angele dapele ali nere apiyapae. Kengeme wapea sosopenimi mo nipu warea ali para lalo ara niri gupa wari auri akepeapae pae pi na-dea. 21Kengeme sosopeni wapuaya alimiri mo kenge muma nipuna rana pilia rupa wapilia. Nipumi mango komea kengeme gole sosopeni laapo wapilia. Mendare naare raayosi enda pambala pula pea ei. Mendare pa andaa naarena komea enda pambala pape ei.
22Godeme ande pisaya ei pange go ei mandana. Nipuna rono pange ei penameyao waloma nipuna puri pale ei wenaali raayome andenaya pea. Rono pangala pangala ara rali pulapa wenaali. 23Gupuma pange nipuna paa pi puri naa nipumi yarame kome wenaali repara wadoameya pisaya. Naa nipuna paa pi puri mulame wamo puma wenaali repara wadoame pisaya.
24Naare nipumi ambala wi lamea. Isaraelimi mandu rangala pae wenaalinuna rupara komea diayapare ande Isaraelimi na-mandu rangala pae wenaalina rupara pange wi lamea. 25Oseame wape pisaya bukanare Godeme gupi lea.
Ambala ririnare nina wenaali pi na-lawapare
ambiare na wenaali lalo, lisaya.
Neme ande pu na-alawa wenaali parare
ambia lalore Wala nina pumi na-kepele wenaali
doae lisaya.
26Gupuma ande Godeme lalo ara lalo
Nimiri nina wenaali dia landepare
ambiare nimuri ande na-kome pa aya
Godena siriri dea.
27Aisayame pange Isaraeli wenaali parare gupi lisaya:
Isaraeli nena wenaaliri ipa kouna wi da kekele manda
ralo ria pola peapare golere pa reposinda kome
rambameapeya, lisaya.
28Godemere rana kome go suna aeme wenaali
raayo rali pilia, lisaya.
29Go eiri ande Aisayame ambalande lisaya rupa manda.
Ande Gode puri waru pale aliminda naana ruruna bi
pa ma-siari pola pame wenaali menda na-ainya
da pisayalore naare Sodomo pange
Gomora anda laapo manda dapa.#9:29 Sodomo para Gomora lapore ree anda laapo Eparame nipuna naarena aisaya anda laapo. Go anda para aisimiya wenaalimi koae au andaai pisimiyanda Godeme repaname kiru rumbisaya.
Ande epe angelere Isaraeli wenaalinu nimuna ei pange
30Naamere go loma dama. Ande Isaraelimi na-mandu rangala pae wenaalinumiri Gode rapu nimu ma-ririyaoma aluame na-rapisimiya. Go peapare Godeme nimuna nipu repara kone rulaisimiya ei andomare nimu rendepole wenaali lisaya. 31Ande Godeme wi lamisaya Isaraelimi mandu rangala pae wenaalimiri Godeme nimu ma-epeala pea rudule angele menda na-andawisimiya. 32Akepeare nimumi pisimiya einu kone rulaya eina na-pisimiyapare ande nimumi pisimiya einumi nimu rambamilia kone wisimiya. Nimu go au pisimiya eimi ande wenaali ma-lopao-aisaya kana manda ao-lopisimiya. 33Ande Godena angele wia bukamere gupi lea.
Nimi waru pangalepa lea. Neme Saioni anda para
wenaali ma-lopala pea kana apo sialonda, lea.
Go kanamere nimu ora ma-lopalia.
Go peapare nipu repara kone rulalimi repaa nimuri
manda na-lopeleme lea.
Currently Selected:
Romo 9: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Romo 9
9
Godena yarepe mi wenaalina angele
1Neme doame pi angelere ora angele doa. Niri Yesu Kerisona eiyalo arare neme yayapi na-doa. Na kone pange ande Epe Yaakopi Sipiridimi surumbea eimiyalo arare neme ora lalo lo ni rambamilia. 2Nina repaa wenaalisi yara waru puaya. Nimu yara puaya eimi na pumi pange kenda andaai ruayo. 3Go eina ni pora menda sula payalore neme nimu na-alu pi ni alu pulame Keriso rapu na-aperae ni pane alapawa.
4Go repaa nimuri Godeme mumaya wenaali. Nipumi nimu nipuna nongo nakinu ma-aulaoma nipuna paa pi ei nimu rapu rali pea. Gupuma nimu rapu angele lo korasuma nimu repara ande Rudule Angele alo pisaya. Gode reparare nimumi ora rupa rumu yaruaoma yainya puaeme. Gupuma Godeme gula loma wili mandaa meaisaya alenu ora mupeme. 5Nimuna aya kasuanuri Eparame pange Aisake pange Dieikopo nimuna repaa. Gupuma Yesuri go suna ipuma ali aulisaya dinare go repaa ali aisaya. Gode alenda alenda raayosi andere-aya alina bi minyasiaminya. Orae.
6Ande Godena wili mandaa misaya angelere na-pea pi na-lalo. Akepeare Isaraeli wenaali raayosi Godeme mea wenaali dia. 7Gurupa mandare Eparamena mandu rangala pae wenaali mendapare komea ora Godena wenaali. Godeme Eparame para gupi lisaya.
Ande neme wili mandaa meaisuande repaare
Aisakeme mandu rangala palia.
8Go lea eiri gupi loma lea. Eparameme mandu rangala pae repaa raayo Godena repaa dia. Go au na-piri ande Godena wili mandaa misayanda mandisaya wenaali komea ora Godeme mandu rangala pae repaa. 9Godeme Eparame repara wili mandaa misaya angele go.
Ora nipuna naare opolo epelea dinare Serame
naki mandia lisaya.
10Go ei komea dia. Akepeare Rebekana naki laapona arare komea kama. Go aliri Aisake, naa mandu rangala pae ali. 11-12Godeme Rebeka repara lalore gupi lisaya.
Nena ririna nakimiri nena werepe nane nakina
rolo para ao-alia lea.
Gode nipumi go lea eiri gore nipumi monde naki menda mealo ara naki menda na-misaya eiri nipuna ambala ririna pinya kone wisaya ei. Nipumi Rebeka para lisaya eiri Rebekame naki laapo raidipuna ambe na-mandi-ainya lisaya. Godeme go au pea eiri monde naki laapome epe aunu pange koae aunu pange menda ambe na-pi ainyaloma pea. Go einare Godeme mo naki menda mealo ara naki menda na-mea eiri nipumi ale menda pependa diayapare Gode nipuna pena para ambala wi la mea rupa. 13Monde Godena angele wia bukamere gupi lea rupa ora pea.
Neme Dieikopo mealo ara Iso minyapalayo, lea.
14Go pea einare naame Godemere rendepona au na-pia laminyapae. Dia. Gupi na-dema. 15Akepeare Godeme Mosesi para gupi lisaya.
Neme nina rana pilia wenaali para kome
yarame komala pulae, lisaya.
16Go einare Godeme ali menda mealo ara ali menda na-mea eiri nipumi ale menda peanda diayapare Gode nipuna pakama yarame komea eina pea. 17Ande Godena angele wia bukame Kini Pero parare gupi lea.
Neme nee Kini ali ma-pirae auri nee repara na puri
wadoame pawae, lisaya.
Gupuma na bi alenda alenda parasi raayo
winyayanda pawae, lisaya.
18Go einare Godemere nipuna rana pilia wenaali komea nipumi yarame komea. Gurupa mandare nipuna rana pilia wenaalinuna pu ma-rokeyaoma kana peme ma-andao-aya.
Godeme rono pangala ei yarame komala ei laapo
19Ali mendame ni para gupi dea. Godeme go aunda piliandare gore nipumi naame pape-na-ya au pemelore akepea deayapae. Godena rana pea eiri apimi rungudiayapae. 20Gode repara konda liae angele dapele ali nere apiyapae. Kengeme wapea sosopenimi mo nipu warea ali para lalo ara niri gupa wari auri akepeapae pae pi na-dea. 21Kengeme sosopeni wapuaya alimiri mo kenge muma nipuna rana pilia rupa wapilia. Nipumi mango komea kengeme gole sosopeni laapo wapilia. Mendare naare raayosi enda pambala pula pea ei. Mendare pa andaa naarena komea enda pambala pape ei.
22Godeme ande pisaya ei pange go ei mandana. Nipuna rono pange ei penameyao waloma nipuna puri pale ei wenaali raayome andenaya pea. Rono pangala pangala ara rali pulapa wenaali. 23Gupuma pange nipuna paa pi puri naa nipumi yarame kome wenaali repara wadoameya pisaya. Naa nipuna paa pi puri mulame wamo puma wenaali repara wadoame pisaya.
24Naare nipumi ambala wi lamea. Isaraelimi mandu rangala pae wenaalinuna rupara komea diayapare ande Isaraelimi na-mandu rangala pae wenaalina rupara pange wi lamea. 25Oseame wape pisaya bukanare Godeme gupi lea.
Ambala ririnare nina wenaali pi na-lawapare
ambiare na wenaali lalo, lisaya.
Neme ande pu na-alawa wenaali parare
ambia lalore Wala nina pumi na-kepele wenaali
doae lisaya.
26Gupuma ande Godeme lalo ara lalo
Nimiri nina wenaali dia landepare
ambiare nimuri ande na-kome pa aya
Godena siriri dea.
27Aisayame pange Isaraeli wenaali parare gupi lisaya:
Isaraeli nena wenaaliri ipa kouna wi da kekele manda
ralo ria pola peapare golere pa reposinda kome
rambameapeya, lisaya.
28Godemere rana kome go suna aeme wenaali
raayo rali pilia, lisaya.
29Go eiri ande Aisayame ambalande lisaya rupa manda.
Ande Gode puri waru pale aliminda naana ruruna bi
pa ma-siari pola pame wenaali menda na-ainya
da pisayalore naare Sodomo pange
Gomora anda laapo manda dapa.#9:29 Sodomo para Gomora lapore ree anda laapo Eparame nipuna naarena aisaya anda laapo. Go anda para aisimiya wenaalimi koae au andaai pisimiyanda Godeme repaname kiru rumbisaya.
Ande epe angelere Isaraeli wenaalinu nimuna ei pange
30Naamere go loma dama. Ande Isaraelimi na-mandu rangala pae wenaalinumiri Gode rapu nimu ma-ririyaoma aluame na-rapisimiya. Go peapare Godeme nimuna nipu repara kone rulaisimiya ei andomare nimu rendepole wenaali lisaya. 31Ande Godeme wi lamisaya Isaraelimi mandu rangala pae wenaalimiri Godeme nimu ma-epeala pea rudule angele menda na-andawisimiya. 32Akepeare nimumi pisimiya einu kone rulaya eina na-pisimiyapare ande nimumi pisimiya einumi nimu rambamilia kone wisimiya. Nimu go au pisimiya eimi ande wenaali ma-lopao-aisaya kana manda ao-lopisimiya. 33Ande Godena angele wia bukamere gupi lea.
Nimi waru pangalepa lea. Neme Saioni anda para
wenaali ma-lopala pea kana apo sialonda, lea.
Go kanamere nimu ora ma-lopalia.
Go peapare nipu repara kone rulalimi repaa nimuri
manda na-lopeleme lea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.