Romo 16
16
Polome wenaali para paidapape angelenu lea ei
1Naana bali wena Pibi nipuri Senikiria Keriso wenaalinuna pupudengi nao-aya wena nipuri ora epe wena ayale nipuna angele waru pangalepape. 2Realina bina nipu andami pape. Go au pi auri Godena wenaalimi pula peme rupa. Nipu nimi ale menda lora piliandare waru rambamipape. Akepeare nipuri wenaali andapu para pange ni para pange epe aunu waru pea.
3-4Akuila para Pirisila nipuri Kerisona pupudengi nao-aema yango laapoae. Neme nipu para paliape angele lalo. Niipu laapome komape ei kone na-wi ni rambameala pape. Ni pange ande Isaraelimi na-mandu rangala pae Keriso wenaali naame go niipu laapo para ranae angele dama. 5Nimuna anda paranu mombeaeme Keriso wenaali repara pange paliape angele lalo.
Epaenedusi nipuri Esia andasu para Reali repara nipumi ambala kone rularipa. Go ali nipu para pange paliape lalo. 6Meari nipumi nimina pupudengi ora waru naripa. Nipu para pange paliape lalo.
7Nina Isaraelimi mandu rangala pae ali yango laapo Andaronikusi pange Diuniasi laapore ni rapu dipula anda para menda pirama. Niipuri aposolo alinu raayome kone waru wimi. Nipuri ni Keriso ambe na-ae ano niipu ambala aepe.
8Amapiliadusi nina andami nipuri Reali rapu runaoma aya. Nipu repara paliape angele lalo.
9Urabanusi nipuri naame pema rupa Yesuna pupudengi nao-aya. Nipu para pange Sidakisi nina andami laapo para paidapape angele lalo. 10Apelesi nipuri ande Reali repara waru panda punyaoma ao-aya. Nipu para paliape lalo. Arisidobolusi nipuna repaa wenaali para pange paidapape lalo. 11Erodioni nipuri ni pe rupa Isaraelimi mandu rangala pae ali. Nipu para pange Nasisusina repaa wenaali Keriso aeme repaa para pange paidapape lalo.
12Daraepena pange Daraeposa nipuri Realina pupudengi nao-aepe. Nina andami Perasisi pange Realina pupudengi waru nao-aya. Nimu raayo para paidapape angele lalo. 13Rupasi nipuri Realina pupudengi naluame waruaya. Nipuna amame pange ni nipuna naki manda aularipa. Niipu laapo para paidapape lalo. 14Asinikiridusi, Piligoni, Emesi, Padorobasi, Emasi pange nimu rapu aeme Keriso yangonu raayo para paliape angele lalo. 15Pilologasi pange Diulia pange Nereyusi pange nipuna bali pange Olimipasi pange nimu rapu aeme Godena wenaali raayo para paidapape angele lalo.
16Menda menda kupiala pulamere ora waru kupiala pape. Keriso wenaali raayome nimi repara paidapape dame.
Romo Keriso repaa para pereyado angele lea ei
17Nina amenuo, mendane wenaalimiri wenaali ma-rekele rekele pape aunu apo pilimi. Gupuma monde Gode repara kone rulaeme ei minyapalaliminyayanda rapeleme. Ande naame walamande angele rapu yanda liape angele deme. Go wenaali waru andere-alepape.
18Akepeare go aunu pimi repaare Reali Kerisona au pada ara na-pimipare nimuna rana pi aunu pulu ara pimi. Gupuma nimumi epe rupa kuma pi angelesinu loma wenaali mo epe rupa aeme repaa ma-koyao-aeme.
19Nimimi Reali nipu repara panda peme eiri ambuname pangeme. Go einare neme nimi repara raname komalo. Gupuma nina ranare nimimi epepe aunu pape ei repara kone waru sialepape. Gupumare koae alenumi nimi na-warainya dapape. 20Godere naana kuma pi eina ree. Nipumi nimimi Sadani nipuna puri lu rambualiminya dea. Naana Reali Yesuna yarame komala ei nimi rapu winya.
21Dimodi saana menda pupudengi ne pa alimi pange Lusiusimi pange Dieisonimi pange paidapape angele dame. Go repaare ni pe rupa Isaraelimi mandu rangala pae alinu.
22Go ramayo wape pi aliri Desiusi neme pi. Nimi repara paidapape lalo.
23-24Niri Gayausi rapu nipuna anda para ayo. Gupuma Keriso wenaali go anda para mombeaeme. Go ali nipumi paidapape angele da. Go ni ayo ree andana muni andere pia ali Erasidusi pange naana Keriso yango Koaradusi nipumi paidapape dame. Naana Reali Yesu nipuna pakama yarame komea eiri nimi para winya. Ora ae.
Polome Gode repara ranae angele lisaya ei
25Naame Godena bi minyasiaminya. Nipumi nimina kone rulalimi ei manda puri ma-palari pelea. Go au pi auri ande neme waloayo angeleme go au ma-palia. Go Epe Angelere ande Yesu Kerisona angele. Go angelere ande ora ree angele ambaisena kundiripi ei Godeme ambiare penameyao wada. 26Go peapare ambiare ande poropedi alinumi wape pisimiya einumi go ree angele penameyao kama nane walea. Gupuma ande na-komape Godeme lea rupa andayaya raayosi waloaeme. Go au pi auri wenaali raayome Godena angele pangoma pinyaya pea.
27Go Godere nipu komea ora kone waru wia. Yesu Keriso rupara Godena bi naare raayosi minysiari bainya. Go au ora paminya.
Currently Selected:
Romo 16: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Romo 16
16
Polome wenaali para paidapape angelenu lea ei
1Naana bali wena Pibi nipuri Senikiria Keriso wenaalinuna pupudengi nao-aya wena nipuri ora epe wena ayale nipuna angele waru pangalepape. 2Realina bina nipu andami pape. Go au pi auri Godena wenaalimi pula peme rupa. Nipu nimi ale menda lora piliandare waru rambamipape. Akepeare nipuri wenaali andapu para pange ni para pange epe aunu waru pea.
3-4Akuila para Pirisila nipuri Kerisona pupudengi nao-aema yango laapoae. Neme nipu para paliape angele lalo. Niipu laapome komape ei kone na-wi ni rambameala pape. Ni pange ande Isaraelimi na-mandu rangala pae Keriso wenaali naame go niipu laapo para ranae angele dama. 5Nimuna anda paranu mombeaeme Keriso wenaali repara pange paliape angele lalo.
Epaenedusi nipuri Esia andasu para Reali repara nipumi ambala kone rularipa. Go ali nipu para pange paliape lalo. 6Meari nipumi nimina pupudengi ora waru naripa. Nipu para pange paliape lalo.
7Nina Isaraelimi mandu rangala pae ali yango laapo Andaronikusi pange Diuniasi laapore ni rapu dipula anda para menda pirama. Niipuri aposolo alinu raayome kone waru wimi. Nipuri ni Keriso ambe na-ae ano niipu ambala aepe.
8Amapiliadusi nina andami nipuri Reali rapu runaoma aya. Nipu repara paliape angele lalo.
9Urabanusi nipuri naame pema rupa Yesuna pupudengi nao-aya. Nipu para pange Sidakisi nina andami laapo para paidapape angele lalo. 10Apelesi nipuri ande Reali repara waru panda punyaoma ao-aya. Nipu para paliape lalo. Arisidobolusi nipuna repaa wenaali para pange paidapape lalo. 11Erodioni nipuri ni pe rupa Isaraelimi mandu rangala pae ali. Nipu para pange Nasisusina repaa wenaali Keriso aeme repaa para pange paidapape lalo.
12Daraepena pange Daraeposa nipuri Realina pupudengi nao-aepe. Nina andami Perasisi pange Realina pupudengi waru nao-aya. Nimu raayo para paidapape angele lalo. 13Rupasi nipuri Realina pupudengi naluame waruaya. Nipuna amame pange ni nipuna naki manda aularipa. Niipu laapo para paidapape lalo. 14Asinikiridusi, Piligoni, Emesi, Padorobasi, Emasi pange nimu rapu aeme Keriso yangonu raayo para paliape angele lalo. 15Pilologasi pange Diulia pange Nereyusi pange nipuna bali pange Olimipasi pange nimu rapu aeme Godena wenaali raayo para paidapape angele lalo.
16Menda menda kupiala pulamere ora waru kupiala pape. Keriso wenaali raayome nimi repara paidapape dame.
Romo Keriso repaa para pereyado angele lea ei
17Nina amenuo, mendane wenaalimiri wenaali ma-rekele rekele pape aunu apo pilimi. Gupuma monde Gode repara kone rulaeme ei minyapalaliminyayanda rapeleme. Ande naame walamande angele rapu yanda liape angele deme. Go wenaali waru andere-alepape.
18Akepeare go aunu pimi repaare Reali Kerisona au pada ara na-pimipare nimuna rana pi aunu pulu ara pimi. Gupuma nimumi epe rupa kuma pi angelesinu loma wenaali mo epe rupa aeme repaa ma-koyao-aeme.
19Nimimi Reali nipu repara panda peme eiri ambuname pangeme. Go einare neme nimi repara raname komalo. Gupuma nina ranare nimimi epepe aunu pape ei repara kone waru sialepape. Gupumare koae alenumi nimi na-warainya dapape. 20Godere naana kuma pi eina ree. Nipumi nimimi Sadani nipuna puri lu rambualiminya dea. Naana Reali Yesuna yarame komala ei nimi rapu winya.
21Dimodi saana menda pupudengi ne pa alimi pange Lusiusimi pange Dieisonimi pange paidapape angele dame. Go repaare ni pe rupa Isaraelimi mandu rangala pae alinu.
22Go ramayo wape pi aliri Desiusi neme pi. Nimi repara paidapape lalo.
23-24Niri Gayausi rapu nipuna anda para ayo. Gupuma Keriso wenaali go anda para mombeaeme. Go ali nipumi paidapape angele da. Go ni ayo ree andana muni andere pia ali Erasidusi pange naana Keriso yango Koaradusi nipumi paidapape dame. Naana Reali Yesu nipuna pakama yarame komea eiri nimi para winya. Ora ae.
Polome Gode repara ranae angele lisaya ei
25Naame Godena bi minyasiaminya. Nipumi nimina kone rulalimi ei manda puri ma-palari pelea. Go au pi auri ande neme waloayo angeleme go au ma-palia. Go Epe Angelere ande Yesu Kerisona angele. Go angelere ande ora ree angele ambaisena kundiripi ei Godeme ambiare penameyao wada. 26Go peapare ambiare ande poropedi alinumi wape pisimiya einumi go ree angele penameyao kama nane walea. Gupuma ande na-komape Godeme lea rupa andayaya raayosi waloaeme. Go au pi auri wenaali raayome Godena angele pangoma pinyaya pea.
27Go Godere nipu komea ora kone waru wia. Yesu Keriso rupara Godena bi naare raayosi minysiari bainya. Go au ora paminya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.