Romo 11
11
Isaraeli wenaali repara Godeme yarame komea ei
1Go eina neme lora pi. Godeme Isaraelimi mandu rangala pae wenaali kou waloma kone rungularipayapae. Diama. Go au na-pea. Ni pange Isaraeli ali ayo. Nina rururi Benisamene nipuna ruru. Go au puma niri Eparame nipuna mandu rangala pae ali ayo. 2Gode nipuna ambala ririna mea wenaali kou na-walea. Ilaidiame Gode repara Isaraeli wenaalimi pisimiya ei Gode repara la alisaya ei ande Godena angele wia bukame lea eiri ambala kone wimi.
3Ilaidiame gupi lisaya.
Realio, nena poropedi alinu luma ma-komaomare
nee repara alinau puaeme pereaya lena lapa
rambuarimi. Ni komea pa ayo. Gupuma ni pange
duameyanda rapoaeme lisaya.
4Godeme go angele pangoma nipu repara go angele lisaya:
Ande yayapi gode nipuna bi Baale repara panda
punyaoma yainya na-peme wenaali raayo daoseni
mendane ki pereyoma laapo alinu nina ma-yarepe
muma ma-ayo ae lisaya.
5Ambia pange gurupa mandana. Godeme nipuna pakama yarame kome eimi nipuna muma ma-aya wenaali pa reponda aeme. 6Nipumi go wenaali yarepe mea eiri nipuna pakama yarame komea eina pea. Wenaalimi epe aunu menda pemenda dia. Go peapare go wenaalimi ale menda pemenda Godeme mulapayalore gore go eiri pakama yarame komala ei dia.
7Go einare ande Isaraeli wenaalinu nimuna walisimiya alenu na-andawisimiya. Godeme yarepe muma misaya wenaali repondame komea andawisimiya. Mo mendapare wenaalinuri Godeme nimuna kalenu ma-poaisaya. 8Ande Godena angele wia bukame lea rupa mandana:
Godemere nimu kone na-ma-siaya. Ambia go pange
nimuna leeme olemole na-andeme pange
nimuna kale ale menda na-pangeme.
9Deipidimi pange wape pea ei gupa:
Nimuna enda pambolame pimi ale paranu
gole nimu raa winya.
Gupuma nimu lopoma rendaa milimindare epedea.
10Nimumi ale menda na-andola peme rupa
nimuna leenu pange rumbupinya.
Gupuma go repaa nimuna purinu pange pereyo pinya.
11Go einare neme lora pulu arare gupi lalo. Nimu lopisimiya eimiri nimu ma-koyaripayapae, lalo. Ora diae. Nimumi koae aunu peme einare Godeme wenaali rambameape auri ande Isaraelimi na-mandu rangala pae wenaali para komea popena lisaya. Go peme auri ande Isaraelimi na-mandu rangala pae wenaali nimumi epepe aunu andemenda ande Isaraelimi mandu rangala pae wenaali yanda ma-liialuameyanda peme. 12Ande Isaraelimi mandu rangala pae wenaalimi koae aunu pisimiyandare mondeparere wenaalimi epepe alenu pange epepe aunu waru andisimiya. Ande Isaraelimi mandu rangala pae wenaalimi pape ana na-pisaya eiri ande Isaraelimi na-mandu rangala pae wenaalimiri epepe alenu pange epepe aunu komea andisimiya. Go einare gore wala mo Isaraelimi mandu rangala pae wenaalinu raayo wala Gode repara epelemendare ora epepe aunu raayo waru andoalimi.
Godeme Isaraelimi na-mandu rangala pae repaa rambami ei
13Ambia go neme lalo angelenuri nimi Isaraelimi na-mandu rangala pae wenaali nimi para lalo. Niri Godeme Isaraelimi na-mandu rangala pae wenaali repara rapayandare ranae angele waru loayo. 14Neme nina ruru wenaali nimi Isaraelimi na-mandu rangala pae repaa nimimi epepe aunu piminda nimumi nimi rono pangala aunu ma-pala pepare pia. Neme go aunu puluandare gore neme nimu rambameapeya.
15Akepeare Godeme nimu kou waloma aripa dinare monde pa ruru mendare Gode rapu rambuluma arimi. Godeme nimu wala miliandare gore naame ale andelemayapae. Go au piliandare gore kome wenaali wala endoma epe nono pilia.
16Palawa kiri kialindare ririna kiali einda Godenda adendare gore apo palawa kiri raayo nipuna eiyande. Gupuma pange ande repanana pidanu Gode repara ademendare repana raayo pa nipuna ei komea. 17Ande waimi repana olipina palanu mendaparenuri rondope rumbea. Gupuma ande wai na-mi olipi repanana palanumi ande rondepe rumbande palanuna anda panda minya lea. Nimi Isaraelimi na-mandu rangala pae repaa nimiri go wai na-mi pa opea repanana palanumi andea. Gupuma nimiri ande Isaraelimi mandu rangala pae wenaalinumi para piaemendare nimimi epepe aunu andoaeme. 18Go einare ande repana pala leale rondope rumbande repaa repara yawe andaa mondo yawe leale na-rambualepape. Nimimi ako na-lambi diapape. Nimiri palanu aeme. Nimimi pidanu na-siamba-aeme. Pidanumi nimi siamba-aeme.
19Go peapare nimi mendaparemere gupi deme: Eae deme, mo palanu rondope mea auri naame nimuna anda panda mumuna yanda peme dame. 20Go eiri ora dame. Nimu pane rondope rumbi auri nimumi Godena angele na-pangamenda pa. Nimiri wala nimina kone rulaeme eimiri nimi pa ariminde. Go peapare nimimi ako lambe liiape konenu na-sialepape. Go au na-piri lee opo pa winya waru andere-alepape. 21Ande Isaraelimi mandu rangala pae wenaalinuri ande monde repana opalo ara ae palanuyande. Go peapare Godeme nimuna aeme rupa na-ainyale pane rondope rumbande. Nimi pange pa aunu pu o pa konenu wilimindare gore mendaa rupa pane rondope rumbilia. 22Gode nipuri epe aunu waru pu pange rendaa waru pu pea. Nipumiri monde lopamende wenaali parare rendaa waru pea. Nimi epepe rupa pa ari pelemendare gore nipumi kuma pa pari pelea. Go peapare epe rupa na-alimindare nimi pange monde Isaraelimi mandu rangala pae wenaalinu pande rupa pane rondope muma rumbulia.
23Ande Isaraelimi mandu rangala pae wenaalinu pange Godena angele pangoma wala lekeya ipuma kone wala rulalimindare gore nimu pange mo nimuna anda panda para wala epa pidimi. Akepeare Godeme go au manda pilia. 24Nimi Isaraelimi na-mandu rangala pae wenaali nimiri ande wai na-mi repanana pala rondope mi wenaali manda. Gupuma mo waimi olipi repana ma-rambulaya. Isaraelimi mandu rangala pae wenaaliri gore waimi repana mandana. Go einare Godeme gonde waimi repanana palanu ma-rondope rumbande einu wala ma-runadore rendaa waru na-pilia.
Godeme wenaali raayo para epe aunu puaya
25Nina amenuo, ora ree angelepe menda kundiripi ei nimimi kone sialiminya kone sialo. Nimi go kundiri angele kone wilimindare gore nimimi lalore Naare kone waru wima angele na-deme. Go kundiripi ree angelere go ei. Isaraeli wenaalimiri naare raayosi angele na-pange au na-pilimi. Godeme nipuna mula lama la wia Isaraelimi na-mandu rangala pae wenaalinda mu pereyaliandare gore Isaraeli wenaali wala Gode repara epeleme. 26-27Isaraeli wenaaliri Godeme go rupa rambamilia. Godena angele wi bukamere gupi lea.
Ande wenaali rambamida aliri Diurusaleme
anda para aoma epelea, lea.
Gupuma Diekopome mandu rangala pae wenaalina
koae koae einu raayo pereyalia.
Gupuma Godeme gupi lea, Neme nimuna koae einu
meado arare nimu rapu go angele lo kora sula lea.
28Isaraelimi mandu rangala pae wenaalinu nimuri ande Godena angele rungulu-aemendare nimuri Godena yanda runguli alinu aeme. Ande Isaraelimi mandu rangala pae repaame go au peme eimiri Isaraelimi na-mandu rangala pae wenaaliri nimi rambameme. Go peapare Godeme monde Eparamena repaa rapu wili mandaa angele la wisaya eimiri Isaraelimi mandu rangala pae wenaalinuri nimuna andami wenaali aeme. 29Godeme nipuna go ali mula o go ali mula loma wia ei pange go ali repara epepe aunu pulua loma lea angelere na-ropo puaya. 30Nimi Isaraelimi na-mandu rangala pae wenaali nimiri ambalande Godena angele rungulame. Go peapare ambiare ande Isaraelimi mandu rangala pae wenaalimi Godena angele na-pangame eimiri Gode nipuna pakama yarame komea ei nimi repara epande. 31Go einare mendaa rupa nimi Godena yarame kome ei nimi repara epandare ande Isaraelimi mandu rangala pae wenaalimi Godena angele rungulu-aeme. Go au peme eiri nimumi pange Godena yarame komala ei nimu repara pange penaya peme. 32Godeme nipuna angele na-pangeme einare wenaali raayo dipula ma-piraya. Nipumi go au pea auri wenaali raayo para nipuna pakama yarame komea ei wadoameyanda pea.
Godena bi minyasiaminya
33Godemere wenaali raayo para epepe aunu puaya. Gupuma nipuri kone waru su rangala pea. Nipuna andere-aya eiri su wenaali naame lape-na-ya. Nipuna rana pea aunu pe eiri naame kone na-wima. Gupuma nipuna aunu naame kone na-su pema.
34-35Ande Godena angele wia bukamere gupi lea.
Mendame Gode nipuna kone suaya rupa kone na-wia
pange mendame nipu mana na-dea pange
mendame Gode repara ale menda aloma
Gode nee nina rundu ali pi na-dea.
36Akepeare olemole raayosi nipumi wapea. Olemole raayosi nipuna ei. Go alenu raayosi nipuna rupara opea. Godena puri pale biri pa suari pena. Ora ae.
Currently Selected:
Romo 11: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Romo 11
11
Isaraeli wenaali repara Godeme yarame komea ei
1Go eina neme lora pi. Godeme Isaraelimi mandu rangala pae wenaali kou waloma kone rungularipayapae. Diama. Go au na-pea. Ni pange Isaraeli ali ayo. Nina rururi Benisamene nipuna ruru. Go au puma niri Eparame nipuna mandu rangala pae ali ayo. 2Gode nipuna ambala ririna mea wenaali kou na-walea. Ilaidiame Gode repara Isaraeli wenaalimi pisimiya ei Gode repara la alisaya ei ande Godena angele wia bukame lea eiri ambala kone wimi.
3Ilaidiame gupi lisaya.
Realio, nena poropedi alinu luma ma-komaomare
nee repara alinau puaeme pereaya lena lapa
rambuarimi. Ni komea pa ayo. Gupuma ni pange
duameyanda rapoaeme lisaya.
4Godeme go angele pangoma nipu repara go angele lisaya:
Ande yayapi gode nipuna bi Baale repara panda
punyaoma yainya na-peme wenaali raayo daoseni
mendane ki pereyoma laapo alinu nina ma-yarepe
muma ma-ayo ae lisaya.
5Ambia pange gurupa mandana. Godeme nipuna pakama yarame kome eimi nipuna muma ma-aya wenaali pa reponda aeme. 6Nipumi go wenaali yarepe mea eiri nipuna pakama yarame komea eina pea. Wenaalimi epe aunu menda pemenda dia. Go peapare go wenaalimi ale menda pemenda Godeme mulapayalore gore go eiri pakama yarame komala ei dia.
7Go einare ande Isaraeli wenaalinu nimuna walisimiya alenu na-andawisimiya. Godeme yarepe muma misaya wenaali repondame komea andawisimiya. Mo mendapare wenaalinuri Godeme nimuna kalenu ma-poaisaya. 8Ande Godena angele wia bukame lea rupa mandana:
Godemere nimu kone na-ma-siaya. Ambia go pange
nimuna leeme olemole na-andeme pange
nimuna kale ale menda na-pangeme.
9Deipidimi pange wape pea ei gupa:
Nimuna enda pambolame pimi ale paranu
gole nimu raa winya.
Gupuma nimu lopoma rendaa milimindare epedea.
10Nimumi ale menda na-andola peme rupa
nimuna leenu pange rumbupinya.
Gupuma go repaa nimuna purinu pange pereyo pinya.
11Go einare neme lora pulu arare gupi lalo. Nimu lopisimiya eimiri nimu ma-koyaripayapae, lalo. Ora diae. Nimumi koae aunu peme einare Godeme wenaali rambameape auri ande Isaraelimi na-mandu rangala pae wenaali para komea popena lisaya. Go peme auri ande Isaraelimi na-mandu rangala pae wenaali nimumi epepe aunu andemenda ande Isaraelimi mandu rangala pae wenaali yanda ma-liialuameyanda peme. 12Ande Isaraelimi mandu rangala pae wenaalimi koae aunu pisimiyandare mondeparere wenaalimi epepe alenu pange epepe aunu waru andisimiya. Ande Isaraelimi mandu rangala pae wenaalimi pape ana na-pisaya eiri ande Isaraelimi na-mandu rangala pae wenaalimiri epepe alenu pange epepe aunu komea andisimiya. Go einare gore wala mo Isaraelimi mandu rangala pae wenaalinu raayo wala Gode repara epelemendare ora epepe aunu raayo waru andoalimi.
Godeme Isaraelimi na-mandu rangala pae repaa rambami ei
13Ambia go neme lalo angelenuri nimi Isaraelimi na-mandu rangala pae wenaali nimi para lalo. Niri Godeme Isaraelimi na-mandu rangala pae wenaali repara rapayandare ranae angele waru loayo. 14Neme nina ruru wenaali nimi Isaraelimi na-mandu rangala pae repaa nimimi epepe aunu piminda nimumi nimi rono pangala aunu ma-pala pepare pia. Neme go aunu puluandare gore neme nimu rambameapeya.
15Akepeare Godeme nimu kou waloma aripa dinare monde pa ruru mendare Gode rapu rambuluma arimi. Godeme nimu wala miliandare gore naame ale andelemayapae. Go au piliandare gore kome wenaali wala endoma epe nono pilia.
16Palawa kiri kialindare ririna kiali einda Godenda adendare gore apo palawa kiri raayo nipuna eiyande. Gupuma pange ande repanana pidanu Gode repara ademendare repana raayo pa nipuna ei komea. 17Ande waimi repana olipina palanu mendaparenuri rondope rumbea. Gupuma ande wai na-mi olipi repanana palanumi ande rondepe rumbande palanuna anda panda minya lea. Nimi Isaraelimi na-mandu rangala pae repaa nimiri go wai na-mi pa opea repanana palanumi andea. Gupuma nimiri ande Isaraelimi mandu rangala pae wenaalinumi para piaemendare nimimi epepe aunu andoaeme. 18Go einare ande repana pala leale rondope rumbande repaa repara yawe andaa mondo yawe leale na-rambualepape. Nimimi ako na-lambi diapape. Nimiri palanu aeme. Nimimi pidanu na-siamba-aeme. Pidanumi nimi siamba-aeme.
19Go peapare nimi mendaparemere gupi deme: Eae deme, mo palanu rondope mea auri naame nimuna anda panda mumuna yanda peme dame. 20Go eiri ora dame. Nimu pane rondope rumbi auri nimumi Godena angele na-pangamenda pa. Nimiri wala nimina kone rulaeme eimiri nimi pa ariminde. Go peapare nimimi ako lambe liiape konenu na-sialepape. Go au na-piri lee opo pa winya waru andere-alepape. 21Ande Isaraelimi mandu rangala pae wenaalinuri ande monde repana opalo ara ae palanuyande. Go peapare Godeme nimuna aeme rupa na-ainyale pane rondope rumbande. Nimi pange pa aunu pu o pa konenu wilimindare gore mendaa rupa pane rondope rumbilia. 22Gode nipuri epe aunu waru pu pange rendaa waru pu pea. Nipumiri monde lopamende wenaali parare rendaa waru pea. Nimi epepe rupa pa ari pelemendare gore nipumi kuma pa pari pelea. Go peapare epe rupa na-alimindare nimi pange monde Isaraelimi mandu rangala pae wenaalinu pande rupa pane rondope muma rumbulia.
23Ande Isaraelimi mandu rangala pae wenaalinu pange Godena angele pangoma wala lekeya ipuma kone wala rulalimindare gore nimu pange mo nimuna anda panda para wala epa pidimi. Akepeare Godeme go au manda pilia. 24Nimi Isaraelimi na-mandu rangala pae wenaali nimiri ande wai na-mi repanana pala rondope mi wenaali manda. Gupuma mo waimi olipi repana ma-rambulaya. Isaraelimi mandu rangala pae wenaaliri gore waimi repana mandana. Go einare Godeme gonde waimi repanana palanu ma-rondope rumbande einu wala ma-runadore rendaa waru na-pilia.
Godeme wenaali raayo para epe aunu puaya
25Nina amenuo, ora ree angelepe menda kundiripi ei nimimi kone sialiminya kone sialo. Nimi go kundiri angele kone wilimindare gore nimimi lalore Naare kone waru wima angele na-deme. Go kundiripi ree angelere go ei. Isaraeli wenaalimiri naare raayosi angele na-pange au na-pilimi. Godeme nipuna mula lama la wia Isaraelimi na-mandu rangala pae wenaalinda mu pereyaliandare gore Isaraeli wenaali wala Gode repara epeleme. 26-27Isaraeli wenaaliri Godeme go rupa rambamilia. Godena angele wi bukamere gupi lea.
Ande wenaali rambamida aliri Diurusaleme
anda para aoma epelea, lea.
Gupuma Diekopome mandu rangala pae wenaalina
koae koae einu raayo pereyalia.
Gupuma Godeme gupi lea, Neme nimuna koae einu
meado arare nimu rapu go angele lo kora sula lea.
28Isaraelimi mandu rangala pae wenaalinu nimuri ande Godena angele rungulu-aemendare nimuri Godena yanda runguli alinu aeme. Ande Isaraelimi mandu rangala pae repaame go au peme eimiri Isaraelimi na-mandu rangala pae wenaaliri nimi rambameme. Go peapare Godeme monde Eparamena repaa rapu wili mandaa angele la wisaya eimiri Isaraelimi mandu rangala pae wenaalinuri nimuna andami wenaali aeme. 29Godeme nipuna go ali mula o go ali mula loma wia ei pange go ali repara epepe aunu pulua loma lea angelere na-ropo puaya. 30Nimi Isaraelimi na-mandu rangala pae wenaali nimiri ambalande Godena angele rungulame. Go peapare ambiare ande Isaraelimi mandu rangala pae wenaalimi Godena angele na-pangame eimiri Gode nipuna pakama yarame komea ei nimi repara epande. 31Go einare mendaa rupa nimi Godena yarame kome ei nimi repara epandare ande Isaraelimi mandu rangala pae wenaalimi Godena angele rungulu-aeme. Go au peme eiri nimumi pange Godena yarame komala ei nimu repara pange penaya peme. 32Godeme nipuna angele na-pangeme einare wenaali raayo dipula ma-piraya. Nipumi go au pea auri wenaali raayo para nipuna pakama yarame komea ei wadoameyanda pea.
Godena bi minyasiaminya
33Godemere wenaali raayo para epepe aunu puaya. Gupuma nipuri kone waru su rangala pea. Nipuna andere-aya eiri su wenaali naame lape-na-ya. Nipuna rana pea aunu pe eiri naame kone na-wima. Gupuma nipuna aunu naame kone na-su pema.
34-35Ande Godena angele wia bukamere gupi lea.
Mendame Gode nipuna kone suaya rupa kone na-wia
pange mendame nipu mana na-dea pange
mendame Gode repara ale menda aloma
Gode nee nina rundu ali pi na-dea.
36Akepeare olemole raayosi nipumi wapea. Olemole raayosi nipuna ei. Go alenu raayosi nipuna rupara opea. Godena puri pale biri pa suari pena. Ora ae.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.