Penameyaya ei 6
6
Ande Sipisipi menasimi ande rudule wi ei wi pepa lombea ei
1Gupuma ande Sipisipi menasimi ande pepa mandaa rudule wi ei menda ma-rakepe rumbanda andawa. Go pa dinare ande pa piri ale mendame lalore Ipu la. Go ale nipuna angele la eiri ande rurupinu dianda damende rupa e manda la. 2Neme andawapare yaakopi osi mena menda andawa. Mo osi mena mandaa piraya alimiri endali siamba piraya pange nipuri ande kini alinumi marao-aemende kalu aka menda alameya ei mararipaya. Nipu ora yanda waru lu ma-pereyaya alimi yanda pulame pua.
3-4Go ei andomare ande Sipisipi mename ande rudule wi ei laapopa ei ma-rape rumbanda andawa. Go au pa dinare ande papiri ale mendame Ipu la ei pangawa. Go la dinare weepi osi menda andawa. Go osina pira aliri go suna alinumi menda menda rapu yanda pala puma komala ei lu ma ma-epao-aya. Nipuri ora andaa bainasi rai alameya.
5Go ei andoma pirano loma ande Sipisipi mename ande rudule wi ei repopa ei epama rape rumba ei andawa. Go pa dinare ande pa piri ale mendame Ipu la ei pangawa. Go la dinare punupi osi menda epa ei andawa. Mo osi mandaa piraya alimiri nipuna ki parare ande olemole sikera puame sikere siamba pira ei andawa. 6Monde pa piri alenu angalapuna angele lalo ara gupi la ei pangawa. Nena pula pele au pua pape. Gupuma wenaali rea gipa ma-epainya. Muni andapumi gole enda pa ambia komea nape rupa kambapeya. Go peapare mo olipi repana ree pange waini pu komea na-ma-koyalepape la ei pangawa.
7Go ei andoma piranore ande Sipisipi menasi ande pepa mandaa rudule wi ei malapupa ei ma-rakepe rumba. Go paa dinare ande pa piri ale mendame lalore Ipu la. 8Go la dinare do yongale mungupi osi mena menda epa. Mo mena mandaa piraya ali nipuna biri Komala Ei. Gupuma Komaleme wenaali aeme anda pange nipuna kou nane mo osi mandaa piraya. Nipu reparare Godeme go su malapu rekele puma rekelepena komea para paleme wenaali raayo yandame pange reame pange yainyame pange yari sayaleme lu ma-komala pinyayanda puri alaya.
9Go ei andano lomare ande Sipisipi mename ande pepa mandaa rudule wia ei mendane ki ei ma-rakepe rumba ei andawa. Go pa dinare ande Gode repara alinau puaeme rapulumana rolo para go au andawa. Ande Godena angele ora rendepona lari pamuame yanda liisimiya alinuna remonu andawa. 10Go remonumi e ora andapu lalo ara gupi lame. Gode ora puri waru paloma yaakopi Alio lame. Go suna ande naa liiame wenaali ambe koda laoma pula pele au ambe pae lame. 11Nimu raayo kaakepi aka komea komealo misimiya. Go repaa para pa maisambao ongepusinda alepa la. Gupuma ande nimuna yangosinu ande nimu pame rupa mendapare lu ma-komalimindare gore werepe manda nimuna yangi mealia.
12Go ei andoma pirano loma ande Sipisipi menasimi ande rudule wia ei mendane ki pereyoma mendane kina komeapu wia ei ma-rakepe rumba. Go au pa dinare sumi sumi andaaimi su lewa lewa ma-paripa. Ande naare wala rimbayo pambola epa. Gupuma ande sumba wala wee leale wee pa. 13Ande kumba danganu raayo suna kondopa lopa. Ande pokiki andaaimi ande piki repananu epa lewa lewa padanda ande na-pore piki repana kili epa randalapa pupu aya rupa manda randalapa popa. 14Ande yaa andawapare pepa leale okopupa popa ei andawa. Gupuma andasu raayo pange kana rundu pange nimuna ao-aeme rupa na-arimi. 15Go pa dinare go suna aeme kini alinu raayo pange ami alinuna kalu alinu raayo pange puri waru pale amo alinu aeme repaa pange pa aeme repaa pange dipula piri repaa raayosi paalame komoma apenda pange kana paranu panga pira eiri pamuame. 16Gupuma monde kananu para pange kana rumunu para gupi lame. Mo sea mandaa pia Godena leeme naa dia pange mo Sipisipi mename naa ora rendaa giliale naa mandaa niipi romba ipuma naa epa kea pipa lame. 17Ande nimu ande rono pangala naare opopala ipula pulu mendanda pa na-alimi, lame.
Currently Selected:
Penameyaya ei 6: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Penameyaya ei 6
6
Ande Sipisipi menasimi ande rudule wi ei wi pepa lombea ei
1Gupuma ande Sipisipi menasimi ande pepa mandaa rudule wi ei menda ma-rakepe rumbanda andawa. Go pa dinare ande pa piri ale mendame lalore Ipu la. Go ale nipuna angele la eiri ande rurupinu dianda damende rupa e manda la. 2Neme andawapare yaakopi osi mena menda andawa. Mo osi mena mandaa piraya alimiri endali siamba piraya pange nipuri ande kini alinumi marao-aemende kalu aka menda alameya ei mararipaya. Nipu ora yanda waru lu ma-pereyaya alimi yanda pulame pua.
3-4Go ei andomare ande Sipisipi mename ande rudule wi ei laapopa ei ma-rape rumbanda andawa. Go au pa dinare ande papiri ale mendame Ipu la ei pangawa. Go la dinare weepi osi menda andawa. Go osina pira aliri go suna alinumi menda menda rapu yanda pala puma komala ei lu ma ma-epao-aya. Nipuri ora andaa bainasi rai alameya.
5Go ei andoma pirano loma ande Sipisipi mename ande rudule wi ei repopa ei epama rape rumba ei andawa. Go pa dinare ande pa piri ale mendame Ipu la ei pangawa. Go la dinare punupi osi menda epa ei andawa. Mo osi mandaa piraya alimiri nipuna ki parare ande olemole sikera puame sikere siamba pira ei andawa. 6Monde pa piri alenu angalapuna angele lalo ara gupi la ei pangawa. Nena pula pele au pua pape. Gupuma wenaali rea gipa ma-epainya. Muni andapumi gole enda pa ambia komea nape rupa kambapeya. Go peapare mo olipi repana ree pange waini pu komea na-ma-koyalepape la ei pangawa.
7Go ei andoma piranore ande Sipisipi menasi ande pepa mandaa rudule wi ei malapupa ei ma-rakepe rumba. Go paa dinare ande pa piri ale mendame lalore Ipu la. 8Go la dinare do yongale mungupi osi mena menda epa. Mo mena mandaa piraya ali nipuna biri Komala Ei. Gupuma Komaleme wenaali aeme anda pange nipuna kou nane mo osi mandaa piraya. Nipu reparare Godeme go su malapu rekele puma rekelepena komea para paleme wenaali raayo yandame pange reame pange yainyame pange yari sayaleme lu ma-komala pinyayanda puri alaya.
9Go ei andano lomare ande Sipisipi mename ande pepa mandaa rudule wia ei mendane ki ei ma-rakepe rumba ei andawa. Go pa dinare ande Gode repara alinau puaeme rapulumana rolo para go au andawa. Ande Godena angele ora rendepona lari pamuame yanda liisimiya alinuna remonu andawa. 10Go remonumi e ora andapu lalo ara gupi lame. Gode ora puri waru paloma yaakopi Alio lame. Go suna ande naa liiame wenaali ambe koda laoma pula pele au ambe pae lame. 11Nimu raayo kaakepi aka komea komealo misimiya. Go repaa para pa maisambao ongepusinda alepa la. Gupuma ande nimuna yangosinu ande nimu pame rupa mendapare lu ma-komalimindare gore werepe manda nimuna yangi mealia.
12Go ei andoma pirano loma ande Sipisipi menasimi ande rudule wia ei mendane ki pereyoma mendane kina komeapu wia ei ma-rakepe rumba. Go au pa dinare sumi sumi andaaimi su lewa lewa ma-paripa. Ande naare wala rimbayo pambola epa. Gupuma ande sumba wala wee leale wee pa. 13Ande kumba danganu raayo suna kondopa lopa. Ande pokiki andaaimi ande piki repananu epa lewa lewa padanda ande na-pore piki repana kili epa randalapa pupu aya rupa manda randalapa popa. 14Ande yaa andawapare pepa leale okopupa popa ei andawa. Gupuma andasu raayo pange kana rundu pange nimuna ao-aeme rupa na-arimi. 15Go pa dinare go suna aeme kini alinu raayo pange ami alinuna kalu alinu raayo pange puri waru pale amo alinu aeme repaa pange pa aeme repaa pange dipula piri repaa raayosi paalame komoma apenda pange kana paranu panga pira eiri pamuame. 16Gupuma monde kananu para pange kana rumunu para gupi lame. Mo sea mandaa pia Godena leeme naa dia pange mo Sipisipi mename naa ora rendaa giliale naa mandaa niipi romba ipuma naa epa kea pipa lame. 17Ande nimu ande rono pangala naare opopala ipula pulu mendanda pa na-alimi, lame.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.