Penameyaya ei 2
2
Epesusi aeme Keriso wenaali para rapae angele
1Gupuma ni para gupi la. Neme mo Epesusi anda para aeme Keriso wenaalina eindiolo ali para go angele wape pa la. Neme nina popeke ki nanere kumba danga raayo mendane ki pereyoma mendane ki laapopu siambayao. Gupuma niri monde golome wari lamepa raayo mendane ki pereyoma mendane kina laapo nimuna rupara pamulopalo. Go angele nimi repara neme rapado.
2Nimimi puame aunu raayo ni kone wi pange naleme pupudenginu raayo ni kone wi. Nimiri pu yoko ria na-pamuame. Koae aunu pimi repaa repara raname na-komeme. Gupuma nimiri ande Godena angele loaema alinu lando aemepare nimu mendaparere yayapi alinumi gole loaeme. 3Nimi komeare pu yoko ria na-pameme. Ni mana nimi rendaa ora andaai waru meme. Go peapare nimimi gimi na-komeme. 4Go aunu raayo pemeparere nimi reparare go ei komea pa au peme. Ambala pala pame rupa nimimi ni raname na-komeme.
5Ambalare nimimi epe aunu pame. Go peapare go ei minyapalaoma nimiri ora lopeme. Nimina pu konenu lekeyoma ambala ririna pisiminde aunu wala pipa. Go aunu na-pilimindare gore monde lamepa nu andiaya kepanu wala yoko mulua. 6Go pemepare epe au menda nimimi peme auri go ei. Neme pe rupa mo Nikolasi nipuna repaa nimumi koae au peme ei gimi komeme.
7Kale aya ali deandare gore ande Epe Yaakopi Sipiridimi mo Keriso wenaali para da angele waru pangelepape.
Go yanda lu pereyalia aliri ande endoaya ei ada repana kili mo Godena mapuna aya ei nena adoa.
Simena aeme Keriso wenaali para rapae angele
8Neme mo Simena anda para aeme Keriso wenaalina eindiolo ali para go angele wape pa la.
Go angelere ande Ririna pange Werepe pange ayo Alimi lalo. Ambalandere ni komawa. Go pawapare ambia ni pa ayo. 9Nimina kendanuri ni kone wi. Nimiri go suna aunare nimiri narali wenaali aemepare neme andalondare amo wenaali aeme. Wenaali mendane repaame lalore nimuri Isaraelimi mandu rangala pae repaa loaemepare yayapi loaeme. Go repaame nimi repara dame koae angelenu ni kone wi. Go repaare Sadanina repaa aeme. 10Ambia go nimi nolame pimi rendaana paalame na-komalepape. Sadani nipumi la andala ara nimi mendapare dipula ma-lopalia. Nimina kendanuri pa yapi di ki laapome komea rendaa neleme. Go au pulu-ainya gole ni repara kone waru rulaoma alepape. Ni repara kone rulaeme eina nimi lu komaliminda pange ora irulaoma kone rulalepape. Go einu raayo wandu alimindare gore endoaya eiri nimina yangi neme gula.
11Kale aya ali deandare gore ande Epe Yaakopi Sipiridimi mo Keriso wenaali para da angele waru pangalepape. Go yandanu raayo wandualia ali reparare komala ei rana laapo pa na-popelea.
Pegamumu aeme Keriso wenaali para rapae angele
12Mo Pegamumu anda para aeme Keriso wenaalina eindiolo ali para go angele wape pape.
Go rapado angelere ande mendane mendane nee ae bainasi rai siamba ae alimi lalo. 13Nimiri ande Sadani nipu kini ali pia andasu para pimi eiri ni kone wi. Nimimi ni repara kone waru rulaeme. Andipasi nipu ambalande nina angelenu lao-aripa ali nimisi ao-palia. Nipumi nina angelenu waru ralu-aripa. Nipu pange go Sadani ao-palea anda para liiame. Gupulu ainyayapare nimimi ni repara kone rulaeme ei na-minyapalarimi. 14Go peapare nimi rapuri rondo reponda aya. Go einuri go eina lalo. Nimi mendaparemere Balameme waloaisaya aunu peme. Balamemere ande kini ali pirisaya ali menda nipuna bi Baleke le ali parare go au walisaya. Ande Isaraeli wenaalimi koae au pinyayare go au pisaya. Yayapi Gode repara alinau peme enda naliminyayanda pange wenaalimi pake nala aunu pinyayanda ma-rimbuyao aisaya. 15Mendaa rupa nimimi pange ande Nikolasimi waloaisaya angele waloaeme repaa nimina runane pange apo aemenda.
16Go einare ambia nimi pange nimina pu konenu raayo lekeyoma ao-alepape. Go au na-pilimindare neme repara ipuma nina angaa para ipula bainasi raimi gurupa wenaali para epa yanda pulua.
17Kale aya ali deandare gore ande Yaakopi Sipiridimi mo Keriso wenaali para da angele pangalepape. Go yanda lu rambualia repaa parare neme go repaa ande mana#2:17 Manare ande Isaraeli wenaali monde weambipi suna ipisimiya dina Godeme nenaya alisaya endana bi. enda pangawia ei neme nimu adoa. Go puma pange neme yaakopi kana mandaare pena bi wape pulua. Go biri mendame pange kone na-sula peapare mo kana mida ali nipuna komea kone wilia.
Daiadara aeme Keriso wenaali para rapae angele
18Mo Daiadara Keriso wenaali nimuna eindiolo ali reparare go angele wape pa la.
Go angelere ande Godena Si Nakimi rapada. Nipuna lee laapore kaloma repana lengame andaya. Gupuma nipuna angere wambala liaoma kakesoro puma andae nono paya. 19Nimimi peme eiri ni kone wi. Nimina pu alo-aeme ei ni kone wi. Nimimi wenaali wamo puaeme ei pange ora angele pangoma puaeme einu ni kone wi. Nimiri pu yoko ria na-pamuaeme. Go einu raayo ambalare waru na-pala pamepare ambiare waru pimi. 20Go einu raayo pemepare ni rapu nimi rondo aya eiri go ei. Go wena Diesebelore nimisi ao-palina leme. Go wename lalore niri Godena angele waloayo lea. Go loayapare wala nina pupudengi nademe repaa wala wena pake naleme aunu pange ande yayapi gode repara alinau puma ada alenu nena yanda mongeriao-aya. Go auri ora makirae aunu.
21Neme nipuna pu konenu lekelenayanda naarele ale. Go peapare nipuna ali pake nala aunu repara kou walapeyandare giada. 22Go peapare pangalepa. Neme go wena repara yainya gipa pange rendaa adoa. Mo nipu raidame repaa pange nimuna pu rombanu na-lekedemendare gore nimu pange mendaa au pulua. 23Nipu raluaeme repaa pange neme dua. Go au puluandare gore wenaali raayome niri wenaalina rana pi aunu pange wenaalina widame konenu raayo kone wi ali kone wilimi. Neme nimina puaeme aunu raayona yangi giama giama pulua.
24Go peapare Daiadara anda wenaali menda paramere go koae aunu na-ralimi. Monde wenaalimi lalo ara lalore ande Sadanina kundiri pea angelenu na-andema loaeme. Nimi repara neme angelenu menda na-doa. 25Go einare ambia nimimi pi einu pa pa eiri puma ni epola dina epa andola. 26Go yandanu lu rumbualia ali pange neme doa aunu pualia ali nipuri nina Apa repara meawa puri neme adoa. Gupuma nipumi wenaali pange go su raayo nipumi andere pidia.
27Nipuri rendaa waru puma wenaali pu rendaa pi
rupa andere pidia.
Gupuma go ali nipumi go nina angele rapu yanda
dia aliri kamome wari sosopeni leale adupi dia.
28Go ali nipu parare ande yapi da dina epa rala kumba danga nipu adoa.
29Kale aya ali deandare gore ande Epe Yaakopi Sipiridimi mo Keriso wenaali para da angele pangalepape.
Currently Selected:
Penameyaya ei 2: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Penameyaya ei 2
2
Epesusi aeme Keriso wenaali para rapae angele
1Gupuma ni para gupi la. Neme mo Epesusi anda para aeme Keriso wenaalina eindiolo ali para go angele wape pa la. Neme nina popeke ki nanere kumba danga raayo mendane ki pereyoma mendane ki laapopu siambayao. Gupuma niri monde golome wari lamepa raayo mendane ki pereyoma mendane kina laapo nimuna rupara pamulopalo. Go angele nimi repara neme rapado.
2Nimimi puame aunu raayo ni kone wi pange naleme pupudenginu raayo ni kone wi. Nimiri pu yoko ria na-pamuame. Koae aunu pimi repaa repara raname na-komeme. Gupuma nimiri ande Godena angele loaema alinu lando aemepare nimu mendaparere yayapi alinumi gole loaeme. 3Nimi komeare pu yoko ria na-pameme. Ni mana nimi rendaa ora andaai waru meme. Go peapare nimimi gimi na-komeme. 4Go aunu raayo pemeparere nimi reparare go ei komea pa au peme. Ambala pala pame rupa nimimi ni raname na-komeme.
5Ambalare nimimi epe aunu pame. Go peapare go ei minyapalaoma nimiri ora lopeme. Nimina pu konenu lekeyoma ambala ririna pisiminde aunu wala pipa. Go aunu na-pilimindare gore monde lamepa nu andiaya kepanu wala yoko mulua. 6Go pemepare epe au menda nimimi peme auri go ei. Neme pe rupa mo Nikolasi nipuna repaa nimumi koae au peme ei gimi komeme.
7Kale aya ali deandare gore ande Epe Yaakopi Sipiridimi mo Keriso wenaali para da angele waru pangelepape.
Go yanda lu pereyalia aliri ande endoaya ei ada repana kili mo Godena mapuna aya ei nena adoa.
Simena aeme Keriso wenaali para rapae angele
8Neme mo Simena anda para aeme Keriso wenaalina eindiolo ali para go angele wape pa la.
Go angelere ande Ririna pange Werepe pange ayo Alimi lalo. Ambalandere ni komawa. Go pawapare ambia ni pa ayo. 9Nimina kendanuri ni kone wi. Nimiri go suna aunare nimiri narali wenaali aemepare neme andalondare amo wenaali aeme. Wenaali mendane repaame lalore nimuri Isaraelimi mandu rangala pae repaa loaemepare yayapi loaeme. Go repaame nimi repara dame koae angelenu ni kone wi. Go repaare Sadanina repaa aeme. 10Ambia go nimi nolame pimi rendaana paalame na-komalepape. Sadani nipumi la andala ara nimi mendapare dipula ma-lopalia. Nimina kendanuri pa yapi di ki laapome komea rendaa neleme. Go au pulu-ainya gole ni repara kone waru rulaoma alepape. Ni repara kone rulaeme eina nimi lu komaliminda pange ora irulaoma kone rulalepape. Go einu raayo wandu alimindare gore endoaya eiri nimina yangi neme gula.
11Kale aya ali deandare gore ande Epe Yaakopi Sipiridimi mo Keriso wenaali para da angele waru pangalepape. Go yandanu raayo wandualia ali reparare komala ei rana laapo pa na-popelea.
Pegamumu aeme Keriso wenaali para rapae angele
12Mo Pegamumu anda para aeme Keriso wenaalina eindiolo ali para go angele wape pape.
Go rapado angelere ande mendane mendane nee ae bainasi rai siamba ae alimi lalo. 13Nimiri ande Sadani nipu kini ali pia andasu para pimi eiri ni kone wi. Nimimi ni repara kone waru rulaeme. Andipasi nipu ambalande nina angelenu lao-aripa ali nimisi ao-palia. Nipumi nina angelenu waru ralu-aripa. Nipu pange go Sadani ao-palea anda para liiame. Gupulu ainyayapare nimimi ni repara kone rulaeme ei na-minyapalarimi. 14Go peapare nimi rapuri rondo reponda aya. Go einuri go eina lalo. Nimi mendaparemere Balameme waloaisaya aunu peme. Balamemere ande kini ali pirisaya ali menda nipuna bi Baleke le ali parare go au walisaya. Ande Isaraeli wenaalimi koae au pinyayare go au pisaya. Yayapi Gode repara alinau peme enda naliminyayanda pange wenaalimi pake nala aunu pinyayanda ma-rimbuyao aisaya. 15Mendaa rupa nimimi pange ande Nikolasimi waloaisaya angele waloaeme repaa nimina runane pange apo aemenda.
16Go einare ambia nimi pange nimina pu konenu raayo lekeyoma ao-alepape. Go au na-pilimindare neme repara ipuma nina angaa para ipula bainasi raimi gurupa wenaali para epa yanda pulua.
17Kale aya ali deandare gore ande Yaakopi Sipiridimi mo Keriso wenaali para da angele pangalepape. Go yanda lu rambualia repaa parare neme go repaa ande mana#2:17 Manare ande Isaraeli wenaali monde weambipi suna ipisimiya dina Godeme nenaya alisaya endana bi. enda pangawia ei neme nimu adoa. Go puma pange neme yaakopi kana mandaare pena bi wape pulua. Go biri mendame pange kone na-sula peapare mo kana mida ali nipuna komea kone wilia.
Daiadara aeme Keriso wenaali para rapae angele
18Mo Daiadara Keriso wenaali nimuna eindiolo ali reparare go angele wape pa la.
Go angelere ande Godena Si Nakimi rapada. Nipuna lee laapore kaloma repana lengame andaya. Gupuma nipuna angere wambala liaoma kakesoro puma andae nono paya. 19Nimimi peme eiri ni kone wi. Nimina pu alo-aeme ei ni kone wi. Nimimi wenaali wamo puaeme ei pange ora angele pangoma puaeme einu ni kone wi. Nimiri pu yoko ria na-pamuaeme. Go einu raayo ambalare waru na-pala pamepare ambiare waru pimi. 20Go einu raayo pemepare ni rapu nimi rondo aya eiri go ei. Go wena Diesebelore nimisi ao-palina leme. Go wename lalore niri Godena angele waloayo lea. Go loayapare wala nina pupudengi nademe repaa wala wena pake naleme aunu pange ande yayapi gode repara alinau puma ada alenu nena yanda mongeriao-aya. Go auri ora makirae aunu.
21Neme nipuna pu konenu lekelenayanda naarele ale. Go peapare nipuna ali pake nala aunu repara kou walapeyandare giada. 22Go peapare pangalepa. Neme go wena repara yainya gipa pange rendaa adoa. Mo nipu raidame repaa pange nimuna pu rombanu na-lekedemendare gore nimu pange mendaa au pulua. 23Nipu raluaeme repaa pange neme dua. Go au puluandare gore wenaali raayome niri wenaalina rana pi aunu pange wenaalina widame konenu raayo kone wi ali kone wilimi. Neme nimina puaeme aunu raayona yangi giama giama pulua.
24Go peapare Daiadara anda wenaali menda paramere go koae aunu na-ralimi. Monde wenaalimi lalo ara lalore ande Sadanina kundiri pea angelenu na-andema loaeme. Nimi repara neme angelenu menda na-doa. 25Go einare ambia nimimi pi einu pa pa eiri puma ni epola dina epa andola. 26Go yandanu lu rumbualia ali pange neme doa aunu pualia ali nipuri nina Apa repara meawa puri neme adoa. Gupuma nipumi wenaali pange go su raayo nipumi andere pidia.
27Nipuri rendaa waru puma wenaali pu rendaa pi
rupa andere pidia.
Gupuma go ali nipumi go nina angele rapu yanda
dia aliri kamome wari sosopeni leale adupi dia.
28Go ali nipu parare ande yapi da dina epa rala kumba danga nipu adoa.
29Kale aya ali deandare gore ande Epe Yaakopi Sipiridimi mo Keriso wenaali para da angele pangalepape.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.