Pilipai 2
2
Naame naana gole na-minyasiaminya pange naame naana yangonu yarame komaminya
1Nimi Keriso rapu aeme eimiri nimi puri ma-palao-aya. Nipumi nimi pu gea eimiri nimi epe rupa ao-aeme. Ande Epe Yaakopi Sipiridimi nimi go au ma-pao-aya. Nimi yangonu rapu mendaa para ma-ao-paliaoma epe aunu puma yango repara kuma kuma puao-aeme. 2Nimimi ni rana ora andapu ma-paliminyayanda go au pipape loma go au kongeyalo. Nimimi komea kone sualepape pange menda menda repara yarame komoalepape pange pilimi aunu o neleme endanu raayo komea para aunu pualepape. Go aunu pilimindare gore ni ora rana ma-palimi. 3Nimimi nina komea konenu na-sialepape. Gupuma nimimi pa aunu na-pipape. Nimi menda mendana rolo paranu ao-paliala pipape. Nimina koneme naa mandaa mo wenaalinu rolo para konenu na-siala pipape. 4Nimimi nimina alenu komea na-andere-ala pi menda mendana alenu pange andere-ala pipape.
Yesumi nipuna gole nipu minyanyaoma aisayanda Godeme nipu minyasiaya
5Nimina konenuri Yesumi wisaya konenu kama sualepape. Yesumiri go aunu pisaya. 6Nipuri ora Gode lisayapare gole nipu Gode rapu mendaa pinya kone na-wisaya.
7Nipumi go aunu minyapalaoma nipu ali aluma ipuma nipu mendana pupudengi nao-ae ali manda aisaya. Nipuna ranana gole go au pisaya. Nipu ora alina do kiange aisaya ei wenaalimi andisimiya. 8Nipu ora wenaalina rolo para panda punyaoma ao-aisaya. Nipu ora Godena angele komea pangoma puaisaya. Go au pa pairi puma mo ekeraisa wape pi repanana pua komisaya. 9Go au pisaya einare Godeme nipuna biri ora so Yaa para minyasiaisaya. Godeme nipu binu raayo lu angulae bi alisaya. 10Nipumi go bi Yesu repara alisaya. Go binare Yaa nane aya alenu pange su nane aeme alenu pange su runane aya alenu raayome nipuna bi pangoma rumu yaruaoma panda pulu ara yainya pala pilimi. 11Wenaali ambuname Yesu Kerisore Reali deme. Gupuma Apa Godena bi ora so Yaa mandaa sualia.
Wenaali angalapuna paa leale aminya
12Ora nina ame ririo, ambalandere neme lawa aunu puariminde. Ambia pange pa go aunu pipae. Nimi rapu ao-aluanda komea go au na-pala pilimi. Ni ambia papare ayo einare ora waru pualimi. Godeme nimi ambala apo meande. Go einare paalame waru komalo komalo ara go pupudengi waru nala pipape.
13Akepeare Godere naana rupara epo aya. Nipumi nipuna rana pi aunu naame pumonoyanda go au puaya.
14Nimimi pilimi aunu raayo apeyanda pulu pulu ara pange rono rono pangalolo pulu ara na-pipape.
15-16Nimi go au pilimindare gore nimi rondo menda na-ae ora rendepona aeme wenaali alimi. Nimi Godena nongo nakinu ora rondo menda na-alia. Ande angele paa pi angele nimimi siamba-aeme. Go suna alinuri rendepona aunu na-pu paluaeme. Ande Godena endoaya ei guaya angele lada aliminyayare nimiri go wenaali angalapuna paa leale alimi. Go au puma mo Keriso nipu epelea dinare neme go kone sula. Neme pupudengi noaripu eiri pakama na-pawana kone sualua.
17Nimina kone rulaeme eiri Gode repara adame ale mandana. Go adame ale manda nina wee waini leale kodoandare gore ora epedea. Nimi rapu neme ora raname waru komola. 18Mendaa rupa nimi pange ni rapu raname komalepape.
Dimodina angele lea ei
19Yesu Kerisona ranana deandare ongeasinda aomare neme Dimodi nimi repara rapalua. Nipumi nimi aeme rupa andoma ni epa la giliandare gore ni raname komola pange ni epe kone sula. 20Dimodimi ande ali menda ni rapu na-aya. Nipumi ora nimi rambamulame kama kone suaya. Nipumi ni rapu ora komea kone kama suaya. 21Wenaali raayome nimuna alenu andere-aluame kone kama sumare Yesu Kerisona pupudengi napere kone na-wimi. 22Go peapare Dimodi nipuri kone wimi. Nipuri ora epe ali. Nakinumi aranu rambamuaeme rupa neme ande Godena angele laripu dinare Dimodi nipumi ni gurupa rambamea. 23Ni repara pula peme einu kone sumare gore neme Dimodi nimi repara gurupa rapanedoa. 24Nina kone ruladopare ni nimi repara go gole Godeme ma-epalia kone sialo.
Epaporadaidasi nipuna angele lea ei
25Nina kone sialopare Epaporadaidasi nimi repara rapaluandare ora epelea kone sialo. Nipuri naana ame pange neme go lialoyandare nipu ni rapu raloaya. Ambalandere nimimi nipu ni repara raparimiyande. Go dinare ipuma ni epa rambamea. 26Nipumi nimi andolame raname waru komala. Akepeare nimimi pangeme angelere nipu yainya kome ei pangeme.
27Orae, nipuri ora yainya andaai muma repara komapare Godeme nipu yarame komoma wala ma-endaripa. Godeme ni para pange yarame koma. Ni repara ora kenda andaai epeleayandare go ali nipu wala ma-endaripa. 28Go einare wala nimi repara apo rapadonda. Nipu andalo ara ora raname komaliminya. Go au pilimindare ni pange raname komola. 29Realina binare nipu anda mealo arare raname ora waru komalepape. Gurupa alinuna biri ora minyasiala pipape. 30Nipu Realina pupudengi nado ainya repara komande. Nipu endoma ape eina kone na-sia. Nimimi ni rambameape pora na-sia ei nipumi kone suma ni rambamea.
Currently Selected:
Pilipai 2: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Pilipai 2
2
Naame naana gole na-minyasiaminya pange naame naana yangonu yarame komaminya
1Nimi Keriso rapu aeme eimiri nimi puri ma-palao-aya. Nipumi nimi pu gea eimiri nimi epe rupa ao-aeme. Ande Epe Yaakopi Sipiridimi nimi go au ma-pao-aya. Nimi yangonu rapu mendaa para ma-ao-paliaoma epe aunu puma yango repara kuma kuma puao-aeme. 2Nimimi ni rana ora andapu ma-paliminyayanda go au pipape loma go au kongeyalo. Nimimi komea kone sualepape pange menda menda repara yarame komoalepape pange pilimi aunu o neleme endanu raayo komea para aunu pualepape. Go aunu pilimindare gore ni ora rana ma-palimi. 3Nimimi nina komea konenu na-sialepape. Gupuma nimimi pa aunu na-pipape. Nimi menda mendana rolo paranu ao-paliala pipape. Nimina koneme naa mandaa mo wenaalinu rolo para konenu na-siala pipape. 4Nimimi nimina alenu komea na-andere-ala pi menda mendana alenu pange andere-ala pipape.
Yesumi nipuna gole nipu minyanyaoma aisayanda Godeme nipu minyasiaya
5Nimina konenuri Yesumi wisaya konenu kama sualepape. Yesumiri go aunu pisaya. 6Nipuri ora Gode lisayapare gole nipu Gode rapu mendaa pinya kone na-wisaya.
7Nipumi go aunu minyapalaoma nipu ali aluma ipuma nipu mendana pupudengi nao-ae ali manda aisaya. Nipuna ranana gole go au pisaya. Nipu ora alina do kiange aisaya ei wenaalimi andisimiya. 8Nipu ora wenaalina rolo para panda punyaoma ao-aisaya. Nipu ora Godena angele komea pangoma puaisaya. Go au pa pairi puma mo ekeraisa wape pi repanana pua komisaya. 9Go au pisaya einare Godeme nipuna biri ora so Yaa para minyasiaisaya. Godeme nipu binu raayo lu angulae bi alisaya. 10Nipumi go bi Yesu repara alisaya. Go binare Yaa nane aya alenu pange su nane aeme alenu pange su runane aya alenu raayome nipuna bi pangoma rumu yaruaoma panda pulu ara yainya pala pilimi. 11Wenaali ambuname Yesu Kerisore Reali deme. Gupuma Apa Godena bi ora so Yaa mandaa sualia.
Wenaali angalapuna paa leale aminya
12Ora nina ame ririo, ambalandere neme lawa aunu puariminde. Ambia pange pa go aunu pipae. Nimi rapu ao-aluanda komea go au na-pala pilimi. Ni ambia papare ayo einare ora waru pualimi. Godeme nimi ambala apo meande. Go einare paalame waru komalo komalo ara go pupudengi waru nala pipape.
13Akepeare Godere naana rupara epo aya. Nipumi nipuna rana pi aunu naame pumonoyanda go au puaya.
14Nimimi pilimi aunu raayo apeyanda pulu pulu ara pange rono rono pangalolo pulu ara na-pipape.
15-16Nimi go au pilimindare gore nimi rondo menda na-ae ora rendepona aeme wenaali alimi. Nimi Godena nongo nakinu ora rondo menda na-alia. Ande angele paa pi angele nimimi siamba-aeme. Go suna alinuri rendepona aunu na-pu paluaeme. Ande Godena endoaya ei guaya angele lada aliminyayare nimiri go wenaali angalapuna paa leale alimi. Go au puma mo Keriso nipu epelea dinare neme go kone sula. Neme pupudengi noaripu eiri pakama na-pawana kone sualua.
17Nimina kone rulaeme eiri Gode repara adame ale mandana. Go adame ale manda nina wee waini leale kodoandare gore ora epedea. Nimi rapu neme ora raname waru komola. 18Mendaa rupa nimi pange ni rapu raname komalepape.
Dimodina angele lea ei
19Yesu Kerisona ranana deandare ongeasinda aomare neme Dimodi nimi repara rapalua. Nipumi nimi aeme rupa andoma ni epa la giliandare gore ni raname komola pange ni epe kone sula. 20Dimodimi ande ali menda ni rapu na-aya. Nipumi ora nimi rambamulame kama kone suaya. Nipumi ni rapu ora komea kone kama suaya. 21Wenaali raayome nimuna alenu andere-aluame kone kama sumare Yesu Kerisona pupudengi napere kone na-wimi. 22Go peapare Dimodi nipuri kone wimi. Nipuri ora epe ali. Nakinumi aranu rambamuaeme rupa neme ande Godena angele laripu dinare Dimodi nipumi ni gurupa rambamea. 23Ni repara pula peme einu kone sumare gore neme Dimodi nimi repara gurupa rapanedoa. 24Nina kone ruladopare ni nimi repara go gole Godeme ma-epalia kone sialo.
Epaporadaidasi nipuna angele lea ei
25Nina kone sialopare Epaporadaidasi nimi repara rapaluandare ora epelea kone sialo. Nipuri naana ame pange neme go lialoyandare nipu ni rapu raloaya. Ambalandere nimimi nipu ni repara raparimiyande. Go dinare ipuma ni epa rambamea. 26Nipumi nimi andolame raname waru komala. Akepeare nimimi pangeme angelere nipu yainya kome ei pangeme.
27Orae, nipuri ora yainya andaai muma repara komapare Godeme nipu yarame komoma wala ma-endaripa. Godeme ni para pange yarame koma. Ni repara ora kenda andaai epeleayandare go ali nipu wala ma-endaripa. 28Go einare wala nimi repara apo rapadonda. Nipu andalo ara ora raname komaliminya. Go au pilimindare ni pange raname komola. 29Realina binare nipu anda mealo arare raname ora waru komalepape. Gurupa alinuna biri ora minyasiala pipape. 30Nipu Realina pupudengi nado ainya repara komande. Nipu endoma ape eina kone na-sia. Nimimi ni rambameape pora na-sia ei nipumi kone suma ni rambamea.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.