Diudi 1
1
1Go ramayo wape pi auri ni Yesu Kerisona pupudengi nao-aya ali Diudimi pi. Niri Dieimusi nipuna ame ayo. Go ramayo rapae auri nimi Godeme wi lea ei pangoma epeme wenaali repara apo rapadonda. Apa Godeme nimi pumi yarame waru komoaya. Gupuma nimi repara ale menda papanayare Yesu Kerisome nimi waru andere-aya.
2Pakama yarame kome ei pange kuma pi ei para pu ada ei ambore ora rongo rongonasi nimina ei.
Yayapi angele wadame repaa
3Nina amenuo, ande Yesumi naa rambame eina angele rapaluame rapawa. Go pawapare ambia neme nimi para go angele apo wape pinda. Ande naana kone rulaema eiri waru andere-alepape. Gupuma Godena angele para yanda dia alinu panda liale pape. Go kone rulae eiri ande Godeme nipuna wenaali repara alande ei mendame na-ropo pilia. 4Akepeare naana runane Godena angele na-mi repaa kundiripu apo epa kondo pambamende. Go au puaeme repaana mula peme yangiri ambaisena ande Godena angele wia bukame la wia. Go wenaalimiri ande Godeme pu aloaya eina angele lea eiri wala ma-ropo ropo puma rambuaomare lalore Naana rana pi angelenu naame pima aunuri ale menda dia loaeme. Go repaamere ande kalu ali komea para kou waloaeme. Go kalu aliri naana Reali Yesu Keriso.
5Go einu raayo nimi kone wimi. Go peapare ande Realimi ande Isaraeli wenaali Idipi wenaalimi ma-koyaluame pisimiyanda rambamisaya ei kone wala sialiminya. Gupuma werepe wala go rambamisaya wenaalimi angele Godeme lisaya ei na-pangisimiyandare lu ma-komaisaya. 6Ambalande eindiolo repaa mendapareme pange mo nimuna ora ririna pupudenginu nape rupa na-nisimiya. Go au na-pi mo Godeme nimuna ainyayanda ma-aisaya ei minyapalaisimiya. Go peandare Godeme go eindiolo alinu andima seni kopeme dipula mea. Gupuma nimu ora rimbale para aeme. Ande su yaa pereda pea naare surumba aeme. Go naare miliandare Gode rapu angele yokonali pilimi. 7Ambaisena Sodomo pange Gomora pange go anda laapo nipuna repara aisimiya anda para aisimiya repaame pange go eindiolonumi pisimiya aunu pisimiya. Go repaare ali pake pange wena pake noaisimiya pange yananumi puaeme aunu pisimiya. Go pameyandare Godeme go repaa nimuna yangi repana pa roae para rapaisaya. Go pea eiri naame andomonoyanda pea. Go einu andoma naame nimumi pisimiya aunu na-paminya.
8Ambia go aeme alinumi pange mendaa au peme. Nimuna one mone upaanu puaeme eimiri nimuna dome koae kodo pi aunu puaeme. Nimumi naana Realina angelere rungulu-aeme pange epeni nane eindiolo ali ero lala puaeme. 9Ambaisena eindiolo alinuna kalu ali Maikolome Sadani rapu ape ape lisaya. Nipuna ape lisipiya eiri monde Mosesina do ro mula pea ango arere pisipiya. Gupisipiyapare Maikolo nipumi Sadanina angele yokoma na-lisaya. Maikolo nipumiri Godeme komea palia kone wisaya. 10Go peapare go alinumi mo alenuna reenu kone na-wimi alenuri koae angele kama leme. Nimumi pimi auri ande yari sayalenumi pimi rupa kone na-wimi aunu kama pimi. Go aunumi nimu ma-koyao-aya. 11Go alinu nimumi nimuna pimi aunu waru andere-ainya. Nimumi ande Keini nipumi pisaya aunu pimi. Mulimi narali pambeandare ande Balame pisaya rupa nimuna dome muli yodo muaeme. Gupuma ande Korame Godena angele kou walisaya rupa go repaame pange mendaa au peme. Go repaare Kora nipu pisa rupa Godeme nimu lu ma-komalia. 12Nimi ande yango andololo pulameyanda enda pamboaeme dinare go alinumiri go ei ma-koyaya au kama puaeme. Nimuna komea kone kama wimi. Nimuri ande koaa pokikimi ria pupulapare yai na-ipula ei manda. Nimuri ande repananu nimuna kili elape dinayapare kilinu na-eloame repananu manda. Gupuma nimuri repana ree yoko rumbalemenda komala ei manda. 13Nimumi yayapi aunu kama puaeme. Go einare ande ipa momongo ipuma rako supi epa ralu rumbala ei manda. Gupuma nimuri so yaa manda pamulopaleme kumba danga manda. Gode go repaa nimu pola peme para ambala wamo puma siaya. Go parare rimbayo pamboma pa pirairi pualimi.
Nimumi koae yangi milimi
14Enoko nipuri Adame nipuna kou nane su mindi pao ali. Go alinumi pula pisimiya ei ambala andomare nipumi gupi lisaya. Neme ande Reali nipuna eindiolo alinu daoseni pange ora wandu ae rupa karu ipula ei neme andalo lisaya. 15Nimuna koae aunu peme eina yangi pange Gode repara koae koae angele loaeme eina Gode nipumi nimu rali puma rendaa adea.
16Go alinumiri yangonapinu waru lao peme. Gupuma nimu repara pea aununa koae angele kama lo-aeme. Nimuna dome raname komala aunu raluaeme. Nimuna bi minyasialuame poya karipu kama lo-aeme. Mendana alenu yolo mulame kinalu kondo liae angele kama lo-aeme.
Kone rulada au waru pipape
17Go peapare na amenu nimimiri ande Reali Yesu Kerisona aposolo alinumi walisimiya angelenu waru kone sialepape. 18Nimumi nimi para gupa lamende, Werepe su yaa peredoame pilia dinare mendane alinumi Godena aunu giri lalimi. Nimumi Gode kou wademe pange nimumi pu romba komea para na-wilimi pange nimuna rana pi aunu raidimi lamende. 19Go alinumi ande Keriso wenaali ma-rekele rekele pao-aeme. Nimumi go suna alenuna kone komea rulaeme. Go alinumi Godena Sipiridi na-meme. 20Go peapare nina amenu nimimiri nimina kone rulaeme ei ma-andayari pulupape. Gupuma naare raayo ande Epe Yaakopi Sipiridina purina yainya pala pipape. 21Godena pu gea rupa alepape. Gupumare naana Reali Yesu Keriso nipuna pakama yarame komala eimi nimi na-kome pa endoaya eina ari polopeme ei ginya maisambao alepape.
22Nimimi mendane repaa nimuna kone rulaeme ei mai mai lia lia repaa repara yarame waru komalepape. Nimina ambalana aunuri ora kodo pi akanumi ando pea. Gurupa aunu reparare kou wadapape. 23Mendane repaare repana ralo ae para polame repara apo aemenda. Go repaa rambamuma epe rendepona porana ma-alepape. Mendapare repaare nimuna dome raname komala aunumi apo andere-ayanda. Gupi repaa para yarame komalepape. Go peapare nimuna koae aunumi nimi warapana waru andere-alepape.
Gode repara ranae angele lea ei
24Godeme nimi epe rupa andere-aoma nimi na-lopalimina dea. Nimi nipuna aya alena manda karu pelea. Nimi rondo menda na-alia. Gupuma nimi raname waru komeleme. 25Gode naana Rambami ali komea aya. Yesu Keriso rupara naa go au pea. Naame Godena bi minyasiaminya. Nipu ora ririna kini ali aya pange nipu ora puri waru palea pange nipu olemole raayona kalu pia. Ambaisena nipu ora gurupa aisaya. Ambia pange pa aya. Ora werepenu pange pa ao-alia.
Currently Selected:
Diudi 1: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Diudi 1
1
1Go ramayo wape pi auri ni Yesu Kerisona pupudengi nao-aya ali Diudimi pi. Niri Dieimusi nipuna ame ayo. Go ramayo rapae auri nimi Godeme wi lea ei pangoma epeme wenaali repara apo rapadonda. Apa Godeme nimi pumi yarame waru komoaya. Gupuma nimi repara ale menda papanayare Yesu Kerisome nimi waru andere-aya.
2Pakama yarame kome ei pange kuma pi ei para pu ada ei ambore ora rongo rongonasi nimina ei.
Yayapi angele wadame repaa
3Nina amenuo, ande Yesumi naa rambame eina angele rapaluame rapawa. Go pawapare ambia neme nimi para go angele apo wape pinda. Ande naana kone rulaema eiri waru andere-alepape. Gupuma Godena angele para yanda dia alinu panda liale pape. Go kone rulae eiri ande Godeme nipuna wenaali repara alande ei mendame na-ropo pilia. 4Akepeare naana runane Godena angele na-mi repaa kundiripu apo epa kondo pambamende. Go au puaeme repaana mula peme yangiri ambaisena ande Godena angele wia bukame la wia. Go wenaalimiri ande Godeme pu aloaya eina angele lea eiri wala ma-ropo ropo puma rambuaomare lalore Naana rana pi angelenu naame pima aunuri ale menda dia loaeme. Go repaamere ande kalu ali komea para kou waloaeme. Go kalu aliri naana Reali Yesu Keriso.
5Go einu raayo nimi kone wimi. Go peapare ande Realimi ande Isaraeli wenaali Idipi wenaalimi ma-koyaluame pisimiyanda rambamisaya ei kone wala sialiminya. Gupuma werepe wala go rambamisaya wenaalimi angele Godeme lisaya ei na-pangisimiyandare lu ma-komaisaya. 6Ambalande eindiolo repaa mendapareme pange mo nimuna ora ririna pupudenginu nape rupa na-nisimiya. Go au na-pi mo Godeme nimuna ainyayanda ma-aisaya ei minyapalaisimiya. Go peandare Godeme go eindiolo alinu andima seni kopeme dipula mea. Gupuma nimu ora rimbale para aeme. Ande su yaa pereda pea naare surumba aeme. Go naare miliandare Gode rapu angele yokonali pilimi. 7Ambaisena Sodomo pange Gomora pange go anda laapo nipuna repara aisimiya anda para aisimiya repaame pange go eindiolonumi pisimiya aunu pisimiya. Go repaare ali pake pange wena pake noaisimiya pange yananumi puaeme aunu pisimiya. Go pameyandare Godeme go repaa nimuna yangi repana pa roae para rapaisaya. Go pea eiri naame andomonoyanda pea. Go einu andoma naame nimumi pisimiya aunu na-paminya.
8Ambia go aeme alinumi pange mendaa au peme. Nimuna one mone upaanu puaeme eimiri nimuna dome koae kodo pi aunu puaeme. Nimumi naana Realina angelere rungulu-aeme pange epeni nane eindiolo ali ero lala puaeme. 9Ambaisena eindiolo alinuna kalu ali Maikolome Sadani rapu ape ape lisaya. Nipuna ape lisipiya eiri monde Mosesina do ro mula pea ango arere pisipiya. Gupisipiyapare Maikolo nipumi Sadanina angele yokoma na-lisaya. Maikolo nipumiri Godeme komea palia kone wisaya. 10Go peapare go alinumi mo alenuna reenu kone na-wimi alenuri koae angele kama leme. Nimumi pimi auri ande yari sayalenumi pimi rupa kone na-wimi aunu kama pimi. Go aunumi nimu ma-koyao-aya. 11Go alinu nimumi nimuna pimi aunu waru andere-ainya. Nimumi ande Keini nipumi pisaya aunu pimi. Mulimi narali pambeandare ande Balame pisaya rupa nimuna dome muli yodo muaeme. Gupuma ande Korame Godena angele kou walisaya rupa go repaame pange mendaa au peme. Go repaare Kora nipu pisa rupa Godeme nimu lu ma-komalia. 12Nimi ande yango andololo pulameyanda enda pamboaeme dinare go alinumiri go ei ma-koyaya au kama puaeme. Nimuna komea kone kama wimi. Nimuri ande koaa pokikimi ria pupulapare yai na-ipula ei manda. Nimuri ande repananu nimuna kili elape dinayapare kilinu na-eloame repananu manda. Gupuma nimuri repana ree yoko rumbalemenda komala ei manda. 13Nimumi yayapi aunu kama puaeme. Go einare ande ipa momongo ipuma rako supi epa ralu rumbala ei manda. Gupuma nimuri so yaa manda pamulopaleme kumba danga manda. Gode go repaa nimu pola peme para ambala wamo puma siaya. Go parare rimbayo pamboma pa pirairi pualimi.
Nimumi koae yangi milimi
14Enoko nipuri Adame nipuna kou nane su mindi pao ali. Go alinumi pula pisimiya ei ambala andomare nipumi gupi lisaya. Neme ande Reali nipuna eindiolo alinu daoseni pange ora wandu ae rupa karu ipula ei neme andalo lisaya. 15Nimuna koae aunu peme eina yangi pange Gode repara koae koae angele loaeme eina Gode nipumi nimu rali puma rendaa adea.
16Go alinumiri yangonapinu waru lao peme. Gupuma nimu repara pea aununa koae angele kama lo-aeme. Nimuna dome raname komala aunu raluaeme. Nimuna bi minyasialuame poya karipu kama lo-aeme. Mendana alenu yolo mulame kinalu kondo liae angele kama lo-aeme.
Kone rulada au waru pipape
17Go peapare na amenu nimimiri ande Reali Yesu Kerisona aposolo alinumi walisimiya angelenu waru kone sialepape. 18Nimumi nimi para gupa lamende, Werepe su yaa peredoame pilia dinare mendane alinumi Godena aunu giri lalimi. Nimumi Gode kou wademe pange nimumi pu romba komea para na-wilimi pange nimuna rana pi aunu raidimi lamende. 19Go alinumi ande Keriso wenaali ma-rekele rekele pao-aeme. Nimumi go suna alenuna kone komea rulaeme. Go alinumi Godena Sipiridi na-meme. 20Go peapare nina amenu nimimiri nimina kone rulaeme ei ma-andayari pulupape. Gupuma naare raayo ande Epe Yaakopi Sipiridina purina yainya pala pipape. 21Godena pu gea rupa alepape. Gupumare naana Reali Yesu Keriso nipuna pakama yarame komala eimi nimi na-kome pa endoaya eina ari polopeme ei ginya maisambao alepape.
22Nimimi mendane repaa nimuna kone rulaeme ei mai mai lia lia repaa repara yarame waru komalepape. Nimina ambalana aunuri ora kodo pi akanumi ando pea. Gurupa aunu reparare kou wadapape. 23Mendane repaare repana ralo ae para polame repara apo aemenda. Go repaa rambamuma epe rendepona porana ma-alepape. Mendapare repaare nimuna dome raname komala aunumi apo andere-ayanda. Gupi repaa para yarame komalepape. Go peapare nimuna koae aunumi nimi warapana waru andere-alepape.
Gode repara ranae angele lea ei
24Godeme nimi epe rupa andere-aoma nimi na-lopalimina dea. Nimi nipuna aya alena manda karu pelea. Nimi rondo menda na-alia. Gupuma nimi raname waru komeleme. 25Gode naana Rambami ali komea aya. Yesu Keriso rupara naa go au pea. Naame Godena bi minyasiaminya. Nipu ora ririna kini ali aya pange nipu ora puri waru palea pange nipu olemole raayona kalu pia. Ambaisena nipu ora gurupa aisaya. Ambia pange pa aya. Ora werepenu pange pa ao-alia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.