Galaesia 5
5
Yesumi naa kepe rapaya
1Yesumi naa dipula pima ei kepe rapaya. Go einare kepe rapae wenaali mandana alepape. Gupuma alinumi nimi wala dipula na-minya dapape.
2Pangalepa. Ni Polome nimi repara lalo. Nimina dona yongale rungulina demendare gore Kerisome nimi manda rambameape-na-ya. 3Go einare neme wala kingi angele apo lalonda. Ali menda apimi mendame nipuna dona yongale rungulina kone wiliandare gore nipumi ande Mosesimi gisayande Rudule Angele raayo raluma ora pualia. 4Nimi ande Rudule Angele pangeme eimi Godeme nimiri rendepona aeme wenaali lenaya rapoaeme repaa nimiri Yesu giaoma apo aemenda. Go peme eimiri Godeme nimi repara epe aunu menda na-pilia.
5Ande Epe Yaakopi Sipiridina purinare naame Gode repara kone rulaema. Gupuma nipumi naa rendepona aema wenaali lenayanda ora pilia loma maisamba aeme. 6Go peandare naare Yesu repara aemandare naana dona yongale rungudimanda pange o na-rungudimanda pangere ale menda dia. Go peapare ora ririna ale komeare Yesu repara kone ruladema eina komea. Go ei ande auri wenaali menda repara pu ademenda andelema.
7Nimiri ambalandere epe rupa pamu lopamendele wala ambiare nimina porare apimi sese panda ande ree angelere akepea na-raidamepae. Nimumi nimina angere akepuma yolamepae. 8Go eiri Godeme na-pea. Akepeare nipumi nimi mea. 9Ongepusi ma-lopali palawa ma-poyao-ae dangamere ande palawa ma-poyao-aya leme. 10Naame Yesu rapu runaema rupa yala arare nimi epe rupa manda pamilimi kone sialo. Nimimi pange neme sialo kone sialiminya. Gupuma nimimi kone rando randolo na-sialiminya. Mo nimina kone mea ma-bembolaeme alinuri Godeme nimu rendaa pi eina ainya dea.
11Neme dona yongale rungulape eina angele pa walo-aluandare niri gore rendaa pi eiri akepea pa guaemepae. Neme go einanda angele wadoandare gore ande Yesuna ekeraisa wape pi repanamere mendanda rendaa na-adea. 12Nina ranare go nimi ma-bembolademe alinu nimuna rana pi ei pa pairi puma pua pu pereyainya kone sialo. Dona yongale pa rungula eiri puma nimuna ali kapeada ali ru pange mu rumbena.
13Na amenuo, nimiri kepe rapae wenaali aliminyaya wilea. Akepeare nimi go kepe rapae wenaali aemendare nimimi go ei kone suma nimina do rianumi wee pambademe einumi nimi na-andere-ainya dapape. Go au na-piri pu ada eimi menda menda rambaminya dapape. 14Akepeare ande Rudule Angelenu raayore mana angele komea rupara epa kondo pambeme. Go mana angelemere go lea ei.
Nena gole nee rana komoale rupare nena yangonu
para pange mendaa au papelea.
15Go peapare nimina gole yana yapa lapome pipi rupa kika au loma menda menda repara rendaa rendaa ademendare gore waru andere-alepape. Nimina Keriso aunu ma-koyalimi.
Ande Godena Epe Yaakopi Sipiridi pange naana rana pi eina angele lee ei
16Nemere go angele lalo. Nimina ao-paluaeme eiri ande Epe Yaakopi Sipiridimi wada rupa alepape. Go au pilimindare gore nimina pumi raname komala aunu na-pilimi. 17Akepeare naana pumi rana komala alenuri ande Epe Yaakopi Sipiridimi rana komala alenu diama. Naana pumi rana komala ei para Epe Yaakopi Sipiridimi rana komala ei laapore yanda runguli pi. Go eimiri gore nimina pumi rana pilia au na-pilimi. 18Ande Epe Yaakopi Sipiridimi niminda pora walo aliandare gore nimiri Rudule Angelenumi nimi na-andere pia.
19Wenaalina pumi wee pambada eiri ambuname pename andeleme. Go eimiri go ei wadea. Wena para ali laapome pake nalepe ei, kodo pi aunu pi ei pange yaname pia aunu pia ei. 20-21Gupuma yayapi Gode repara yainya pi ei pange romo nee ambu pi aunu pange rono pi ei pange yanda runguluma yanda pi ei, mendame epe au pi anda rono pangala aunu pi ei, mendame nipu wandua apanaya koae kone siape einu, koae ipa nape ei pange koae aunu raayosi andapu puaeme. Gupuma nimuna gole, rekele rekele pulolo puaeme. Neme ambala kingi angele lawande rupa ambi wala apo lalonda. Go aunu pilimi repaa nimimi Godena Ki Rambuao-aya Eiri na-milimi.
22-23Go peapare ande Epe Yaakopi Sipiridimiri pu ada ei, raname komala ei, pu yokoria na-pamuala ei, menda menda repara kuma kuma puma epe au pia ei pange rendepona ao-paluaya ei pange epe enda nala ei pange kone para ao-aya ei pange raayo ma-epao-aya. Go einu rapu yanda liape Rudule Angele menda na-wia.
24Go eina Yesu Kerisona wenaalimiri nimuna ambala aunu pange kone puaripa ale pange wee pambarimi alenu raayosi perelena lame. 25Ande Epe Yaakopi Sipiridimiri naa endoaya ei gea. Go einare naana ao-paluaema ei pange nipumi andere-ainya. 26Naame naana bi gole na-minyasiala paminya pange menda menda na-ma-pulala paminya. Gupuma mendana alenuna rono na-pangaminya.
Currently Selected:
Galaesia 5: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Galaesia 5
5
Yesumi naa kepe rapaya
1Yesumi naa dipula pima ei kepe rapaya. Go einare kepe rapae wenaali mandana alepape. Gupuma alinumi nimi wala dipula na-minya dapape.
2Pangalepa. Ni Polome nimi repara lalo. Nimina dona yongale rungulina demendare gore Kerisome nimi manda rambameape-na-ya. 3Go einare neme wala kingi angele apo lalonda. Ali menda apimi mendame nipuna dona yongale rungulina kone wiliandare gore nipumi ande Mosesimi gisayande Rudule Angele raayo raluma ora pualia. 4Nimi ande Rudule Angele pangeme eimi Godeme nimiri rendepona aeme wenaali lenaya rapoaeme repaa nimiri Yesu giaoma apo aemenda. Go peme eimiri Godeme nimi repara epe aunu menda na-pilia.
5Ande Epe Yaakopi Sipiridina purinare naame Gode repara kone rulaema. Gupuma nipumi naa rendepona aema wenaali lenayanda ora pilia loma maisamba aeme. 6Go peandare naare Yesu repara aemandare naana dona yongale rungudimanda pange o na-rungudimanda pangere ale menda dia. Go peapare ora ririna ale komeare Yesu repara kone ruladema eina komea. Go ei ande auri wenaali menda repara pu ademenda andelema.
7Nimiri ambalandere epe rupa pamu lopamendele wala ambiare nimina porare apimi sese panda ande ree angelere akepea na-raidamepae. Nimumi nimina angere akepuma yolamepae. 8Go eiri Godeme na-pea. Akepeare nipumi nimi mea. 9Ongepusi ma-lopali palawa ma-poyao-ae dangamere ande palawa ma-poyao-aya leme. 10Naame Yesu rapu runaema rupa yala arare nimi epe rupa manda pamilimi kone sialo. Nimimi pange neme sialo kone sialiminya. Gupuma nimimi kone rando randolo na-sialiminya. Mo nimina kone mea ma-bembolaeme alinuri Godeme nimu rendaa pi eina ainya dea.
11Neme dona yongale rungulape eina angele pa walo-aluandare niri gore rendaa pi eiri akepea pa guaemepae. Neme go einanda angele wadoandare gore ande Yesuna ekeraisa wape pi repanamere mendanda rendaa na-adea. 12Nina ranare go nimi ma-bembolademe alinu nimuna rana pi ei pa pairi puma pua pu pereyainya kone sialo. Dona yongale pa rungula eiri puma nimuna ali kapeada ali ru pange mu rumbena.
13Na amenuo, nimiri kepe rapae wenaali aliminyaya wilea. Akepeare nimi go kepe rapae wenaali aemendare nimimi go ei kone suma nimina do rianumi wee pambademe einumi nimi na-andere-ainya dapape. Go au na-piri pu ada eimi menda menda rambaminya dapape. 14Akepeare ande Rudule Angelenu raayore mana angele komea rupara epa kondo pambeme. Go mana angelemere go lea ei.
Nena gole nee rana komoale rupare nena yangonu
para pange mendaa au papelea.
15Go peapare nimina gole yana yapa lapome pipi rupa kika au loma menda menda repara rendaa rendaa ademendare gore waru andere-alepape. Nimina Keriso aunu ma-koyalimi.
Ande Godena Epe Yaakopi Sipiridi pange naana rana pi eina angele lee ei
16Nemere go angele lalo. Nimina ao-paluaeme eiri ande Epe Yaakopi Sipiridimi wada rupa alepape. Go au pilimindare gore nimina pumi raname komala aunu na-pilimi. 17Akepeare naana pumi rana komala alenuri ande Epe Yaakopi Sipiridimi rana komala alenu diama. Naana pumi rana komala ei para Epe Yaakopi Sipiridimi rana komala ei laapore yanda runguli pi. Go eimiri gore nimina pumi rana pilia au na-pilimi. 18Ande Epe Yaakopi Sipiridimi niminda pora walo aliandare gore nimiri Rudule Angelenumi nimi na-andere pia.
19Wenaalina pumi wee pambada eiri ambuname pename andeleme. Go eimiri go ei wadea. Wena para ali laapome pake nalepe ei, kodo pi aunu pi ei pange yaname pia aunu pia ei. 20-21Gupuma yayapi Gode repara yainya pi ei pange romo nee ambu pi aunu pange rono pi ei pange yanda runguluma yanda pi ei, mendame epe au pi anda rono pangala aunu pi ei, mendame nipu wandua apanaya koae kone siape einu, koae ipa nape ei pange koae aunu raayosi andapu puaeme. Gupuma nimuna gole, rekele rekele pulolo puaeme. Neme ambala kingi angele lawande rupa ambi wala apo lalonda. Go aunu pilimi repaa nimimi Godena Ki Rambuao-aya Eiri na-milimi.
22-23Go peapare ande Epe Yaakopi Sipiridimiri pu ada ei, raname komala ei, pu yokoria na-pamuala ei, menda menda repara kuma kuma puma epe au pia ei pange rendepona ao-paluaya ei pange epe enda nala ei pange kone para ao-aya ei pange raayo ma-epao-aya. Go einu rapu yanda liape Rudule Angele menda na-wia.
24Go eina Yesu Kerisona wenaalimiri nimuna ambala aunu pange kone puaripa ale pange wee pambarimi alenu raayosi perelena lame. 25Ande Epe Yaakopi Sipiridimiri naa endoaya ei gea. Go einare naana ao-paluaema ei pange nipumi andere-ainya. 26Naame naana bi gole na-minyasiala paminya pange menda menda na-ma-pulala paminya. Gupuma mendana alenuna rono na-pangaminya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.