Epesusi 6
6
Nongo nakinu pange ama apanuna angele go ei
1Nongo nakinuo, nimina Keriso auyale nimina ama apa laapona angele ora waru pangoma pala pipape. Akepeare go auri ora aue. 2Ririna Godena Rudule Angele wili mandaa muma ralaya eiri gore
nimimi nimina ama apanu waru andasiao andala
pipape, lea.
3Go angele la wisaya eiri gurupa.
Gupilimindare nimiri go suna epe rupa kuma puma
nimina kuni gipanu waru andapupe ao-palualimiae,
la wisaya.
4Apanuo, nimimi pange nimina naki nongonumi rono pangenaya rimbu na-le, Realina au pula ara wada ei pange epe rupa mana lo andere-alepape.
Pupudengi nademe alinu pange suna realinuna angele go ei
5Nimi yangi na-mi pakama pupudengi nademe alinuo, nimimi nimina suna realinuna angelena panda pula ara nimumi deme einu ora pangala pipape. Keriso nipuna pupudengi nao-aeme rupare gore nimimi pange nimina suna realinuna angele pangoma pa rupa na-piri ora rupa pala pipape. 6Go einare go auri nimi andambao-ainya komea nimimi epe rupa pupudengi naleme lenaya komea na-pala pipape. Go au na-piri nimina pumi rongona nimiri Kerisona pakama pupudengi nademe alinuyanda Godena rana pi aunu komea pala pipape. 7Go eina nimimiri yangi na-mi pakama pupudengi nala arare suna alinuna pupudengi nadema kone na-wiri raname komala ara Realina pupudengi nadema kone siala pula ara nao-alepape.
8Go peale Realimi wenaali raayo para nee pakama pupudengi nada ali o nee pakama pupudengi nade ali na-alinda pange nipumi nipuna epe rupa pilia pupudengina yangi ora milima, kone sialepape.
9Suna realinuo, nimimi pange nimina pakama pupudengi nademe repaa para pange nimumi nimi repara pimi rupa nimimi nimu repara mendaa au pala pipape. Gupuma paala ma-pape angelenu na-lala pipape. Go ei kone sialepape. Nimi pange nimina yangi na-mi pakama pupudengi nademe alinu pange nimina Reali andaa ali komea kama, Godena Aya Lena aya. Gupuma nipumi wenaali raayo komea rupa rali puaya.
Godeme nimi repara gea endali dolo pange kanganu angele lea ei
10Werepe nane angelere gurupa laloae. Nimimi Reali raminyeke pa ara nipuna andaa puri palea eimi nimi kongapu ma-palainya dapape. 11Mo na-pi einu la ma-ria ria puae remo nipumi nimi makirada einu papana. Nimimi puri paloma ara ma-bembo laluameyare Godeme nimina do kalu pape poaliminyaya gea lenuri raayo mumare siambalepape.
12Akepeare naame su wenaalinu rapu yanda na-pimapare remona andaa aeme koae remonu rapu pange yanda ririna remonu rapu pange ambia go rimba ma-yo pambao-ae koae kalu remonu rapu pange nimuna andere-aeme koae remonu para pange yanda diamae.
13Go eina Godeme nimina do kalu pape poaliminyaya gea leenu ambia go gole mea siambao-alepape. Gupuma ande koae naare epelea dinare nimina yanda runguli alimi nimi koyaluameya pilimindare nimimi anana wanduaoma lombai palimi. Go yanda pa eiri puare nimina yanda runguli alinumiri nimi mandana na-lu perealimi.
14Go einare ma-analaoma alepape. Nimimi yanda pimi alinumi pimi rupa gurupa aunu pipape. Nimuna ako yamaleme rupa mandanare nimimi ora aunu pala pipape. Nimuna ako ma-embeaeme ale mandanare nimimi ora rendepona ao-paidapape. 15Gupuma nimuna ange anda pambademe ei mandanare nimimi Gode nipuna yanda paliape epe angele wadoame ma-analao alepape. 16Naare raayosi kone rulada eiri nimina kanga mandana sia alepape. Akepeare go kone rulalimi eimiri mo koae remonuna kalu remome rala rala ae endali apanu mandana kundinaoma wandilimi. 17Gupuma nimuna kalu pape poaya ale mandanare Godeme nimi rambamea ei meala pipape pange Godeme lea angelenuri nimuna kepere mandana Yaakopi Sipiridimi ginya meala pipape. 18Godeme go au palaliminya nimi rambaminya yainya pala pipape. Naare raayo yainya pilimindare Yaakopi Sipiridimi wadea rupa yainya pala pipape. Go einare waru andere-ara gimi na-komalepape. Godena wenaali raayo para kone siala ara naare raayo yainya pala pipape.
19Gupuma na bi pange nimimi Gode para yainya pula ara alala pipape. Godeme na angaa lombola naarena neme dape angele walena neme paala paalame na-kome Godena epe angelena ree kundiripi ei walano yainya pala pipape. 20Godena epe angele mana niri Yesu Kerisona angele lado ali ayopare ni ambia dipula pi. Ni paala paalame na-kome nina pula pea rupa Godena epe angele walano yainya pala pipape.
Pereyape yarae angelenu go ei
21Naana pumi komoaema Keriso ame ande Realina angele pangoma epe rupa pupudengi nada ali Rikikasimiri ni ayo eina pange neme pi ei nimi para la gilia. 22Nimina pu kana ma-yarialuame naame pima einu raayo nipumi nimi la ginyaya Rikikasiri nimi repara go einayanda rapadondae.
23Naana Apa Godeme pange Reali Yesu Kerisome niipu laapome Keriso ame ainyanu para kuma pi ei pange pu ada ei pange kone rulada ei rapu raloma ginya. 24Gupuma Reali Yesu Keriso para naare raayo na-perele pu aloaeme wenaali para Godeme nipuna pumi yarame kome ei nimu para pakama alena.
Currently Selected:
Epesusi 6: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Epesusi 6
6
Nongo nakinu pange ama apanuna angele go ei
1Nongo nakinuo, nimina Keriso auyale nimina ama apa laapona angele ora waru pangoma pala pipape. Akepeare go auri ora aue. 2Ririna Godena Rudule Angele wili mandaa muma ralaya eiri gore
nimimi nimina ama apanu waru andasiao andala
pipape, lea.
3Go angele la wisaya eiri gurupa.
Gupilimindare nimiri go suna epe rupa kuma puma
nimina kuni gipanu waru andapupe ao-palualimiae,
la wisaya.
4Apanuo, nimimi pange nimina naki nongonumi rono pangenaya rimbu na-le, Realina au pula ara wada ei pange epe rupa mana lo andere-alepape.
Pupudengi nademe alinu pange suna realinuna angele go ei
5Nimi yangi na-mi pakama pupudengi nademe alinuo, nimimi nimina suna realinuna angelena panda pula ara nimumi deme einu ora pangala pipape. Keriso nipuna pupudengi nao-aeme rupare gore nimimi pange nimina suna realinuna angele pangoma pa rupa na-piri ora rupa pala pipape. 6Go einare go auri nimi andambao-ainya komea nimimi epe rupa pupudengi naleme lenaya komea na-pala pipape. Go au na-piri nimina pumi rongona nimiri Kerisona pakama pupudengi nademe alinuyanda Godena rana pi aunu komea pala pipape. 7Go eina nimimiri yangi na-mi pakama pupudengi nala arare suna alinuna pupudengi nadema kone na-wiri raname komala ara Realina pupudengi nadema kone siala pula ara nao-alepape.
8Go peale Realimi wenaali raayo para nee pakama pupudengi nada ali o nee pakama pupudengi nade ali na-alinda pange nipumi nipuna epe rupa pilia pupudengina yangi ora milima, kone sialepape.
9Suna realinuo, nimimi pange nimina pakama pupudengi nademe repaa para pange nimumi nimi repara pimi rupa nimimi nimu repara mendaa au pala pipape. Gupuma paala ma-pape angelenu na-lala pipape. Go ei kone sialepape. Nimi pange nimina yangi na-mi pakama pupudengi nademe alinu pange nimina Reali andaa ali komea kama, Godena Aya Lena aya. Gupuma nipumi wenaali raayo komea rupa rali puaya.
Godeme nimi repara gea endali dolo pange kanganu angele lea ei
10Werepe nane angelere gurupa laloae. Nimimi Reali raminyeke pa ara nipuna andaa puri palea eimi nimi kongapu ma-palainya dapape. 11Mo na-pi einu la ma-ria ria puae remo nipumi nimi makirada einu papana. Nimimi puri paloma ara ma-bembo laluameyare Godeme nimina do kalu pape poaliminyaya gea lenuri raayo mumare siambalepape.
12Akepeare naame su wenaalinu rapu yanda na-pimapare remona andaa aeme koae remonu rapu pange yanda ririna remonu rapu pange ambia go rimba ma-yo pambao-ae koae kalu remonu rapu pange nimuna andere-aeme koae remonu para pange yanda diamae.
13Go eina Godeme nimina do kalu pape poaliminyaya gea leenu ambia go gole mea siambao-alepape. Gupuma ande koae naare epelea dinare nimina yanda runguli alimi nimi koyaluameya pilimindare nimimi anana wanduaoma lombai palimi. Go yanda pa eiri puare nimina yanda runguli alinumiri nimi mandana na-lu perealimi.
14Go einare ma-analaoma alepape. Nimimi yanda pimi alinumi pimi rupa gurupa aunu pipape. Nimuna ako yamaleme rupa mandanare nimimi ora aunu pala pipape. Nimuna ako ma-embeaeme ale mandanare nimimi ora rendepona ao-paidapape. 15Gupuma nimuna ange anda pambademe ei mandanare nimimi Gode nipuna yanda paliape epe angele wadoame ma-analao alepape. 16Naare raayosi kone rulada eiri nimina kanga mandana sia alepape. Akepeare go kone rulalimi eimiri mo koae remonuna kalu remome rala rala ae endali apanu mandana kundinaoma wandilimi. 17Gupuma nimuna kalu pape poaya ale mandanare Godeme nimi rambamea ei meala pipape pange Godeme lea angelenuri nimuna kepere mandana Yaakopi Sipiridimi ginya meala pipape. 18Godeme go au palaliminya nimi rambaminya yainya pala pipape. Naare raayo yainya pilimindare Yaakopi Sipiridimi wadea rupa yainya pala pipape. Go einare waru andere-ara gimi na-komalepape. Godena wenaali raayo para kone siala ara naare raayo yainya pala pipape.
19Gupuma na bi pange nimimi Gode para yainya pula ara alala pipape. Godeme na angaa lombola naarena neme dape angele walena neme paala paalame na-kome Godena epe angelena ree kundiripi ei walano yainya pala pipape. 20Godena epe angele mana niri Yesu Kerisona angele lado ali ayopare ni ambia dipula pi. Ni paala paalame na-kome nina pula pea rupa Godena epe angele walano yainya pala pipape.
Pereyape yarae angelenu go ei
21Naana pumi komoaema Keriso ame ande Realina angele pangoma epe rupa pupudengi nada ali Rikikasimiri ni ayo eina pange neme pi ei nimi para la gilia. 22Nimina pu kana ma-yarialuame naame pima einu raayo nipumi nimi la ginyaya Rikikasiri nimi repara go einayanda rapadondae.
23Naana Apa Godeme pange Reali Yesu Kerisome niipu laapome Keriso ame ainyanu para kuma pi ei pange pu ada ei pange kone rulada ei rapu raloma ginya. 24Gupuma Reali Yesu Keriso para naare raayo na-perele pu aloaeme wenaali para Godeme nipuna pumi yarame kome ei nimu para pakama alena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.