Aposolo 24
24
Mo Isaraelimi mandu rangala pae alinuna kalu alinumi Polona pe ei laisimiya ei
1Gupuma naare supu perelisayandare mo Gode repara alinau puaisimiya alinuna kalu alinuna andaa ali Ananayasi pange kalu alinu mendaa para pange rudule angelenu kone waru suma la aloae ali komea nipuna bi Dedalusi pange Sisaria ree anda nane ipuma opapala ipisimiya. Go dina mo Polome pi einu mo gapamani andaa ali Pilikasi para pua angele la alisimiya. 2Mo gapamanina andaa alimi Polo wi lisayanda ipuma epa aisaya. Epa aisayandare mo Dedalusimi angele kini pu loma ma-riada ara lalore, Andaa ali Pilikasio, ambalandere andasu raayo ora koyapare nee ipuma neeme naa epa andere aoma ramba meaendare waru arima. Ambiare naame ora ale menda pange na-pi ora epe rupa aema, lisaya. Rendaa rendaanu na-pi pange nena kone ora epelea eimi naana repaa wenaalinu raayo waru ma-epearipi, lisaya. 3Go einare neeme naare raayo epe aunu puale ei para naame ora raname waru komalema pange go eina nee repara ora ranae angele dama, lisaya. 4Go einare naare andapumi neme nee na-sese pula, lisaya. Nena yarame komoale eina nee para rana pea angele peao ei menda lano waru pangapeae, loma lisaya. 5Naame go ali andemaparere nipuri ora koae au waru andapu ma-rekaya aliae, lisaya. Nipumiri mo Isaraelimi mandu rangala pae wenaalinu raayo para yanda ma-pao-aya ali pange su anda raayo para go au puaya, lisaya. Go eina nipuri mo Nasarere anda repaa alinuna reali aya, lisaya.
6Gupuma nipumiri ande Gode repara alinau puaisimiya andaa anda para koae kodo pi aunu puaripa, lisaya. Go aunu puaripanda naame andoma naana Rudule Angele runguda loma pa ripinyama, lisaya. 7Pa ripinyumare naana Rudule Angele rungulandare angele yokanali pia lena ma-aluameya pamaparere mo ririna endali ripinyi alinuna kalu ali menda nipuna bi Lisiasi, nipumi ipuma naana ki para Polo siamba amono loma epa puri paloma ralu lopaoma epa peramea, lisaya.
8Go einare Lisiasi nipumi mo Polo para angele lame alinuri gore ambia go Pilikasi nee para epena, lisaya. Gupumare neeme Polo para angaa milindare naame Polo para ma-ria ria angele lama angelenu raayore nee para epa deandare neemere ora waru pangele, loma Dedalusimi angele gurupa la lisaya. 9Go eina mo Isaraelimi mandu rangala pae alinumi mo Dedalusi rambameala ara Polo para ma-ria ria angelenu mo gapamani ali para lalore, Dedalusimi go angelenu raayore ora lande ei loma la lisimiya.
Polome Pilikasi para angele walisaya ei
10Mo gapamani kalu alimi Polo para lalore, Nena pele einu la, lisaya.
Go eina Polome nipuna angele yango liada ara lalore, Nee kuni gipa andapu go wenaali para ara angele yokanali puale eiri ni kone wi, lisaya. Go eina neme ambia nee para angele la gialondare na pumi rana waru pia, lisaya. 11Go peale neeme nimu para lora pilindare anana nimumi nee para go angele mendaa angele la gilimiae, lisaya. Mo Diurusaleme ree anda yainya pula popawa diri ambiare ki laapo pereyoma angena laapopu naarele pereya, lisaya. 12Go dina mo Diurusaleme ree anda Gode repara alinau puaisimiya andaa anda para neme ali menda rapu angeleme ape loma angeleme lawa eiri Isaraelimi mandu rangala pae ali mendame na-andame, lisaya. Go dina mo mombea pirame alinu para nimi rekoma ape yanda pipa pi mo Isaraelimi mandu rangala pae wenaalinuna Godena angele kuruaeme anda menda paranu pange ree anda ruparanu pange pamulopala ara gupi angelenu neme na-lala pawa, lisaya. 13Go einare ambia go ni pakama ma-riaoma dame pereke pereke angelena reere nimumi ora angele mendanda ree epa dame loma neeme ora ree angele menda na-andawili, lisaya. 14Go peapare go eina ambia nee para nina rana pia angele menda nee para la giano, lisaya. Neme go Pora para raluma pula ara naana kasuanuna Gode para yainya puayopare nimumi lalore, Go Porare ora pora dia, payapo porana puaeme loaeme lisaya. Gupuma mo Mosesimi Rudule Angele wi einu pange mo Godena poropedi alinumi wape pi angelenu raayo pange neme pangoma kone rulayo, lisaya. 15Mo alinumiri Godeme mo epe au pange koae au puma komeme wenaali pange raayosi ma-rekalia, kone wimi, lisaya. Ni pange mo alinumi kone wimi rupa kone suayo, lisaya. 16Go eina naare raayo na pumi kone wi eiri Godena lee wilina pange su wenaalina lee wilina pange na pi einu menda andenaya ni epe rupa aluameya, kone suayo, lisaya.
17Ni ririnare Diurusaleme ree anda giaoma andasu menda nane kuni gipa andapu pua aoma wala epawa, lisaya. Go dina muni olemolenu menda mo na anda repaa wenaali para alape alenu pange Gode para pakama alala ara alinau pape lenu pange ma-epawa, lisaya. 18Go au pula ara mo Gode repara alinau puaisimiya andaa anda para aripu dinare Godena lee wilina ara yaakopi au pi ei pereyaripundare nimumi ni andame, lisaya. Go dina ni andamepare wenaali andapu nisi na-arima pange alinu mendame ma-ria ria angele lala ara koae koae einu menda na-pame, lisaya. 19Go dina mo Isaraelimi mandu rangala pae alinu Eisia andasu nane aoma ipuma ni pakama epa ripinyame, lisaya. Gupuma go Eisia alinumi neme Rudule Angelenu rungulawa einu andoma go alinumi gole nee para ipuma epa la giala ara lapeleo, lisaya. 20Go einare ambala ririna ni mo kalesoro alinu rapu aripu dina nimumi na koae au pi einu menda andelemendare gore ambia go nee para epa la gilimi, lisaya. 21Pa marea neme ambala ririna nimuna lee wilina rekoma ara wi loma angele menda gurupa lawa. Godeme komeme wenaali wala ma-rekalia kone rulaoma lawa eina go ei reena ambia angele loma epa ma-riaoma nee para epa na bi dame lo Polome gurupa lisaya.
22Pilikasi nipuri mo Porana ree einu andoma kone andapu suaisaya. Go einare Pilikasi nipumi mo angele yokanali pi ei sese puma mo Isaraelimi mandu rangala pae alinu para lalore, Pa ma-siambalepa, lisaya. Werepe mo kalu ali Lisiasi epeleandare gore nimina go dame angelere werepe nane wala kone sula, lisaya. 23Go eina nipumi mo endali ripinyi alinuna yanda mundu ali para lalore, Polo nipuri mo dipula anda para ma-piraoma andere-ala peleparere ora anda rupara na-piruainyalere kama nani pa pamulopenalape, lisaya. Gupuma Polo nipuna amenumi nipu para endasinu alo pange olemolenu menda aloma rambameape aunu pa pinyale ora sese na-pipape, lisaya.
Pilikasimi Polo kuni gipa laapo dipula anda para ma-piraisaya ei
24Naare mendane einu perelenalomare Pilikasi nipuri nipuna were Durusila rapu ipisipiya. Mo wena Durusila nipuri Isaraelimi mandu rangala pae wena aisaya. Go dina Pilikasimi Polona angele pangolame ipu loma wi la misaya. Go eina Polome wenaalinumi Yesu Keriso para kone rulae ei angele lisaya. 25Go eina Polona lisaya angelere ora wenaalimi epe rupa ao-paliape ei pange nimuna kone nimuna do epe rupa andambape einuna ree angele lisaya. Polome lalore, Werepe nane Godeme naana pema eina angele yokanali waru pilia, lisaya. Go einu Pilikasimi pangoma ora paalame komoma Polo para lalore, Ambia gosi nena anda ora polapelepare werepe nane ni para naarele wiliandare neme nee wi doa, lisaya. 26Go eina mo ali Pilikasi nipuna konemere Polome muni menda para ora gilia kone suma andere-ara naare raayo Polome nipu para angele da epala pinyaya waru wi lala puaisaya.
27Go dina werepe nane kuni gipa laapo perelisayandare ali menda nipuna bi Posiusi Pesadusimi Pilikasi nipumi gapamani mundu alimi nisaya pupudengi alona nipumi pisaya. Go eina Pilikasi nipuri mo Isaraelimi mandu rangala pae alinu para mimi pulame Polore mo dipula anda para pa pirinya, lisaya.
Currently Selected:
Aposolo 24: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 24
24
Mo Isaraelimi mandu rangala pae alinuna kalu alinumi Polona pe ei laisimiya ei
1Gupuma naare supu perelisayandare mo Gode repara alinau puaisimiya alinuna kalu alinuna andaa ali Ananayasi pange kalu alinu mendaa para pange rudule angelenu kone waru suma la aloae ali komea nipuna bi Dedalusi pange Sisaria ree anda nane ipuma opapala ipisimiya. Go dina mo Polome pi einu mo gapamani andaa ali Pilikasi para pua angele la alisimiya. 2Mo gapamanina andaa alimi Polo wi lisayanda ipuma epa aisaya. Epa aisayandare mo Dedalusimi angele kini pu loma ma-riada ara lalore, Andaa ali Pilikasio, ambalandere andasu raayo ora koyapare nee ipuma neeme naa epa andere aoma ramba meaendare waru arima. Ambiare naame ora ale menda pange na-pi ora epe rupa aema, lisaya. Rendaa rendaanu na-pi pange nena kone ora epelea eimi naana repaa wenaalinu raayo waru ma-epearipi, lisaya. 3Go einare neeme naare raayo epe aunu puale ei para naame ora raname waru komalema pange go eina nee repara ora ranae angele dama, lisaya. 4Go einare naare andapumi neme nee na-sese pula, lisaya. Nena yarame komoale eina nee para rana pea angele peao ei menda lano waru pangapeae, loma lisaya. 5Naame go ali andemaparere nipuri ora koae au waru andapu ma-rekaya aliae, lisaya. Nipumiri mo Isaraelimi mandu rangala pae wenaalinu raayo para yanda ma-pao-aya ali pange su anda raayo para go au puaya, lisaya. Go eina nipuri mo Nasarere anda repaa alinuna reali aya, lisaya.
6Gupuma nipumiri ande Gode repara alinau puaisimiya andaa anda para koae kodo pi aunu puaripa, lisaya. Go aunu puaripanda naame andoma naana Rudule Angele runguda loma pa ripinyama, lisaya. 7Pa ripinyumare naana Rudule Angele rungulandare angele yokanali pia lena ma-aluameya pamaparere mo ririna endali ripinyi alinuna kalu ali menda nipuna bi Lisiasi, nipumi ipuma naana ki para Polo siamba amono loma epa puri paloma ralu lopaoma epa peramea, lisaya.
8Go einare Lisiasi nipumi mo Polo para angele lame alinuri gore ambia go Pilikasi nee para epena, lisaya. Gupumare neeme Polo para angaa milindare naame Polo para ma-ria ria angele lama angelenu raayore nee para epa deandare neemere ora waru pangele, loma Dedalusimi angele gurupa la lisaya. 9Go eina mo Isaraelimi mandu rangala pae alinumi mo Dedalusi rambameala ara Polo para ma-ria ria angelenu mo gapamani ali para lalore, Dedalusimi go angelenu raayore ora lande ei loma la lisimiya.
Polome Pilikasi para angele walisaya ei
10Mo gapamani kalu alimi Polo para lalore, Nena pele einu la, lisaya.
Go eina Polome nipuna angele yango liada ara lalore, Nee kuni gipa andapu go wenaali para ara angele yokanali puale eiri ni kone wi, lisaya. Go eina neme ambia nee para angele la gialondare na pumi rana waru pia, lisaya. 11Go peale neeme nimu para lora pilindare anana nimumi nee para go angele mendaa angele la gilimiae, lisaya. Mo Diurusaleme ree anda yainya pula popawa diri ambiare ki laapo pereyoma angena laapopu naarele pereya, lisaya. 12Go dina mo Diurusaleme ree anda Gode repara alinau puaisimiya andaa anda para neme ali menda rapu angeleme ape loma angeleme lawa eiri Isaraelimi mandu rangala pae ali mendame na-andame, lisaya. Go dina mo mombea pirame alinu para nimi rekoma ape yanda pipa pi mo Isaraelimi mandu rangala pae wenaalinuna Godena angele kuruaeme anda menda paranu pange ree anda ruparanu pange pamulopala ara gupi angelenu neme na-lala pawa, lisaya. 13Go einare ambia go ni pakama ma-riaoma dame pereke pereke angelena reere nimumi ora angele mendanda ree epa dame loma neeme ora ree angele menda na-andawili, lisaya. 14Go peapare go eina ambia nee para nina rana pia angele menda nee para la giano, lisaya. Neme go Pora para raluma pula ara naana kasuanuna Gode para yainya puayopare nimumi lalore, Go Porare ora pora dia, payapo porana puaeme loaeme lisaya. Gupuma mo Mosesimi Rudule Angele wi einu pange mo Godena poropedi alinumi wape pi angelenu raayo pange neme pangoma kone rulayo, lisaya. 15Mo alinumiri Godeme mo epe au pange koae au puma komeme wenaali pange raayosi ma-rekalia, kone wimi, lisaya. Ni pange mo alinumi kone wimi rupa kone suayo, lisaya. 16Go eina naare raayo na pumi kone wi eiri Godena lee wilina pange su wenaalina lee wilina pange na pi einu menda andenaya ni epe rupa aluameya, kone suayo, lisaya.
17Ni ririnare Diurusaleme ree anda giaoma andasu menda nane kuni gipa andapu pua aoma wala epawa, lisaya. Go dina muni olemolenu menda mo na anda repaa wenaali para alape alenu pange Gode para pakama alala ara alinau pape lenu pange ma-epawa, lisaya. 18Go au pula ara mo Gode repara alinau puaisimiya andaa anda para aripu dinare Godena lee wilina ara yaakopi au pi ei pereyaripundare nimumi ni andame, lisaya. Go dina ni andamepare wenaali andapu nisi na-arima pange alinu mendame ma-ria ria angele lala ara koae koae einu menda na-pame, lisaya. 19Go dina mo Isaraelimi mandu rangala pae alinu Eisia andasu nane aoma ipuma ni pakama epa ripinyame, lisaya. Gupuma go Eisia alinumi neme Rudule Angelenu rungulawa einu andoma go alinumi gole nee para ipuma epa la giala ara lapeleo, lisaya. 20Go einare ambala ririna ni mo kalesoro alinu rapu aripu dina nimumi na koae au pi einu menda andelemendare gore ambia go nee para epa la gilimi, lisaya. 21Pa marea neme ambala ririna nimuna lee wilina rekoma ara wi loma angele menda gurupa lawa. Godeme komeme wenaali wala ma-rekalia kone rulaoma lawa eina go ei reena ambia angele loma epa ma-riaoma nee para epa na bi dame lo Polome gurupa lisaya.
22Pilikasi nipuri mo Porana ree einu andoma kone andapu suaisaya. Go einare Pilikasi nipumi mo angele yokanali pi ei sese puma mo Isaraelimi mandu rangala pae alinu para lalore, Pa ma-siambalepa, lisaya. Werepe mo kalu ali Lisiasi epeleandare gore nimina go dame angelere werepe nane wala kone sula, lisaya. 23Go eina nipumi mo endali ripinyi alinuna yanda mundu ali para lalore, Polo nipuri mo dipula anda para ma-piraoma andere-ala peleparere ora anda rupara na-piruainyalere kama nani pa pamulopenalape, lisaya. Gupuma Polo nipuna amenumi nipu para endasinu alo pange olemolenu menda aloma rambameape aunu pa pinyale ora sese na-pipape, lisaya.
Pilikasimi Polo kuni gipa laapo dipula anda para ma-piraisaya ei
24Naare mendane einu perelenalomare Pilikasi nipuri nipuna were Durusila rapu ipisipiya. Mo wena Durusila nipuri Isaraelimi mandu rangala pae wena aisaya. Go dina Pilikasimi Polona angele pangolame ipu loma wi la misaya. Go eina Polome wenaalinumi Yesu Keriso para kone rulae ei angele lisaya. 25Go eina Polona lisaya angelere ora wenaalimi epe rupa ao-paliape ei pange nimuna kone nimuna do epe rupa andambape einuna ree angele lisaya. Polome lalore, Werepe nane Godeme naana pema eina angele yokanali waru pilia, lisaya. Go einu Pilikasimi pangoma ora paalame komoma Polo para lalore, Ambia gosi nena anda ora polapelepare werepe nane ni para naarele wiliandare neme nee wi doa, lisaya. 26Go eina mo ali Pilikasi nipuna konemere Polome muni menda para ora gilia kone suma andere-ara naare raayo Polome nipu para angele da epala pinyaya waru wi lala puaisaya.
27Go dina werepe nane kuni gipa laapo perelisayandare ali menda nipuna bi Posiusi Pesadusimi Pilikasi nipumi gapamani mundu alimi nisaya pupudengi alona nipumi pisaya. Go eina Pilikasi nipuri mo Isaraelimi mandu rangala pae alinu para mimi pulame Polore mo dipula anda para pa pirinya, lisaya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.