2 Dimodi 4
4
Neeme Godena angele epe rupa walape
1Ambala komeme wenaalinu pange pa-aeme wenaali raayo Yesu Kerisome epa rali pilia. Godena lee wilina pange Yesu Kerisona lee wilina ara nee para neme puri paloma go angele laloe. Yesu Kerisome werepe wenaalinu raayona lee wilina ipuma nipu Kini ora pa ao-alia. 2Go einare neeme go ei kone suma nipuna angelenu waru walala pape. Nimu Godena angele pangolameya lele pu aliminda pange o nimi ambe na lele pu ao-piliminda pangere pa puri paloma walape. Neeme nimuna pu konenu ma-lekeyainya puri pale angelenu waru lala pape. Godena aunu ralina nimuna pu konenu ma-lekeyape. Gupuma pu kana ma-yariae angelenu lala pape. Gupuma nimu rapu kuma puma epe rupa walala pape. 3Go einare werepe nanere mo wenaalimi mo epe angelenu ora na-pangola peme naare epelea. Go wenaalimiri mongeriao-aeme alinu mendapare wasuma pelemendare go mongeriao-aeme alinumiri mo wenaalina kaleme pangoma rendeme komola peme angelenu komea lademe. 4Gupula ara mo ora epe angelenuri giada ara nimuna kale kone raayo mo ree na-wi lindi ramaninu loaeme einu pangolame raname waru komeleme. 5Go einare neeme nena lee waru opo ma-kiyoma nee lopele go neka anganu waru andoma ape. Gupuma Reali mana nee rendapi enda nala pape palame na-komape. Gupuma nena pupudengiri ande epe angele walala pele aliyale pupudengi waru nala pape. Akepeare neere Godena pupudengi nao-ale ali ale.
Ambiare nina pupudengi ora repara peredea
6Niri ambia go suna aripu ei repara pereyalo ara wenaalimi dimi. Go peapare ni komalo eiri Gode repara alinau pi ei. 7Neme ambala ririna ora epe rupa angiralinali pawande. Gupuma ambiare mo nee ambalaya ni ambalaya loma angiralinali puaeme alena ambala opoparipunde. Gupuma Gode para kone rulae eiri neme irulu ripinyawande. 8Gupuma ande angiralinali puma ririna ipula alinumi muaemende yangimiri ni masumbapiae. Go yangiri gore ora epe rupa rendepona ao-aeme repaame komea milimi. Reali nipumiri wenaali ora epe rupa rali puaya. Gupuma go andaa naare epelea dinare go yangi ni gilia. Ni komea na gula peapare mo nipu epenayanda pu aloma maisamba pimi wenaali repara alo pilia.
Angelenu mendaparenu lea ei
9Go eina neere ora wangepu ni repara epape. 10Akepeare Dimasimi ni minyapalaripa. Nipuri suna aunu pulame kone waru siala ara go au pa. Gupuma nipuri mo Desalonaika anda nane pua pange mo ali menda nipuna bi Kerisonisi pange mo Galaesia nane pua. Gupuma Daidasi pange mo Dalamesia anda nane pua. 11Luka komeare ni rapu aya. Go einare neeme Maka pange karu epape. Nipumi ora epe rupa ni rambaminyaya laloe. 12Gupuma Dikikusi pange neme mo Epesusi anda nane ambala raparipu. 13Go eina epelendare, gore nina mandaa aka wi ei mo Roasi daoni para Kapasina anda para apo wiale ma-epape, pange buka mendapare pange apo wiale ma-epape. Apo ari yongaleme wari einu apo supeale go einu minyapalali neeme ora ma-epape. 14Alekasanda nipuri mo wakisopo para pupudengi noaya alimi ni repara rendaa andaai waru gia. Go peapare Realimi komea palia. Werepe Realimi nipuna yangi adea dina nipumi go aunu pea rupa yangi gurupa anana milia. 15Neeme pange apo ali waru andere-ape. Nipumi naana angelenu ma-lu rambuaoma rungulari pamualapa ali ayale.
16Neme ririna angele yokanali pia eina angele lawapare go naarena ali menda ni nane ralape ali menda ora diaya. Alinu raayome ni giarimi. Go eina neme Gode para yainya pula ara gurupa lawa, mo alinumi ni para pimi koae einu para kone na-siape loma lawa. 17Go peapare Godeme ni waru rambamea. Gupuma nipumi puri andaai ni para ora gia. Go einare neme mo epe angele mo Isaraelimi na-mandu rangala pae wenaalinu raayo repara angele ora walala pawa. Gupunuya Godeme niri ora mo yanda runguli alinumi lu komala pamepare rambamea. 18Ora ae, Realimiri ni mo koae aunumi ni ma-lopapanaya ni rambamuma so nipuna Aya Lena ma-pelea. Go einare Godena biri pa suari puainya. 19Nina paliape angelesi apo laloe. Mo Pirisila pange Akuila pange Onesiporasi nipuna repaa para pange pua lalape. 20Gupumare Irasibasi nipuri mo Korindi anda para pa aripa. Gupuma Doropimasi nipuri yainya komanda neme nipuri mo Mailedusi anda para minyapalaoma epawa. 21Go einare neere pa maisamba na-aere yai lumbu puma kupa ipuaya naare repara epeleale ambe epape. Yubiyulasi, Puyundinasi, Lainasi, Kolodia pange neere Keriso amenu raayome nee para yarayoe loma paliape angele apo lamoyademandae. 22Go eina Realiri neena remo rapu ainya. Godena yarame komala ei pange nee rapu winya.
Currently Selected:
2 Dimodi 4: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
2 Dimodi 4
4
Neeme Godena angele epe rupa walape
1Ambala komeme wenaalinu pange pa-aeme wenaali raayo Yesu Kerisome epa rali pilia. Godena lee wilina pange Yesu Kerisona lee wilina ara nee para neme puri paloma go angele laloe. Yesu Kerisome werepe wenaalinu raayona lee wilina ipuma nipu Kini ora pa ao-alia. 2Go einare neeme go ei kone suma nipuna angelenu waru walala pape. Nimu Godena angele pangolameya lele pu aliminda pange o nimi ambe na lele pu ao-piliminda pangere pa puri paloma walape. Neeme nimuna pu konenu ma-lekeyainya puri pale angelenu waru lala pape. Godena aunu ralina nimuna pu konenu ma-lekeyape. Gupuma pu kana ma-yariae angelenu lala pape. Gupuma nimu rapu kuma puma epe rupa walala pape. 3Go einare werepe nanere mo wenaalimi mo epe angelenu ora na-pangola peme naare epelea. Go wenaalimiri mongeriao-aeme alinu mendapare wasuma pelemendare go mongeriao-aeme alinumiri mo wenaalina kaleme pangoma rendeme komola peme angelenu komea lademe. 4Gupula ara mo ora epe angelenuri giada ara nimuna kale kone raayo mo ree na-wi lindi ramaninu loaeme einu pangolame raname waru komeleme. 5Go einare neeme nena lee waru opo ma-kiyoma nee lopele go neka anganu waru andoma ape. Gupuma Reali mana nee rendapi enda nala pape palame na-komape. Gupuma nena pupudengiri ande epe angele walala pele aliyale pupudengi waru nala pape. Akepeare neere Godena pupudengi nao-ale ali ale.
Ambiare nina pupudengi ora repara peredea
6Niri ambia go suna aripu ei repara pereyalo ara wenaalimi dimi. Go peapare ni komalo eiri Gode repara alinau pi ei. 7Neme ambala ririna ora epe rupa angiralinali pawande. Gupuma ambiare mo nee ambalaya ni ambalaya loma angiralinali puaeme alena ambala opoparipunde. Gupuma Gode para kone rulae eiri neme irulu ripinyawande. 8Gupuma ande angiralinali puma ririna ipula alinumi muaemende yangimiri ni masumbapiae. Go yangiri gore ora epe rupa rendepona ao-aeme repaame komea milimi. Reali nipumiri wenaali ora epe rupa rali puaya. Gupuma go andaa naare epelea dinare go yangi ni gilia. Ni komea na gula peapare mo nipu epenayanda pu aloma maisamba pimi wenaali repara alo pilia.
Angelenu mendaparenu lea ei
9Go eina neere ora wangepu ni repara epape. 10Akepeare Dimasimi ni minyapalaripa. Nipuri suna aunu pulame kone waru siala ara go au pa. Gupuma nipuri mo Desalonaika anda nane pua pange mo ali menda nipuna bi Kerisonisi pange mo Galaesia nane pua. Gupuma Daidasi pange mo Dalamesia anda nane pua. 11Luka komeare ni rapu aya. Go einare neeme Maka pange karu epape. Nipumi ora epe rupa ni rambaminyaya laloe. 12Gupuma Dikikusi pange neme mo Epesusi anda nane ambala raparipu. 13Go eina epelendare, gore nina mandaa aka wi ei mo Roasi daoni para Kapasina anda para apo wiale ma-epape, pange buka mendapare pange apo wiale ma-epape. Apo ari yongaleme wari einu apo supeale go einu minyapalali neeme ora ma-epape. 14Alekasanda nipuri mo wakisopo para pupudengi noaya alimi ni repara rendaa andaai waru gia. Go peapare Realimi komea palia. Werepe Realimi nipuna yangi adea dina nipumi go aunu pea rupa yangi gurupa anana milia. 15Neeme pange apo ali waru andere-ape. Nipumi naana angelenu ma-lu rambuaoma rungulari pamualapa ali ayale.
16Neme ririna angele yokanali pia eina angele lawapare go naarena ali menda ni nane ralape ali menda ora diaya. Alinu raayome ni giarimi. Go eina neme Gode para yainya pula ara gurupa lawa, mo alinumi ni para pimi koae einu para kone na-siape loma lawa. 17Go peapare Godeme ni waru rambamea. Gupuma nipumi puri andaai ni para ora gia. Go einare neme mo epe angele mo Isaraelimi na-mandu rangala pae wenaalinu raayo repara angele ora walala pawa. Gupunuya Godeme niri ora mo yanda runguli alinumi lu komala pamepare rambamea. 18Ora ae, Realimiri ni mo koae aunumi ni ma-lopapanaya ni rambamuma so nipuna Aya Lena ma-pelea. Go einare Godena biri pa suari puainya. 19Nina paliape angelesi apo laloe. Mo Pirisila pange Akuila pange Onesiporasi nipuna repaa para pange pua lalape. 20Gupumare Irasibasi nipuri mo Korindi anda para pa aripa. Gupuma Doropimasi nipuri yainya komanda neme nipuri mo Mailedusi anda para minyapalaoma epawa. 21Go einare neere pa maisamba na-aere yai lumbu puma kupa ipuaya naare repara epeleale ambe epape. Yubiyulasi, Puyundinasi, Lainasi, Kolodia pange neere Keriso amenu raayome nee para yarayoe loma paliape angele apo lamoyademandae. 22Go eina Realiri neena remo rapu ainya. Godena yarame komala ei pange nee rapu winya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.