1 Desalonaika 5
5
Naame Reali epenaya maisambao aminya
1Naana amenuo, naame go aunu pulu pea naarenu nimi repara na-wape puma na-la gilimae.
2Ande Reali nipuna epola pea naarere pake noaya ali rimbala ipuaya rupa opopala epola pea eiri nimina gole kone wimi. 3Wenaalimi lalore, Ambiare ale menda pape-na-yala ara kuma puma aema demandare nimu koyala pea alenu nimu para go gole epelea. Ande naki panda pia wenana puayande rupa rendaa rana komea epelea. Gupiliandare menda ali na-pongola peleme. 4Go peapare amenu nimiri ande rimbale para na-aeme eimiyala arare go Naaremere nimiri pake nala alimi pia rupa rungulu mealo pambala aliminyaloma na-epelea.
5Nimi raayore paa pea ei rupara aeme wenaali aeme. Naare rimbale para na-aema. 6Go einare mo mendane wenaalimi pimi rupa mandana u na-palu piriri reka arare epe kone suma aminya. 7Rimbala komea wenaali u paluaeme. Gupuma rimbala komea koae ipa noma keyao-aeme. 8Go peapare naare paana aema wenaaliyandare epe kone suma epe rupa alima. Naame naana kone ruladema ei pange pu ada ei laapore endali ripinyi alinu nimuna yanda runguli alinumi nimuna ako lambe piapanayanda mandu ame ale mandana manduma rambamea eiri endali ripinyi alinumi nimuna kalu lambe piapanayanda andapu aeme kalu aka mandana ma-ralima. 9Godeme naa mea auri nipuna rono pangala ei naa repara epenayanda na-pea. Go au na-peapare naana Reali Yesu Keriso rupara rambami au meamonoyanda pea. 10Gupuma nipu komea auri naa nipu rapu mendaa para amonoyanda pea. Naa komelema o pa alimanda pangere nipu epeleandare nipu rapu ora pa alima. 11Go einayandare menda menda repara rambamulolo puma pange menda mendana pu ambia go pimi rupa pu kana ma-yariae angelenu loalepape.
Pereyada mana angelenu lea ei
12Go einayandare naame nimi konge dama. Naana amenuo, nimimiri nimina Keriso ao-paluaeme einuna mana angele loma guaeme wenaalinu pange nimi epe porana pualiminyaya karu puaeme wenaalinuna angelenu waru pangoma pange nimu waru andasiao waru andala pipape. 13Nimimi pu waru aloma pange andasioma waru andala pipape. Akepeare nimumi naleme pupudenginayanda damae. Nimi niminale kuma pe rupa aoma paidapape.
14Naame nimi konge damale go au pipape. Nimimiri mo gigimi komoaeme wenaali repara kingi angele dapape pange paala paalame komoaeme wenaali repara pange angele lala pumare puri na-pademe wenaalinu pange puri ma-palalapape pange wenaali ambuna pe para pu yoko ria na-pamualepape.
15Mendame ana na-pi aunu menda piliandare gore wala go ana na-pi aunu pia ali repara wala ale menda na-pipape. Go au na-piri menda menda reparare neeme pula pele auri gore epe aunu komea puma pange ora wenaali raayosi repara go au komea pape.
16Naare raayosi raname ora waru komoalepape.
17Naare raayosimi yainya waru pualepape. 18One mone aunu pilia einu raayo repara ranae loalepape. Go eiri nena ao-paluale ei rupara Yesu Keriso rapu runaoma ara Godeme paliminya kone wia aunuyale.
19Yaakopi Sipiridi nipuna pupudengi nala ei na-ma-koyalepape. 20Mendame Godena angele wademendare gore kou na-wadapape. 21-22Go peapare nimimiri epepe alenu komea mu siamba ara koae koae alenumiri nimi warapana pane muma wandualepape.
23One mone aunu raayosina rupara ande naana kuma pi ei guayande Godeme epe yaakopi rupa ma-ainyae. Gupuma nipumi nimina remonu pange nimina donu pange nimina konenu pange nimina do ria raayosi naana Reali Yesu Keriso epelea dina kodonu papana waru andere-ala pipa. 24Nee wilia Godemere ora pula dea eiri ora pilia. Akepeare nipuri ora loaya ali aya.
25Amenuo, naa pange yainya pala pipape.
26Angele pangeme wenaalinu raayore amesinu leale kupima ki meala pipape.
27Neme Realina purina lalole go ramayo Godena angele pangeme wenaali raayo repara yarepema adapape.
28Naana Reali Yesu Keriso nipuna pakama yarame kome ei nimi rapu winyae.
Currently Selected:
1 Desalonaika 5: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
1 Desalonaika 5
5
Naame Reali epenaya maisambao aminya
1Naana amenuo, naame go aunu pulu pea naarenu nimi repara na-wape puma na-la gilimae.
2Ande Reali nipuna epola pea naarere pake noaya ali rimbala ipuaya rupa opopala epola pea eiri nimina gole kone wimi. 3Wenaalimi lalore, Ambiare ale menda pape-na-yala ara kuma puma aema demandare nimu koyala pea alenu nimu para go gole epelea. Ande naki panda pia wenana puayande rupa rendaa rana komea epelea. Gupiliandare menda ali na-pongola peleme. 4Go peapare amenu nimiri ande rimbale para na-aeme eimiyala arare go Naaremere nimiri pake nala alimi pia rupa rungulu mealo pambala aliminyaloma na-epelea.
5Nimi raayore paa pea ei rupara aeme wenaali aeme. Naare rimbale para na-aema. 6Go einare mo mendane wenaalimi pimi rupa mandana u na-palu piriri reka arare epe kone suma aminya. 7Rimbala komea wenaali u paluaeme. Gupuma rimbala komea koae ipa noma keyao-aeme. 8Go peapare naare paana aema wenaaliyandare epe kone suma epe rupa alima. Naame naana kone ruladema ei pange pu ada ei laapore endali ripinyi alinu nimuna yanda runguli alinumi nimuna ako lambe piapanayanda mandu ame ale mandana manduma rambamea eiri endali ripinyi alinumi nimuna kalu lambe piapanayanda andapu aeme kalu aka mandana ma-ralima. 9Godeme naa mea auri nipuna rono pangala ei naa repara epenayanda na-pea. Go au na-peapare naana Reali Yesu Keriso rupara rambami au meamonoyanda pea. 10Gupuma nipu komea auri naa nipu rapu mendaa para amonoyanda pea. Naa komelema o pa alimanda pangere nipu epeleandare nipu rapu ora pa alima. 11Go einayandare menda menda repara rambamulolo puma pange menda mendana pu ambia go pimi rupa pu kana ma-yariae angelenu loalepape.
Pereyada mana angelenu lea ei
12Go einayandare naame nimi konge dama. Naana amenuo, nimimiri nimina Keriso ao-paluaeme einuna mana angele loma guaeme wenaalinu pange nimi epe porana pualiminyaya karu puaeme wenaalinuna angelenu waru pangoma pange nimu waru andasiao waru andala pipape. 13Nimimi pu waru aloma pange andasioma waru andala pipape. Akepeare nimumi naleme pupudenginayanda damae. Nimi niminale kuma pe rupa aoma paidapape.
14Naame nimi konge damale go au pipape. Nimimiri mo gigimi komoaeme wenaali repara kingi angele dapape pange paala paalame komoaeme wenaali repara pange angele lala pumare puri na-pademe wenaalinu pange puri ma-palalapape pange wenaali ambuna pe para pu yoko ria na-pamualepape.
15Mendame ana na-pi aunu menda piliandare gore wala go ana na-pi aunu pia ali repara wala ale menda na-pipape. Go au na-piri menda menda reparare neeme pula pele auri gore epe aunu komea puma pange ora wenaali raayosi repara go au komea pape.
16Naare raayosi raname ora waru komoalepape.
17Naare raayosimi yainya waru pualepape. 18One mone aunu pilia einu raayo repara ranae loalepape. Go eiri nena ao-paluale ei rupara Yesu Keriso rapu runaoma ara Godeme paliminya kone wia aunuyale.
19Yaakopi Sipiridi nipuna pupudengi nala ei na-ma-koyalepape. 20Mendame Godena angele wademendare gore kou na-wadapape. 21-22Go peapare nimimiri epepe alenu komea mu siamba ara koae koae alenumiri nimi warapana pane muma wandualepape.
23One mone aunu raayosina rupara ande naana kuma pi ei guayande Godeme epe yaakopi rupa ma-ainyae. Gupuma nipumi nimina remonu pange nimina donu pange nimina konenu pange nimina do ria raayosi naana Reali Yesu Keriso epelea dina kodonu papana waru andere-ala pipa. 24Nee wilia Godemere ora pula dea eiri ora pilia. Akepeare nipuri ora loaya ali aya.
25Amenuo, naa pange yainya pala pipape.
26Angele pangeme wenaalinu raayore amesinu leale kupima ki meala pipape.
27Neme Realina purina lalole go ramayo Godena angele pangeme wenaali raayo repara yarepema adapape.
28Naana Reali Yesu Keriso nipuna pakama yarame kome ei nimi rapu winyae.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.