1 Korindi 3
3
Aposolo alinu naa raayo Godena pupudengi nao-aema alinu aema
1Nina yangonuo, neme nimi repara angele doamere ande Yaakopi Sipiridi ambala meme wenaali repara loayo angeleme na-lawa. Neme angele le auri go suna alinu repara da pe rupa lawande. Akepeare Kerisona auna ruparare nimiri nongo nakinu mandana aeme. 2Go eina nimimi rendaa pi enda nape-na-ya eina andu komea giawa. Akepeare nimi puri ambe na-paleme. Ambia pange nimi puri na-paleme.
3Gupuma ambia go pange nimiri su wenaali rupa aeme eina rendaa pi enda nape-na-ya. Menda menda repara ape yanda pu pange mendame epepe aunu pianda yanda dia aunu pimi. Go pimi eiri gore nimiri go suna aunumi pa koraya loma wada. 4Ali mendame lalore, Niri Polona ali ayo dea. Wala ali mendame lalore, Niri Apolosina ali ayo lalolo pilipindare gore suna angele.
5Go Apolosiri apiyapae. Ni Polo pange apiyapae. Saa laapore Godena pupudengi nadepa. Nimiri saame Gode repara karu epapanda Gode para kone rulaeme. Realimi saa para pupudengi rando rando pi ei rali payanda padepa. 6Niri wai poado ali aripu. Apolosimi pange ipa noma ada ali aripa. Saare go papaparere ma-opae auri Godeme paripa. 7Wai poaya ali pange ipa noma ada ali pange nipuna bi diayapare ande wai ale ma-opaya auri Godeme pada eina nipuna bi andaai wia. 8Gupuma wai poala ali pange ipa noma ada ali pange rando menda na-peapare niipumi Godena pupudengi nadepe rupa yangi milipiae. 9Naare mendaa para ara Godena pupudengi nadema alinu aema. Gupuma nimiri Godena e mapu aeme. Gupuma nimiri Godena anda pange aeme.
Godena pupudengi noaeme wenaalinuri kapenda alinu mandana aeme, lea ei
10Godeme kapenda pupudengi nanoya kone gea eimi niri ora waru ara kapenda anda pi eina kalu ali ara keraa ambala nongopeawa. Gupuma ali mendame anda pulameya mo anda keraanu mandaa pia. Go peaparere mo anda pia alimiri waru andere-ara piliandare ana pilia. 11Go lalo angelere go einaya lawa. Monde anda keraanu nongopeda rupare Godeme Yesu Keriso komea ambala mea ainyalea. Gupuma anda keraanu wala mendapare nongopeape-na-ya.
12Gupuma mendaa keraanu mandaa anda pulame alinu mendaparamere golome pange silipame pange yangi andaaimi kamboaeme kaname anda puaeme. Mendane repaamere repaname pange kara keraanumi anda pilimi. 13Gupilimipare ande Reali epelea naarenare ande anda pimi alinu raayona pimi eiri penameyalia. Go naarenare repana rala ei pange epelea. Gupuma alinu raayome pimi andare monde repana rala eimi epa ro andalea. 14Ande anda keraa mandaa pea andanda repaname na-koyae pa aliandare gore go anda eda alimi yangi milia. 15Gupiliapare ali mendame pilia anda roma peredeandare nipuna pi ei raayore alu pilia. Nipuri na-alu pi pa endoma ala peapare repana ralae para puma kundupi re ali mandana endoma alia.
Nimi raayore Godena epe yaako pi anda mandana lea ei
16Nimiri Gode nipuna yaako pi anda. Gupuma Godena Sipiridiri ambala ma-piraya. Go eiri nimi kone wimi. 17Ali mendame Godena yaako pi anda ma-koyaliandare Godemere go ali ma-koyalia. Godena andare yaako pi andayanda lawa. Gupuma nimiri nipuna yaako pi anda aeme.
Bi minyasiada au giaminya
18Mendame nipuna gole nipu na-makirainya. Mendame rekomare su alinuna kone sialeme rupa lalore, Niri kone waru wi ali ayo, loma deandare gore go alimiri ora kone waru wi ei andasulameyare niri kone na-wi ali ayo angele ambala dea. 19Neme go lalo angelere go einaya lawa. Su alinumi kone waru sialeme kone wimi eiri Godemere keyali kone widame lea. Ande Godena angele wia bukamere gupi lea.
Godemere kone waru su rekele peme ali nimuna
koneme gole wala nimu ma-lopainya loaya.
20Mendaa rupa Godena angele wi bukame gupi lo pea.
Realimi andeapare go kone waru wimi alinuna
konenumiri ale menda kili na-mandia lea.
21-23Go einare su alinumi pimi einuna mendame ako na-lambi lina. Wenaali pange alenda alenda raayo niminae. Polo pange Apolosi pange Pida pange go su yaa laapo pange endoaya ei para komala ei laapo pange ambia go pimi ei pange werepe nane pula pea ei pange go einu raayore nimina ayapare nimiri Kerisona ei aeme. Gupuma Kerisore Godena ei ae.
Currently Selected:
1 Korindi 3: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
1 Korindi 3
3
Aposolo alinu naa raayo Godena pupudengi nao-aema alinu aema
1Nina yangonuo, neme nimi repara angele doamere ande Yaakopi Sipiridi ambala meme wenaali repara loayo angeleme na-lawa. Neme angele le auri go suna alinu repara da pe rupa lawande. Akepeare Kerisona auna ruparare nimiri nongo nakinu mandana aeme. 2Go eina nimimi rendaa pi enda nape-na-ya eina andu komea giawa. Akepeare nimi puri ambe na-paleme. Ambia pange nimi puri na-paleme.
3Gupuma ambia go pange nimiri su wenaali rupa aeme eina rendaa pi enda nape-na-ya. Menda menda repara ape yanda pu pange mendame epepe aunu pianda yanda dia aunu pimi. Go pimi eiri gore nimiri go suna aunumi pa koraya loma wada. 4Ali mendame lalore, Niri Polona ali ayo dea. Wala ali mendame lalore, Niri Apolosina ali ayo lalolo pilipindare gore suna angele.
5Go Apolosiri apiyapae. Ni Polo pange apiyapae. Saa laapore Godena pupudengi nadepa. Nimiri saame Gode repara karu epapanda Gode para kone rulaeme. Realimi saa para pupudengi rando rando pi ei rali payanda padepa. 6Niri wai poado ali aripu. Apolosimi pange ipa noma ada ali aripa. Saare go papaparere ma-opae auri Godeme paripa. 7Wai poaya ali pange ipa noma ada ali pange nipuna bi diayapare ande wai ale ma-opaya auri Godeme pada eina nipuna bi andaai wia. 8Gupuma wai poala ali pange ipa noma ada ali pange rando menda na-peapare niipumi Godena pupudengi nadepe rupa yangi milipiae. 9Naare mendaa para ara Godena pupudengi nadema alinu aema. Gupuma nimiri Godena e mapu aeme. Gupuma nimiri Godena anda pange aeme.
Godena pupudengi noaeme wenaalinuri kapenda alinu mandana aeme, lea ei
10Godeme kapenda pupudengi nanoya kone gea eimi niri ora waru ara kapenda anda pi eina kalu ali ara keraa ambala nongopeawa. Gupuma ali mendame anda pulameya mo anda keraanu mandaa pia. Go peaparere mo anda pia alimiri waru andere-ara piliandare ana pilia. 11Go lalo angelere go einaya lawa. Monde anda keraanu nongopeda rupare Godeme Yesu Keriso komea ambala mea ainyalea. Gupuma anda keraanu wala mendapare nongopeape-na-ya.
12Gupuma mendaa keraanu mandaa anda pulame alinu mendaparamere golome pange silipame pange yangi andaaimi kamboaeme kaname anda puaeme. Mendane repaamere repaname pange kara keraanumi anda pilimi. 13Gupilimipare ande Reali epelea naarenare ande anda pimi alinu raayona pimi eiri penameyalia. Go naarenare repana rala ei pange epelea. Gupuma alinu raayome pimi andare monde repana rala eimi epa ro andalea. 14Ande anda keraa mandaa pea andanda repaname na-koyae pa aliandare gore go anda eda alimi yangi milia. 15Gupiliapare ali mendame pilia anda roma peredeandare nipuna pi ei raayore alu pilia. Nipuri na-alu pi pa endoma ala peapare repana ralae para puma kundupi re ali mandana endoma alia.
Nimi raayore Godena epe yaako pi anda mandana lea ei
16Nimiri Gode nipuna yaako pi anda. Gupuma Godena Sipiridiri ambala ma-piraya. Go eiri nimi kone wimi. 17Ali mendame Godena yaako pi anda ma-koyaliandare Godemere go ali ma-koyalia. Godena andare yaako pi andayanda lawa. Gupuma nimiri nipuna yaako pi anda aeme.
Bi minyasiada au giaminya
18Mendame nipuna gole nipu na-makirainya. Mendame rekomare su alinuna kone sialeme rupa lalore, Niri kone waru wi ali ayo, loma deandare gore go alimiri ora kone waru wi ei andasulameyare niri kone na-wi ali ayo angele ambala dea. 19Neme go lalo angelere go einaya lawa. Su alinumi kone waru sialeme kone wimi eiri Godemere keyali kone widame lea. Ande Godena angele wia bukamere gupi lea.
Godemere kone waru su rekele peme ali nimuna
koneme gole wala nimu ma-lopainya loaya.
20Mendaa rupa Godena angele wi bukame gupi lo pea.
Realimi andeapare go kone waru wimi alinuna
konenumiri ale menda kili na-mandia lea.
21-23Go einare su alinumi pimi einuna mendame ako na-lambi lina. Wenaali pange alenda alenda raayo niminae. Polo pange Apolosi pange Pida pange go su yaa laapo pange endoaya ei para komala ei laapo pange ambia go pimi ei pange werepe nane pula pea ei pange go einu raayore nimina ayapare nimiri Kerisona ei aeme. Gupuma Kerisore Godena ei ae.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.