1 Korindi 15
15
Yesu komoma wala ma-rekaisaya ei
1Ande neme walawa Epe Angelere nimimi meamende. Gupuma nimina kone rulaeme eiri go angele mandaa peme. Go ei neme wala nimi kone ma-siado. 2Ande Epe Angelere neme nimi para walawa rupare pa siamba aemepae. Nimi go angele irulo siambalimidare gore nimi rambamilia. Dia deandare angele pakama pangamena.
3Monde angele ora ree andaai neme meawa ei nimi para la giawa eiri gurupa. Mo Godena angele wia bukame lea rupa Keriso naana koae aununa komisaya.
4Gupuma nipu dapa pameyapare kana bokena para dapa pisimiyapare koro repona winyaloma Godeme nipu wala ma-rekaripaya. Gupisaya ei pange mo Godena angele wia bukame lea rupa pisaya. 5Gupuma nipumi Pida para ambala puma nipuna do penameyao walomare monde ki laapona angena laapopu alinu para pange pua walaya. 6Gupuma werepe nanere 500 wanduae repaa repara komea romona paisaya. Monde alinuri mendaparere komamepare mendane alinu waru andapuri pa aeme. 7Go au puma werepe nanere nipuri Dieimusi para waloma mo aposolo alinu raayo para pange wala pua walaya.
8Ora werepe nanere nipumi ni para ipuma epa wala. Niri ande mandu koyae naki rupa anore epa wala. 9Mo Yesuna angele ma-puao-aeme alinu rapu mendaleyaluandare niri nimuna rolo para. Ni aposolo ali lalore ni ri na-pea. Akepeare neme Godena wenaali para rendaa andaai alawa eina lawa. 10Go pawapare ambia ni go ayo eiri Godeme nipuna pakama yarame komea eimi pi. Gupuma nipumi ni para pakama yarame komea eiri pakama na-pea. Diae. Nemere puri waru paloma nipuna pupudengi nada ara monde Kerisona angele ma-puao-aeme alinu raayore neme wanduaripuae. Go pawapare nemere nina kongapuna na-pawa. Godeme pakama yarame komea ei ni para gea eimi pawa. 11Go eina neme lawa angele o nimumi lame angele, naa raayo komea angele gole waloaema. Gupuma nimimiri go angelena kone rulao-aeme.
Naa komoma wala rekelema lea ei
12Go eina naame waloaema angelere Keriso ora komayapare Godeme wala ma-rekaya ei waloaema eina nimina rupara aeme alinu menda parame lalore, Ambala komeme wenaaliri wala ma-rekape-na-ya dame eiri, akepeanda damepae. 13Mo alinumi go dame eiri ora angele deandare gore Yesuri Godeme wala na-ma-rekaisa na-laminya. 14Gupuma pange Keriso wala na-ma-rekala payalore naame angele menda na-walala pama. Nimi pange wala angele na-pangola pame.
15Gupuma naame pange Godeme Keriso wala ma-rekaya ei wadama einare pereke pereke angele dama alinu ala pama. Gupula pamapare go einaya lawa. Godeme komeme wenaali wala na-ma-rekala payalore gore Keriso pange na-ma-rekala pa. 16Ambala komeme wenaaliri Godeme wala na-ma-rekaliandare gore Keriso pange Godeme wala na-ma-rekala pa. 17Gupuma Keriso wala na-ma-rekala payalore nimina kone rulaeme eiri pa pula pame. Gupuma nimina koae aunu pange pa sula pae. 18Gupuma Keriso para kone rulao-aoma komeme wenaali pange ora alu pula pameae. 19Gupuma Yesumi naa werepe komoma pelema naarena na-rambami ambia go na-kome pa aema naare komea naa rambamilia kone wilimandare gore wenaalimi pa menda yarame komaleme rupa naa yarame komena.
20Go peapare ora angelere gurupae. Kerisore komisayapare Godeme wala ma-rekaisaya. Go pea eiri Godeme komeme wenaali ora ma-rekalua loma pea.
21Komala eiri ali komeana rupara ipisaya rupa komoma wala rekola peme ei pange ali komeana rupara ipisaya.
22Wenaali raayore Adama para kimbumaoma aemanda komoaema rupare Keriso para kimbumaoma aeme wenaali pange Godeme wala ma-rekalia. 23Gupiliapare Godeme nipuna dea naarena rando rando rekelema. Keriso ririna opopalia. Gupuma werepenare Keriso nipuna wenaali nipu epelea naarena epeleme. 24Gupilia dinare olemole raayo peredea. Kerisome andere-aya alinu raayo pange remonuna kalu alinu raayo pange nipumi ma-bembolaoma nipuna rolo para ainya dea. Ande Ki Rambuao-aya Eiri nipuna Apa Gode para ma-adea.
25Go einaya lalo. Kerisore wenaali andere pira eiri pelea. Gupuma nipuna yanda runguli alinu raayo Godeme lu rambualia. 26Gupuma nipuna yanda runguli repaa raayo pereyaomare komale ei rapu pu rungudia.
27Ande Godena angele wia bukamere gupi lea.
Alenda alenda raayo nipuna ange oro para
Godeme ma-siaya loma lea.
Go wape pea eimiri Godeme olemole raayo Kerisona ange oro para ma-siaya eina lea. Gode nipu komea kama go alenu rapu rolo para na-aya. 28Alenda alenda raayo Kerisome lu rambuao arare Yesu Godena Naki nipu Godena rolo para alia. Godemere olemole raayo Yesuna rolo para wia. Gupuma raayo Godeme nipuna rolo para ma-piraoma andere pia.
29Ande ambala komeme wenaali para kone sialo ara baparaisi pimi wenaali nimumiri akipulame go au pimipae. Monde mendapare wenaalimi leme rupa ambala komeme wenaali wala ma-rekape na-deandare gore go wenaali rambamulame akepeanda baparaisi au pimapae. 30Gupuma naa pange komoma wala na-rekelemandare gore naa komala ei repara aya auri akepeayapae. 31Na amenuo, naare raayo komala ei ni para epea ae. Naare raayosi neme nimi para raname waru komoayo. Naa monde naana Reali Yesu Keriso rapu runaoma aemandare neme go angele lalo. 32Neme su wenaalinuna kone ralialo ara go Epesusi ree anda para ara ande loaeme rupa sayale menanu rapu yanda pawa da pawayalore epe ale menda ale andola pawapae.
Ambala kome wenaali wala ma-rekape na-deandare
gore ande loaeme rupa ruli rundane komola
pema eina enda ipa ambiare waru naminya
loma dema.
33Makirada ei na-pangalepape. Koae wenaali rapu pamilimindare naana pima epe au ma-koyalima.
34Nimina koae aunu pimi ei giaoma nimina kone ma-rendopoyaoma epe rupa alepape. Nimi mendapare wenaalimi Gode kone waru na-wimi. Go lalo einare yalame komalepape.
Komea wenaali wala ma-rekaya repaana dore ake piliayapae
35Ali mendame gurupa angaa milia. Komea wenaali wala ma-rekaya auri akipumapae, o wala akipi do aliapae loma angaa milia. 36Nee kone na-wi ali. Wai ale kili komea suna poleandare gore go kili komeleanda komea wai opelea. 37Gupuma suna pole alere pa onge kili pole. Laisi kilimi ande kilisi o pa pesa waisinumi ande kili pole. Neeme nipuna werepe opoma ala pea do na-pole. 38Ande wai alesi ope eiri Godeme pada. Go kili pole einda gunina ei deandare gore ora gunina do milia pange merenina kili deandare gore merenina do milia. Do raayo nimuna rando rando kilinu polendare gore go poale alenu nimuna kera komea andele. 39Gupuma suna endoma aema alenuna do mindiri komea ei dia. Wenaalina ei rando. Yaa aarinuna eiri rando menda pi ei. Repalinuna ei pange rando menda.
40Gupuma yaa nane aeme alenu pange su nane aeme alenu pange rando menda pea. 41So naare nipuna epe do aya ei rando menda pange so kumba danga nipuna epe do pange rando menda pi ei. So kumba danganu nimuna rupara pange mendapare kumbanuna eiri rando menda pu pea.
42Monde komaleme wenaaliri wala ma-rekaliandare gore gurupa alimiae. Ali ro dapa pimindare gore nipuna do komea dapa pimi. Gupula peapare Godeme ma-rekaliandare na-komelea. 43Dapa pilimindare andape gipuma puri na-palea. Godeme ma-rekalia dinare ora epema puri waru padea. 44Dapa pimandare suna do ayapare rekeleandare epe remona do alia. Suna do ora aemandare remona do pange ora alia. 45Ande Godena angele wia bukamere gupi lea.
Ambala ririna Edemare naa pima rupa endoma
ainya lisaya.
Werepe nane Edemare Endoaya ei guaya epe Remo ae lisaya.#15:45 Go werepe epea Edemare Yesu Kerisona gole lea. (Aposolo 15:21-22 pange Romo 5:14-19 andape.)
46Remo ambala ririna dia. Suna do ambala ririna ipuma remo werepe nane epelea.
47Ambala ririna Edemare sumi wapuma ainya lisaya. Mo ririna Edemena kou nane epea aliri Godena Aya Lena aoma ipisaya. 48Suna aema wenaaliri ande ririna waruma ainya lisaya alimi ande wenaali aema. Godena Aya Lena aeme wenaaliri ande Godena Aya Lena aoma epe alimi ande ali manda alimi. 49Ande sumi warisaya alimi ande nono pema rupare ande Godena Aya Lena aoma epea ali nono pilima.
50Amenuo, nemere go einaya lalo. Wee pirala mindi pirala pi repaamere Godena Ki Rambuao-aya Ei meape-na-ya. Gupuma komape donumiri pa na-ari pelea.
51Gore ora angele kundiripi ei la gialole waru pangalepape. Naa ambuna na-komelema. Go peapare ande pereyado bu kenange diandare naa raayo rana komea ropo pilima. Leeme andape nono na-pi rupa ropo pilima. 52Ande bu kenange dia dinare ande komeme repaa raayo rekeleme. Wala ora na-komeleme. Naa raayo do ropo pilima. 53Ande komape eiri minyapalaoma na-kome pa aya ei milima. 54Go eina mo komoaya ei minyapalaoma mo endoaya ei muma alimandare gore ande Godena angele wia bukame lea au ora milia. Go eimiri gupi lea.
Godeme yanda lu pereyaripa.
Komala ei lu rambuaripa.
55Komala ei nena puri perelea. Komala ei neme
wenaali ma-koyala pele puriri perelea lea.
56Komale eimi wenaali lu ma-komainyare nipuna puriri koae eimi alea. Gupuma koae ei nipuna puriri ande Mosesimi wape pisaya Rudule Angele alea. 57Go peapare Gode para rana angele laminya. Nipumi Yesu Keriso naana Reali nipuna rupara go einu raayo wandua aema.
58Go eina ora na amenuo, puri paloma ara kongapu palo alepape. Realina pupudengi nado aliminya nimi naarelenu perelena dapape. Nimimi Realina pupudengi nadema eiri ora komeasinda pange pakama na-pimi.
Currently Selected:
1 Korindi 15: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
1 Korindi 15
15
Yesu komoma wala ma-rekaisaya ei
1Ande neme walawa Epe Angelere nimimi meamende. Gupuma nimina kone rulaeme eiri go angele mandaa peme. Go ei neme wala nimi kone ma-siado. 2Ande Epe Angelere neme nimi para walawa rupare pa siamba aemepae. Nimi go angele irulo siambalimidare gore nimi rambamilia. Dia deandare angele pakama pangamena.
3Monde angele ora ree andaai neme meawa ei nimi para la giawa eiri gurupa. Mo Godena angele wia bukame lea rupa Keriso naana koae aununa komisaya.
4Gupuma nipu dapa pameyapare kana bokena para dapa pisimiyapare koro repona winyaloma Godeme nipu wala ma-rekaripaya. Gupisaya ei pange mo Godena angele wia bukame lea rupa pisaya. 5Gupuma nipumi Pida para ambala puma nipuna do penameyao walomare monde ki laapona angena laapopu alinu para pange pua walaya. 6Gupuma werepe nanere 500 wanduae repaa repara komea romona paisaya. Monde alinuri mendaparere komamepare mendane alinu waru andapuri pa aeme. 7Go au puma werepe nanere nipuri Dieimusi para waloma mo aposolo alinu raayo para pange wala pua walaya.
8Ora werepe nanere nipumi ni para ipuma epa wala. Niri ande mandu koyae naki rupa anore epa wala. 9Mo Yesuna angele ma-puao-aeme alinu rapu mendaleyaluandare niri nimuna rolo para. Ni aposolo ali lalore ni ri na-pea. Akepeare neme Godena wenaali para rendaa andaai alawa eina lawa. 10Go pawapare ambia ni go ayo eiri Godeme nipuna pakama yarame komea eimi pi. Gupuma nipumi ni para pakama yarame komea eiri pakama na-pea. Diae. Nemere puri waru paloma nipuna pupudengi nada ara monde Kerisona angele ma-puao-aeme alinu raayore neme wanduaripuae. Go pawapare nemere nina kongapuna na-pawa. Godeme pakama yarame komea ei ni para gea eimi pawa. 11Go eina neme lawa angele o nimumi lame angele, naa raayo komea angele gole waloaema. Gupuma nimimiri go angelena kone rulao-aeme.
Naa komoma wala rekelema lea ei
12Go eina naame waloaema angelere Keriso ora komayapare Godeme wala ma-rekaya ei waloaema eina nimina rupara aeme alinu menda parame lalore, Ambala komeme wenaaliri wala ma-rekape-na-ya dame eiri, akepeanda damepae. 13Mo alinumi go dame eiri ora angele deandare gore Yesuri Godeme wala na-ma-rekaisa na-laminya. 14Gupuma pange Keriso wala na-ma-rekala payalore naame angele menda na-walala pama. Nimi pange wala angele na-pangola pame.
15Gupuma naame pange Godeme Keriso wala ma-rekaya ei wadama einare pereke pereke angele dama alinu ala pama. Gupula pamapare go einaya lawa. Godeme komeme wenaali wala na-ma-rekala payalore gore Keriso pange na-ma-rekala pa. 16Ambala komeme wenaaliri Godeme wala na-ma-rekaliandare gore Keriso pange Godeme wala na-ma-rekala pa. 17Gupuma Keriso wala na-ma-rekala payalore nimina kone rulaeme eiri pa pula pame. Gupuma nimina koae aunu pange pa sula pae. 18Gupuma Keriso para kone rulao-aoma komeme wenaali pange ora alu pula pameae. 19Gupuma Yesumi naa werepe komoma pelema naarena na-rambami ambia go na-kome pa aema naare komea naa rambamilia kone wilimandare gore wenaalimi pa menda yarame komaleme rupa naa yarame komena.
20Go peapare ora angelere gurupae. Kerisore komisayapare Godeme wala ma-rekaisaya. Go pea eiri Godeme komeme wenaali ora ma-rekalua loma pea.
21Komala eiri ali komeana rupara ipisaya rupa komoma wala rekola peme ei pange ali komeana rupara ipisaya.
22Wenaali raayore Adama para kimbumaoma aemanda komoaema rupare Keriso para kimbumaoma aeme wenaali pange Godeme wala ma-rekalia. 23Gupiliapare Godeme nipuna dea naarena rando rando rekelema. Keriso ririna opopalia. Gupuma werepenare Keriso nipuna wenaali nipu epelea naarena epeleme. 24Gupilia dinare olemole raayo peredea. Kerisome andere-aya alinu raayo pange remonuna kalu alinu raayo pange nipumi ma-bembolaoma nipuna rolo para ainya dea. Ande Ki Rambuao-aya Eiri nipuna Apa Gode para ma-adea.
25Go einaya lalo. Kerisore wenaali andere pira eiri pelea. Gupuma nipuna yanda runguli alinu raayo Godeme lu rambualia. 26Gupuma nipuna yanda runguli repaa raayo pereyaomare komale ei rapu pu rungudia.
27Ande Godena angele wia bukamere gupi lea.
Alenda alenda raayo nipuna ange oro para
Godeme ma-siaya loma lea.
Go wape pea eimiri Godeme olemole raayo Kerisona ange oro para ma-siaya eina lea. Gode nipu komea kama go alenu rapu rolo para na-aya. 28Alenda alenda raayo Kerisome lu rambuao arare Yesu Godena Naki nipu Godena rolo para alia. Godemere olemole raayo Yesuna rolo para wia. Gupuma raayo Godeme nipuna rolo para ma-piraoma andere pia.
29Ande ambala komeme wenaali para kone sialo ara baparaisi pimi wenaali nimumiri akipulame go au pimipae. Monde mendapare wenaalimi leme rupa ambala komeme wenaali wala ma-rekape na-deandare gore go wenaali rambamulame akepeanda baparaisi au pimapae. 30Gupuma naa pange komoma wala na-rekelemandare gore naa komala ei repara aya auri akepeayapae. 31Na amenuo, naare raayo komala ei ni para epea ae. Naare raayosi neme nimi para raname waru komoayo. Naa monde naana Reali Yesu Keriso rapu runaoma aemandare neme go angele lalo. 32Neme su wenaalinuna kone ralialo ara go Epesusi ree anda para ara ande loaeme rupa sayale menanu rapu yanda pawa da pawayalore epe ale menda ale andola pawapae.
Ambala kome wenaali wala ma-rekape na-deandare
gore ande loaeme rupa ruli rundane komola
pema eina enda ipa ambiare waru naminya
loma dema.
33Makirada ei na-pangalepape. Koae wenaali rapu pamilimindare naana pima epe au ma-koyalima.
34Nimina koae aunu pimi ei giaoma nimina kone ma-rendopoyaoma epe rupa alepape. Nimi mendapare wenaalimi Gode kone waru na-wimi. Go lalo einare yalame komalepape.
Komea wenaali wala ma-rekaya repaana dore ake piliayapae
35Ali mendame gurupa angaa milia. Komea wenaali wala ma-rekaya auri akipumapae, o wala akipi do aliapae loma angaa milia. 36Nee kone na-wi ali. Wai ale kili komea suna poleandare gore go kili komeleanda komea wai opelea. 37Gupuma suna pole alere pa onge kili pole. Laisi kilimi ande kilisi o pa pesa waisinumi ande kili pole. Neeme nipuna werepe opoma ala pea do na-pole. 38Ande wai alesi ope eiri Godeme pada. Go kili pole einda gunina ei deandare gore ora gunina do milia pange merenina kili deandare gore merenina do milia. Do raayo nimuna rando rando kilinu polendare gore go poale alenu nimuna kera komea andele. 39Gupuma suna endoma aema alenuna do mindiri komea ei dia. Wenaalina ei rando. Yaa aarinuna eiri rando menda pi ei. Repalinuna ei pange rando menda.
40Gupuma yaa nane aeme alenu pange su nane aeme alenu pange rando menda pea. 41So naare nipuna epe do aya ei rando menda pange so kumba danga nipuna epe do pange rando menda pi ei. So kumba danganu nimuna rupara pange mendapare kumbanuna eiri rando menda pu pea.
42Monde komaleme wenaaliri wala ma-rekaliandare gore gurupa alimiae. Ali ro dapa pimindare gore nipuna do komea dapa pimi. Gupula peapare Godeme ma-rekaliandare na-komelea. 43Dapa pilimindare andape gipuma puri na-palea. Godeme ma-rekalia dinare ora epema puri waru padea. 44Dapa pimandare suna do ayapare rekeleandare epe remona do alia. Suna do ora aemandare remona do pange ora alia. 45Ande Godena angele wia bukamere gupi lea.
Ambala ririna Edemare naa pima rupa endoma
ainya lisaya.
Werepe nane Edemare Endoaya ei guaya epe Remo ae lisaya.#15:45 Go werepe epea Edemare Yesu Kerisona gole lea. (Aposolo 15:21-22 pange Romo 5:14-19 andape.)
46Remo ambala ririna dia. Suna do ambala ririna ipuma remo werepe nane epelea.
47Ambala ririna Edemare sumi wapuma ainya lisaya. Mo ririna Edemena kou nane epea aliri Godena Aya Lena aoma ipisaya. 48Suna aema wenaaliri ande ririna waruma ainya lisaya alimi ande wenaali aema. Godena Aya Lena aeme wenaaliri ande Godena Aya Lena aoma epe alimi ande ali manda alimi. 49Ande sumi warisaya alimi ande nono pema rupare ande Godena Aya Lena aoma epea ali nono pilima.
50Amenuo, nemere go einaya lalo. Wee pirala mindi pirala pi repaamere Godena Ki Rambuao-aya Ei meape-na-ya. Gupuma komape donumiri pa na-ari pelea.
51Gore ora angele kundiripi ei la gialole waru pangalepape. Naa ambuna na-komelema. Go peapare ande pereyado bu kenange diandare naa raayo rana komea ropo pilima. Leeme andape nono na-pi rupa ropo pilima. 52Ande bu kenange dia dinare ande komeme repaa raayo rekeleme. Wala ora na-komeleme. Naa raayo do ropo pilima. 53Ande komape eiri minyapalaoma na-kome pa aya ei milima. 54Go eina mo komoaya ei minyapalaoma mo endoaya ei muma alimandare gore ande Godena angele wia bukame lea au ora milia. Go eimiri gupi lea.
Godeme yanda lu pereyaripa.
Komala ei lu rambuaripa.
55Komala ei nena puri perelea. Komala ei neme
wenaali ma-koyala pele puriri perelea lea.
56Komale eimi wenaali lu ma-komainyare nipuna puriri koae eimi alea. Gupuma koae ei nipuna puriri ande Mosesimi wape pisaya Rudule Angele alea. 57Go peapare Gode para rana angele laminya. Nipumi Yesu Keriso naana Reali nipuna rupara go einu raayo wandua aema.
58Go eina ora na amenuo, puri paloma ara kongapu palo alepape. Realina pupudengi nado aliminya nimi naarelenu perelena dapape. Nimimi Realina pupudengi nadema eiri ora komeasinda pange pakama na-pimi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.