Galasi 3
3
Kájeŋgin kite Eluwa yite Moyis, man yooŋ káyilen ku ti Kiris
1Áribajaatia teereŋ kikaw, aruun bakate ku Galasi! Aañ me abuutuun fu? Arisokeesok bare akuur but naane Yesu *Kiris akete i *t'ekuruwa i. 2Doon difeeneŋ donde taŋ d'ímaŋie fu arisokam: Búwejet bite Atambatun, aribajabaj bo aŋarkeyi naane árijeŋginajeŋgin *Eluwa yite Moyis, man yooŋ aŋarkeyi naane arijamajam Hirim Heetoofe hu abe n'áriyilen ho? 3Aruun áritumbut aribaj ii kikaw? Ni sembe site Búwejet bite Atambatun n'arijabe fu; ariihabanoor hahiyu ni sembe soonuun? 4Butum b'arijuke bu fe bite fuufu? Ayinaat káyemi bare bite fuufu. 5H'Atambatun hah'awunuun Búwejet boone, abe n'aŋ'áhin t'aruun beehaŋuun kikaw, aŋarkeyi me naane aruun árijeŋgine Eluwa yite Moyis, bare me? Aaa, áhinahin bo aŋarkeyi naane aŋ'arijam Hirim Heetoofe hu abe n'áriyilen ho.
6Arijondoman *t'Aburaham ariijuk. *Míkiñjin mu meenaan: «Áyilenayilen Atambatun, iŋ'ite ho h'Atambatun ajoko fu an éejube#3.6 Kájabina ku 15.6; Rom 4.3..» 7Árinandin hahiyu kaanuku *kéeyilene ku kaamo fu bakañi Aburaham nu múniyo#3.7 A̱juk Rom 4.16.. 8Míkiñjin mu mifiyafiya musok meene Atambatun kajoku keenooto ku Esuwif bakan kéejube iŋi káyilen kooniin. Iŋ'ite ho hu musoŋke fu busok Aburaham hirim heetoofe honde. Meenaan: «Atambatun kásoniyan siheet site t'etaam i fe uŋu húuwe hu#3.8 Kájabina ku 12.3; 18.18..» 9Náami Atambatun aŋ'ásoniyan kéeyilene ku fe, naane ásoniyane i yooŋ Aburaham éeyilene u.
10Kiŋki kayinoor ni kaane Atambatun kajokiiin bakan kéejube aŋarkeyi naane kájeŋginajeŋgin Eluwa yite Moyis, Atambatun káwuumiiin, ábuki Míkiñjin mu meenaan: «An fe afut'aŋ'aboo káhinu beesokee bu bireyi fe t'Eluwa yite Moyis, Atambatun káwuumio#3.10 Buluwa bu 27.26..» 11Náami bukuurakuur but kaanuku Atambatun at'ajok ake an éejube aŋarkeyi naane an ondu ájeŋginajeŋgin Eluwa yite Moyis, ábuki Míkiñjin mu meenaan: «An éejube, buroŋ boone káyemi bite káyilen#3.11 A̱juk Abakuk 2.4; a̱juk yooŋ Rom 1.17..» 12Bare kájeŋgin kite Eluwa i kuwayawayo ni káyilen ku t'Atambatun. Míkiñjin mu meenaan: «An éejeŋgine u Eluwa i fe, o kabaju buroŋ bu#3.12 A̱juk Esaraha i 18.5; Rom 10.5..»
13Yesu Kiris áwuumee fu eeram úne t'úware du yéeni káwuumiee iŋi naane újeŋginut i Eluwa i ereyi, ábuki Míkiñjin mu meenaan: «An fe eekobee ti kaaland kite nunukanuk eeyoolee toko, Atambatun káwuumio#3.13 A̱juk Buluwa bu 21.23..» 14Iyu i bije fu kaanuku man kásoniyan k'Atambatun aane ku o kásoniyan Aburaham, keenooto ku Esuwif ni kabaj ko yooŋ ti Yesu Kiris, abe ti káyilen kite k'úne, n'úbaj yooŋ Búwejet Beenabe bu b'Atambatun aane bu o kawunu úne.
Eluwa i eyinaat kábuju b'Atambatun aane bu o kawunu úne
15Kújakuwe, iiliikuun bonde tu buroŋ bite b'úne: bakan ifi kajamoor ti bifeeneŋ béewoore abe ni kakiñj bo, an ayinaat kanuutan bondu, man yooŋ n'áwutiyen toko bike. 16Atambatun aanaan o káhinu bike bija *t'Aburaham n'añi u a aja u káyeki. *Míkiñjin mu meenut: «ni bakañio», kite bakan keehooje. Aaa, afeeneŋ i musoke fu. Meenaan: «n'añi u a a̱ja u káyeki#3.16 A̱juk Kájabina ku 12.7.», o aamo fu *Kiris. 17Bonde b'ímaŋie fu kasoku: Atambatun n'asiiŋan *kaajamoor n'Aburaham. Abaj simit síteemeer sibaakiir nu butuman nu sumoŋu#3.17 A̱juk yooŋ Kafakan ku 12.40., *Eluwa yite Moyis n'etik esiiŋo, bare enuutanut doon fe ti b'Atambatun ajamoore bu n'Aburaham, aane o káhinu bo. 18Arko biŋeñen b'Atambatun asoke bu t'Eluwa yite Moyis tu búnuutina, kame aŋkut áami báhamin b'afiye asok. Abe bare Atambatun ásoniyanasoniyan Aburaham naane t'afiye du asok.
19Kame náami iŋi naŋ n'Eluwa yite Moyis esiiŋee fu? Éwutiyeneewutiyen ti hirim hondu hite h'Atambatun kaanuku yéewufoor kúŋgowulan ku wutin wooniin. Esiiŋasiiŋo bija kóyin k'añi ondu#3.19 añi ondu: aamo fu Yesu. éenuutina u t'Aburaham abine ku, akina éekinineŋe u Atambatun n'asok Aburaham báhamin bu éewufooro naane aware i bibin káhinu. Eluwa yendu, t'emalaka t'Atambatun aŋaase fu eesaan yo húŋgowulan éereeŋinan yo ésuk i; o aamo fu *Moyis. #3.19 Esuwif i kaane Atambatun asaanasaan emalaka i Eluwa i keebin keesaan yo *Moyis ti hirij hihi kaane Sinayi. Moyis n'afin áwanein ne yo abin asaan bakate ku *Israyel. Náami akina áreeŋinanna fu yo. A̱juk Epotor i 7.53. 20Áreeŋinana aŋ'áyemi t'etut bakan. Bare h'Atambatun ajamoore hu n'Aburaham, o unoono, áreeŋinana áyemiit#3.20 A̱juk yooŋ Buluwa bu 6.4..
Naŋ níyemie fu éñjeriŋ ite Eluwa i
21Kame aamo fu naŋ? *Eluwa yite Moyis eteñekateñeko fíya b'Atambatun asoke bu aane o káhinu? Mayet fu! Arko yéeni abajeebaj Eluwa yeesaanee, yeeyino kawunu kúŋgowulan ku buroŋ, Atambatun n'aŋ'ajok úne bakan kéejube aŋarkeyi naane újeŋginajeŋgin yo. 22Bare *Míkiñjin mu meenaan kaahoofoor ku kihaŋahaŋ kúŋgowulan ku fe sembe, kaanuku man b'Atambatun aane bu o kawunu, *kéeyilene ku ni kabaj bo aŋarkeyi naane káyilenayilen ti Yesu *Kiris.
23Kóŋkeyin, ti bítim bibajoorut bite káyilen ku ti Kiris, Eluwa yite Moyis ekulakul úne, ti kanahan ku kaanuku bítim bite káyilen ku béewufooree. 24Náami Eluwa i ejukare fu úne bija yooŋ naane Kiris abine i, kaanuku man Atambatun n'ajok úne bakan kéejube iŋi naane úyilene i. 25Náami hahiyu bítim bite káyilen ku ti Kiris búwufooree; Eluwa yite Moyis eŋkut ejukar úne.
26Arireyi fe aruun bakañi Atambatun aŋarkeyi naane áriyilenayilen ti Yesu Kiris. 27Aruun fe *keebostee ku tu huruwu hite Kiris, áriyemia naane akina humuumo. 28Náami Asuwif man yooŋ an eenooto Asuwif, ásukateen man yooŋ an eenooto ásukateen, ániine man yooŋ anaare, arireyi fe ariwayeit: arirare iŋi naane árihine i t'afeeneŋ ni Yesu Kiris. 29Arko Kiris ákiniuun fu, n'aŋ'áami kame aruun bakañi *Aburaham, abe n'aŋ'aribaj buroon b'Atambatun aane bu o kawunio, akina ni bakañio#3.29 A̱juk yooŋ Rom 4.13..
Currently Selected:
Galasi 3: cwt
Highlight
Copy
Compare
Share
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.
Galasi 3
3
Kájeŋgin kite Eluwa yite Moyis, man yooŋ káyilen ku ti Kiris
1Áribajaatia teereŋ kikaw, aruun bakate ku Galasi! Aañ me abuutuun fu? Arisokeesok bare akuur but naane Yesu *Kiris akete i *t'ekuruwa i. 2Doon difeeneŋ donde taŋ d'ímaŋie fu arisokam: Búwejet bite Atambatun, aribajabaj bo aŋarkeyi naane árijeŋginajeŋgin *Eluwa yite Moyis, man yooŋ aŋarkeyi naane arijamajam Hirim Heetoofe hu abe n'áriyilen ho? 3Aruun áritumbut aribaj ii kikaw? Ni sembe site Búwejet bite Atambatun n'arijabe fu; ariihabanoor hahiyu ni sembe soonuun? 4Butum b'arijuke bu fe bite fuufu? Ayinaat káyemi bare bite fuufu. 5H'Atambatun hah'awunuun Búwejet boone, abe n'aŋ'áhin t'aruun beehaŋuun kikaw, aŋarkeyi me naane aruun árijeŋgine Eluwa yite Moyis, bare me? Aaa, áhinahin bo aŋarkeyi naane aŋ'arijam Hirim Heetoofe hu abe n'áriyilen ho.
6Arijondoman *t'Aburaham ariijuk. *Míkiñjin mu meenaan: «Áyilenayilen Atambatun, iŋ'ite ho h'Atambatun ajoko fu an éejube#3.6 Kájabina ku 15.6; Rom 4.3..» 7Árinandin hahiyu kaanuku *kéeyilene ku kaamo fu bakañi Aburaham nu múniyo#3.7 A̱juk Rom 4.16.. 8Míkiñjin mu mifiyafiya musok meene Atambatun kajoku keenooto ku Esuwif bakan kéejube iŋi káyilen kooniin. Iŋ'ite ho hu musoŋke fu busok Aburaham hirim heetoofe honde. Meenaan: «Atambatun kásoniyan siheet site t'etaam i fe uŋu húuwe hu#3.8 Kájabina ku 12.3; 18.18..» 9Náami Atambatun aŋ'ásoniyan kéeyilene ku fe, naane ásoniyane i yooŋ Aburaham éeyilene u.
10Kiŋki kayinoor ni kaane Atambatun kajokiiin bakan kéejube aŋarkeyi naane kájeŋginajeŋgin Eluwa yite Moyis, Atambatun káwuumiiin, ábuki Míkiñjin mu meenaan: «An fe afut'aŋ'aboo káhinu beesokee bu bireyi fe t'Eluwa yite Moyis, Atambatun káwuumio#3.10 Buluwa bu 27.26..» 11Náami bukuurakuur but kaanuku Atambatun at'ajok ake an éejube aŋarkeyi naane an ondu ájeŋginajeŋgin Eluwa yite Moyis, ábuki Míkiñjin mu meenaan: «An éejube, buroŋ boone káyemi bite káyilen#3.11 A̱juk Abakuk 2.4; a̱juk yooŋ Rom 1.17..» 12Bare kájeŋgin kite Eluwa i kuwayawayo ni káyilen ku t'Atambatun. Míkiñjin mu meenaan: «An éejeŋgine u Eluwa i fe, o kabaju buroŋ bu#3.12 A̱juk Esaraha i 18.5; Rom 10.5..»
13Yesu Kiris áwuumee fu eeram úne t'úware du yéeni káwuumiee iŋi naane újeŋginut i Eluwa i ereyi, ábuki Míkiñjin mu meenaan: «An fe eekobee ti kaaland kite nunukanuk eeyoolee toko, Atambatun káwuumio#3.13 A̱juk Buluwa bu 21.23..» 14Iyu i bije fu kaanuku man kásoniyan k'Atambatun aane ku o kásoniyan Aburaham, keenooto ku Esuwif ni kabaj ko yooŋ ti Yesu Kiris, abe ti káyilen kite k'úne, n'úbaj yooŋ Búwejet Beenabe bu b'Atambatun aane bu o kawunu úne.
Eluwa i eyinaat kábuju b'Atambatun aane bu o kawunu úne
15Kújakuwe, iiliikuun bonde tu buroŋ bite b'úne: bakan ifi kajamoor ti bifeeneŋ béewoore abe ni kakiñj bo, an ayinaat kanuutan bondu, man yooŋ n'áwutiyen toko bike. 16Atambatun aanaan o káhinu bike bija *t'Aburaham n'añi u a aja u káyeki. *Míkiñjin mu meenut: «ni bakañio», kite bakan keehooje. Aaa, afeeneŋ i musoke fu. Meenaan: «n'añi u a a̱ja u káyeki#3.16 A̱juk Kájabina ku 12.7.», o aamo fu *Kiris. 17Bonde b'ímaŋie fu kasoku: Atambatun n'asiiŋan *kaajamoor n'Aburaham. Abaj simit síteemeer sibaakiir nu butuman nu sumoŋu#3.17 A̱juk yooŋ Kafakan ku 12.40., *Eluwa yite Moyis n'etik esiiŋo, bare enuutanut doon fe ti b'Atambatun ajamoore bu n'Aburaham, aane o káhinu bo. 18Arko biŋeñen b'Atambatun asoke bu t'Eluwa yite Moyis tu búnuutina, kame aŋkut áami báhamin b'afiye asok. Abe bare Atambatun ásoniyanasoniyan Aburaham naane t'afiye du asok.
19Kame náami iŋi naŋ n'Eluwa yite Moyis esiiŋee fu? Éwutiyeneewutiyen ti hirim hondu hite h'Atambatun kaanuku yéewufoor kúŋgowulan ku wutin wooniin. Esiiŋasiiŋo bija kóyin k'añi ondu#3.19 añi ondu: aamo fu Yesu. éenuutina u t'Aburaham abine ku, akina éekinineŋe u Atambatun n'asok Aburaham báhamin bu éewufooro naane aware i bibin káhinu. Eluwa yendu, t'emalaka t'Atambatun aŋaase fu eesaan yo húŋgowulan éereeŋinan yo ésuk i; o aamo fu *Moyis. #3.19 Esuwif i kaane Atambatun asaanasaan emalaka i Eluwa i keebin keesaan yo *Moyis ti hirij hihi kaane Sinayi. Moyis n'afin áwanein ne yo abin asaan bakate ku *Israyel. Náami akina áreeŋinanna fu yo. A̱juk Epotor i 7.53. 20Áreeŋinana aŋ'áyemi t'etut bakan. Bare h'Atambatun ajamoore hu n'Aburaham, o unoono, áreeŋinana áyemiit#3.20 A̱juk yooŋ Buluwa bu 6.4..
Naŋ níyemie fu éñjeriŋ ite Eluwa i
21Kame aamo fu naŋ? *Eluwa yite Moyis eteñekateñeko fíya b'Atambatun asoke bu aane o káhinu? Mayet fu! Arko yéeni abajeebaj Eluwa yeesaanee, yeeyino kawunu kúŋgowulan ku buroŋ, Atambatun n'aŋ'ajok úne bakan kéejube aŋarkeyi naane újeŋginajeŋgin yo. 22Bare *Míkiñjin mu meenaan kaahoofoor ku kihaŋahaŋ kúŋgowulan ku fe sembe, kaanuku man b'Atambatun aane bu o kawunu, *kéeyilene ku ni kabaj bo aŋarkeyi naane káyilenayilen ti Yesu *Kiris.
23Kóŋkeyin, ti bítim bibajoorut bite káyilen ku ti Kiris, Eluwa yite Moyis ekulakul úne, ti kanahan ku kaanuku bítim bite káyilen ku béewufooree. 24Náami Eluwa i ejukare fu úne bija yooŋ naane Kiris abine i, kaanuku man Atambatun n'ajok úne bakan kéejube iŋi naane úyilene i. 25Náami hahiyu bítim bite káyilen ku ti Kiris búwufooree; Eluwa yite Moyis eŋkut ejukar úne.
26Arireyi fe aruun bakañi Atambatun aŋarkeyi naane áriyilenayilen ti Yesu Kiris. 27Aruun fe *keebostee ku tu huruwu hite Kiris, áriyemia naane akina humuumo. 28Náami Asuwif man yooŋ an eenooto Asuwif, ásukateen man yooŋ an eenooto ásukateen, ániine man yooŋ anaare, arireyi fe ariwayeit: arirare iŋi naane árihine i t'afeeneŋ ni Yesu Kiris. 29Arko Kiris ákiniuun fu, n'aŋ'áami kame aruun bakañi *Aburaham, abe n'aŋ'aribaj buroon b'Atambatun aane bu o kawunio, akina ni bakañio#3.29 A̱juk yooŋ Rom 4.13..
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1999, Wycliffe Bible Translators, Inc. All rights reserved.