YouVersion Logo
Search Icon

མ་ཏི། 1

1
ཡི་ཤུ་ག་གདུང་རྒྱུད།
1ཨོ་ཐ་ཕརའ་ཁེ་ཤོ་ཁཱན་ཤོ་ ཡི་ཤུ་ཁིརིས་ག་གདུང་རྒྱུད་བ་གི༌ལ། ཡི་ཤུ་ཁིརིས་ཤོ་ ད་ཝུད་ག་གདུང་རྒྱུད་གི༌ཝ༌ལ། ཉི་ད་ཝུད་ཤོ་ ཨ་བཱརའ་ཧམ་ག་ གདུང་རྒྱུད་གི༌ཝ༌ལ།
2ཨ་བཱརའ་ཧམ་ཤོ་ ཨི་སག་ག་ཡབ་གི༌ཝ༌ལ།
ཉི་ཨི་སག་ཤོ་ ཡ་ཀུབ་ག་ཡབ་གི༌ཝ༌ལ།
ཡ་ཀུབ་ཤོ་ ཡ་ཧུ་ད་དང་ རོ་ཀ་ཨ་ཏ་བོ་ཉིང་བ་ཀ་ཡབ་གི༌ཝ༌ལ།
3ཡ་ཧུ་ད་ཤོ་ ཕ་རེས་དང་ཇ་ཧེར་ག་ཡབ་གི༌ཝ༌ལ། ཉི་རོག་ཉིག་ཙིང་ག་ཡུམ་ཤོ་ ཏ་མར་དག་པེ་གི༌ཝ༌ལ།
ཕ་རེས་ཤོ ཧེས་རོན་ག་ཡབ་གི༌ཝ༌ལ།
ཧེས་རོན་ཤོ་ ཨ་རམ་ག་ཡབ་གི༌ཝ༌ལ།
4ཨ་རམ་ཤོ་ ཨམ་མི་ན་དབ་ག་ཡབ་གི༌ཝ༌ལ།
ཨམ་མི་ན་དབ་ཤོ་ ན་ཤོན་ག་ཡབ་གི༌ཝ༌ལ།
ན་ཤོན་ཤོ་ སལ་མོན་ག་ཡབ་གི༌ཝ༌ལ།
5སལ་མོན་ཤོ་ བོ་ཨཱས་ག་ཡབ་གི༌ཝ༌ལ། ཉི་བོ་ཨཱས་ག་ཡུམ་ཤོ་ ར་ཧབ་གི༌ཝ༌ལ།
བོ་ཨཱས་ཤོ་ ཨོ་བེད་ག་ཡབ་གི༌ཝ༌ལ། ཉི་ཨོ་བེད་ག་ཡུམ་ཤོ་ རུད་གི༌ཝ༌ལ།
ཨོ་བེད་ཤོ་ ཡི་ཤའི་ག་ཡབ་གི༌ཝ༌ལ།
6ཉི་ཡི་ཤའི་ཤོ་ དཔོན་ད་ཝུད་ག་ཡབ་གི༌ཝ༌ལ།
ད་ཝུད་ཤོ་ སོ་ལོ་མོན་ག་ཡབ་གི༌ཝ༌ལ། ཉི་སོ་ལོ་མོན་ག་ཡུམ་ག་ གོ་མ་ག་ཕེ་ཝག་ཙ་ཤོ་ ཨུ་རི་ཡ་གི་ཝ་ཆོ་ཝ༌ལ།
7སོ་ལོ་མོན་ཤོ་ ར་ཧ་བམ་ག་ཡབ་གི༌ཝ༌ལ།
ར་ཧ་བམ་ཤོ་ ཨ་བི་ཡ་ག་ཡབ་གི༌ཝ༌ལ།
ཨ་བི་ཡ་ཤོ་ ཨ་ས་ག་ཡབ་གི༌ཝ༌ལ།
8ཨ་ས་ཤོ་ ཡ་ཧོ་ཤ་པཱད་ག་ཡབ་གི༌ཝ༌ལ།
ཡ་ཧོ་ཤ་པཱད་ཤོ་ ཡ་ཧོ་རམ་ག་ཡབ་གི༌ཝ༌ལ།
ཡ་ཧོ་རམ་ཤོ་ ཨུ་ཇི་ཡ་ག་ཡབ་གི༌ལ།
9ཨུ་ཇི་ཡ་ཤོ་ ཡོ་ཏམ་ག་ཡབ་གི༌ཝ༌ལ།
ཡོ་ཏམ་ཤོ་ ཨ་ཧཱས་ག་ཡབ་གི༌ཝ༌ལ།
ཨ་ཧཱས་ཤོ་ ཧེ་ཇ་ཀི་ཡ་ག་ཡབ་གི༌ཝ༌ལ།
10ཧེ་ཇ་ཀི་ཡ་ཤོ་ མ་ན་ཤེ་ག་ཡབ་གི༌ཝ༌ལ།
ཉི་མ་ན་ཤེ་ཤོ་ ཨ་མོན་ག་ཡབ་གི༌ཝ༌ལ།
ཨ་མོན་ཤོ་ ཡོ་ཤི་ཡ་ག་ཡབ་གི༌ཝ༌ལ།
11ཡོ་ཤི་ཡ་ཤོ་ ཡ་ཀོ་ནི་ཡཱས་དང་ བེ་བི་ལོན་ག་སིང་ཁཱན་ རོ་ཀ་བོ་ཉིང་བ་ཀ་ཡབ་གི༌ཝ༌ལ།
12བེ་བི་ལོན་ག་དི་དེན་གེ་ ཡ་ཀོ་ནི་ཡཱས་ཤོ་ ཤལ་ཏི་ཡེལ་ག་ཡབ་གི༌ཝ༌ལ།
ཉི་ཤལ་ཏི་ཡེལ་ཤོ་ ཡ་རུ་བ་བེལ་ག་ཡབ་གི༌ཝ༌ལ།
13ཡ་རུ་བ་བེལ་ཤོ་ ཨ་བི་ཨུད་ག་ཡབ་གི༌ཝ༌ལ།
ཨ་བི་ཨུད་ཤོ་ ཨེ་ལི་ཡ་ཀིམ་ག་ཡབ་གི༌ཝ༌ལ།
ཨེ་ལི་ཡ་ཀིམ་ཤོ་ ཨ་ཇོར་ག་ཡབ་གི༌ཝ༌ལ།
14ཨ་ཇོར་ཤོ་ ས་དོག་ག་ཡབ་གི༌ཝ༌ལ།
ས་དོག་ཤོ་ ཨ་ཁིམ་ག་ཡབ་གི༌ཝ༌ལ།
ཨ་ཁིམ་ཤོ་ ཨི་ལི་ཨུད་ག་ཡབ་གི༌ཝ༌ལ།
15ཨི་ལི་ཨུད་ཤོ་ ཨེ་ལ་ཇར་ག་ཡབ་གི༌ཝ༌ལ།
ཨེ་ལ་ཇར་ཤོ་ མ་ཏཱན་ག་ཡབ་གི༌ཝ༌ལ།
མ་ཏཱན་ཤོ་ ཡ་ཀུབ་ག་ཡབ་གི༌ཝ༌ལ།
16ཡ་ཀུབ་ཤོ་ ཡོ་སེཕ་ག་ཡབ་གི༌ཝ༌ལ། ཡོ་སེཕ་ཤོ་ མ་རི་ཡམ་ག་ཕེ་ཝག་ཙ་གི༌ཝ༌ལ།
ཉི་མ་རི་ཡམ་གེ་ཨ་ཉི་ ཁིརིས་དག་ཉི་ཞུ་ཁཱན་ ཡི་ཤུ་འཁྲུངས་མ་གི༌ཝ༌ལ།
17ཨོ་ཐེན་ཨ་ཉི་ ཨ་བཱརའ་ཧམ་གེ་ ད་ཝུད་སག་པུ་ མི་རབས་སོང་ཕིཤི་ཆོ་ཝ༌ལ། ད་ཝུད་གེ་ བེ་བི་ལོན་ག་ཏཱན་ མ་བུ་ཝ་སག་པུ་ མི་རབས་སོང་ཕིཤི་ཆོ་ཝ༌ལ། སོ་ངོ་བ་ བེ་བི་ལོན་ག་བུ་དེན་གེ་ ཁིརིས་མ་འཁྲུངས་མ་སག་པུ་ མི་རབས་སོང་ཕིཤི་ཆོ་ཝ༌ལ༎
ཡི་ཤུ་འཁྲུངས་མ༌ལ།
18ཉི་ཡི་ཤུ་ཁིརིས་ཤོ་ ཨོ་ཐེན་འཁྲུངས་མ་གི༌ལ། རོ་ཀ་ཡུམ་ མ་རི་ཡམ་ཤོ་ ཕེ་ཝག་ཙ་ཡོ་སེཕ་དག་ཁཱན་ཀབ་ཉི་ གཉེན་ཕི་ལེ་དེན་གེ་ ཆི་མིན་ཨ་ཉི་ཕུན་མ་ཆོ་ཝ༌ལ། དག་པ་ཀབ་ཉི་ རོག་ཉིག་ཙིང་ གཉེན་མ་ཕི་ལེ་གོ་མ་ དམ་པའི་ཐུགས་ཉིད་གི་ཨ་ཉི་ མ་རི་ཡམ་ལུས་པུ་མ་ཉམ་པ་ རི་ཝ༌ལ། 19ཡོ་སེཕ་ཤོ་ སོ་ངོ་དྲང་པུ་ཆོ་ཝ་ཨ་དེན་གེ་ སོ་ངོ་བ་ཀ་པོང་ཀ་ མ་རི་ཡམ་ ལོ་མ་ཙོང་ཆེན་དག་པ་གི་ ཡོ་སེཕ་གི་ རོག་ཙང་ཀེན་ཨ་ཉི་ ཐུབ་ཐ་ལེ་དག་ཉི་ མི་ཝ༌ལ།
20ཡོ་སེཕ་གི་ ཨོ་ཐ་ཀོར་གེ་མིན་ཐཱན་ ཡི་ཕ༌ལ། ཉི་རོ་ཀ་མོང་ཤི་ནང་ཀ་ གཙོ་བོ་ག་ ཞིང་ཁམས་ག་འཐེན་པ་བྱོན་ཐཱན་ གསུངས་མ་ལ་ ད་ཝུད་ག་རྒྱུད་པ་ཡོ་སེཕ་ མ་རི་ཡམ་ ནཱན་ག་མེ་ཝག་ཙ་ཨ་ཉི་ བུ་ལེ་ག་ཡོང་མ་ཁེ། ཧང་ཡ་དག་ནེ་ལ་ རོ་ཀ་ནང་ཀ་ཆོ་ཁཱན་ཝག་ཙ་ཤོ་ དམ་པའི་ཐུགས་ཉིད་གི་ཨ་ཉི་ ཆག་པ་གི༌ལ། 21རོ་ཀི་སྲས་ཐུར་སིང༌མེ། ཉི་ནཱན་གི་ རོ་ཀ་མཚན་ ཡི་ཤུ་དག་ཉི་ ཞུའི་ན། ཧང་ཡ་དག་ནེ་ལ་ རོ་ཀི་རོ་ཀ་སོ་ངོ་བ་ རོག་ཏེ་བ་ཀ་སྡིག་པ་གེ་ སྐྱབས་ཨ་ཉི་གནང་མེ་དག༌ཉི།
22ཨོ་ཐ་བ་ཐམས་ཅན་རང་ གཙོ་བོ་གི་ ལུང་བསྟན་པ་ག་ཐུང་ཀེ་ཨ་ཉི་ གསུངས་ཁཱན་ཁེ་པ་ དེན་ཐ་འགྲུབ་ཕེ་དེན་གེ་ ཇུང་མ་གི་ཝ༌ལ།
23ངེ་ཅོན་མ་ཁཱན་ཟ་མིན་ཙང་མ་ཐུར་#1:23 ཧ་ལ་རང་ ལུས་འབྲེལ་མ་ཨ་ཁཱན་ག་ཤོ་ ངེ་ཅོན་མ་ཁཱན་ ཟ་མིན་ཙང་མ་ཨ་ཉི་ཡེག༌ཅ། ལུས་པུ་མ་ཉམ་པ་རི་ཉི་ རོ་ཀི་སྲས་ཐུར་སིང༌མེ། ཉི་རོ་ཀ་མཚན་ ཨིམ་མ་ནུ་ཝེལ་དག་ཉི་ཞུ༌ལེ། དེན་ཐ་ཤོ་ དཀོན་མཆོག་ ཨ་ཧ་བ་ཀབ་ཉི་ཅ་དག་པ་ག་ རྩིས་གི་ཝ༌ལ།#1:23 ཡ་ཤའི་ཡ་ག་དཔེ་ཆ་ 7:14
24ཉི་ཡོ་སེཕ་ཝུ་དེན་གེ་ གཙོ་བོ་ག་ ཞིང་ཁམས་ག་འཐེན་པ་གི་ རོ་ཀ་བཀའ་གནང་མ་དང་ཏུ་ཉི་ མ་རི་ཡམ་ རོ་ཀ་མེ་ཝག་ཙ་ཨ་ཉི་ རིག་བུ་ཝ༌ལ། 25དག་པ་ཀབ་ཉི་ རོ་ཀ་སྲས་ མ་འཁྲུངས་མ་སག་པུ་ ཡོ་སེཕ་གི་ མ་རི་ཡམ་མ་ཐོ་ཕཱན་ ཙང་མ་ཨ་ཉི་རང་ བཞུགས་པ༌ལ། ཉི་རོ་ཀི་ གོ་རང་སྲས་ཐུར་སིང་ཉི་ ཡོ་སེཕ་གི་ རོ་ཀ་མཚན་ ཡི་ཤུ་དག་ཉི་ཞུ་ཝ་ལ༎

Currently Selected:

མ་ཏི། 1: TNTB

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy