དང་པ་ཏི་མོ་ཐི། 6
6
1དཀོན་མཆོག་ག་མཚན་དང་ ཨ་ཤི་ཡེ་ཁཱན་ག་ སོ་ངོ་བ་ཀི་ ཁ་ཏང་མེ་མར་བེ་དེན་གེ་ དད་པ་ཨ་ཁཱན་ཟ་པ་བ་ཀི་ རོག་ཏེ་བ་ཀ་སྦྱིན་བདག་བ་ཀ་ གནམ་མེད་ས་མེད་ གུས་ཞབས་ཨ་ལེ་ཁེ༌ལེ།
2ཟ་པ་ག་སྦྱིན་བདག་ དད་པ་ཨ་ཁཱན་གི་ནེ་ལ་ རོ་ཀི་ རོ་ཀ་མེམ་ཅོར་བེ་མང་ཕ། ལག་ཏང་ ཟ་པ་གི་ཙ་དྲེག་ཉི་ ལའི་ཨ་ལེ་ཁེ༌ལེ། ཧང་ཡ་དག་ནེ་ལ་ རོ་ཀི་ཙ་དྲེག་ཉི་ ལའི་ཨ་ཝ་ཨ་དེན་གེ་ རོ་ཀི་ཕང་ཁཱན་ དད་པ་ཨ་ཁཱན་ག་ ཕཱན་ཏོག་ཅ་གི༌ལ། ནཱན་གི་ ཨོ་ཐ་དེན་པ་བ་ཡེ་ཉི་ རོག་ཏེ་བ་ཀི་ ཨ་ལེ་ཁེ་ཁཱན་ཀོར་གེ་ཡེག༌ཅོ༎
རྫུས་མ་ཡེ་ཁཱན་དང་རྒྱུ་དེན༌པ།
3ཨི་བི་གི་ ཨ་ཧ་གཙོ་བོ་ཡི་ཤུ་ཁིརིས་ག་ དེན་པ་གསུང་དང་ ཨ་ཧ་ཆོས་གི་ཡེ་ཁཱན་གེ་ སོ་སུ་ཨ་ཉི་ཡེ་ཝ་ཐུར་ ཨུ་ཉུ་ཤོ་ སོ་ད་གི༌ལ། 4ཨུ་ཉུ་ད་བུ་ཡེ་ཁཱན་ སོ་ངོ་གི་ གནམ་མེད་ས་མེད་ ཁམ་ཙོང༌ཅ། དག་པ་ཀབ་ཉི་ ཧང་རང་སེ་ལུ་མཱན༌ཅ། རོག་ཏེ་བ་ཀ་སེམས་ཀ་ ན་ཚ་ཁེ་ཝ་ཨ་དེན་གེ་ རོག་ཏེ་བ་ཀི་ གསུང་ག་ཀོར་གེ་ རྩོད་པ་ཕི་ལེ་གོད༌ཅ། རོག་ཏེ་བ་ཀི་ སེར་སྣ་ཨ་ལེ་རིག༌ཅ། མ་ཆ་མེ་རིག༌ཅ། སྐུར་པ་ཞུ་ལེ་རིག༌ཅ། ཉི་ངན་པ་ཨ་ཉི་ དོགས་པ་སག་པེ་རིག༌ཅ། 5ཉི་ཨོ་ཐ་སོ་ངོ་བ་ཀི་ ཧ་ལ་ཨ་ནེ་བུ་ ཁོ་ལོང་རུ་མེ་རིག༌ཅ། རོག་ཏེ་བ་ཀ་སེམས་ མེ་པ་དི་ཝ་ཨ་དེན་གེ་ རོག་ཏེ་བ་ཀ་ནང་ཀ་ དེན་པ་མ་ཝ་རི་ཝ༌ཅ། རོག་ཏེ་བ་ཀི་མིན་ཅ་ ཆོས་གི་འབབ་ཁུངས་ ཉོང་པེ་རིག་ཅ་དག༌ཉི།
6ཆོས་གི་བེ་དིང་ཅོད་པུ་མཱན༌ཅ། དག་པ་ཀབ་ཉི་ རང་ག་ཆོ་ཁཱན་གི་ ལང་པ་ཨ་ཉི་ཆོ་ནེ་ལ་ ཨུ་ཉུ་ཤོ་ བེ་དིང་གི༌ལ། 7ཧང་ཡ་དག་ནེ་ལ་ ཨའི་འཛམ་གླིང་ག་ ཨོ་ཕ་ཀབ་ཉི་ ཧང་རང་ཕ་ཝ་མཱན༌ཅ། ཉི་འཛམ་གླིང་གེ་ ལོག་ཉི་དི་ལ་ཀབ་ཉི་བུ་ ཧང་རང་བུ་ལེ་མར༌བ། 8ཨོ་ཉི་ཨ་དེན་གེ་ ཟ་ལེ་ཇ་མེ་ག་དང་ ཡེ་ལེ་ཡོག་པེ་ག་ ལང་པ་ཆོ་ནེ་ལ་ ཨ་ཧ་བ་ ཤོ་ནང་ཕེ་ཉི་ཆོ་ཁེ། 9བེ་དིང་རི་ལེ་ལམ་ཁཱན་ སོ་ངོ་བ་ བར་ཆད་དང་ ཁ་ཤོང་ནང་ཀ་ཚུད༌ཅ། རོག་ཏེ་བ་ཀི་ ཡོང་བ་སེམས་ཨ་ཉི་ ཉི་ངན་པ་བག་ཆགས་ ཨ་ཝ་ཨ་དེན་གེ་ ཨོ་ཉ་ངན་པ་བག་ཆགས་གི་ རོག་ཏེ་བ་ དོང་ཇང་ཉི་བུན་ཐཱན་ མེ་པ་ཕི༌ལེ། 10ཧང་ཡ་དག་ནེ་ལ་ ཏི་རུ་ག་བག་ཆགས་ཨ་ཁཱན་ཤོ་ ངན་པ་ཐམས་ཅན་ག་མུང་གི༌ལ། སོ་ངོ་ཚེ་བང་གི་ ཏི་རུ་ག་བག་ཆགས་ ཨ་ཝ་ཨ་དེན་གེ་ དད་པ་ཨ་ལེ་ག་བུ་ ཐུབ་ཐ་ཉི་ གནམ་མེད་ས་མེད་ སེམས་ཤི་ཉི་ རོག་ཏེ་བ་ཀ་ཐིང་ལོམ་ ཁང་མ༌ཅ༎
པ་ཝལ་ག་ཆཱས་མཇུག་དུས།
11ནཱན་ཤོ་ དཀོན་མཆོག་ག་ སོ་ངོ་གི་ཝ་ཨ་དེན་གེ་ ངན་པ་ཐམས་ཅན་རང་ སྤང་ཤོ། དག་པ་ཀབ་ཉི་ དྲང་པུ་དང་ ཆོས་སེམས་ཨ་ཉི་ དད་པ་ཀེ་ཉི་ སྙིང་རྗེ་ཨ་ཉི་ བཟོད་པར་སྒོམ་ཉི་ ཉི་ཉམ་ཆུང་ཨ་ཉི་ ཆོ་ལེ་ག་མིག་པ་ཕི། 12དད་པ་ག་ཕྱད་མདའ་ལེག་པུ་ཕི། ཉི་དཀོན་མཆོག་གི་ ན་ག་གནང་ཁཱན་ ཚེ་མ་འགྱུར་བརྟན་པ་ཁེ་པ་ སྒྲིང་སྒྲིང་ཨ་ཉི་ཙུང་ཤོ། ན་ག་དད་པ་ག་ཀོར་གེ་ འཛོམས་དཔང་དཔང་བཞག་ཨ་ཁཱན་ མང་པུ་ཐུར་ག་གུབ་ཀ་ ནཱན་གི་ གནམ་མེད་ས་མེད་ ལེག་པུ་ཨ་ཉི་ ཁ་དོག་པ༌ཅ། 13ཐམས་ཅན་ག་ཚེ་གནང་ཁཱན་ དཀོན་མཆོག་དང་ པཱན་ཏི་ཡཱས་པི་ལ་ཏཱས་ག་གུབ་ཀ་ གྲ་སྒྲིག་ཨ་ཉི་ འཛོམས་དཔང་ཨ་ཁཱན་ ཁིརིས་ཡི་ཤུ་ག་སྐུན་མདུན་ག་ ཇི་གི་ན་ག་ ཨོ་ཐ་བཀའ་བིན༌ཅ། 14ཨ་ཧ་གཙོ་བོ་ཡི་ཤུ་ཁིརིས་ མ་བྱོན་མ་སག་པུ་ ཨོ་ཐ་བཀའ་རྒྱ་ཁེ་པ་ མ་ཙང་མ་དང་ ཅོན་ཏག་པེ་མར་བ་ཨ་ཉི་ འགྲུབ་ཕེ་ཁེ༌ལེ། 15དུས་ཙུན་ཕྲིག་ཀིན་ རེན་པ་ཀབ་ཉི་ བྱིན་རླབས་ཅན་དང་ དབང་ཁཱན་ དཀོན་མཆོག་གི་ ཁིརིས་གེན་ཉི་གནང༌མེ། རོག་ཤོ་ དཔོན་བ་ཀ་དཔོན་དང་ གཙོ་བོ་བ་ཀ་གཙོ་བོ་གི༌ལ། 16ཧ་ལ་རང་མ་གཤགས་ཁཱན་ཤོ་ རོག་ཐུར་ཤ་གི༌ལ། ཉི་རོག་ཤོ་ གནམ་མེད་ས་མེད་ འོད་ཆར་ཁཱན་ འོད་ཟེར་ནང་ཀ་ བཞུགས་པ་ཨ་དེན་གེ་ ཨི་བི་གི་རང་ རོ་ཀ་སྐུན་མདུན་ག་ བཅག་པེ་མར༌བ། རོག་ཤོ་ ཨི་བི་གི་རང་ མཇལ་བ་མཱན༌ཅ། ཉི་ཨི་བི་གི་རང་ མཇལ་བེ་བུ་མར༌བ། གུས་ཞབས་དང་ སྟོབས་དབང་ཁེ་པ་ མ་འགྱུར་བརྟན་པ་ག་དེན་གེ་ རོ་ཀ་ཕུལ་ཤོ། ཨ་མེན།
17ཨོ་ཐ་འཛམ་གླིང་ག་ བེ་དིང་སོ་ངོ་བ་ཀ་ ཁམ་མ་ཙོང་ཤོ་ཨ་ཉི་ ཡེག༌ཅོ། རོག་ཏེ་བ་ཀི་ རྒྱུ་ཅ་ལ་ག་ཐུང་ཀ་ རེ་ཆ་ཨ་ལེ་མང་གི་ཝ་ ཨའི་སྤྲོ་བ་ཙི་ལེ་དེན་གེ་ དཀོན་མཆོག་ག་ཐུང་ཀ་ རེ་ཆ་ཨའི་དག་ཉི་ ཡེག༌ཅོ། 18རོག་ཏེ་བ་ཀི་ ལའི་ལེག་པུ་ཨའི་ ཉི་ལའི་ལེག་པུ་ ཨ་ལེ་ག་ཤེག་པ་ བེ་དིང་རི་ཨ་ཉི་ ཡེག༌ཅོ། ཉི་ནང་དོག་ཁཱན་བ་ཀ་ སེམས་ཤོ་ཉི་རུམ༌ཅོ། ཉི་བཱརའ་ག་ བོང་ཉི་བི་ལེ་རེ་བེ་ཁེ༌ལེ། 19རོག་ཏེ་བ་ཀི་ ཨོ་ཐེན་ཨ་ལ་ཀབ་ཉི་ རོག་ཏེ་བ་དེན་གེ་ མ་འོངས་པ་ག་ རྨང་ལེག་པུ་ཆེ་ཉི་ རྒྱུ་སག་ཅ་གི༌ལ། ཉི་ཤ་ རོག་ཏེ་བ་ཀི་ ཚེ་ངོ་མ་ཁེ་པ་ ཙུང་མེ་རེ༌བེ།
20ཏི་མོ་ཐི་ དཀོན་མཆོག་གི་ ན་ག་གནང་ཁཱན་བ་ཀ་ ལེག་པུ་ཨན་བདག་འཛིན་ཨའི། ཡོན་ཏན་ཨ་ཉི་ཆིན་ཁཱན་ སོ་ངོ་ཚེ་བང་གི་ མ་ཙང་མ་དང་ ཇུང་ཁུངས་མ་ཁཱན་ ཆཱས་ག་ཀོར་གེ་ ནཱན་ཀབ་ཉི་རྩོད་པ་ཕི་ལེ་ ཡང་ན་ལ་ རོག་ཏེ་བ་ཀབ་ཉི་ རྩོད་པ་མ་ཕི། 21སོ་ངོ་ཚེ་བང་གི་ ཡོན་ཏན་ཨ་ཉི་ཆིན་ཁཱན་ཁེ་པ་ ཉོང་པ་ཅ་དག་ཉི་ གིང་མ་ཨ་དེན་གེ་ རོག་ཏེ་བ་ཀི་ དད་པ་ག་ལམ་ གེ་མ༌ཅ།
དཀོན་མཆོག་གི་ ནའི་ཐམས་ཅན་ག་ ཐུགས་རྗེ་གཟིགས་ཉི་གནང་ཆེན༎
Currently Selected:
དང་པ་ཏི་མོ་ཐི། 6: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
དང་པ་ཏི་མོ་ཐི། 6
6
1དཀོན་མཆོག་ག་མཚན་དང་ ཨ་ཤི་ཡེ་ཁཱན་ག་ སོ་ངོ་བ་ཀི་ ཁ་ཏང་མེ་མར་བེ་དེན་གེ་ དད་པ་ཨ་ཁཱན་ཟ་པ་བ་ཀི་ རོག་ཏེ་བ་ཀ་སྦྱིན་བདག་བ་ཀ་ གནམ་མེད་ས་མེད་ གུས་ཞབས་ཨ་ལེ་ཁེ༌ལེ།
2ཟ་པ་ག་སྦྱིན་བདག་ དད་པ་ཨ་ཁཱན་གི་ནེ་ལ་ རོ་ཀི་ རོ་ཀ་མེམ་ཅོར་བེ་མང་ཕ། ལག་ཏང་ ཟ་པ་གི་ཙ་དྲེག་ཉི་ ལའི་ཨ་ལེ་ཁེ༌ལེ། ཧང་ཡ་དག་ནེ་ལ་ རོ་ཀི་ཙ་དྲེག་ཉི་ ལའི་ཨ་ཝ་ཨ་དེན་གེ་ རོ་ཀི་ཕང་ཁཱན་ དད་པ་ཨ་ཁཱན་ག་ ཕཱན་ཏོག་ཅ་གི༌ལ། ནཱན་གི་ ཨོ་ཐ་དེན་པ་བ་ཡེ་ཉི་ རོག་ཏེ་བ་ཀི་ ཨ་ལེ་ཁེ་ཁཱན་ཀོར་གེ་ཡེག༌ཅོ༎
རྫུས་མ་ཡེ་ཁཱན་དང་རྒྱུ་དེན༌པ།
3ཨི་བི་གི་ ཨ་ཧ་གཙོ་བོ་ཡི་ཤུ་ཁིརིས་ག་ དེན་པ་གསུང་དང་ ཨ་ཧ་ཆོས་གི་ཡེ་ཁཱན་གེ་ སོ་སུ་ཨ་ཉི་ཡེ་ཝ་ཐུར་ ཨུ་ཉུ་ཤོ་ སོ་ད་གི༌ལ། 4ཨུ་ཉུ་ད་བུ་ཡེ་ཁཱན་ སོ་ངོ་གི་ གནམ་མེད་ས་མེད་ ཁམ་ཙོང༌ཅ། དག་པ་ཀབ་ཉི་ ཧང་རང་སེ་ལུ་མཱན༌ཅ། རོག་ཏེ་བ་ཀ་སེམས་ཀ་ ན་ཚ་ཁེ་ཝ་ཨ་དེན་གེ་ རོག་ཏེ་བ་ཀི་ གསུང་ག་ཀོར་གེ་ རྩོད་པ་ཕི་ལེ་གོད༌ཅ། རོག་ཏེ་བ་ཀི་ སེར་སྣ་ཨ་ལེ་རིག༌ཅ། མ་ཆ་མེ་རིག༌ཅ། སྐུར་པ་ཞུ་ལེ་རིག༌ཅ། ཉི་ངན་པ་ཨ་ཉི་ དོགས་པ་སག་པེ་རིག༌ཅ། 5ཉི་ཨོ་ཐ་སོ་ངོ་བ་ཀི་ ཧ་ལ་ཨ་ནེ་བུ་ ཁོ་ལོང་རུ་མེ་རིག༌ཅ། རོག་ཏེ་བ་ཀ་སེམས་ མེ་པ་དི་ཝ་ཨ་དེན་གེ་ རོག་ཏེ་བ་ཀ་ནང་ཀ་ དེན་པ་མ་ཝ་རི་ཝ༌ཅ། རོག་ཏེ་བ་ཀི་མིན་ཅ་ ཆོས་གི་འབབ་ཁུངས་ ཉོང་པེ་རིག་ཅ་དག༌ཉི།
6ཆོས་གི་བེ་དིང་ཅོད་པུ་མཱན༌ཅ། དག་པ་ཀབ་ཉི་ རང་ག་ཆོ་ཁཱན་གི་ ལང་པ་ཨ་ཉི་ཆོ་ནེ་ལ་ ཨུ་ཉུ་ཤོ་ བེ་དིང་གི༌ལ། 7ཧང་ཡ་དག་ནེ་ལ་ ཨའི་འཛམ་གླིང་ག་ ཨོ་ཕ་ཀབ་ཉི་ ཧང་རང་ཕ་ཝ་མཱན༌ཅ། ཉི་འཛམ་གླིང་གེ་ ལོག་ཉི་དི་ལ་ཀབ་ཉི་བུ་ ཧང་རང་བུ་ལེ་མར༌བ། 8ཨོ་ཉི་ཨ་དེན་གེ་ ཟ་ལེ་ཇ་མེ་ག་དང་ ཡེ་ལེ་ཡོག་པེ་ག་ ལང་པ་ཆོ་ནེ་ལ་ ཨ་ཧ་བ་ ཤོ་ནང་ཕེ་ཉི་ཆོ་ཁེ། 9བེ་དིང་རི་ལེ་ལམ་ཁཱན་ སོ་ངོ་བ་ བར་ཆད་དང་ ཁ་ཤོང་ནང་ཀ་ཚུད༌ཅ། རོག་ཏེ་བ་ཀི་ ཡོང་བ་སེམས་ཨ་ཉི་ ཉི་ངན་པ་བག་ཆགས་ ཨ་ཝ་ཨ་དེན་གེ་ ཨོ་ཉ་ངན་པ་བག་ཆགས་གི་ རོག་ཏེ་བ་ དོང་ཇང་ཉི་བུན་ཐཱན་ མེ་པ་ཕི༌ལེ། 10ཧང་ཡ་དག་ནེ་ལ་ ཏི་རུ་ག་བག་ཆགས་ཨ་ཁཱན་ཤོ་ ངན་པ་ཐམས་ཅན་ག་མུང་གི༌ལ། སོ་ངོ་ཚེ་བང་གི་ ཏི་རུ་ག་བག་ཆགས་ ཨ་ཝ་ཨ་དེན་གེ་ དད་པ་ཨ་ལེ་ག་བུ་ ཐུབ་ཐ་ཉི་ གནམ་མེད་ས་མེད་ སེམས་ཤི་ཉི་ རོག་ཏེ་བ་ཀ་ཐིང་ལོམ་ ཁང་མ༌ཅ༎
པ་ཝལ་ག་ཆཱས་མཇུག་དུས།
11ནཱན་ཤོ་ དཀོན་མཆོག་ག་ སོ་ངོ་གི་ཝ་ཨ་དེན་གེ་ ངན་པ་ཐམས་ཅན་རང་ སྤང་ཤོ། དག་པ་ཀབ་ཉི་ དྲང་པུ་དང་ ཆོས་སེམས་ཨ་ཉི་ དད་པ་ཀེ་ཉི་ སྙིང་རྗེ་ཨ་ཉི་ བཟོད་པར་སྒོམ་ཉི་ ཉི་ཉམ་ཆུང་ཨ་ཉི་ ཆོ་ལེ་ག་མིག་པ་ཕི། 12དད་པ་ག་ཕྱད་མདའ་ལེག་པུ་ཕི། ཉི་དཀོན་མཆོག་གི་ ན་ག་གནང་ཁཱན་ ཚེ་མ་འགྱུར་བརྟན་པ་ཁེ་པ་ སྒྲིང་སྒྲིང་ཨ་ཉི་ཙུང་ཤོ། ན་ག་དད་པ་ག་ཀོར་གེ་ འཛོམས་དཔང་དཔང་བཞག་ཨ་ཁཱན་ མང་པུ་ཐུར་ག་གུབ་ཀ་ ནཱན་གི་ གནམ་མེད་ས་མེད་ ལེག་པུ་ཨ་ཉི་ ཁ་དོག་པ༌ཅ། 13ཐམས་ཅན་ག་ཚེ་གནང་ཁཱན་ དཀོན་མཆོག་དང་ པཱན་ཏི་ཡཱས་པི་ལ་ཏཱས་ག་གུབ་ཀ་ གྲ་སྒྲིག་ཨ་ཉི་ འཛོམས་དཔང་ཨ་ཁཱན་ ཁིརིས་ཡི་ཤུ་ག་སྐུན་མདུན་ག་ ཇི་གི་ན་ག་ ཨོ་ཐ་བཀའ་བིན༌ཅ། 14ཨ་ཧ་གཙོ་བོ་ཡི་ཤུ་ཁིརིས་ མ་བྱོན་མ་སག་པུ་ ཨོ་ཐ་བཀའ་རྒྱ་ཁེ་པ་ མ་ཙང་མ་དང་ ཅོན་ཏག་པེ་མར་བ་ཨ་ཉི་ འགྲུབ་ཕེ་ཁེ༌ལེ། 15དུས་ཙུན་ཕྲིག་ཀིན་ རེན་པ་ཀབ་ཉི་ བྱིན་རླབས་ཅན་དང་ དབང་ཁཱན་ དཀོན་མཆོག་གི་ ཁིརིས་གེན་ཉི་གནང༌མེ། རོག་ཤོ་ དཔོན་བ་ཀ་དཔོན་དང་ གཙོ་བོ་བ་ཀ་གཙོ་བོ་གི༌ལ། 16ཧ་ལ་རང་མ་གཤགས་ཁཱན་ཤོ་ རོག་ཐུར་ཤ་གི༌ལ། ཉི་རོག་ཤོ་ གནམ་མེད་ས་མེད་ འོད་ཆར་ཁཱན་ འོད་ཟེར་ནང་ཀ་ བཞུགས་པ་ཨ་དེན་གེ་ ཨི་བི་གི་རང་ རོ་ཀ་སྐུན་མདུན་ག་ བཅག་པེ་མར༌བ། རོག་ཤོ་ ཨི་བི་གི་རང་ མཇལ་བ་མཱན༌ཅ། ཉི་ཨི་བི་གི་རང་ མཇལ་བེ་བུ་མར༌བ། གུས་ཞབས་དང་ སྟོབས་དབང་ཁེ་པ་ མ་འགྱུར་བརྟན་པ་ག་དེན་གེ་ རོ་ཀ་ཕུལ་ཤོ། ཨ་མེན།
17ཨོ་ཐ་འཛམ་གླིང་ག་ བེ་དིང་སོ་ངོ་བ་ཀ་ ཁམ་མ་ཙོང་ཤོ་ཨ་ཉི་ ཡེག༌ཅོ། རོག་ཏེ་བ་ཀི་ རྒྱུ་ཅ་ལ་ག་ཐུང་ཀ་ རེ་ཆ་ཨ་ལེ་མང་གི་ཝ་ ཨའི་སྤྲོ་བ་ཙི་ལེ་དེན་གེ་ དཀོན་མཆོག་ག་ཐུང་ཀ་ རེ་ཆ་ཨའི་དག་ཉི་ ཡེག༌ཅོ། 18རོག་ཏེ་བ་ཀི་ ལའི་ལེག་པུ་ཨའི་ ཉི་ལའི་ལེག་པུ་ ཨ་ལེ་ག་ཤེག་པ་ བེ་དིང་རི་ཨ་ཉི་ ཡེག༌ཅོ། ཉི་ནང་དོག་ཁཱན་བ་ཀ་ སེམས་ཤོ་ཉི་རུམ༌ཅོ། ཉི་བཱརའ་ག་ བོང་ཉི་བི་ལེ་རེ་བེ་ཁེ༌ལེ། 19རོག་ཏེ་བ་ཀི་ ཨོ་ཐེན་ཨ་ལ་ཀབ་ཉི་ རོག་ཏེ་བ་དེན་གེ་ མ་འོངས་པ་ག་ རྨང་ལེག་པུ་ཆེ་ཉི་ རྒྱུ་སག་ཅ་གི༌ལ། ཉི་ཤ་ རོག་ཏེ་བ་ཀི་ ཚེ་ངོ་མ་ཁེ་པ་ ཙུང་མེ་རེ༌བེ།
20ཏི་མོ་ཐི་ དཀོན་མཆོག་གི་ ན་ག་གནང་ཁཱན་བ་ཀ་ ལེག་པུ་ཨན་བདག་འཛིན་ཨའི། ཡོན་ཏན་ཨ་ཉི་ཆིན་ཁཱན་ སོ་ངོ་ཚེ་བང་གི་ མ་ཙང་མ་དང་ ཇུང་ཁུངས་མ་ཁཱན་ ཆཱས་ག་ཀོར་གེ་ ནཱན་ཀབ་ཉི་རྩོད་པ་ཕི་ལེ་ ཡང་ན་ལ་ རོག་ཏེ་བ་ཀབ་ཉི་ རྩོད་པ་མ་ཕི། 21སོ་ངོ་ཚེ་བང་གི་ ཡོན་ཏན་ཨ་ཉི་ཆིན་ཁཱན་ཁེ་པ་ ཉོང་པ་ཅ་དག་ཉི་ གིང་མ་ཨ་དེན་གེ་ རོག་ཏེ་བ་ཀི་ དད་པ་ག་ལམ་ གེ་མ༌ཅ།
དཀོན་མཆོག་གི་ ནའི་ཐམས་ཅན་ག་ ཐུགས་རྗེ་གཟིགས་ཉི་གནང་ཆེན༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved