དང་པ་ཏི་མོ་ཐི། 4
4
སློབ་དཔོན་རྫུས་མ་བ་ཀེ་ རིག་པ་སྒྲིམ༌ཅོ།
1དུས་ཇུ་ཀ་དག་པ་ཀབ་ཉི་ སོ་ངོ་ཚེ་བང་གི་ དད་པ་ཨ་ལེ་ ཐུབ་ཐ་ལེ་དག་ཉི་ དམ་པའི་ཐུགས་ཉིད་གི་ ཨ་ཧ་ དང་སང་ཀིན་ཨ་ཉི་ གསུངས་མ༌ཅ། རོག་ཏེ་བ་ཀི་ སོ་ད་ཕི་ཁཱན་རྣམ་ཤེས་དང་ བདུད་བ་ཀི་ཡེ་ཁཱན་ག་ ཆ་གནས་ཐ༌ལེ། 2ཨོ་ཐ་སློབ་དཔོན་བ་ འུ་དྲ་པ་བ་དང་ སོ་ད་ཁོ་པ་བ་ཨོ་ཕེ། རོག་ཏེ་བ་ཀི་ ཆོས་སེམས་ཨ་ཝ་ཅོད༌པེ། དག་པ་ཀབ་ཉི་ རོག་ཏེ་བ་ཀ་སེམས་ཀི་ མ་ལེག་པ་གི་ཝ་ག་ སེ་ལུ་མཱན༌ཅ། 3རོག་ཏེ་བ་ཀི་ གཉེན་ཕི་ལེ་ག་ མ་ན་ལ་དག་ཉི་ ཡེག༌ལ། ཉི་ཟ་ལེ་ཇ་མེ་ག་རྒྱུ་བུ་ མང་པུ་ཐུར་ ཟ་ལེ་ཇ་མེ་མ་ན་ལ་དག་ཉི་ ཡེག༌ལ། དག་པ་ཀབ་ཉི་ དེན་པ་ཀོར་གེ་སེ་ཉི་ དད་པ་ཨ་ཁཱན་བ་ཀི་ བཀའ་དྲིན་བསམ་ཐཱན་ ཟཱན་ཆེན་དག་པ་གི་ དཀོན་མཆོག་གི་ ཟཱན་ཇམ་བ་བཀོད་པ་གི༌ལ། 4དཀོན་མཆོག་གི་བཀོད་ཁཱན་ ཐམས་ཅན་རང་ ལེག་པུ་གི་ཝ་ཨ་དེན་གེ་ ཧང་རང་གི་ནེ་བུ་ མ་ལེག་པ་གི་ལ་ཨ་ཉི་ ཡེག་པེ་མ་ཆོག༌པ། ལག་ཏང་ ཨོ་ཐ་བ་ ཐམས་ཅན་རང་ ཨ་ཤི་བཀའ་དྲིན་བསམ་ཉི་ ཞུ་ལེ་ཁེ༌ལེ། 5ཧང་ཡ་དག་ནེ་ལ་ དཀོན་མཆོག་ག་ གསུང་དང་ སྨོན་ལམ་གི་ ཙང་མ་ཅོད་པ་གི་ལ་ཨ་ཉི་ ཨ་ཤི་སེན༌ཅ༎
ཡི་ཤུ་ཁིརིས་ག་ གཡོག་པ་ལེག་པུ།
6ནཱན་གི་ ཨོ་ཐ་བ་ བཱརའ་ཡུང་ཟི་བ་ཀ་ ཡེན་བི་ནེ་ལ་ ནཱན་ཤོ་ ཁིརིས་ཡི་ཤུ་ག་ ཕྱག་ཞུ་ཁཱན་ ངོ་མ་གི་ཝ་ཨ་དེན་གེ་ ནཱན་གི་ཨ་ལེ་ཁེ་ཁཱན་ ཨན་ཅ་གི༌ལ། ཉི་ནཱན་གི་ དད་པ་ག་གསུང་ཟ་ཉི་ དེན་པ་ག་ཀོར་གེ་ཡེ་ཁཱན་ག་ ཆ་གནས་ཐ་ན་ཨ་ཉི་གེན༌མེ། 7ཇུང་ཁུངས་མ་ཁཱན་ གཏམ་ག་ཀོར་གེ་ཤག་ཕི་ཉི་ ན་ག་དུས་ཙུན་མ་ཆུམ་ཤོ། དག་པ་ཀབ་ཉི་ ཆོས་སེམས་ཆོ་ཝ་རི་ལེ་དེན་གེ་ ཙ་དྲེག་ཉི་ཆོའི། 8ལུས་པུ་ག་དེན་གེ་ སློབ་སྦྱོང་ཕི་ལེ་ག་ ཁག་ཆི་ལུ་གི༌ལ། དག་པ་ཀབ་ཉི་ ཐུགས་ཉིད་ག་ སློབ་སྦྱོང་ཤོ་ ཨོ་ཉ་གེ་ལག་ཉི་ ཁག་ཆི་ལུ་གི༌ལ། ཧང་ཡ་དག་ནེ་ལ་ ཐུགས་ཉིད་ག་ སློབ་སྦྱོང་གི་ ཨོ་མ་ཆོ་ལེ་གང་ཀ་དང་ ཚེ་ཕྱི་མ་ག་དེན་གེ་བུ་ སེ་རབ་གནང་མེ་ཨ་ཉི་ དབུ་མནའ་བཞེས་ཝ༌ཅ།
9ཨུ་ཐུ་ཤོ་ དེན་པ་གི༌ལ། ཉི་ཐམས་ཅན་གི་ ཞུ་ལེ་ཁེ༌ལེ། 10ཨོ་ཉི་ཨ་དེན་གེ་ དཀའ་ཝ་ཅཱད་ཉི་ ཙ་དྲེག་ཅ་གི༌ལ། ཧང་ཡ་དག་ནེ་ལ་ ཨ་ཧ་རེ་ཆ་ གསོན་པོ་ཨ་ཉི་བཞུགས་ཁཱན་ དཀོན་མཆོག་ཐུང་ཀ༌ཅ། རོག་ཤོ་ ཐམས་ཅན་ག་ སྐྱབས་མགོན་གི༌ལ། ཉི་ཙོ་རང་ རོ་ཀ་ཏཱན་ དད་པ་ཨ་ཁཱན་བ་ཀ་ སྐྱབས་མགོན་གི༌ལ། ཨོ་ཉི་ཨ་དེན་གེ་ ཨ་ཤི་དཀའ་ཝ་ཅཱད་ནེ་བུ་ ཙ་དྲེག་ཉི་རང་ ལའི་ཨན་ཅ་གི༌ལ།
11ཨོ་ཐ་ཆཱས་བ་ཀ་ཀོར་གེ་ ཡེ་ཉི་བཀའ་བི། 12ནཱན་ཡོན་མ་ཆོ་ཝ་ཨ་དེན་གེ་ སོ་ངོ་བ་ཀི་ ན་ག་མེམ་ཅོར་བེ་མ་བི། དག་པ་ཀབ་ཉི་ ཆཱས་ཨ་ཐང་ག་དང་ཆོ་ཐང་ ཉི་སྙིང་རྗེ་ཨ་ཐང་ག་དང་ དད་པ་ཨ་ཐང་ག་ ཉི་ཨུ་ཉུ་མ་ཚཱད་པ་ ཙང་མ་ཨ་ཉི་ཆོ་ཐང་ག་བུ་ ནཱན་གི་ རོག་ཏེ་བ་ཀ་དེན་གེ་ དཔེ་ལེག་པུ་གེན་ཤོ། 13ཇང་མ་ཤེག་པ་སག་པུ་ ཆོས་ཚོགས་ག་དེན་གེ་ གསུང་རབ་ལྷག༌ཅོ། ཉི་དད་པ་ཨ་ཁཱན་བ་ཀ་ ནོ་ཝང་ཨའི། ཉི་རོག་ཏེ་བ་ཀ་ ཡེ་ཉི་བི། 14ཆོས་ཚོགས་ག་ སོ་ངོ་ཆི་ལུ་བ་ཀི་ ན་ག་ཐུང་ཀ་ ག་དང་ཀེ་ཉི་ སྨོན་ལམ་ཏ་པེ་གང་ཀ་ ལུང་བསྟན་ག་ཐུང་ཀེ་ཨ་ཉི་ ཉོང་ཁཱན་ ན་ག་སེ་རབ་དང་ཏུ་ཉི་ ལའི་ཨ་ལེ་ག་ ཐུབ་མ་ཐའི།
15ནཱན་ཐུགས་ཉིད་ག་ཟོག་ལ་ཨ་ཉི་ ཐམས་ཅན་གི་ སེ་ལེ་དེན་གེ་ ནཱན་གི་ ཨོ་ཐ་བ་སེམས་ཀ་ཐ་ཉི་ ཉི་ཨུ་ཉུ་དང་ཏུ་ཉི་ ཇང་མེ་ཁེ༌ལེ། 16ནཱན་ཡོན་མ་ཆོ་ཝ་ཨ་དེན་གེ་ སོ་ངོ་བ་ཀི་ ན་ག་མེམ་ཅོར་བེ་མ་བི། ན་ག་ཆོ་ཐང་དང་ ཡེ་ཐང་ག་ཀོར་གེ་ རིག་པ་སྒྲིམ༌ཅོ། ཉི་ནཱན་གི་ ཨོ་ཐ་བ་ ཨ་ཉི་རང་ཆོའི། ཧང་ཡ་དག་ནེ་ལ་ ཨོ་ཐ་བ་ ཨ་ལ་ཀབ་ཉི་ ནཱན་གི་ ནཱན་ཏེན་ག་ཤ་ སྐྱབས་ཨན་ཅ་མང་གི་ཝ་ ནཱན་གེ་ཉཱན་ཁཱན་བ་ཀ་བུ་ སྐྱབས་ཨན་ཅ་གི༌ལ༎
Currently Selected:
དང་པ་ཏི་མོ་ཐི། 4: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
དང་པ་ཏི་མོ་ཐི། 4
4
སློབ་དཔོན་རྫུས་མ་བ་ཀེ་ རིག་པ་སྒྲིམ༌ཅོ།
1དུས་ཇུ་ཀ་དག་པ་ཀབ་ཉི་ སོ་ངོ་ཚེ་བང་གི་ དད་པ་ཨ་ལེ་ ཐུབ་ཐ་ལེ་དག་ཉི་ དམ་པའི་ཐུགས་ཉིད་གི་ ཨ་ཧ་ དང་སང་ཀིན་ཨ་ཉི་ གསུངས་མ༌ཅ། རོག་ཏེ་བ་ཀི་ སོ་ད་ཕི་ཁཱན་རྣམ་ཤེས་དང་ བདུད་བ་ཀི་ཡེ་ཁཱན་ག་ ཆ་གནས་ཐ༌ལེ། 2ཨོ་ཐ་སློབ་དཔོན་བ་ འུ་དྲ་པ་བ་དང་ སོ་ད་ཁོ་པ་བ་ཨོ་ཕེ། རོག་ཏེ་བ་ཀི་ ཆོས་སེམས་ཨ་ཝ་ཅོད༌པེ། དག་པ་ཀབ་ཉི་ རོག་ཏེ་བ་ཀ་སེམས་ཀི་ མ་ལེག་པ་གི་ཝ་ག་ སེ་ལུ་མཱན༌ཅ། 3རོག་ཏེ་བ་ཀི་ གཉེན་ཕི་ལེ་ག་ མ་ན་ལ་དག་ཉི་ ཡེག༌ལ། ཉི་ཟ་ལེ་ཇ་མེ་ག་རྒྱུ་བུ་ མང་པུ་ཐུར་ ཟ་ལེ་ཇ་མེ་མ་ན་ལ་དག་ཉི་ ཡེག༌ལ། དག་པ་ཀབ་ཉི་ དེན་པ་ཀོར་གེ་སེ་ཉི་ དད་པ་ཨ་ཁཱན་བ་ཀི་ བཀའ་དྲིན་བསམ་ཐཱན་ ཟཱན་ཆེན་དག་པ་གི་ དཀོན་མཆོག་གི་ ཟཱན་ཇམ་བ་བཀོད་པ་གི༌ལ། 4དཀོན་མཆོག་གི་བཀོད་ཁཱན་ ཐམས་ཅན་རང་ ལེག་པུ་གི་ཝ་ཨ་དེན་གེ་ ཧང་རང་གི་ནེ་བུ་ མ་ལེག་པ་གི་ལ་ཨ་ཉི་ ཡེག་པེ་མ་ཆོག༌པ། ལག་ཏང་ ཨོ་ཐ་བ་ ཐམས་ཅན་རང་ ཨ་ཤི་བཀའ་དྲིན་བསམ་ཉི་ ཞུ་ལེ་ཁེ༌ལེ། 5ཧང་ཡ་དག་ནེ་ལ་ དཀོན་མཆོག་ག་ གསུང་དང་ སྨོན་ལམ་གི་ ཙང་མ་ཅོད་པ་གི་ལ་ཨ་ཉི་ ཨ་ཤི་སེན༌ཅ༎
ཡི་ཤུ་ཁིརིས་ག་ གཡོག་པ་ལེག་པུ།
6ནཱན་གི་ ཨོ་ཐ་བ་ བཱརའ་ཡུང་ཟི་བ་ཀ་ ཡེན་བི་ནེ་ལ་ ནཱན་ཤོ་ ཁིརིས་ཡི་ཤུ་ག་ ཕྱག་ཞུ་ཁཱན་ ངོ་མ་གི་ཝ་ཨ་དེན་གེ་ ནཱན་གི་ཨ་ལེ་ཁེ་ཁཱན་ ཨན་ཅ་གི༌ལ། ཉི་ནཱན་གི་ དད་པ་ག་གསུང་ཟ་ཉི་ དེན་པ་ག་ཀོར་གེ་ཡེ་ཁཱན་ག་ ཆ་གནས་ཐ་ན་ཨ་ཉི་གེན༌མེ། 7ཇུང་ཁུངས་མ་ཁཱན་ གཏམ་ག་ཀོར་གེ་ཤག་ཕི་ཉི་ ན་ག་དུས་ཙུན་མ་ཆུམ་ཤོ། དག་པ་ཀབ་ཉི་ ཆོས་སེམས་ཆོ་ཝ་རི་ལེ་དེན་གེ་ ཙ་དྲེག་ཉི་ཆོའི། 8ལུས་པུ་ག་དེན་གེ་ སློབ་སྦྱོང་ཕི་ལེ་ག་ ཁག་ཆི་ལུ་གི༌ལ། དག་པ་ཀབ་ཉི་ ཐུགས་ཉིད་ག་ སློབ་སྦྱོང་ཤོ་ ཨོ་ཉ་གེ་ལག་ཉི་ ཁག་ཆི་ལུ་གི༌ལ། ཧང་ཡ་དག་ནེ་ལ་ ཐུགས་ཉིད་ག་ སློབ་སྦྱོང་གི་ ཨོ་མ་ཆོ་ལེ་གང་ཀ་དང་ ཚེ་ཕྱི་མ་ག་དེན་གེ་བུ་ སེ་རབ་གནང་མེ་ཨ་ཉི་ དབུ་མནའ་བཞེས་ཝ༌ཅ།
9ཨུ་ཐུ་ཤོ་ དེན་པ་གི༌ལ། ཉི་ཐམས་ཅན་གི་ ཞུ་ལེ་ཁེ༌ལེ། 10ཨོ་ཉི་ཨ་དེན་གེ་ དཀའ་ཝ་ཅཱད་ཉི་ ཙ་དྲེག་ཅ་གི༌ལ། ཧང་ཡ་དག་ནེ་ལ་ ཨ་ཧ་རེ་ཆ་ གསོན་པོ་ཨ་ཉི་བཞུགས་ཁཱན་ དཀོན་མཆོག་ཐུང་ཀ༌ཅ། རོག་ཤོ་ ཐམས་ཅན་ག་ སྐྱབས་མགོན་གི༌ལ། ཉི་ཙོ་རང་ རོ་ཀ་ཏཱན་ དད་པ་ཨ་ཁཱན་བ་ཀ་ སྐྱབས་མགོན་གི༌ལ། ཨོ་ཉི་ཨ་དེན་གེ་ ཨ་ཤི་དཀའ་ཝ་ཅཱད་ནེ་བུ་ ཙ་དྲེག་ཉི་རང་ ལའི་ཨན་ཅ་གི༌ལ།
11ཨོ་ཐ་ཆཱས་བ་ཀ་ཀོར་གེ་ ཡེ་ཉི་བཀའ་བི། 12ནཱན་ཡོན་མ་ཆོ་ཝ་ཨ་དེན་གེ་ སོ་ངོ་བ་ཀི་ ན་ག་མེམ་ཅོར་བེ་མ་བི། དག་པ་ཀབ་ཉི་ ཆཱས་ཨ་ཐང་ག་དང་ཆོ་ཐང་ ཉི་སྙིང་རྗེ་ཨ་ཐང་ག་དང་ དད་པ་ཨ་ཐང་ག་ ཉི་ཨུ་ཉུ་མ་ཚཱད་པ་ ཙང་མ་ཨ་ཉི་ཆོ་ཐང་ག་བུ་ ནཱན་གི་ རོག་ཏེ་བ་ཀ་དེན་གེ་ དཔེ་ལེག་པུ་གེན་ཤོ། 13ཇང་མ་ཤེག་པ་སག་པུ་ ཆོས་ཚོགས་ག་དེན་གེ་ གསུང་རབ་ལྷག༌ཅོ། ཉི་དད་པ་ཨ་ཁཱན་བ་ཀ་ ནོ་ཝང་ཨའི། ཉི་རོག་ཏེ་བ་ཀ་ ཡེ་ཉི་བི། 14ཆོས་ཚོགས་ག་ སོ་ངོ་ཆི་ལུ་བ་ཀི་ ན་ག་ཐུང་ཀ་ ག་དང་ཀེ་ཉི་ སྨོན་ལམ་ཏ་པེ་གང་ཀ་ ལུང་བསྟན་ག་ཐུང་ཀེ་ཨ་ཉི་ ཉོང་ཁཱན་ ན་ག་སེ་རབ་དང་ཏུ་ཉི་ ལའི་ཨ་ལེ་ག་ ཐུབ་མ་ཐའི།
15ནཱན་ཐུགས་ཉིད་ག་ཟོག་ལ་ཨ་ཉི་ ཐམས་ཅན་གི་ སེ་ལེ་དེན་གེ་ ནཱན་གི་ ཨོ་ཐ་བ་སེམས་ཀ་ཐ་ཉི་ ཉི་ཨུ་ཉུ་དང་ཏུ་ཉི་ ཇང་མེ་ཁེ༌ལེ། 16ནཱན་ཡོན་མ་ཆོ་ཝ་ཨ་དེན་གེ་ སོ་ངོ་བ་ཀི་ ན་ག་མེམ་ཅོར་བེ་མ་བི། ན་ག་ཆོ་ཐང་དང་ ཡེ་ཐང་ག་ཀོར་གེ་ རིག་པ་སྒྲིམ༌ཅོ། ཉི་ནཱན་གི་ ཨོ་ཐ་བ་ ཨ་ཉི་རང་ཆོའི། ཧང་ཡ་དག་ནེ་ལ་ ཨོ་ཐ་བ་ ཨ་ལ་ཀབ་ཉི་ ནཱན་གི་ ནཱན་ཏེན་ག་ཤ་ སྐྱབས་ཨན་ཅ་མང་གི་ཝ་ ནཱན་གེ་ཉཱན་ཁཱན་བ་ཀ་བུ་ སྐྱབས་ཨན་ཅ་གི༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved