TĨĨGI WERE 49
49
Jakob hã bosaʼ ɓen ne jar ni ɓe wo
1Jakob ɗe weere ɓen wo le, day wii ra ga : Tay we ti see ɓay, day ndi ngaɓ ge fen maga joŋ ge nday yaŋ nen ngel ma wurpon ne nday. 2Tay we see ɓay ni nday coʼ we sugi, jar ni Jakob wo!
Coʼ we sug pan ɓay Israyele!
3Ruben, ndo jag wel ɓi no,
Egre ɓin wo de jag crew ma kiŋkiŋ ɗa no,
Pel go tinoo caw, pel de baa wùu,
4Ndo diŋ blam bii ma yuugi giggigi.
Mbe ane, ndo joŋ ge diŋ je ma pel taw gà.
Ndo ɗii go ti fen suuli pan ɓo,
Ndo kaŋ ɗag go ne ngel suuli ɓi see de ɗiigi ti ɓe.
5Simeyoŋ wo hẽẽrebe de Lefi,
Jawre ma doo ɓaaran wo diŋ fẽẽre fĩɗgi kemaykemay,
6Daga ndi mo kal yoo ɓaara ti wããre ɓaara ni wa,
Daga ɗiggi ɓi mo tay de ɓaara yoo tayge ɓaaran ni wa.
Werga de ɓil sããge ɓaara á id wo jare.
Day de faage hãã ɓaaran á car wo kerdew bloore deere wo go
7Faɗge mo hay go ti sõõge ɓil ɓaaran, werga á raw wo girgiri,
Ti tĩĩgi de waŋ ɓaara no, werga á id húulí!
Ndi car ge ɓil ɓaara go ni Jakobe,
Ndi dus gi ɓil ɓaara go ni Israyele.
8Juda, ndo daʼge togoɗge ma hẽẽre ɓon wo yaŋ
Ndo kaŋ ge doo ne jar hee ɓon wo gore.
Jar ni pan ɓo leɗ ge wo monɗra yaŋ mo pele.
9Juda diŋ mingir ma jõõ.
Ndo fer le de baa này jage, wel ɓi!
Á goɗom de kõyõgre, á suu doo mingir nono,
Doo man mingir nono : Wose urn yaŋ go ciŋ ne?
10Graw ma wããre jar yaʼ ge go see Juda hãã gà.
Fen ma kaŋ nen ti je ɓod jag liŋgin yaʼ go see ɓaale ɓe hãã gà lay,
hãã go ti wur maga Silo#49.10 Silo : Wer ɓe ga je maga graw waŋn diŋ ma ɓe mono. a ge mono,
Day wer jar hoo ge wo sug yaŋ ti ɓe.
11Á saʼ gerhẽẽ ɓen ɓi tlalum
Day saʼ wel gerhẽẽ ɓen ti koo tlalum
ma de woore daŋge no
Á yog õõbe ɓen nen yii,
Yog õõbe ɓe ma kluun nen cíi bii tlalum no.
12Nen ɓe go de corge doo yii,
Day saŋ ɓe go de piiri doo pãã.
13Sabulon hay ge ti jeŋ maarog wo,
Á oo ge yaŋ ti jeŋ daage wo
Haagu ɓen mbeɗ ge wo wo go nen Sidoŋ.
14Isakar diŋ gerhẽẽ ma de goɓre de ele,
Ga suu ti holaŋ kaw ma ɓog wo no.
15Á ko ga ngel maga se ig ni de ele,
Day ko ga sirn de cõõre.
Á haɗam bay ɓe ne põõren were,
À kaŋ ne go ti joŋre ma doo doole.
16Daŋ caa ge kiida jar ɓen wo,
Doo ɓĩĩni mani Israyel ma lan wo no lay no.
17Daŋ joŋ ge diŋ cwe ti faage,
Diŋ cwe yee ti ngel seele,
Lor diŋriŋ ɓaale piiri wo,
Ga je yaʼ piir kal jwaʼge go gwabe.
18Ndi de kaŋ ɗiggi ti pẽẽge ɓo no, O Manwuri.
19Gad mono, ngaɓa mbol ge ne hẽn ti,
Ama, se kol ge diŋ je mbolge ne hara ti ma ndreɗ rage go yaw.
20Ni Aser mono, rege jaw ge yaŋ ge,
Sir ɓen joŋ fẽẽre yaŋ doo ma waŋ nono.
21Neftali diŋ man meene maga go de budgi, deparday,
Á wãɗ wããre ma de woore wo.
22Josef diŋ jag doo koo ma de rumgi
ga tĩĩ ti jeŋ bii maŋ,
Doo ɓe lir le go ti kore.
23Jar waa jwag wo ne, jãɗ wo nen ɓe go,
Á jwag wo wo de waa, ɓoʼ wo wǔy ɓe go,
24Ama toŋwaa ma ɓen bay deɓayge wa,
Day doo ɓe de coɓge ngarmase,
wer egre Baa ma de Egre mani Jakob no.
Diŋ doo kay nono, ga á kol je koɗge,
Kol húulì ma Israyel no.
25Kay ge ndo diŋ joŋre Baa mani pan ɓo no,
Kaŋ ge bosaʼ mo ti diŋ joŋre je ma de Egre-Ɓuy no
Bosaʼ maga a ge wo le ciŋ ti ngel ma ciŋ wo no,
Bosaʼ maga a ge le gesiŋ nen bii no,
Bosaʼ maga a ge wo le diŋ pãã ma gẽẽ weere wo.
26Bosaʼ mani pan ɓon naa wo ti go,
Ti bosaʼ mani pããre ɓin wo no,
Hãã go ciŋ ti tipẽẽge húulì ma lablab ma tum wo no :
Daga á mo hay wo ti Josef
Ciŋ ti tipẽẽge yarma hẽẽre ɓen wo no!
27Benjame diŋ way-baa ma cerag see,
De jag toŋ mokay á yaʼ re này,
De law mokay se yaʼ ɓes maga se yããn le mono.
28Wo mo lag so no diŋ jar maga boo wo ɓĩĩni weere Israyel ma hwal ti ɓogn wo mo so no. Day mo hãʼ lay no, diŋ wããre maga pan ɓaara wããn ne hara de kaŋge bosaʼ mo lay no. Á kaŋ bosaʼ ne wosela ti de bosaʼ ma ɓe.
29Blam ɓe á kal wãã wããre ma kay ne hara. Ndi joŋ ge nen rawge see jar ɓin wo so. Tee we ndi ɓiŋ pããre ɓi wo, ɓi rum húulì ma ɓi pay ma Efron je Hitid no. 30Ɓi rum húulì ma ɓi pay ma Makpela, de ngafge de Mamre ɓi sir Kanaan mono. Á diŋ pay maga Abraham yeen doo Efron je Hitidn doo ngel ter húulí no mono. 31À tee Abraham wo de Sara nà ni, à tee Isag wo de wãy ɓe Rebeka nà ni, ndi tee Leya nà ni. 32Pay wo de rum húulì ɓen ɓuy, à hay yee ra doo jar ni Hed wo. 33De maga Jakob taw fer wããre ɓen go ne jar ni ɓe wo mo kay no, á fer ɓaale ɓe go ti ɗeere, kal tawge go, à kal yãã waare ɓe wo go ɓiŋ jar ni ɓe wo.
Currently Selected:
TĨĨGI WERE 49: TUP
Highlight
Share
Copy
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.
TĨĨGI WERE 49
49
Jakob hã bosaʼ ɓen ne jar ni ɓe wo
1Jakob ɗe weere ɓen wo le, day wii ra ga : Tay we ti see ɓay, day ndi ngaɓ ge fen maga joŋ ge nday yaŋ nen ngel ma wurpon ne nday. 2Tay we see ɓay ni nday coʼ we sugi, jar ni Jakob wo!
Coʼ we sug pan ɓay Israyele!
3Ruben, ndo jag wel ɓi no,
Egre ɓin wo de jag crew ma kiŋkiŋ ɗa no,
Pel go tinoo caw, pel de baa wùu,
4Ndo diŋ blam bii ma yuugi giggigi.
Mbe ane, ndo joŋ ge diŋ je ma pel taw gà.
Ndo ɗii go ti fen suuli pan ɓo,
Ndo kaŋ ɗag go ne ngel suuli ɓi see de ɗiigi ti ɓe.
5Simeyoŋ wo hẽẽrebe de Lefi,
Jawre ma doo ɓaaran wo diŋ fẽẽre fĩɗgi kemaykemay,
6Daga ndi mo kal yoo ɓaara ti wããre ɓaara ni wa,
Daga ɗiggi ɓi mo tay de ɓaara yoo tayge ɓaaran ni wa.
Werga de ɓil sããge ɓaara á id wo jare.
Day de faage hãã ɓaaran á car wo kerdew bloore deere wo go
7Faɗge mo hay go ti sõõge ɓil ɓaaran, werga á raw wo girgiri,
Ti tĩĩgi de waŋ ɓaara no, werga á id húulí!
Ndi car ge ɓil ɓaara go ni Jakobe,
Ndi dus gi ɓil ɓaara go ni Israyele.
8Juda, ndo daʼge togoɗge ma hẽẽre ɓon wo yaŋ
Ndo kaŋ ge doo ne jar hee ɓon wo gore.
Jar ni pan ɓo leɗ ge wo monɗra yaŋ mo pele.
9Juda diŋ mingir ma jõõ.
Ndo fer le de baa này jage, wel ɓi!
Á goɗom de kõyõgre, á suu doo mingir nono,
Doo man mingir nono : Wose urn yaŋ go ciŋ ne?
10Graw ma wããre jar yaʼ ge go see Juda hãã gà.
Fen ma kaŋ nen ti je ɓod jag liŋgin yaʼ go see ɓaale ɓe hãã gà lay,
hãã go ti wur maga Silo#49.10 Silo : Wer ɓe ga je maga graw waŋn diŋ ma ɓe mono. a ge mono,
Day wer jar hoo ge wo sug yaŋ ti ɓe.
11Á saʼ gerhẽẽ ɓen ɓi tlalum
Day saʼ wel gerhẽẽ ɓen ti koo tlalum
ma de woore daŋge no
Á yog õõbe ɓen nen yii,
Yog õõbe ɓe ma kluun nen cíi bii tlalum no.
12Nen ɓe go de corge doo yii,
Day saŋ ɓe go de piiri doo pãã.
13Sabulon hay ge ti jeŋ maarog wo,
Á oo ge yaŋ ti jeŋ daage wo
Haagu ɓen mbeɗ ge wo wo go nen Sidoŋ.
14Isakar diŋ gerhẽẽ ma de goɓre de ele,
Ga suu ti holaŋ kaw ma ɓog wo no.
15Á ko ga ngel maga se ig ni de ele,
Day ko ga sirn de cõõre.
Á haɗam bay ɓe ne põõren were,
À kaŋ ne go ti joŋre ma doo doole.
16Daŋ caa ge kiida jar ɓen wo,
Doo ɓĩĩni mani Israyel ma lan wo no lay no.
17Daŋ joŋ ge diŋ cwe ti faage,
Diŋ cwe yee ti ngel seele,
Lor diŋriŋ ɓaale piiri wo,
Ga je yaʼ piir kal jwaʼge go gwabe.
18Ndi de kaŋ ɗiggi ti pẽẽge ɓo no, O Manwuri.
19Gad mono, ngaɓa mbol ge ne hẽn ti,
Ama, se kol ge diŋ je mbolge ne hara ti ma ndreɗ rage go yaw.
20Ni Aser mono, rege jaw ge yaŋ ge,
Sir ɓen joŋ fẽẽre yaŋ doo ma waŋ nono.
21Neftali diŋ man meene maga go de budgi, deparday,
Á wãɗ wããre ma de woore wo.
22Josef diŋ jag doo koo ma de rumgi
ga tĩĩ ti jeŋ bii maŋ,
Doo ɓe lir le go ti kore.
23Jar waa jwag wo ne, jãɗ wo nen ɓe go,
Á jwag wo wo de waa, ɓoʼ wo wǔy ɓe go,
24Ama toŋwaa ma ɓen bay deɓayge wa,
Day doo ɓe de coɓge ngarmase,
wer egre Baa ma de Egre mani Jakob no.
Diŋ doo kay nono, ga á kol je koɗge,
Kol húulì ma Israyel no.
25Kay ge ndo diŋ joŋre Baa mani pan ɓo no,
Kaŋ ge bosaʼ mo ti diŋ joŋre je ma de Egre-Ɓuy no
Bosaʼ maga a ge wo le ciŋ ti ngel ma ciŋ wo no,
Bosaʼ maga a ge le gesiŋ nen bii no,
Bosaʼ maga a ge wo le diŋ pãã ma gẽẽ weere wo.
26Bosaʼ mani pan ɓon naa wo ti go,
Ti bosaʼ mani pããre ɓin wo no,
Hãã go ciŋ ti tipẽẽge húulì ma lablab ma tum wo no :
Daga á mo hay wo ti Josef
Ciŋ ti tipẽẽge yarma hẽẽre ɓen wo no!
27Benjame diŋ way-baa ma cerag see,
De jag toŋ mokay á yaʼ re này,
De law mokay se yaʼ ɓes maga se yããn le mono.
28Wo mo lag so no diŋ jar maga boo wo ɓĩĩni weere Israyel ma hwal ti ɓogn wo mo so no. Day mo hãʼ lay no, diŋ wããre maga pan ɓaara wããn ne hara de kaŋge bosaʼ mo lay no. Á kaŋ bosaʼ ne wosela ti de bosaʼ ma ɓe.
29Blam ɓe á kal wãã wããre ma kay ne hara. Ndi joŋ ge nen rawge see jar ɓin wo so. Tee we ndi ɓiŋ pããre ɓi wo, ɓi rum húulì ma ɓi pay ma Efron je Hitid no. 30Ɓi rum húulì ma ɓi pay ma Makpela, de ngafge de Mamre ɓi sir Kanaan mono. Á diŋ pay maga Abraham yeen doo Efron je Hitidn doo ngel ter húulí no mono. 31À tee Abraham wo de Sara nà ni, à tee Isag wo de wãy ɓe Rebeka nà ni, ndi tee Leya nà ni. 32Pay wo de rum húulì ɓen ɓuy, à hay yee ra doo jar ni Hed wo. 33De maga Jakob taw fer wããre ɓen go ne jar ni ɓe wo mo kay no, á fer ɓaale ɓe go ti ɗeere, kal tawge go, à kal yãã waare ɓe wo go ɓiŋ jar ni ɓe wo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.