LAAGE GO 2
2
Biŋgi Moyis wo de klee ɓe
1Bloo po ti feele mani Lefi no, hay da wãy ɓen ti wer mani Lefin lay. 2Wãy sen la kal maŋ ɓiili kal biŋgi tware. Wãyn la wo koge ga mbargan de woore mono, á kal yoŋge ɓe few swaʼa. 3Á day taʼ á laa yoŋge doo ɓe gà so, se raw joŋ mopo de fíiri-bii doo kerge nono, dam ɓil ɓe go de ele, neɗ nen ɓe go de bitum wo de bitum de woore, kal ɓoʼ mbargan ni kal rawge ɓoʼge ɓe jag maarog Nil yoo fíiri-bii. 4Maygeman mbargan la kal ooge wo go hãã deŋ ma ko fen maga daʼge mbargan mono.
5May mani Farawoŋ kal age jag maarog Nil blumgi, kããre ɓen kal wo maŋ jeŋ bii. Nen ɓe kal ko kergen wo yoo fíiri-bii hãʼã, á kal ɓoʼ maygebe ɓe po wo maŋge ɓe. 6Á kal bul jag ɓe go, kal daʼ wel ma twar wo ɓil ɓe ti roo ni tiʼ i. Á kal ko decoo nen ɓe. Á day ga : Á mokay diŋ mbarga mani jar Hebre wo! 7Doo kay nono, maygeman weln la day ga : Ndo de sãy maga ndi mo wo kiɗ wãy ma gẽẽge ɓe ne ndo yoo naare mani jar Hebre wo, ma hã pãã ne hẽn bla? 8May mani Farawoŋ kal fer wããre ne hẽn ga : See mbo. Maygeman weln kal rawge kiɗ man weln le. 9May mani Farawoŋ wiin ga : Maŋ mbargan mokay no hã pãã ne hẽne, ndi poɗ mo yaŋ ge. Wãyn kal maŋ mbarga no, kal hã pãã ne hẽne.
10De maga á gẽẽ go gẽẽ so mokay, á kal woge de ɓe ne may mani waŋ Farawoŋ no, se kal joŋge ɓe doo mbarga ɓe nono. Á kal kaŋ ɗúu ne hẽn ga Moyis, werga á kal wããge ga ndi naan le go nen bii.
Moyis joŋ nen daŋge wo go ɓi sir Madiyaŋ
11De ngar ngel sen mokay Moyis joŋ kluu go so, á kal woge see hẽẽre ɓen wo, á ko joŋre maga á joŋ bon hẽẽre ɓen wo de ɓe de nen ɓe. Ti wurpo á kal ko je Ejipte po de mbar je Hebre po yoo hẽẽre ɓen wo. 12Á kal ko nen go ti ɓe degarra ɓuy, jobo bay caw wa. Se kal ʼwar je Ejipten go, raw yoŋge ɓe nen duguɗgi. 13Ti wur ma tigriŋ á kal kalge go, kola jar Hebre wo de joŋ dekwãy ti holaŋ ɓaara la lagge. Day á wii je maga ɓe co gà la ga : Ndo mbar kan ɓon nà ga hãy pa so la? 14Bloo sen la kal fer wããre ne hẽn ga : Ɓa wose kaŋ mo waŋ ma car kiida wùr lam ɓa? Ndo ɗig nà ga ndo ʼwar me go doo maga ndo ʼwar je Ejipten go no pa ga pa? Moyis kal joŋ hẽẽne, á raw ɗiggi ga wããren la à joŋ go de koge ɓe. 15Wããre sen mokay Farawoŋ wo ge laage ɓe, kal kiɗ faage ma ʼwar Moyis go. Moyis kal daŋge wo go see Farawoŋ hãã, kal rawge wo go ɓi sir Madiyaŋ. Á wo mokay kal hayge jag gutug po mbaŋ.
16Je moobe ma joŋ siɗ jag ma ɓi sir Madiyaŋ la ni mono, mayre ɓe yaŋ renam. Mayren la kal wo age ɗaa bii. Á Kal wo bag daage ma hã bii ne horog mani pan ɓaaran wo go. 17Jar koɗ horog po kal wo age le, raw wo nii rage. Doo kay no mono, Moyis raw urgi go ciŋ, raw kay ti ɓaara, kal hã bii ne horog wo no. 18De maga á wo wo liŋ see pan ɓaara Reuwel mono, á kal wii rage ga : Nday fer ma sen le wara deparday ferge ne? 19Á kal wo fer wããre ne hẽn ga : Je Ejipte po yãã wùr go doo jar koɗ horog wo no. Á ɗaa bii ne wùr ni pa yaw, hã bii ne horog wo no. 20Á kal wii mayre ɓen wo ga : Á gene? Nday men bloo ma doo kay le go nà gahãy pa? Ɗenn we le maga á mo re mopo meʼ ɗa.
21Moyis kal ɗiggi ga se mo hay pel bloo sen ni, bloo sen kal hã may ɓe Sefora ne hẽn wãy. 22Á kal biŋ mbarga ma tware, Moyis kal kaŋ ɗúu ɓe ga Gersom, werga á kal wããge ga, ndi de hayle ɓi sir waare.
Baa baa Moyis ma yãã jar Israyel wo go
23Ge mbe go wolaŋ blam sen so mono, húulí kal baa waŋ Ejipte go, day jar Israyel wo mbaara jag ndumgi doo gebee sen lam no, jag ngarge jage. Ngarge jag se ma doo gebeen mokay la ɗii wo go hãã daʼ Baa. 24Baa kal laa ndumgi ɓaara no, kal ɗiggi ti tayge jag ɓe maga se hay tayn de Abraham, de Isag wo de Jakob mono. 25Baa kal ko jar Israyel wo, á kal ko decoo ɓaara.
Currently Selected:
LAAGE GO 2: TUP
Highlight
Share
Copy
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.
LAAGE GO 2
2
Biŋgi Moyis wo de klee ɓe
1Bloo po ti feele mani Lefi no, hay da wãy ɓen ti wer mani Lefin lay. 2Wãy sen la kal maŋ ɓiili kal biŋgi tware. Wãyn la wo koge ga mbargan de woore mono, á kal yoŋge ɓe few swaʼa. 3Á day taʼ á laa yoŋge doo ɓe gà so, se raw joŋ mopo de fíiri-bii doo kerge nono, dam ɓil ɓe go de ele, neɗ nen ɓe go de bitum wo de bitum de woore, kal ɓoʼ mbargan ni kal rawge ɓoʼge ɓe jag maarog Nil yoo fíiri-bii. 4Maygeman mbargan la kal ooge wo go hãã deŋ ma ko fen maga daʼge mbargan mono.
5May mani Farawoŋ kal age jag maarog Nil blumgi, kããre ɓen kal wo maŋ jeŋ bii. Nen ɓe kal ko kergen wo yoo fíiri-bii hãʼã, á kal ɓoʼ maygebe ɓe po wo maŋge ɓe. 6Á kal bul jag ɓe go, kal daʼ wel ma twar wo ɓil ɓe ti roo ni tiʼ i. Á kal ko decoo nen ɓe. Á day ga : Á mokay diŋ mbarga mani jar Hebre wo! 7Doo kay nono, maygeman weln la day ga : Ndo de sãy maga ndi mo wo kiɗ wãy ma gẽẽge ɓe ne ndo yoo naare mani jar Hebre wo, ma hã pãã ne hẽn bla? 8May mani Farawoŋ kal fer wããre ne hẽn ga : See mbo. Maygeman weln kal rawge kiɗ man weln le. 9May mani Farawoŋ wiin ga : Maŋ mbargan mokay no hã pãã ne hẽne, ndi poɗ mo yaŋ ge. Wãyn kal maŋ mbarga no, kal hã pãã ne hẽne.
10De maga á gẽẽ go gẽẽ so mokay, á kal woge de ɓe ne may mani waŋ Farawoŋ no, se kal joŋge ɓe doo mbarga ɓe nono. Á kal kaŋ ɗúu ne hẽn ga Moyis, werga á kal wããge ga ndi naan le go nen bii.
Moyis joŋ nen daŋge wo go ɓi sir Madiyaŋ
11De ngar ngel sen mokay Moyis joŋ kluu go so, á kal woge see hẽẽre ɓen wo, á ko joŋre maga á joŋ bon hẽẽre ɓen wo de ɓe de nen ɓe. Ti wurpo á kal ko je Ejipte po de mbar je Hebre po yoo hẽẽre ɓen wo. 12Á kal ko nen go ti ɓe degarra ɓuy, jobo bay caw wa. Se kal ʼwar je Ejipten go, raw yoŋge ɓe nen duguɗgi. 13Ti wur ma tigriŋ á kal kalge go, kola jar Hebre wo de joŋ dekwãy ti holaŋ ɓaara la lagge. Day á wii je maga ɓe co gà la ga : Ndo mbar kan ɓon nà ga hãy pa so la? 14Bloo sen la kal fer wããre ne hẽn ga : Ɓa wose kaŋ mo waŋ ma car kiida wùr lam ɓa? Ndo ɗig nà ga ndo ʼwar me go doo maga ndo ʼwar je Ejipten go no pa ga pa? Moyis kal joŋ hẽẽne, á raw ɗiggi ga wããren la à joŋ go de koge ɓe. 15Wããre sen mokay Farawoŋ wo ge laage ɓe, kal kiɗ faage ma ʼwar Moyis go. Moyis kal daŋge wo go see Farawoŋ hãã, kal rawge wo go ɓi sir Madiyaŋ. Á wo mokay kal hayge jag gutug po mbaŋ.
16Je moobe ma joŋ siɗ jag ma ɓi sir Madiyaŋ la ni mono, mayre ɓe yaŋ renam. Mayren la kal wo age ɗaa bii. Á Kal wo bag daage ma hã bii ne horog mani pan ɓaaran wo go. 17Jar koɗ horog po kal wo age le, raw wo nii rage. Doo kay no mono, Moyis raw urgi go ciŋ, raw kay ti ɓaara, kal hã bii ne horog wo no. 18De maga á wo wo liŋ see pan ɓaara Reuwel mono, á kal wii rage ga : Nday fer ma sen le wara deparday ferge ne? 19Á kal wo fer wããre ne hẽn ga : Je Ejipte po yãã wùr go doo jar koɗ horog wo no. Á ɗaa bii ne wùr ni pa yaw, hã bii ne horog wo no. 20Á kal wii mayre ɓen wo ga : Á gene? Nday men bloo ma doo kay le go nà gahãy pa? Ɗenn we le maga á mo re mopo meʼ ɗa.
21Moyis kal ɗiggi ga se mo hay pel bloo sen ni, bloo sen kal hã may ɓe Sefora ne hẽn wãy. 22Á kal biŋ mbarga ma tware, Moyis kal kaŋ ɗúu ɓe ga Gersom, werga á kal wããge ga, ndi de hayle ɓi sir waare.
Baa baa Moyis ma yãã jar Israyel wo go
23Ge mbe go wolaŋ blam sen so mono, húulí kal baa waŋ Ejipte go, day jar Israyel wo mbaara jag ndumgi doo gebee sen lam no, jag ngarge jage. Ngarge jag se ma doo gebeen mokay la ɗii wo go hãã daʼ Baa. 24Baa kal laa ndumgi ɓaara no, kal ɗiggi ti tayge jag ɓe maga se hay tayn de Abraham, de Isag wo de Jakob mono. 25Baa kal ko jar Israyel wo, á kal ko decoo ɓaara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.