Abharuumi 15
15
1Mbe, eswe bhanu chirumateene mu‑riikirisya, chikenerwe chiigumiirisye abheejaasu bhanu bhachaari kurumatana mu‑riikirisya. Chibhasakire mu‑bhujorobhoke bhwebhwe, na chisige okukora emisango jinu ejichikondisya eswe era. 2Bhuri umwi weeswe, eekomeesye okukora emisango ja okukondisya omwikirisya oweejaabho, korereki weejaasu oyo, abhone omuriiro na arumatane mu‑riikirisya. 3Noorwo Kirisito omwene, ꞉ataakorere emisango ja okwikondisya omwene era. Tari jinu ꞉aakorere, jaariga jiri rwa kutyo Ebhikaame Ebhyeru ebhyayika ati,
“Amafumo ganu abhakufuma Nyamuwanga,
꞉gaambwene noorwo anye.”#15:3 Ringira Ijabhuri 69:9.
4Joone jinu ꞉jaakaamirwe kara mu‑Bhikaame Ebhyeru, ꞉jaakaamirwe inguru ya okuchiiyigisya. Ebhikaame ebhyo ebhichisakira okwigumiirisya mu‑bhinyaasyo bhyeswe na okufungʼamibhwa, korereki chibhe na obhwiyikanyo.
5Nyamuwanga niwe kaachiyaana okwigumiirisya na okufungʼamibhwa. Woori, enisabhwa ati, abhakore mwikare kwa obhwira bhumwi emwe abheene kwa abheene, kwa okubha omuruubha orugere rwa Kirisito Yeesu. 6Awo niwo emwe bhoone murikusya Nyamuwanga, Esemwene Raatabhugenyi weeswe Yeesu Kirisito, kwa obhwira bhumwi na kwa obhuraka bhumwi.
Nyamuwanga keekirisya Abhayawudi na bhanu bhatari Bhayawudi
7Woori, bhuri muunu akumega oweejaabho, rwa kutyo emwe Kirisito ꞉aabhakumire, korereki Nyamuwanga akusibhwe. 8Enibhabhwira ati, Kirisito ꞉eejire okubha omukosi wa Abhayawudi, korereki abheeresye ati, Nyamuwanga ni mwiyikanyibhwa. Okutura ku‑Kirisito, Nyamuwanga akuumisiisye emirago joone jinu ꞉aaragire bhasaaja weeswe. 9Ka wone, ꞉eejire korereki abhaanu bhanu bhatari Bhayawudi bhakusye Nyamuwanga ku‑chigongo chaaye. Rwa kutyo Ebhikaame Ebhyeru ebhyayika ati,
“Mbe, nirikukusya agati ya abhaanu bha amaanga agandi,
niriimba jinyimbo ja okukusya risiina ryawo.”#15:9 Ringira Ijabhuri 18:49; 2 Samweri 22:50.
10Ka wone, Ebhikaame ebhyayika ati,
“Emwe abhaanu bha amaanga agandi,
mukonderwe aamwi na abhaanu bha Nyamuwanga!”#15:10 Ringira Orwichuko rwa Ebhiraagiro 32:43.
11Ka wone, ebhyayika ati,
“Emwe abhaanu bha amaanga goone,
mukusye Raatabhugenyi.
Emwe abhaanu bha jinyaayika joone mu‑chaaro,
mumukusye muno!”#15:11 Ringira Ijabhuri 117:1.
12Noorwo omuragi Iisaya wone ꞉aayikire ati,
“Omuunu umwi okusooka mu‑rwibhuro rwa Yeese ariija,
aritunga amaanga goone.
Abhaanu bha amaanga goone,
bhariiyikanya ati, omwene aribhachungura.”#15:12 Ringira Iisaya 11:10.
13Nyamuwanga niwe echiiyikanya ati arikora joone jinu ꞉aachiragire. Kurwa ejo, enibhasabhirwa ati, abhayaane rikonderwa ryone na omurembe omwanya gunu omugenderera okumwikirisya. Awo niwo muribha na obhwiyikanyo obhunene, muribha nabhwo ku‑managa ga Mwoyo Mweru.
Obhukarariiye bhwa Pawuro bhwa okukaama inyarubha yaaye
14Abhayiri bhaani, anye omwene enimenya chimari ati muri bhaanu bha ekisi muno, na mumenyere kisi jinu mwenderwe okukora, ka wone muri na obhuturo bhwa okwiyigisyanya. 15Noorwo kutyo, naabhakaamira emisango ejindi mu‑nyarubha inu kwa ribhaasi, korereki nibheechukye emisango ejo. Naakora kutyo, kwa okubha Nyamuwanga anaaye obhwitiriranya, 16korereki nibhe omukosi wa Kirisito Yeesu ku‑bhaanu bhanu bhatari Bhayawudi. ꞉Naakorerwe okubha rwa omugabhisi wa okubharaasisya Emisango ja Ekisi okusooka ku‑Nyamuwanga, korereki bhabhe ebhyogo bhinu ebhikondisya Nyamuwanga, bhyesiibhwe na Mwoyo Mweru.
17Woori, omwanya gunu enikorera emirimu Nyamuwanga kutyo ku‑managa ga Kirisito Yeesu, enikuuyisya obhukosi obhwo. 18Anye nitaryayika omusango gwonegwone ogundi, tari era gunu Kirisito ꞉aakorere okutura kw‑anye. ꞉Aakorere abhaanu bhanu bhatari Bhayawudi bhamugayuke, okutura ku‑misango jinu naariga ninaayika na emirimu jinu naariga ninkora. 19꞉Bhaakongiibhwe okumugayuka, kwa okubha okutura kw‑anye ꞉bhaarorere amanaga ga Kirisito mu‑bhibharikisyo na ebhiruguusyo. ꞉Naabhikorere ku‑managa ga Mwoyo wa Nyamuwanga. Mbe, ꞉neeyindire bhuri rubhaara nindaasyaga Emisango ja Ekisi inguru ya Kirisito, okwambira mu‑musi gwa Yerusareemu okukingira mu‑mukoowa gwa Yiruriko. 20Ku‑mirimu ejo joone, eniikomeesya okuraasya Emisango ja Ekisi ku‑mbaara jinu abhaanu bhachaariga okuraasibhwa emisango inguru ya Kirisito. Enikora kutyo, korereki nisige okwambisya bhuyaaya emirimu mu‑mbaara jinu omuunu owundi aamarire okujikora. 21Jinu enikora, jiri rwa kutyo Ebhikaame Ebhyeru ebhyayika ati,
“Abhaanu bhanu bhachaariga okuraasibhwa emisango jaaye, nibho bharirora,
na bhanu bhachaariga okujuungwa, nibho bharijisombookerwa.”#15:21 Ringira Iisaya 52:15.
Obhwira bhwa Pawuro bhwa okuja mu‑musi gwa Ruumi
22Omurimu ogwo nigwo gwariga nigunyingirira kwiya kaafu okuuja kw‑imwe. 23Nawe woori, naakuumisya emirimu jaani mu‑mbaara jinu, na ni miguuga myafu naakenaga okubhaaja‑ko. 24Kurwa ejo, eniiyikanya okubhagosorera na okubha aamwi na emwe kwa omwanya mufuyi, omwanya gunu niribhaga niyitingʼana okugenda mu‑chaaro cha Sipaaniya. Enisabhwa munaane obhusakisi bhwa okunkingya Sipaaniya.
25Woori kutya, enija Yerusareemu okusira obhusakisi ku‑bheekirisya abheejaasu bha ende‑yo.#15:25 Ringira 2 Abhakoriito 8:19‑20. 26Abheekirisya bhanu bhari Makedooniya na Akaaya, ꞉bhaarorere ati ni kisi okusoroosya, korereki bhasakire abheekirisya abhataka bhanu bhari Yerusareemu erya. 27Abheene abho ꞉bhaaramuuye okukora kutyo. Nawe ni chimari abhatongwa okubhasakira, kwa okubha abheekirisya bhanu bhatari Bhayawudi bhawumbeene aamwi na Abhayawudi mu‑mabhando ga obhuchungusi bhunu bhusokereeye ku‑Bhayawudi. Kurwa ejo, abheekirisya abho abheendwa bhasakire Abhayawudi kwa ebhiinu bhyebhwe. 28Omwanya gunu nirikuumisya emirimu ja okuyaana abheekirisya bha Yerusareemu obhusakisi obhwo, niryamba orugendo rwani rwa okuja Sipaaniya, na niribhatura‑ko eyo. 29Enimenya ati, omwanya gunu niribhaaja‑ko na okubha aamwi na emwe eyo, Kirisito arichiyaana amabhando maafu muno.
30Abhayiri bhaani, okuruubhana na obhumwi bhweswe na Raatabhugenyi weeswe Yeesu Kirisito, na okuruubhana na eryenda rinu Mwoyo Mweru achiyaaye, enibheerembeeresya kwa omwoyo gwani gwone ati, mwikomeesye okuwumbana aamwi na anye mu‑kunsabhirwa ku‑Nyamuwanga. 31Munsabhirwe ati, abhaanu bha mu‑mukoowa gwa Yuudeya bhanu bhatakwikirisya Yeesu Kirisito, bhaasiga okunkorera amabhiibhi.#15:31 Ringira Ebhikorwa bhya Jitumwa 21:27‑36. Ka wone, munsabhirwe ati, abheekirisya bha Yerusareemu erya, bheekirisye okuramira obhusakisi bhunu enija okubhasirira. 32Kutyo, araabha Nyamuwanga aakeenda, niribhaaja‑ko awo kwa rikonderwa muno, korereki nibhe na omwanya gwa okwisya omwoyo aamwi na emwe.
33Nyamuwanga unu kaabhayaana omurembe, abhe aamwi na emwe bhoone. Jibhe kutyo.
Currently Selected:
Abharuumi 15: jit
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Abharuumi 15
15
1Mbe, eswe bhanu chirumateene mu‑riikirisya, chikenerwe chiigumiirisye abheejaasu bhanu bhachaari kurumatana mu‑riikirisya. Chibhasakire mu‑bhujorobhoke bhwebhwe, na chisige okukora emisango jinu ejichikondisya eswe era. 2Bhuri umwi weeswe, eekomeesye okukora emisango ja okukondisya omwikirisya oweejaabho, korereki weejaasu oyo, abhone omuriiro na arumatane mu‑riikirisya. 3Noorwo Kirisito omwene, ꞉ataakorere emisango ja okwikondisya omwene era. Tari jinu ꞉aakorere, jaariga jiri rwa kutyo Ebhikaame Ebhyeru ebhyayika ati,
“Amafumo ganu abhakufuma Nyamuwanga,
꞉gaambwene noorwo anye.”#15:3 Ringira Ijabhuri 69:9.
4Joone jinu ꞉jaakaamirwe kara mu‑Bhikaame Ebhyeru, ꞉jaakaamirwe inguru ya okuchiiyigisya. Ebhikaame ebhyo ebhichisakira okwigumiirisya mu‑bhinyaasyo bhyeswe na okufungʼamibhwa, korereki chibhe na obhwiyikanyo.
5Nyamuwanga niwe kaachiyaana okwigumiirisya na okufungʼamibhwa. Woori, enisabhwa ati, abhakore mwikare kwa obhwira bhumwi emwe abheene kwa abheene, kwa okubha omuruubha orugere rwa Kirisito Yeesu. 6Awo niwo emwe bhoone murikusya Nyamuwanga, Esemwene Raatabhugenyi weeswe Yeesu Kirisito, kwa obhwira bhumwi na kwa obhuraka bhumwi.
Nyamuwanga keekirisya Abhayawudi na bhanu bhatari Bhayawudi
7Woori, bhuri muunu akumega oweejaabho, rwa kutyo emwe Kirisito ꞉aabhakumire, korereki Nyamuwanga akusibhwe. 8Enibhabhwira ati, Kirisito ꞉eejire okubha omukosi wa Abhayawudi, korereki abheeresye ati, Nyamuwanga ni mwiyikanyibhwa. Okutura ku‑Kirisito, Nyamuwanga akuumisiisye emirago joone jinu ꞉aaragire bhasaaja weeswe. 9Ka wone, ꞉eejire korereki abhaanu bhanu bhatari Bhayawudi bhakusye Nyamuwanga ku‑chigongo chaaye. Rwa kutyo Ebhikaame Ebhyeru ebhyayika ati,
“Mbe, nirikukusya agati ya abhaanu bha amaanga agandi,
niriimba jinyimbo ja okukusya risiina ryawo.”#15:9 Ringira Ijabhuri 18:49; 2 Samweri 22:50.
10Ka wone, Ebhikaame ebhyayika ati,
“Emwe abhaanu bha amaanga agandi,
mukonderwe aamwi na abhaanu bha Nyamuwanga!”#15:10 Ringira Orwichuko rwa Ebhiraagiro 32:43.
11Ka wone, ebhyayika ati,
“Emwe abhaanu bha amaanga goone,
mukusye Raatabhugenyi.
Emwe abhaanu bha jinyaayika joone mu‑chaaro,
mumukusye muno!”#15:11 Ringira Ijabhuri 117:1.
12Noorwo omuragi Iisaya wone ꞉aayikire ati,
“Omuunu umwi okusooka mu‑rwibhuro rwa Yeese ariija,
aritunga amaanga goone.
Abhaanu bha amaanga goone,
bhariiyikanya ati, omwene aribhachungura.”#15:12 Ringira Iisaya 11:10.
13Nyamuwanga niwe echiiyikanya ati arikora joone jinu ꞉aachiragire. Kurwa ejo, enibhasabhirwa ati, abhayaane rikonderwa ryone na omurembe omwanya gunu omugenderera okumwikirisya. Awo niwo muribha na obhwiyikanyo obhunene, muribha nabhwo ku‑managa ga Mwoyo Mweru.
Obhukarariiye bhwa Pawuro bhwa okukaama inyarubha yaaye
14Abhayiri bhaani, anye omwene enimenya chimari ati muri bhaanu bha ekisi muno, na mumenyere kisi jinu mwenderwe okukora, ka wone muri na obhuturo bhwa okwiyigisyanya. 15Noorwo kutyo, naabhakaamira emisango ejindi mu‑nyarubha inu kwa ribhaasi, korereki nibheechukye emisango ejo. Naakora kutyo, kwa okubha Nyamuwanga anaaye obhwitiriranya, 16korereki nibhe omukosi wa Kirisito Yeesu ku‑bhaanu bhanu bhatari Bhayawudi. ꞉Naakorerwe okubha rwa omugabhisi wa okubharaasisya Emisango ja Ekisi okusooka ku‑Nyamuwanga, korereki bhabhe ebhyogo bhinu ebhikondisya Nyamuwanga, bhyesiibhwe na Mwoyo Mweru.
17Woori, omwanya gunu enikorera emirimu Nyamuwanga kutyo ku‑managa ga Kirisito Yeesu, enikuuyisya obhukosi obhwo. 18Anye nitaryayika omusango gwonegwone ogundi, tari era gunu Kirisito ꞉aakorere okutura kw‑anye. ꞉Aakorere abhaanu bhanu bhatari Bhayawudi bhamugayuke, okutura ku‑misango jinu naariga ninaayika na emirimu jinu naariga ninkora. 19꞉Bhaakongiibhwe okumugayuka, kwa okubha okutura kw‑anye ꞉bhaarorere amanaga ga Kirisito mu‑bhibharikisyo na ebhiruguusyo. ꞉Naabhikorere ku‑managa ga Mwoyo wa Nyamuwanga. Mbe, ꞉neeyindire bhuri rubhaara nindaasyaga Emisango ja Ekisi inguru ya Kirisito, okwambira mu‑musi gwa Yerusareemu okukingira mu‑mukoowa gwa Yiruriko. 20Ku‑mirimu ejo joone, eniikomeesya okuraasya Emisango ja Ekisi ku‑mbaara jinu abhaanu bhachaariga okuraasibhwa emisango inguru ya Kirisito. Enikora kutyo, korereki nisige okwambisya bhuyaaya emirimu mu‑mbaara jinu omuunu owundi aamarire okujikora. 21Jinu enikora, jiri rwa kutyo Ebhikaame Ebhyeru ebhyayika ati,
“Abhaanu bhanu bhachaariga okuraasibhwa emisango jaaye, nibho bharirora,
na bhanu bhachaariga okujuungwa, nibho bharijisombookerwa.”#15:21 Ringira Iisaya 52:15.
Obhwira bhwa Pawuro bhwa okuja mu‑musi gwa Ruumi
22Omurimu ogwo nigwo gwariga nigunyingirira kwiya kaafu okuuja kw‑imwe. 23Nawe woori, naakuumisya emirimu jaani mu‑mbaara jinu, na ni miguuga myafu naakenaga okubhaaja‑ko. 24Kurwa ejo, eniiyikanya okubhagosorera na okubha aamwi na emwe kwa omwanya mufuyi, omwanya gunu niribhaga niyitingʼana okugenda mu‑chaaro cha Sipaaniya. Enisabhwa munaane obhusakisi bhwa okunkingya Sipaaniya.
25Woori kutya, enija Yerusareemu okusira obhusakisi ku‑bheekirisya abheejaasu bha ende‑yo.#15:25 Ringira 2 Abhakoriito 8:19‑20. 26Abheekirisya bhanu bhari Makedooniya na Akaaya, ꞉bhaarorere ati ni kisi okusoroosya, korereki bhasakire abheekirisya abhataka bhanu bhari Yerusareemu erya. 27Abheene abho ꞉bhaaramuuye okukora kutyo. Nawe ni chimari abhatongwa okubhasakira, kwa okubha abheekirisya bhanu bhatari Bhayawudi bhawumbeene aamwi na Abhayawudi mu‑mabhando ga obhuchungusi bhunu bhusokereeye ku‑Bhayawudi. Kurwa ejo, abheekirisya abho abheendwa bhasakire Abhayawudi kwa ebhiinu bhyebhwe. 28Omwanya gunu nirikuumisya emirimu ja okuyaana abheekirisya bha Yerusareemu obhusakisi obhwo, niryamba orugendo rwani rwa okuja Sipaaniya, na niribhatura‑ko eyo. 29Enimenya ati, omwanya gunu niribhaaja‑ko na okubha aamwi na emwe eyo, Kirisito arichiyaana amabhando maafu muno.
30Abhayiri bhaani, okuruubhana na obhumwi bhweswe na Raatabhugenyi weeswe Yeesu Kirisito, na okuruubhana na eryenda rinu Mwoyo Mweru achiyaaye, enibheerembeeresya kwa omwoyo gwani gwone ati, mwikomeesye okuwumbana aamwi na anye mu‑kunsabhirwa ku‑Nyamuwanga. 31Munsabhirwe ati, abhaanu bha mu‑mukoowa gwa Yuudeya bhanu bhatakwikirisya Yeesu Kirisito, bhaasiga okunkorera amabhiibhi.#15:31 Ringira Ebhikorwa bhya Jitumwa 21:27‑36. Ka wone, munsabhirwe ati, abheekirisya bha Yerusareemu erya, bheekirisye okuramira obhusakisi bhunu enija okubhasirira. 32Kutyo, araabha Nyamuwanga aakeenda, niribhaaja‑ko awo kwa rikonderwa muno, korereki nibhe na omwanya gwa okwisya omwoyo aamwi na emwe.
33Nyamuwanga unu kaabhayaana omurembe, abhe aamwi na emwe bhoone. Jibhe kutyo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.