Livai 9
9
A Mlin Eia iv'iv'en si p'sp'asan anr arm'ertu a Isrel
1Laha, arna satl na napn, a Musis iv'ara an a Erun, m'er a natn, m'er arelta a Isrel. 2Sarei, ivr an a Erun, kavr ti a, “Palev' net pluk ipamk, ipav'i uvrin sena si stu, kalev' pua na sivsiv ipamk, ipav'i uvrin aali, akarstu arna nut kinkin. Sarei, pataur aparv'i uvrin asn a Mlin Eia. 3Sarei, pav'ana m'er arm'ertu a Isrel, kavr anr, kavr ti a, ‘Pavlev' net nani ipamk, ipav'i uvrin sena si stu, kavlav'r net pluk ipamk m'a net sivsiv ipamk, paian idahmk, akavstu arna nut kinkin, apavv'i uvrin aali. 4Sarei, pavlev' pluk ipamk m'a pua na sivsiv ipamk, aparv'i uvrin sena tamat, a ti apatu nap' anr arna nahn a Mlin Eia. Sarei, pavtu uvrin iv'i uit, auhei m'a ueil, sena ti a Mlin Eia ipav'iv'en Hin a kam'i dika.’ ”
5Laha, avlev' si udlani a Musis ivr ti apavlav'i, kavuirv'a a karliu na nmah kanuis na tamatan Atua. Sarei, arm'ertu udlani avmima, kavp'tir arna nahn a Mlin Eia. 6Sarei, a Musis ivr ti a, “Si laha iv'i sei a Mlin Eia ivr ti pavani. Sena si lera, a Mlin Eia ipav'iv'en si p'sp'asan arna nahm'i dika.” 7#Isrel 7:27.Sarei, a Musis ivr an a Erun, kavr ti a, “Pav'a asn tiv' na sakrivais, sarei, katu uvrin sena si stu m'a uvrin aali. Ipanap'i lera, nakm m'er arm'ertu pavlak arna tamat m'ei a Mlin Eia, inep'a nut itv'ana sarei, katvr sarei ti p'vani ipanap'ei.”
8Sarei, a Erun iv'a asn tiv' na sakrivais, katrp'n net pluk, iv'i uvrin sena si stu, iv'i sena si stuan prki. 9Sarei, a natn a Erun avuirv'a di net pluk lera asnn. Sarei, idi nirh lm'an al di net pluk, kavisen nut pa na di lera arna tiv' na sakrivais, arna kuman. Sarei, ihsran duanan arna nut auei na tiv' na sakrivais. 10V'eti ilev' uvrin sena si stu, sarei, kalev'la kris nen, m'er nev'et lip nen arru, m'a kris pa iuada rnen, katu nap' anr arna tiv' na sakrivais, inep'a nut a Mlin Eia itvr sarei an a Musis a ti apani ipanap'ei. 11Sarei, itu nap' a p'akn m'a nila p'akn, arna nut av'aran na nut avhl nmah kanuis. 12Sarei, itrp'n uvrin aali. A natn a Erun avtu din ani, sarei, ivisani arna nut udlani arna tiv' na sakrivais. 13Sarei, avtu uvrin aali ani, m'er pnen nakl, m'a ptn. Sarei, itu nap' ani arna tiv' na sakrivais. 14Sarei, isila enn m'a tln, katu nap' anr m'a uvrin aali arna tiv' na sakrivais.
15Sarei ml, ilev' uvrin arm'ertu atvuirv'a sarei, kalev' nani, la iv'i uvrin sena si stuar arm'ertu ha, katrp'ni, kataui iv'i uvrin sena si stu, inep'a nki itauamu. 16Laha, iuirv'a uvrin aali, kataui iv'i uvrin, inep'a nut attaui ti apani ipanap'ei. 17Sarei, ilev' uvrin iv'i uit, kalev' pnen al lm'an, katu nap' ani arna tiv' na sakrivais, iv'i nki iamk ml, iav'i nki avtaui naran avan sakrivais aali m'etav'aran nakl. 18#Livai 3:1-11.Sarei, itrp'n pluk m'a pua na sivsiv, arv'i sakrivais, karv'i uvrin sena tamat, sanar arm'ertu. Laha, a natn a Erun avtu dir ani, sarei, ivisani arna nut udlani arna tiv' na sakrivais. 19Ilev'la kris na pluk m'a pua na sivsiv, m'a kris na vlin, m'a kris itukar enn, m'er nev'et lip nen, m'a kris pa iuada rnen, 20katu kris arna mrn. Sarei, itu nap' a kris lera arna tiv' na sakrivais, 21v'eti mrn m'a m'ldu lihan, a Erun irmani eia, iv'i uvrin la asran lm'a natei eia m'ei ha, arna nahn a Mlin Eia.
22 #
Nut Kaka 6:22-26. Sarei, a Erun iah lm'an asnr arm'ertu, kamhmah anr. Sarei, ima auei asnr, sena ti ittu sera uvrin sena si stu, m'a uvrin aali, m'a uvrin sena tamat. 23Laha, a Musis m'ei a Erun arv'a eim al nmah kanuis na tamatan Atua, sarei, karma av'aran ml, karmhmah anr arm'ertu. Sarei, a Mlin Eia iv'iv'en si p'sp'asan anr arm'ertu udlani. 24Laha, nap' idan asn a Mlin Eia, katu nap' a uvrin aali, m'a kris la iter arna tiv' na sakrivais ha. Naran arm'ertu avlei, avsusual eia, sarei, kavrars a nadep', nahar ier nadep'.
Currently Selected:
Livai 9: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Livai 9
9
A Mlin Eia iv'iv'en si p'sp'asan anr arm'ertu a Isrel
1Laha, arna satl na napn, a Musis iv'ara an a Erun, m'er a natn, m'er arelta a Isrel. 2Sarei, ivr an a Erun, kavr ti a, “Palev' net pluk ipamk, ipav'i uvrin sena si stu, kalev' pua na sivsiv ipamk, ipav'i uvrin aali, akarstu arna nut kinkin. Sarei, pataur aparv'i uvrin asn a Mlin Eia. 3Sarei, pav'ana m'er arm'ertu a Isrel, kavr anr, kavr ti a, ‘Pavlev' net nani ipamk, ipav'i uvrin sena si stu, kavlav'r net pluk ipamk m'a net sivsiv ipamk, paian idahmk, akavstu arna nut kinkin, apavv'i uvrin aali. 4Sarei, pavlev' pluk ipamk m'a pua na sivsiv ipamk, aparv'i uvrin sena tamat, a ti apatu nap' anr arna nahn a Mlin Eia. Sarei, pavtu uvrin iv'i uit, auhei m'a ueil, sena ti a Mlin Eia ipav'iv'en Hin a kam'i dika.’ ”
5Laha, avlev' si udlani a Musis ivr ti apavlav'i, kavuirv'a a karliu na nmah kanuis na tamatan Atua. Sarei, arm'ertu udlani avmima, kavp'tir arna nahn a Mlin Eia. 6Sarei, a Musis ivr ti a, “Si laha iv'i sei a Mlin Eia ivr ti pavani. Sena si lera, a Mlin Eia ipav'iv'en si p'sp'asan arna nahm'i dika.” 7#Isrel 7:27.Sarei, a Musis ivr an a Erun, kavr ti a, “Pav'a asn tiv' na sakrivais, sarei, katu uvrin sena si stu m'a uvrin aali. Ipanap'i lera, nakm m'er arm'ertu pavlak arna tamat m'ei a Mlin Eia, inep'a nut itv'ana sarei, katvr sarei ti p'vani ipanap'ei.”
8Sarei, a Erun iv'a asn tiv' na sakrivais, katrp'n net pluk, iv'i uvrin sena si stu, iv'i sena si stuan prki. 9Sarei, a natn a Erun avuirv'a di net pluk lera asnn. Sarei, idi nirh lm'an al di net pluk, kavisen nut pa na di lera arna tiv' na sakrivais, arna kuman. Sarei, ihsran duanan arna nut auei na tiv' na sakrivais. 10V'eti ilev' uvrin sena si stu, sarei, kalev'la kris nen, m'er nev'et lip nen arru, m'a kris pa iuada rnen, katu nap' anr arna tiv' na sakrivais, inep'a nut a Mlin Eia itvr sarei an a Musis a ti apani ipanap'ei. 11Sarei, itu nap' a p'akn m'a nila p'akn, arna nut av'aran na nut avhl nmah kanuis. 12Sarei, itrp'n uvrin aali. A natn a Erun avtu din ani, sarei, ivisani arna nut udlani arna tiv' na sakrivais. 13Sarei, avtu uvrin aali ani, m'er pnen nakl, m'a ptn. Sarei, itu nap' ani arna tiv' na sakrivais. 14Sarei, isila enn m'a tln, katu nap' anr m'a uvrin aali arna tiv' na sakrivais.
15Sarei ml, ilev' uvrin arm'ertu atvuirv'a sarei, kalev' nani, la iv'i uvrin sena si stuar arm'ertu ha, katrp'ni, kataui iv'i uvrin sena si stu, inep'a nki itauamu. 16Laha, iuirv'a uvrin aali, kataui iv'i uvrin, inep'a nut attaui ti apani ipanap'ei. 17Sarei, ilev' uvrin iv'i uit, kalev' pnen al lm'an, katu nap' ani arna tiv' na sakrivais, iv'i nki iamk ml, iav'i nki avtaui naran avan sakrivais aali m'etav'aran nakl. 18#Livai 3:1-11.Sarei, itrp'n pluk m'a pua na sivsiv, arv'i sakrivais, karv'i uvrin sena tamat, sanar arm'ertu. Laha, a natn a Erun avtu dir ani, sarei, ivisani arna nut udlani arna tiv' na sakrivais. 19Ilev'la kris na pluk m'a pua na sivsiv, m'a kris na vlin, m'a kris itukar enn, m'er nev'et lip nen, m'a kris pa iuada rnen, 20katu kris arna mrn. Sarei, itu nap' a kris lera arna tiv' na sakrivais, 21v'eti mrn m'a m'ldu lihan, a Erun irmani eia, iv'i uvrin la asran lm'a natei eia m'ei ha, arna nahn a Mlin Eia.
22 #
Nut Kaka 6:22-26. Sarei, a Erun iah lm'an asnr arm'ertu, kamhmah anr. Sarei, ima auei asnr, sena ti ittu sera uvrin sena si stu, m'a uvrin aali, m'a uvrin sena tamat. 23Laha, a Musis m'ei a Erun arv'a eim al nmah kanuis na tamatan Atua, sarei, karma av'aran ml, karmhmah anr arm'ertu. Sarei, a Mlin Eia iv'iv'en si p'sp'asan anr arm'ertu udlani. 24Laha, nap' idan asn a Mlin Eia, katu nap' a uvrin aali, m'a kris la iter arna tiv' na sakrivais ha. Naran arm'ertu avlei, avsusual eia, sarei, kavrars a nadep', nahar ier nadep'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia