Livai 11
11
A Mlin Eia itaui ti si kinkin iaviviln arna nahn
(Tv'el V'nen Hua 14:3-21)
1Laha, a Mlin Eia iv'ana m'ei a Musis, m'ei a Erun, kavr anr, kavr ti a, 2“Parv'ana m'er arm'ertu a Isrel, karvr anr, karvr ti a, ‘Asnr si dm udlani arna nadep', kam'i pavhan si dm laha: 3Ipavr ti iv'i si dm la nirh tln iru ha, kav'i si dm ihan suadan iv'av'aru nakl, ip'as uaki a ti pavhani. 4V'eti, asnr si dm lera, la nirh tln iru ha, v'aha ihan suadan iv'av'aru nakl, mkavhan kam'el, sena ti ihan suadan iv'av'aru nakl, v'eti nirh tln iamk uaki. Ipanap'i lera, ipastu asnm'i. 5Sarei, si dm nahan iv'i patsa, mkavhani, sena ti ihan sei iv'av'aru nakl, v'eti tln iamk uaki. Ipanap'i lera, ipastu asnm'i. 6Sarei, si dm nahan iv'i rapit, mkavhani, sena ti ihan sei iv'av'aru nakl, v'eti tln iamk uaki. Ipanap'i lera, ipastu asnm'i. 7Sarei ml, mkavhan pua, sena ti nirh tln iru, v'eti iahan suadan iv'av'aru nakl. Ipanap'i lera, ipastu asnm'i. 8Mkavhan p'akr, aau, mkavier p'akr naran atvram'a sarei. Avv'i si dm avstu asnm'i.
9Sarei, asnr si udlani isilv' al nauei, pavhan si laha nakl: si udlani iak a sei avvr ti iv'i vin, m'a ninar tilau, ipavr ti isilv' al nata v'aha nauei, apahani. 10V'eti si udlani isilv' al nata v'aha nauei, ipavr ti iaiak a sei avvr ti iv'i vin, m'a ninar tilau, si udlani ilak al nauei, v'aha si udlani isilv' al nauei, si lera nakl apavv'i sei apalep'lei. 11Aau, asnm'i apavv'i sei apalep'lei. Mkavhan p'akr, sarei, naran atvram'a sarei, apavv'i sei apalep'lei uam. 12Si udlani ilak al nata, v'eti iaiak a sei avvr ti iv'i vin, m'a ninar tilau, si lera apavv'i sei apalep'lei.
13Sarei, asnr m'anh nakl, arki laha nakl apavv'i sei apalep'lei, amahani, sena ti avv'i sei alep'lei: m'anh iv'i np'el, m'anh nahan iv'i valtsa, m'anh nahan iv'i pasat, 14m'anh nahan iv'i kait, m'anh nahan iv'i valkun (m'a nki inap'i lera), 15trvn (m'a nki inap'i lera), 16m'anh lil nahan iv'i ustrits, npad la drln isusupa, m'anh na nata nakl, m'anh nahan iv'i huk, 17npad pa, npad ihan tilau, npad ikakar, 18npad tva, m'anh nahan iv'i saktu, m'anh nahan iv'i valtsa (nki la ihan m'it nakl ha), 19m'anh nahan iv'i stuk, m'anh nahan iv'i herun, m'anh nahan iv'i hupu, m'a krei.
20 Sarei, si udlani iharev' arna v'atn (la tln iv'a ha), katetv dau, ipav'i sei apalep'lei. 21V'eti asnr si udlani iharev' arna v'atn (la tln iv'a ha), katetv dau, pavhan arki la tlr iuraur, iani ti avrndu ti apavsihavs arna nadep' nakl. 22Aau, pavhan tapat, m'a tapat iutakm a sei nakl, m'a tapat pa, m'a tapat iharev' arna nadep'. 23V'eti si udlani iharev' arna v'atn (la tln iv'a ha), katetv dau, ipav'i sei apalep'lei. 24Si lera nakl ipani ti m'ertu ipastu arna nahn a Mlin Eia. M'ertu ier p'ak si dm lera naran itam'a sarei, hin ipastu arna nahn a Mlin Eia ipaier lihat. 25Sarei, m'ertu irman pna p'ak si dm lera, naran itam'a sarei, hin ipasila klusan, sarei ipastu arna nahn a Mlin Eia ipaier lihat. 26P'ak si dm la nirh tln itl v'aha isiv'i ha, sarei kav'i si dm iahan suadan iv'av'aru nakl, nki lera ipastu asnm'i. M'ertu iari ipastu arna nahn a Mlin Eia. 27Si dm iv'el arna tln iv'a, la nirh tln itl v'aha isiv'i, ipastu asnm'i. M'ertu ier p'ak si dm lera, naran itam'a sarei, ipastu arna nahn a Mlin Eia ipaier lihat. 28M'ertu irman pna p'ak si dm lera kinkin, naran itam'a sarei, hin ipasila klusan, sarei ipastu arna nahn a Mlin Eia ipaier lihat. Si lera ipastu asnm'i.
29Sarei ml, si dm laha, la avharev' arna nadep' ha, apavv'i sei apavstu arna nahn a Mlin Eia: si dm nahan iv'i mul, lpu, nelimlahars lil (m'a nki inap'i lera), 30m'em'ap', nelimlahars nahan iv'i munita, nelimlahars na nun, nelimlahars na nun (nki uraur), m'a nelimlahars la nila p'akn ivav hin nakl ha. 31Si dm lera, asnr arki avharev' arna nadep', apavstu asnm'i. M'ertu ier p'akn, naran itam'a sarei, hin ipastu arna nahn a Mlin Eia ipaier lihat.
32Ipavr ti si dm lera, naran itam'a sarei, irs arna si kinkin, ipavr ti iv'i sei aani a nai, v'aha klus, v'aha nila p'ak sei, v'aha selpak, ipavr ti iv'i si kinkin, v'eti si lera ipastu arna nahn a Mlin Eia. Apasilei al nauei pr. Sarei, ipastu arna nahn a Mlin Eia ipaier lihat. 33Ipavr ti irs al putel aani a vdrei, apakapri pr. Ipavr ti si kinkin iter a nln, si lera ipastu arna nahn a Mlin Eia. 34Sena ti naran nauei iter al putel lera, ipavr ti ipararev' kaier tim'ah kinkin, v'aha nauei uraur, tim'ah lera m'a nauei lera ipastu arna nahn a Mlin Eia.
35Sarei, ipavr ti pna p'ak si lera, naran itam'a sarei, ipars arna si kinkin, ipavr ti iv'i nut atahpa sei, v'aha ssv'en, apakapapri pr, sena ti istu arna nahn a Mlin Eia. Aau, si lera ipastu asnm'i. 36V'eti, ipavr ti iv'i naui lil, v'aha tah na naui lil, iv'i nut nauei istudau iter, ipap'as uaki arna nahn a Mlin Eia. V'eti m'ertu ier p'ak si dm lera, naran itam'a sarei, hin ipastu arna nahn a Mlin Eia. 37Ipavr ti pna p'ak si dm lera, naran itam'a sarei, ipars arna m'et na sei, naran adalaui uam, ipap'as uaki arna nahn a Mlin Eia. 38V'eti, ipavr ti attu sera nauei arna m'et na sei, ipavr ti pna p'ak si dm lera, naran itam'a sarei, irs aranan, ipama kastu asnm'i. 39Ipavr ti m'ertu ier p'ak si dm kinkin, la iviviln a ti apahani ha, naran itam'a sarei, m'ertu nen ipastu arna nahn a Mlin Eia ipaier lihat. 40M'ertu ihani ipasila klusan, sarei, ipastu arna nahn a Mlin Eia ipaier lihat. Sarei ml, m'ertu irman p'akn, naran itam'a sarei, hin ipasila klusan, sarei, ipastu arna nahn a Mlin Eia ipaier lihat.
41Si udlani iharev' arna nadep' ipav'i sei apalep'lei. Mkavhani. 42Si dm iharev' arna v'atn, m'a si dm iharev' arna tln iv'a, v'aha si dm tln istuduet, asnr sei avharev' arna nadep', si lera mkavhani, sena ti avv'i sei apalep'lei. 43Mkavani ti kam'i pavv'i sei alep'lei, sena ti kvhan sei iharev' arna nadep'. Mkavstu arna nahn a Mlin Eia sanan, imahei ti si lera iputakm a kam'i. 44#Livai 19:2; 1 P'ita 1:16.Kana nv'i a Mlin Eia, kav'i Atuam'i. Sena si lera, kam'i pavmhmah a kam'i, pavp'as arna nahk, sena ti Kana np'as. Mkavani ti pavstu arna nahk m'a si kinkin iharev' arna nadep'. 45Sena ti Kana nv'i a Mlin Eia, la nlev'la kam'i arna v'anu a Itsip ha, a ti p'ev'i Atuam'i. Pavp'as arna nahk, sena ti Kana np'as. 46V'nen laha iv'i v'nen hua iarr si dm, m'a m'anh, m'a si udlani isilv' al nauei, m'a si udlani iharev' arna nadep' ka, 47a ti aparndu ti v'ata iv'i sei la istu arna nahn a Mlin Eia ha, m'a sei ip'as uaki, a ti aparndu ti si dm v'ata iviviln uaki a ti apahani, m'a si dm v'ata istu arna nahn a Mlin Eia.’ ”
Currently Selected:
Livai 11: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Livai 11
11
A Mlin Eia itaui ti si kinkin iaviviln arna nahn
(Tv'el V'nen Hua 14:3-21)
1Laha, a Mlin Eia iv'ana m'ei a Musis, m'ei a Erun, kavr anr, kavr ti a, 2“Parv'ana m'er arm'ertu a Isrel, karvr anr, karvr ti a, ‘Asnr si dm udlani arna nadep', kam'i pavhan si dm laha: 3Ipavr ti iv'i si dm la nirh tln iru ha, kav'i si dm ihan suadan iv'av'aru nakl, ip'as uaki a ti pavhani. 4V'eti, asnr si dm lera, la nirh tln iru ha, v'aha ihan suadan iv'av'aru nakl, mkavhan kam'el, sena ti ihan suadan iv'av'aru nakl, v'eti nirh tln iamk uaki. Ipanap'i lera, ipastu asnm'i. 5Sarei, si dm nahan iv'i patsa, mkavhani, sena ti ihan sei iv'av'aru nakl, v'eti tln iamk uaki. Ipanap'i lera, ipastu asnm'i. 6Sarei, si dm nahan iv'i rapit, mkavhani, sena ti ihan sei iv'av'aru nakl, v'eti tln iamk uaki. Ipanap'i lera, ipastu asnm'i. 7Sarei ml, mkavhan pua, sena ti nirh tln iru, v'eti iahan suadan iv'av'aru nakl. Ipanap'i lera, ipastu asnm'i. 8Mkavhan p'akr, aau, mkavier p'akr naran atvram'a sarei. Avv'i si dm avstu asnm'i.
9Sarei, asnr si udlani isilv' al nauei, pavhan si laha nakl: si udlani iak a sei avvr ti iv'i vin, m'a ninar tilau, ipavr ti isilv' al nata v'aha nauei, apahani. 10V'eti si udlani isilv' al nata v'aha nauei, ipavr ti iaiak a sei avvr ti iv'i vin, m'a ninar tilau, si udlani ilak al nauei, v'aha si udlani isilv' al nauei, si lera nakl apavv'i sei apalep'lei. 11Aau, asnm'i apavv'i sei apalep'lei. Mkavhan p'akr, sarei, naran atvram'a sarei, apavv'i sei apalep'lei uam. 12Si udlani ilak al nata, v'eti iaiak a sei avvr ti iv'i vin, m'a ninar tilau, si lera apavv'i sei apalep'lei.
13Sarei, asnr m'anh nakl, arki laha nakl apavv'i sei apalep'lei, amahani, sena ti avv'i sei alep'lei: m'anh iv'i np'el, m'anh nahan iv'i valtsa, m'anh nahan iv'i pasat, 14m'anh nahan iv'i kait, m'anh nahan iv'i valkun (m'a nki inap'i lera), 15trvn (m'a nki inap'i lera), 16m'anh lil nahan iv'i ustrits, npad la drln isusupa, m'anh na nata nakl, m'anh nahan iv'i huk, 17npad pa, npad ihan tilau, npad ikakar, 18npad tva, m'anh nahan iv'i saktu, m'anh nahan iv'i valtsa (nki la ihan m'it nakl ha), 19m'anh nahan iv'i stuk, m'anh nahan iv'i herun, m'anh nahan iv'i hupu, m'a krei.
20 Sarei, si udlani iharev' arna v'atn (la tln iv'a ha), katetv dau, ipav'i sei apalep'lei. 21V'eti asnr si udlani iharev' arna v'atn (la tln iv'a ha), katetv dau, pavhan arki la tlr iuraur, iani ti avrndu ti apavsihavs arna nadep' nakl. 22Aau, pavhan tapat, m'a tapat iutakm a sei nakl, m'a tapat pa, m'a tapat iharev' arna nadep'. 23V'eti si udlani iharev' arna v'atn (la tln iv'a ha), katetv dau, ipav'i sei apalep'lei. 24Si lera nakl ipani ti m'ertu ipastu arna nahn a Mlin Eia. M'ertu ier p'ak si dm lera naran itam'a sarei, hin ipastu arna nahn a Mlin Eia ipaier lihat. 25Sarei, m'ertu irman pna p'ak si dm lera, naran itam'a sarei, hin ipasila klusan, sarei ipastu arna nahn a Mlin Eia ipaier lihat. 26P'ak si dm la nirh tln itl v'aha isiv'i ha, sarei kav'i si dm iahan suadan iv'av'aru nakl, nki lera ipastu asnm'i. M'ertu iari ipastu arna nahn a Mlin Eia. 27Si dm iv'el arna tln iv'a, la nirh tln itl v'aha isiv'i, ipastu asnm'i. M'ertu ier p'ak si dm lera, naran itam'a sarei, ipastu arna nahn a Mlin Eia ipaier lihat. 28M'ertu irman pna p'ak si dm lera kinkin, naran itam'a sarei, hin ipasila klusan, sarei ipastu arna nahn a Mlin Eia ipaier lihat. Si lera ipastu asnm'i.
29Sarei ml, si dm laha, la avharev' arna nadep' ha, apavv'i sei apavstu arna nahn a Mlin Eia: si dm nahan iv'i mul, lpu, nelimlahars lil (m'a nki inap'i lera), 30m'em'ap', nelimlahars nahan iv'i munita, nelimlahars na nun, nelimlahars na nun (nki uraur), m'a nelimlahars la nila p'akn ivav hin nakl ha. 31Si dm lera, asnr arki avharev' arna nadep', apavstu asnm'i. M'ertu ier p'akn, naran itam'a sarei, hin ipastu arna nahn a Mlin Eia ipaier lihat.
32Ipavr ti si dm lera, naran itam'a sarei, irs arna si kinkin, ipavr ti iv'i sei aani a nai, v'aha klus, v'aha nila p'ak sei, v'aha selpak, ipavr ti iv'i si kinkin, v'eti si lera ipastu arna nahn a Mlin Eia. Apasilei al nauei pr. Sarei, ipastu arna nahn a Mlin Eia ipaier lihat. 33Ipavr ti irs al putel aani a vdrei, apakapri pr. Ipavr ti si kinkin iter a nln, si lera ipastu arna nahn a Mlin Eia. 34Sena ti naran nauei iter al putel lera, ipavr ti ipararev' kaier tim'ah kinkin, v'aha nauei uraur, tim'ah lera m'a nauei lera ipastu arna nahn a Mlin Eia.
35Sarei, ipavr ti pna p'ak si lera, naran itam'a sarei, ipars arna si kinkin, ipavr ti iv'i nut atahpa sei, v'aha ssv'en, apakapapri pr, sena ti istu arna nahn a Mlin Eia. Aau, si lera ipastu asnm'i. 36V'eti, ipavr ti iv'i naui lil, v'aha tah na naui lil, iv'i nut nauei istudau iter, ipap'as uaki arna nahn a Mlin Eia. V'eti m'ertu ier p'ak si dm lera, naran itam'a sarei, hin ipastu arna nahn a Mlin Eia. 37Ipavr ti pna p'ak si dm lera, naran itam'a sarei, ipars arna m'et na sei, naran adalaui uam, ipap'as uaki arna nahn a Mlin Eia. 38V'eti, ipavr ti attu sera nauei arna m'et na sei, ipavr ti pna p'ak si dm lera, naran itam'a sarei, irs aranan, ipama kastu asnm'i. 39Ipavr ti m'ertu ier p'ak si dm kinkin, la iviviln a ti apahani ha, naran itam'a sarei, m'ertu nen ipastu arna nahn a Mlin Eia ipaier lihat. 40M'ertu ihani ipasila klusan, sarei, ipastu arna nahn a Mlin Eia ipaier lihat. Sarei ml, m'ertu irman p'akn, naran itam'a sarei, hin ipasila klusan, sarei, ipastu arna nahn a Mlin Eia ipaier lihat.
41Si udlani iharev' arna nadep' ipav'i sei apalep'lei. Mkavhani. 42Si dm iharev' arna v'atn, m'a si dm iharev' arna tln iv'a, v'aha si dm tln istuduet, asnr sei avharev' arna nadep', si lera mkavhani, sena ti avv'i sei apalep'lei. 43Mkavani ti kam'i pavv'i sei alep'lei, sena ti kvhan sei iharev' arna nadep'. Mkavstu arna nahn a Mlin Eia sanan, imahei ti si lera iputakm a kam'i. 44#Livai 19:2; 1 P'ita 1:16.Kana nv'i a Mlin Eia, kav'i Atuam'i. Sena si lera, kam'i pavmhmah a kam'i, pavp'as arna nahk, sena ti Kana np'as. Mkavani ti pavstu arna nahk m'a si kinkin iharev' arna nadep'. 45Sena ti Kana nv'i a Mlin Eia, la nlev'la kam'i arna v'anu a Itsip ha, a ti p'ev'i Atuam'i. Pavp'as arna nahk, sena ti Kana np'as. 46V'nen laha iv'i v'nen hua iarr si dm, m'a m'anh, m'a si udlani isilv' al nauei, m'a si udlani iharev' arna nadep' ka, 47a ti aparndu ti v'ata iv'i sei la istu arna nahn a Mlin Eia ha, m'a sei ip'as uaki, a ti aparndu ti si dm v'ata iviviln uaki a ti apahani, m'a si dm v'ata istu arna nahn a Mlin Eia.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia