Livai 1
1
Sakrivais
1Laha, a Mlin Eia iv'ara an a Musis, iv'ana m'ei dan al nmah kanuis na tamatan Atua, kavr ti a, 2“Pav'ana m'er arm'ertu a Isrel, kavr anr, kavr ti a, ‘Naran kam'i kinkin apavuirma uvrin asn a Mlin Eia, pavuirma uvrin asnr tlv'a nakl, apavv'i pluk v'aha sivsiv.
Uvrin aali
3Ipavr ti uvrin m'ertu iuirv'a iv'i uvrin apali, la ilav'i asnr pluk ha, ipatu uvrin lera, v'eti ipav'i pua na pluk, ikastu arna nut kinkin. Ipauirv'a, v'eti m'ertu uraur ikatp'i a ti ipani. Ipataui asn karliu na nmah kanuis na tamatan Atua, arna nahn a Mlin Eia. 4Sarei, ipatu lm'an arna pt uvrin apali lera, laha, apalav'i asnn, a ti ipalak arna tamat m'ei Atua. 5Sarei, ipatrpep'n pluk arna nahn a Mlin Eia, sarei, arpris, la avv'i a natn a Erun ha, apavuirv'a din, kavvisen din arna nut udlani arna tiv' na sakrivais, la iter asn liu na nmah tamatan Atua. 6Sarei, ipalev'la nila p'ak uvrin aali lera, katrpapri. 7Laha, a natn a Erun (la iv'i pris ha) apavtu nap' arna tiv' na sakrivais, kavtu mamh rana nai arna nap'. 8Sarei, arpris, la avv'i a natn a Erun ha, apavtu mamh pna si slm nakl, m'a ptn, m'a kris nen, arna rana nai la iter arna nap' arna tiv' na sakrivais ha. 9V'eti pris ipasila enn m'a tln al nauei. Sarei, pris ipatu nap' a si udlani arna tiv' na sakrivais, ipav'i sakrivais aali, kav'i uvrin aali, kav'i sei m'in ip'eset iv'a asn a Mlin Eia.
10Laha, ipavr ti uvrin itaui iv'i sivsiv v'aha nani, ipavr ti itaui ti iv'i sakrivais aali, ipauirv'a pua nen, ikastu arna nut kinkin. 11Ipatrp'ni arna tv'eliel na tiv' na sakrivais, iv'a arna Nut. Ipani arna nahn a Mlin Eia. Sarei, arpris, avv'i a natn a Erun, apavvisen din arna nut udlani arna tiv' na sakrivais. 12Laha, pris ipatrpapri, m'a ptn, m'a kris nen, katu mamahi arna rana nai la iter arna nap' arna tiv' na sakrivais ha. 13V'eti pris iani ipasila enn m'a tln m'a nauei. Sarei, pris ipalav'i kauirv'a asn tiv' na sakrivais, katu nap' ani. Ipav'i sakrivais aali, kav'i uvrin aali, kav'i sei m'in ip'eset iv'a asn a Mlin Eia.
14Laha, ipavr ti sakrivais aali la iv'i uvrin sanan a Mlin Eia ha iv'i m'anh kinkin, ipauirv'a uvrinan, ipav'i navimar v'aha vntau pa. 15Laha, pris ipauirv'a asn tiv' na sakrivais, kalev'la ptn, kali arna tiv' na sakrivais. Sarei, apatvan din arna tv'eliel na tiv' na sakrivais. 16Sarei, ipalev'la niln udlani, kasrani a tv'eliel na tiv' na sakrivais, iv'a arna Is, arna nut atu tih nap' nakl. 17Sarei, ipavap'ri arna nil heian, v'eti ikatrususi. Sarei, pris ipali arna tiv' na sakrivais, arna rana nai iter arna nap'. Iv'i sakrivais aali, kav'i uvrin aani m'a nap', kav'i sei m'in ip'eset iv'a asn a Mlin Eia.
Currently Selected:
Livai 1: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Livai 1
1
Sakrivais
1Laha, a Mlin Eia iv'ara an a Musis, iv'ana m'ei dan al nmah kanuis na tamatan Atua, kavr ti a, 2“Pav'ana m'er arm'ertu a Isrel, kavr anr, kavr ti a, ‘Naran kam'i kinkin apavuirma uvrin asn a Mlin Eia, pavuirma uvrin asnr tlv'a nakl, apavv'i pluk v'aha sivsiv.
Uvrin aali
3Ipavr ti uvrin m'ertu iuirv'a iv'i uvrin apali, la ilav'i asnr pluk ha, ipatu uvrin lera, v'eti ipav'i pua na pluk, ikastu arna nut kinkin. Ipauirv'a, v'eti m'ertu uraur ikatp'i a ti ipani. Ipataui asn karliu na nmah kanuis na tamatan Atua, arna nahn a Mlin Eia. 4Sarei, ipatu lm'an arna pt uvrin apali lera, laha, apalav'i asnn, a ti ipalak arna tamat m'ei Atua. 5Sarei, ipatrpep'n pluk arna nahn a Mlin Eia, sarei, arpris, la avv'i a natn a Erun ha, apavuirv'a din, kavvisen din arna nut udlani arna tiv' na sakrivais, la iter asn liu na nmah tamatan Atua. 6Sarei, ipalev'la nila p'ak uvrin aali lera, katrpapri. 7Laha, a natn a Erun (la iv'i pris ha) apavtu nap' arna tiv' na sakrivais, kavtu mamh rana nai arna nap'. 8Sarei, arpris, la avv'i a natn a Erun ha, apavtu mamh pna si slm nakl, m'a ptn, m'a kris nen, arna rana nai la iter arna nap' arna tiv' na sakrivais ha. 9V'eti pris ipasila enn m'a tln al nauei. Sarei, pris ipatu nap' a si udlani arna tiv' na sakrivais, ipav'i sakrivais aali, kav'i uvrin aali, kav'i sei m'in ip'eset iv'a asn a Mlin Eia.
10Laha, ipavr ti uvrin itaui iv'i sivsiv v'aha nani, ipavr ti itaui ti iv'i sakrivais aali, ipauirv'a pua nen, ikastu arna nut kinkin. 11Ipatrp'ni arna tv'eliel na tiv' na sakrivais, iv'a arna Nut. Ipani arna nahn a Mlin Eia. Sarei, arpris, avv'i a natn a Erun, apavvisen din arna nut udlani arna tiv' na sakrivais. 12Laha, pris ipatrpapri, m'a ptn, m'a kris nen, katu mamahi arna rana nai la iter arna nap' arna tiv' na sakrivais ha. 13V'eti pris iani ipasila enn m'a tln m'a nauei. Sarei, pris ipalav'i kauirv'a asn tiv' na sakrivais, katu nap' ani. Ipav'i sakrivais aali, kav'i uvrin aali, kav'i sei m'in ip'eset iv'a asn a Mlin Eia.
14Laha, ipavr ti sakrivais aali la iv'i uvrin sanan a Mlin Eia ha iv'i m'anh kinkin, ipauirv'a uvrinan, ipav'i navimar v'aha vntau pa. 15Laha, pris ipauirv'a asn tiv' na sakrivais, kalev'la ptn, kali arna tiv' na sakrivais. Sarei, apatvan din arna tv'eliel na tiv' na sakrivais. 16Sarei, ipalev'la niln udlani, kasrani a tv'eliel na tiv' na sakrivais, iv'a arna Is, arna nut atu tih nap' nakl. 17Sarei, ipavap'ri arna nil heian, v'eti ikatrususi. Sarei, pris ipali arna tiv' na sakrivais, arna rana nai iter arna nap'. Iv'i sakrivais aali, kav'i uvrin aani m'a nap', kav'i sei m'in ip'eset iv'a asn a Mlin Eia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia