Ap'u 41
41
Sei a Veru ilei naran im'atr
1Dav'a pai iru ihiris, sarei a Veru im'atr kala sei. Laha, parni, ip'tir asn nauei. 2Iv'amk m'a ti prapar na pluk isaru avandan al nauei, kavp'eset kavmrmr kavud nina al viep' isi a p'ak nauei. 3Sarei, parni, prapar na pluk avsaru ml avtauatah anr kavandan al nauei, p'akr avstu kavmrmares kavp'tir asnr pluk uraur arna tv'eliel na nauei. 4Laha, pluk p'akr avstu kavmrmares avhan pluk avsaru p'akr avp'as kavmrmr. Sarei, a Veru ithal. 5Hin im'atr kala sei ml, kala pla uit navan isaru aranan kavlilil kavp'as. 6Sarei, parni, nava uit isaru avsusupa sena ti nalen iendan arna Is, iutakm anr, kavrasi itauatah anr. 7V'eti nava uit isaru la avsusupa ha avhan nava uit isaru avlilil kavp'as. Sarei, a Veru ithal karndu ti im'atr kala sei. 8#Taniel 2:2.Itauatah arna m'etav'aran irn istu arna nln kav'ara tiet udlani a Itsip m'er ardu avrndu sei. Sarei, a Veru ivrp'ep'a m'etrienan anr, v'eti hir kinkin ahavrndu ti apavvrp'ep'a sei m'etrienan a Veru iv'iv'ani.
9Sarei, mlinar dui na naui m'iel m'am'an a Veru ivr ani, kavr ti a, “Dika laha nv'ahur si stuak. 10Naran a Veru nln irer anr arm'ertuan, katu kana al p'resin al nmahan a mlin na m'rnur, kam'em' m'ei a mlinar dui na p'ret nan. 11Kam'em' nrru p'sev' nrla sei naran nrm'atr arna lihat iamk. Sei nrm'atr karlei p'sev' iru lera iv'iv'en sei. 12Arna naran lera malakal iamk ilak m'a kam'em', iv'i dui a Isrel kav'i m'ertuan a mlin na m'rnur. Kam'em' nrvrp'ep'a m'etrienam'em' ani, laha hin ivrp'ep'ei. Ivrp'ep'ei iviviln a m'etrienam'em' nrru. 13Dav'a, itauatah itu hin inep'a nut itvrp'ep'a sarei a kam'em' inap'ei. A Veru itum'alet a kana pariak ml, kasrp'n tv'alk.”
14Sarei, a Veru itep'a v'nen kav'ara an a Susev'. Laha, avlev'lei al p'resin ilahml kavkr nil p'akn kavav klusan, laha ima asn a Veru. 15Laha, a Veru ivr an a Susev' kavr ti a, “Kana nm'atr kala sei, v'eti m'ertu ihei iparndu ti ipavrp'ep'a sei m'etrienak iv'iv'ani. V'eti kana nrn ti avr ti nakm krndu ti pavrp'ep'a sei m'etrienar m'ertu iv'iv'ani, naran avr anh.”
16Laha, a Susev' ivrpren v'nenan a Veru kavr ti a, “Iav'i kana, v'eti Atua ipavrp'ep'a sei m'etrienan a Veru iv'iv'ani ipap'as.”
17Sarei, a Veru ivr an a Susev' kavr ti a, “Parni, naran nm'atr kala ti np'tir a tv'eliel na nauei. 18Iv'amk m'a ti prapar na pluk avsaru avandan al nauei, kavp'eset kavmrmr kavud nina isi a p'ak nauei. 19Sarei, parni, prapar na pluk isaru uraur ml avsapar kavrama eia, p'akr istuet, kavmrmares istudau. Ndamulela pluk avstu kavnap'ar arna nut a Itsip naran kinkin. 20Laha, prapar na pluk avmares kavstu arna p'akr avhan prapar na pluk la avsaru avtauamu kavmrmr hara. 21V'eti naran avhan udlanr kavhiris anr, m'ertu ipalar ikav'ah ti avhanr ki, sena ti p'akr avstu uaki inep'a nut avtauamu kavnap'ei. Sarei, nthal. 22Laha, nm'atr ml kala sei, iv'amk m'a ti pla uit iamk navan isaru aranan kavlilil kavp'as. 23Sarei, parni, nava uit isaru avm'aran kavmares kavm'lih, sena ti nalen iendan arna Is iutakm anr, avrama eia itauatah anr. 24V'eti nava uit la avsusupa hara avhan nava uit isaru kavp'as. Ntvrp'ep'a sera si lera asnr tiet udlani, v'eti hir kinkin ahavrndu ti apavvrp'ep'a sei m'etrienak iv'iv'ani a kana.”
25A Susev' ivrpren v'nenan a Veru kavr ti a, “Sei a Veru ilei, iv'i si iamk. Atua itv'iv'en sarei an a Veru sei ipani ipalahml. 26Prapar na pluk p'as isaru iv'i pai isaru; nava uit p'as isaru iv'i pai isaru. M'etrien, sei iv'iv'ani iamk. 27Prapar na pluk isaru p'akr istu kavmrmares kavtauatah anr iv'i pai isaru. Nava uit isaru avm'aran sena ti nalen iendan arna Is kutakm anr, iv'i pai isaru, ipav'i pai na m'em'erien. 28Si laha iv'i sei nvr an a Veru. Atua itv'iv'en sarei an a Veru sei ipani ipalahml. 29Nvrdaui, pai ipasaru si udlani ipasi katu navan ipastudau arna nut udlani a Itsip. 30V'eti ipatauatah a si lera, pai ipasaru ipav'i pai na m'em'erien. Nelnal arna nut a Itsip apavvnapn a tim'ah istudau aviak ani itauamu, sena ti m'em'erien iputakm a nadep' udlani. 31Akavrndu tim'ah udlani aviak ani itauamu ml arna nadep', sena m'em'erien ipatauatah. Sena ti nut ipastu ipastudau. 32A Veru im'atr kala si lera iv'aru, sena ti Atua itaui. Atua ipani ti ipatu hin ipalahml.
33Sena si lera, ip'as a ti a Veru ipav'li dui ipamk iparndu sei, karndu navanel m'ertu apavsapei, kataui ipap'aur nut a Itsip. 34Ip'as a ti a Veru ipan si lera, katu mlin kinkin apavp'aur nadep' kavlev'la nki ipamk arna nki ipalm' arna nava si udlani isi arna nut a Itsip, arna pai ipasaru la tim'ah ipaiak ipastudau ha. 35Ip'as a ti apavtupien tim'ah udlani lera arna pai p'as ipama, kavtu mamh uit a ti a Veru ipap'auri, kavtu mamh tim'ah arna v'anu lilil udlani. 36Sarei, tim'ah lera ipatrah pai isaru na m'em'erien la ipaiak arna nut a Itsip ha, sena ti v'anu ikahm't sena m'em'erien.”
37Laha, a Veru m'er arm'ertu na m'akarienan udlani avv'ah ti v'nen lera ip'as. 38Laha, a Veru ivr anr arm'ertuan kavr ti a, “?Nakd nvrndu ti p'vpasla dui ipanap'ei au lera, iv'i dui M'im'iln Atua ilak a nln?”
39Sarei, a Veru ivr an a Susev' kavr ti a, “Atua itv'iv'en sera si udlani lera anh. Dui uraur irndu sei karndu navanel p'vsapei ipanap'ah ihei. 40#Parei 7:10.Nakm pap'aur nmahak. M'ertuak udlani arna v'anu apavsapa v'nenam uaki. Kana p'elil aranam arna nut huan a mlin lil uaki.” 41Laha, a Veru ivr an a Susev' kavr ti a, “Parni, ntauh pap'aur nut udlani a Itsip.”
42 #
Taniel 5:29. Sarei, a Veru ihsla rinan la iv'iv'en nut huan ha arna nirh lm'an, kataui arna nirh lm'an a Susev', katu klus ip'eset ani, kalik nen ip'as istudau, katu neiau ani iv'i kul kav'ani arna natavnan, 43kani ti iv'el arna tv'el katan. Laha, dui kinkin avtauamu ani kavvr ti a, “Pavsisihpu asnn.” Laha, a Veru itaui iv'i mlin na v'anu a Itsip udlani. 44A Veru ivr an a Susev' ml, kavr ti a, “Kana nv'i a Veru, v'eti ipavr ti nakm kaam'ahu ani, m'ertu kinkin ikadulen lm'an v'aha tln arna nut a Itsip udlani.” 45Laha, a Veru itu nahan an a Susev', iv'i a Savenav' Pania, katu tav'et iamk ani, nahan iv'i Asenat, iv'i a natn a Putivera, iv'i pris arna nut a Un. Laha, a Susev' iunanut arna nut udlani a Itsip.
46A Susev', paian ineltl (30) naran ip'tir arna nahn a Veru, iv'i mlin lil arna nut a Itsip. Sarei, kaln nahn a Veru kadav'a arna nut udlani a Itsip. 47Dav'a, arna pai p'as isaru, si udlani isi ip'as istudau arna nadep'. 48Laha, itupien tim'ah udlani arna pai p'as isaru hara, katupien tim'ah nen arna v'anu lilil. Itupien tim'ah udlani la idan al pitvet udlani imlden v'anu lilil hara. 49A Susev' itupien uit istudau kanep'a nun iter a p'ak nata dav'a ti iaspani ml, sena ti istudau par.
50Itauamu a pai na m'em'erien, hin Asenat, a natn a Putivera, la iv'i pris arna nut a Un hara, ilev' dui pa iru asn a Susev'. 51A Susev' itu naha titiamu iv'i a Manasa, sena ti ivr ti a, “Atua iani ti nvnapn a m'akarienak udlani m'a nl nam'elan a tetiak udlani.” 52Katu naha titiatah iv'i a Ivrem, sena ti ivr ti a, “Atua iani ti navak iak arna nut na derak.” 53Dav'a dav'a pai isaru, la si udlani isi istudau arna nut a Itsip ha, ihiris. 54#Parei 7:11.Sarei, pai isaru na m'em'erien ima, inep'a nut a Susev' itvr sarei inap'ei. M'em'erien iak arna nadep' udlani, v'eti tim'ah iak arna nut a Itsip udlani. 55#Sun 2:5.Laha, naran nelnal arna nut a Itsip avrn nam'er istudau kavv'ara an a Veru kavmiman tim'ah ani, sarei, a Veru ivr anr nelnal a Itsip kavr ti a, “Pavrav'a asn a Susev', kavan si udlani ivr a kam'i.” 56M'em'erien lahara iak arna nut udlani arna nadep'. Laha, a Susev' iela liu na nmah lil udlani la atvnen sera tim'ah a nln ha, kulul anr arm'ertu a Itsip. Dav'a m'em'erien ima kalil mau arna nut a Itsip. 57Laha, m'ertu arna nadep' udlani avrav'a arna nut a Itsip asn a Susev' sena ti apavul uit, sena ti m'em'erien ihua mau arna nadep' udlani.
Currently Selected:
Ap'u 41: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Ap'u 41
41
Sei a Veru ilei naran im'atr
1Dav'a pai iru ihiris, sarei a Veru im'atr kala sei. Laha, parni, ip'tir asn nauei. 2Iv'amk m'a ti prapar na pluk isaru avandan al nauei, kavp'eset kavmrmr kavud nina al viep' isi a p'ak nauei. 3Sarei, parni, prapar na pluk avsaru ml avtauatah anr kavandan al nauei, p'akr avstu kavmrmares kavp'tir asnr pluk uraur arna tv'eliel na nauei. 4Laha, pluk p'akr avstu kavmrmares avhan pluk avsaru p'akr avp'as kavmrmr. Sarei, a Veru ithal. 5Hin im'atr kala sei ml, kala pla uit navan isaru aranan kavlilil kavp'as. 6Sarei, parni, nava uit isaru avsusupa sena ti nalen iendan arna Is, iutakm anr, kavrasi itauatah anr. 7V'eti nava uit isaru la avsusupa ha avhan nava uit isaru avlilil kavp'as. Sarei, a Veru ithal karndu ti im'atr kala sei. 8#Taniel 2:2.Itauatah arna m'etav'aran irn istu arna nln kav'ara tiet udlani a Itsip m'er ardu avrndu sei. Sarei, a Veru ivrp'ep'a m'etrienan anr, v'eti hir kinkin ahavrndu ti apavvrp'ep'a sei m'etrienan a Veru iv'iv'ani.
9Sarei, mlinar dui na naui m'iel m'am'an a Veru ivr ani, kavr ti a, “Dika laha nv'ahur si stuak. 10Naran a Veru nln irer anr arm'ertuan, katu kana al p'resin al nmahan a mlin na m'rnur, kam'em' m'ei a mlinar dui na p'ret nan. 11Kam'em' nrru p'sev' nrla sei naran nrm'atr arna lihat iamk. Sei nrm'atr karlei p'sev' iru lera iv'iv'en sei. 12Arna naran lera malakal iamk ilak m'a kam'em', iv'i dui a Isrel kav'i m'ertuan a mlin na m'rnur. Kam'em' nrvrp'ep'a m'etrienam'em' ani, laha hin ivrp'ep'ei. Ivrp'ep'ei iviviln a m'etrienam'em' nrru. 13Dav'a, itauatah itu hin inep'a nut itvrp'ep'a sarei a kam'em' inap'ei. A Veru itum'alet a kana pariak ml, kasrp'n tv'alk.”
14Sarei, a Veru itep'a v'nen kav'ara an a Susev'. Laha, avlev'lei al p'resin ilahml kavkr nil p'akn kavav klusan, laha ima asn a Veru. 15Laha, a Veru ivr an a Susev' kavr ti a, “Kana nm'atr kala sei, v'eti m'ertu ihei iparndu ti ipavrp'ep'a sei m'etrienak iv'iv'ani. V'eti kana nrn ti avr ti nakm krndu ti pavrp'ep'a sei m'etrienar m'ertu iv'iv'ani, naran avr anh.”
16Laha, a Susev' ivrpren v'nenan a Veru kavr ti a, “Iav'i kana, v'eti Atua ipavrp'ep'a sei m'etrienan a Veru iv'iv'ani ipap'as.”
17Sarei, a Veru ivr an a Susev' kavr ti a, “Parni, naran nm'atr kala ti np'tir a tv'eliel na nauei. 18Iv'amk m'a ti prapar na pluk avsaru avandan al nauei, kavp'eset kavmrmr kavud nina isi a p'ak nauei. 19Sarei, parni, prapar na pluk isaru uraur ml avsapar kavrama eia, p'akr istuet, kavmrmares istudau. Ndamulela pluk avstu kavnap'ar arna nut a Itsip naran kinkin. 20Laha, prapar na pluk avmares kavstu arna p'akr avhan prapar na pluk la avsaru avtauamu kavmrmr hara. 21V'eti naran avhan udlanr kavhiris anr, m'ertu ipalar ikav'ah ti avhanr ki, sena ti p'akr avstu uaki inep'a nut avtauamu kavnap'ei. Sarei, nthal. 22Laha, nm'atr ml kala sei, iv'amk m'a ti pla uit iamk navan isaru aranan kavlilil kavp'as. 23Sarei, parni, nava uit isaru avm'aran kavmares kavm'lih, sena ti nalen iendan arna Is iutakm anr, avrama eia itauatah anr. 24V'eti nava uit la avsusupa hara avhan nava uit isaru kavp'as. Ntvrp'ep'a sera si lera asnr tiet udlani, v'eti hir kinkin ahavrndu ti apavvrp'ep'a sei m'etrienak iv'iv'ani a kana.”
25A Susev' ivrpren v'nenan a Veru kavr ti a, “Sei a Veru ilei, iv'i si iamk. Atua itv'iv'en sarei an a Veru sei ipani ipalahml. 26Prapar na pluk p'as isaru iv'i pai isaru; nava uit p'as isaru iv'i pai isaru. M'etrien, sei iv'iv'ani iamk. 27Prapar na pluk isaru p'akr istu kavmrmares kavtauatah anr iv'i pai isaru. Nava uit isaru avm'aran sena ti nalen iendan arna Is kutakm anr, iv'i pai isaru, ipav'i pai na m'em'erien. 28Si laha iv'i sei nvr an a Veru. Atua itv'iv'en sarei an a Veru sei ipani ipalahml. 29Nvrdaui, pai ipasaru si udlani ipasi katu navan ipastudau arna nut udlani a Itsip. 30V'eti ipatauatah a si lera, pai ipasaru ipav'i pai na m'em'erien. Nelnal arna nut a Itsip apavvnapn a tim'ah istudau aviak ani itauamu, sena ti m'em'erien iputakm a nadep' udlani. 31Akavrndu tim'ah udlani aviak ani itauamu ml arna nadep', sena m'em'erien ipatauatah. Sena ti nut ipastu ipastudau. 32A Veru im'atr kala si lera iv'aru, sena ti Atua itaui. Atua ipani ti ipatu hin ipalahml.
33Sena si lera, ip'as a ti a Veru ipav'li dui ipamk iparndu sei, karndu navanel m'ertu apavsapei, kataui ipap'aur nut a Itsip. 34Ip'as a ti a Veru ipan si lera, katu mlin kinkin apavp'aur nadep' kavlev'la nki ipamk arna nki ipalm' arna nava si udlani isi arna nut a Itsip, arna pai ipasaru la tim'ah ipaiak ipastudau ha. 35Ip'as a ti apavtupien tim'ah udlani lera arna pai p'as ipama, kavtu mamh uit a ti a Veru ipap'auri, kavtu mamh tim'ah arna v'anu lilil udlani. 36Sarei, tim'ah lera ipatrah pai isaru na m'em'erien la ipaiak arna nut a Itsip ha, sena ti v'anu ikahm't sena m'em'erien.”
37Laha, a Veru m'er arm'ertu na m'akarienan udlani avv'ah ti v'nen lera ip'as. 38Laha, a Veru ivr anr arm'ertuan kavr ti a, “?Nakd nvrndu ti p'vpasla dui ipanap'ei au lera, iv'i dui M'im'iln Atua ilak a nln?”
39Sarei, a Veru ivr an a Susev' kavr ti a, “Atua itv'iv'en sera si udlani lera anh. Dui uraur irndu sei karndu navanel p'vsapei ipanap'ah ihei. 40#Parei 7:10.Nakm pap'aur nmahak. M'ertuak udlani arna v'anu apavsapa v'nenam uaki. Kana p'elil aranam arna nut huan a mlin lil uaki.” 41Laha, a Veru ivr an a Susev' kavr ti a, “Parni, ntauh pap'aur nut udlani a Itsip.”
42 #
Taniel 5:29. Sarei, a Veru ihsla rinan la iv'iv'en nut huan ha arna nirh lm'an, kataui arna nirh lm'an a Susev', katu klus ip'eset ani, kalik nen ip'as istudau, katu neiau ani iv'i kul kav'ani arna natavnan, 43kani ti iv'el arna tv'el katan. Laha, dui kinkin avtauamu ani kavvr ti a, “Pavsisihpu asnn.” Laha, a Veru itaui iv'i mlin na v'anu a Itsip udlani. 44A Veru ivr an a Susev' ml, kavr ti a, “Kana nv'i a Veru, v'eti ipavr ti nakm kaam'ahu ani, m'ertu kinkin ikadulen lm'an v'aha tln arna nut a Itsip udlani.” 45Laha, a Veru itu nahan an a Susev', iv'i a Savenav' Pania, katu tav'et iamk ani, nahan iv'i Asenat, iv'i a natn a Putivera, iv'i pris arna nut a Un. Laha, a Susev' iunanut arna nut udlani a Itsip.
46A Susev', paian ineltl (30) naran ip'tir arna nahn a Veru, iv'i mlin lil arna nut a Itsip. Sarei, kaln nahn a Veru kadav'a arna nut udlani a Itsip. 47Dav'a, arna pai p'as isaru, si udlani isi ip'as istudau arna nadep'. 48Laha, itupien tim'ah udlani arna pai p'as isaru hara, katupien tim'ah nen arna v'anu lilil. Itupien tim'ah udlani la idan al pitvet udlani imlden v'anu lilil hara. 49A Susev' itupien uit istudau kanep'a nun iter a p'ak nata dav'a ti iaspani ml, sena ti istudau par.
50Itauamu a pai na m'em'erien, hin Asenat, a natn a Putivera, la iv'i pris arna nut a Un hara, ilev' dui pa iru asn a Susev'. 51A Susev' itu naha titiamu iv'i a Manasa, sena ti ivr ti a, “Atua iani ti nvnapn a m'akarienak udlani m'a nl nam'elan a tetiak udlani.” 52Katu naha titiatah iv'i a Ivrem, sena ti ivr ti a, “Atua iani ti navak iak arna nut na derak.” 53Dav'a dav'a pai isaru, la si udlani isi istudau arna nut a Itsip ha, ihiris. 54#Parei 7:11.Sarei, pai isaru na m'em'erien ima, inep'a nut a Susev' itvr sarei inap'ei. M'em'erien iak arna nadep' udlani, v'eti tim'ah iak arna nut a Itsip udlani. 55#Sun 2:5.Laha, naran nelnal arna nut a Itsip avrn nam'er istudau kavv'ara an a Veru kavmiman tim'ah ani, sarei, a Veru ivr anr nelnal a Itsip kavr ti a, “Pavrav'a asn a Susev', kavan si udlani ivr a kam'i.” 56M'em'erien lahara iak arna nut udlani arna nadep'. Laha, a Susev' iela liu na nmah lil udlani la atvnen sera tim'ah a nln ha, kulul anr arm'ertu a Itsip. Dav'a m'em'erien ima kalil mau arna nut a Itsip. 57Laha, m'ertu arna nadep' udlani avrav'a arna nut a Itsip asn a Susev' sena ti apavul uit, sena ti m'em'erien ihua mau arna nadep' udlani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia