Avruh 9
9
Nilm'a der lil iv'i ti m'etien lil ipamk ipaiarr si slm udlani
1Sarei, a Mlin Eia ivr an a Musis kavr ti a, “Pav'a asn a Veru kavr ani, kavr ti a, ‘A Mlin Eia, iv'i Atuar m'ertu a Isrel, ivr ti a, “Pam'ahu a ti arm'ertuak apavv'el a ti hir apavpata kana. 2Sena ti ipavr ti nakm mkarn ti pam'ahu a ti apavv'el, v'eti pauadar uam, 3Parn, lm'an a Mlin Eia ipaier si slmam udlani al naml nar, avv'i hus m'a tuki m'a kam'el m'a pluk m'a sivsiv. Ipatu m'etien lil anr. 4V'eti a Mlin Eia ipatupr si slm udlani a Isrel m'a si slm udlani a Itsip. Sena si lera, si udlani iv'i nkar arm'ertu a Isrel, nki ikahmk ikahm'a.” ’ ” 5Laha, a Mlin Eia itu napn kavr ti a, “M'ih, kana la nv'i a Mlin Eia ha, p'en si udlani lahara arna nadep'.”
6Sarei, arna m'ih nen, a Mlin Eia ien si udlani lera. Si slm udlani arna nut a Itsip avram'a. V'eti si slm udlani avv'i nkar arm'ertu a Isrel nki iamk iahm'a. 7Sarei, hin a Veru itep'a v'nen a ti iparndu sei itu hin. Laha, parn, si slm nki iamk iahm'a asnr arm'ertu a Isrel. V'eti nln a Veru ima kahua, iam'ahu a ti m'ertu a Isrel apavv'el.
Lm'sei na der lil iv'i ti nadei iparaha m'ertu udlani m'a si slm udlani
(Tv'el V'nen Hua 28:27)
8Sarei, a Mlin Eia ivr an a Musis m'ei a Erun kavr ti a, “Parlev' tih nap' kinkin al lm'am'i, laha a Musis ipassrani ipav'a eia, naran a Veru ipalei. 9Laha, ipama kav'i neiev' papa kani ti nadei iparaha m'ertu udlani m'a si slm udlani avsilv' kavtalu arna nut udlani a Itsip.” 10#Rev 16:2.Sarei, hir arlev' tih nap' karp'tir arna nahn a Veru. Laha, a Musis issrani iv'a eia. Ima kav'i nadei itp' aranar m'ertu udlani m'a si slm udlani. 11Laha, m'ertu avan paria tiet akavp'tir ml arna nahn a Musis, sena ti nadei iuar tiet m'er arm'ertu udlani a Itsip. 12V'eti a Mlin Eia iani ti nln a Veru ima kahua, iarn ti iparn v'nenar, inep'a nut a Mlin Eia itvr sarei an a Musis inap'ei.
Saru na der lil iv'i ptir ais
13Sarei, a Mlin Eia ivr an a Musis kavr ti a, “Pathal m'etav'aran nrnren kap'tir arna nahn a Veru, kavr ani, kavr ti a, ‘A Mlin Eia, iv'i Atuar Isrel ivr ti a, “Pam'ahu anr m'ertuak a ti apavv'el sena ti apavpata kana, 14Sena ti hilaha p'etep'a der udlani ipaier nlm m'er nlr m'ertu na m'akarienam m'er nlr m'ertuam, a ti kam'i pavrndu ti Atua uraur ihei arna nut udlani arna nadep' ipanep'a kana. 15Sena ti idvr ti m'dah lm'ak aranam karph m'er m'ertuam a m'etien lil, kam'i m'tvhiris arna nadep'. 16#Rum 9:17.V'eti nvrdaui, sena si lera kana nani ti kp'tir, a ti p'ev'iv'en nut huak aranam, sena ti apavvrp'ep'a nahak arna nut udlani arna nadep'. 17V'eti nakm kuklh uam kamlanr arm'ertuak, kavrkarr a ti apavv'el. 18Parn, m'ih ipihih naran laha, kana p'ani ti ptir ais iparsrs kanep'a sera nu. Idatu la hin naran kinkin arna nut a Itsip, naran na ap'u ier dika. 19Sena si lera patep'a m'ertu hilaha a ti apavtupien si slmam udlani, m'a si udlani iter av'aran al naml na si slm, sena ti m'ertu udlani m'a si slm udlani la akavuirhau eim kinkin ha, ptir ais lahara ipars aranar apavram'a.” ’ ”
20Laha, arm'ertu na m'akarienan a Veru, la avdedrn a v'nenan a Mlin Eia ha, avvrvr a ti apavani ti arm'ertu na m'akarienar m'a si slmar apavrav'a al nmah. 21V'eti arki ahavv'ah v'nenan a Mlin Eia avlnr m'ertu na m'akarienar m'a si slmar al naml nar.
22Sarei, a Mlin Eia ivr an a Musis, kavr ti a, “Pah lm'am ipav'a eia a ti ptir ais iparsrs kadama arna m'ertu udlani m'a si slm udlani, m'a nai udlani iter al pitvet arna nut udlani a Itsip.” 23Laha, a Musis iah napilaktan iv'a eia, sarei a Mlin Eia iani ti nav'l iv'l kani ti ptir ais irsrs arna nadep' kani ti nav'l ilev' m'aten kani ti nep'v'en ivrvr arna nadep'. Laha, a Mlin Eia iani ti ptir ais nen ima arna nut a Itsip kadars kanep'a sera nu. 24#Rev 8:7; 16:21.Ptir ais nen ima v'eti nep'v'en ip'lt m'ei kadadv ihuadau. Ahavla si kinkin inap'i lera arna nut a Itsip naran ima kav'i v'anu lil ier naran nen. 25Laha, ptir ais nen iutakm a sei arna nut udlani a Itsip, si udlani iter arna nadep', m'ertu m'a si slm. Ptir ais nen iutakm a sei isi arna nadep' kaprusus udlen nai arna nadep'. 26Arna nut a Kusen uaki, nut arm'ertu a Isrel avlak aranan, ptir ais nen lera ihei.
27Laha, a Veru itep'a v'nen iv'a asn a Musis m'ei a Erun kavr anr, kavr ti a, “Nen si stu hilaha. A Mlin Eia iviviln, v'eti kana m'er m'ertuak nvstu uaki. 28Parmiman an a Mlin Eia ipahua, a ti nav'l ikahv'l ikhua ml, ptir ais nen ikarsrs ml. Ima dei, kana p'em'ahu a ti pavrahau, mkavlak ml atlaha.”
29Laha, a Musis ivr ani, kavr ti a, “Arna naran p'eruh arna v'anu lil, p'ah lm'ak ipav'a eia asn a Mlin Eia. Laha, nav'l ikahv'l ml, ptir ais nen ipahiris. A ti nakm parndu ti nadep' iv'i nkan a Mlin Eia. 30V'eti nrndu ti nakm m'er arm'ertu na m'akarienam, mkdavdedrn an a Mlin Eia, iv'i Atua.”
31Ptir ais nen itutakm sarei a v'iu m'a kun, sena ti kun itvivien sarei, v'iu itv'i ti ipatu vlaua nen. 32V'eti iutakm a uit, sena ti ivivien itauatah.
33Laha, a Musis iln a Veru kaln v'anu lil kah lm'an asn a Mlin Eia. Laha, nav'l iahv'l ml, ptir ais nen ihiris, nu iahau arna nadep' ml. 34V'eti naran a Veru ila ti nu, ptir ais m'a nav'l ihiris, ien si stu ml kani ti nln ima kahua ml, hin m'er arm'ertu na m'akarienan. 35Inap'i lera nln a Veru ihua, iam'ahu a ti arm'ertu a Isrel apavrahau, inep'a nut a Mlin Eia itvr sarei arna v'nenan a Musis itnap'ei.
Currently Selected:
Avruh 9: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Avruh 9
9
Nilm'a der lil iv'i ti m'etien lil ipamk ipaiarr si slm udlani
1Sarei, a Mlin Eia ivr an a Musis kavr ti a, “Pav'a asn a Veru kavr ani, kavr ti a, ‘A Mlin Eia, iv'i Atuar m'ertu a Isrel, ivr ti a, “Pam'ahu a ti arm'ertuak apavv'el a ti hir apavpata kana. 2Sena ti ipavr ti nakm mkarn ti pam'ahu a ti apavv'el, v'eti pauadar uam, 3Parn, lm'an a Mlin Eia ipaier si slmam udlani al naml nar, avv'i hus m'a tuki m'a kam'el m'a pluk m'a sivsiv. Ipatu m'etien lil anr. 4V'eti a Mlin Eia ipatupr si slm udlani a Isrel m'a si slm udlani a Itsip. Sena si lera, si udlani iv'i nkar arm'ertu a Isrel, nki ikahmk ikahm'a.” ’ ” 5Laha, a Mlin Eia itu napn kavr ti a, “M'ih, kana la nv'i a Mlin Eia ha, p'en si udlani lahara arna nadep'.”
6Sarei, arna m'ih nen, a Mlin Eia ien si udlani lera. Si slm udlani arna nut a Itsip avram'a. V'eti si slm udlani avv'i nkar arm'ertu a Isrel nki iamk iahm'a. 7Sarei, hin a Veru itep'a v'nen a ti iparndu sei itu hin. Laha, parn, si slm nki iamk iahm'a asnr arm'ertu a Isrel. V'eti nln a Veru ima kahua, iam'ahu a ti m'ertu a Isrel apavv'el.
Lm'sei na der lil iv'i ti nadei iparaha m'ertu udlani m'a si slm udlani
(Tv'el V'nen Hua 28:27)
8Sarei, a Mlin Eia ivr an a Musis m'ei a Erun kavr ti a, “Parlev' tih nap' kinkin al lm'am'i, laha a Musis ipassrani ipav'a eia, naran a Veru ipalei. 9Laha, ipama kav'i neiev' papa kani ti nadei iparaha m'ertu udlani m'a si slm udlani avsilv' kavtalu arna nut udlani a Itsip.” 10#Rev 16:2.Sarei, hir arlev' tih nap' karp'tir arna nahn a Veru. Laha, a Musis issrani iv'a eia. Ima kav'i nadei itp' aranar m'ertu udlani m'a si slm udlani. 11Laha, m'ertu avan paria tiet akavp'tir ml arna nahn a Musis, sena ti nadei iuar tiet m'er arm'ertu udlani a Itsip. 12V'eti a Mlin Eia iani ti nln a Veru ima kahua, iarn ti iparn v'nenar, inep'a nut a Mlin Eia itvr sarei an a Musis inap'ei.
Saru na der lil iv'i ptir ais
13Sarei, a Mlin Eia ivr an a Musis kavr ti a, “Pathal m'etav'aran nrnren kap'tir arna nahn a Veru, kavr ani, kavr ti a, ‘A Mlin Eia, iv'i Atuar Isrel ivr ti a, “Pam'ahu anr m'ertuak a ti apavv'el sena ti apavpata kana, 14Sena ti hilaha p'etep'a der udlani ipaier nlm m'er nlr m'ertu na m'akarienam m'er nlr m'ertuam, a ti kam'i pavrndu ti Atua uraur ihei arna nut udlani arna nadep' ipanep'a kana. 15Sena ti idvr ti m'dah lm'ak aranam karph m'er m'ertuam a m'etien lil, kam'i m'tvhiris arna nadep'. 16#Rum 9:17.V'eti nvrdaui, sena si lera kana nani ti kp'tir, a ti p'ev'iv'en nut huak aranam, sena ti apavvrp'ep'a nahak arna nut udlani arna nadep'. 17V'eti nakm kuklh uam kamlanr arm'ertuak, kavrkarr a ti apavv'el. 18Parn, m'ih ipihih naran laha, kana p'ani ti ptir ais iparsrs kanep'a sera nu. Idatu la hin naran kinkin arna nut a Itsip, naran na ap'u ier dika. 19Sena si lera patep'a m'ertu hilaha a ti apavtupien si slmam udlani, m'a si udlani iter av'aran al naml na si slm, sena ti m'ertu udlani m'a si slm udlani la akavuirhau eim kinkin ha, ptir ais lahara ipars aranar apavram'a.” ’ ”
20Laha, arm'ertu na m'akarienan a Veru, la avdedrn a v'nenan a Mlin Eia ha, avvrvr a ti apavani ti arm'ertu na m'akarienar m'a si slmar apavrav'a al nmah. 21V'eti arki ahavv'ah v'nenan a Mlin Eia avlnr m'ertu na m'akarienar m'a si slmar al naml nar.
22Sarei, a Mlin Eia ivr an a Musis, kavr ti a, “Pah lm'am ipav'a eia a ti ptir ais iparsrs kadama arna m'ertu udlani m'a si slm udlani, m'a nai udlani iter al pitvet arna nut udlani a Itsip.” 23Laha, a Musis iah napilaktan iv'a eia, sarei a Mlin Eia iani ti nav'l iv'l kani ti ptir ais irsrs arna nadep' kani ti nav'l ilev' m'aten kani ti nep'v'en ivrvr arna nadep'. Laha, a Mlin Eia iani ti ptir ais nen ima arna nut a Itsip kadars kanep'a sera nu. 24#Rev 8:7; 16:21.Ptir ais nen ima v'eti nep'v'en ip'lt m'ei kadadv ihuadau. Ahavla si kinkin inap'i lera arna nut a Itsip naran ima kav'i v'anu lil ier naran nen. 25Laha, ptir ais nen iutakm a sei arna nut udlani a Itsip, si udlani iter arna nadep', m'ertu m'a si slm. Ptir ais nen iutakm a sei isi arna nadep' kaprusus udlen nai arna nadep'. 26Arna nut a Kusen uaki, nut arm'ertu a Isrel avlak aranan, ptir ais nen lera ihei.
27Laha, a Veru itep'a v'nen iv'a asn a Musis m'ei a Erun kavr anr, kavr ti a, “Nen si stu hilaha. A Mlin Eia iviviln, v'eti kana m'er m'ertuak nvstu uaki. 28Parmiman an a Mlin Eia ipahua, a ti nav'l ikahv'l ikhua ml, ptir ais nen ikarsrs ml. Ima dei, kana p'em'ahu a ti pavrahau, mkavlak ml atlaha.”
29Laha, a Musis ivr ani, kavr ti a, “Arna naran p'eruh arna v'anu lil, p'ah lm'ak ipav'a eia asn a Mlin Eia. Laha, nav'l ikahv'l ml, ptir ais nen ipahiris. A ti nakm parndu ti nadep' iv'i nkan a Mlin Eia. 30V'eti nrndu ti nakm m'er arm'ertu na m'akarienam, mkdavdedrn an a Mlin Eia, iv'i Atua.”
31Ptir ais nen itutakm sarei a v'iu m'a kun, sena ti kun itvivien sarei, v'iu itv'i ti ipatu vlaua nen. 32V'eti iutakm a uit, sena ti ivivien itauatah.
33Laha, a Musis iln a Veru kaln v'anu lil kah lm'an asn a Mlin Eia. Laha, nav'l iahv'l ml, ptir ais nen ihiris, nu iahau arna nadep' ml. 34V'eti naran a Veru ila ti nu, ptir ais m'a nav'l ihiris, ien si stu ml kani ti nln ima kahua ml, hin m'er arm'ertu na m'akarienan. 35Inap'i lera nln a Veru ihua, iam'ahu a ti arm'ertu a Isrel apavrahau, inep'a nut a Mlin Eia itvr sarei arna v'nenan a Musis itnap'ei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia