Avruh 6
6
Atua ienur turanienan m'er arm'ertu a Isrel
1Sarei, a Mlin Eia ivr an a Musis kavr ti a, “Hilaha pala sei p'ani m'ei a Veru. Sena ti hin ipatp'tr kam'ahu anr a ti apavrahau. Sena ti hin ipatp'av'r apavruh arna v'anuan.”
2 #
Ap'u 17:1; 28:3; 35:11; Avruh 3:13-15. Atua ivr an a Musis ml kavr ani, kavr ti a, “Kana nv'i a Mlin Eia. 3Ntv'iv'en sera Kana an a Epraham, an Aisak m'ei a Sikup, a ti nv'i Atua Na Nut Hua Udlani. V'eti navrp'ep'a nahak anr kavr ti nv'i a Mlin Eia. 4Nani ti turanienak itp'tir sarei asnr a ti p'etau anr nadep' a Kenan, la avlak aranan kavv'i v'anudl ha. 5Ntrn sera tklienar arm'ertu a Isrel, la ardu Itsip avuadar kavani ti avv'i m'ertu na m'akarienar ha. Ntv'ahur sera turanienak. 6Sena si lera, nakm pavr anr arm'ertu a Isrel kavr ti a, ‘Kana nv'i a Mlin Eia. Kana p'elev'la kam'i arna si dvar ardu Itsip. Laha, p'elev'la kam'i mkavv'i m'ertu na m'akarienar ml. P'elmlm lm'ak kulla kam'i arna lm'ak hua, kutakm anr ardu a Itsip ipastudau. 7Laha, Kana p'elev'la kam'i a ti pavrama kavv'i m'ertuak. Laha, Kana p'ev'i Atuam'i. Arna naran nen, pavrndu ti Kana nv'i a Mlin Eia kav'i Atuam'i, la nlev'la kam'i arna si dvar ardu a Itsip ha. 8Laha, Kana p'euirv'a kam'i pavrav'a arna nadep', la nah lm'ak katuran a ti p'etau an a Epraham, Aisak, m'ei a Sikup ha. Laha, katu kam'i a ti ipav'i nkam'i. Kana nv'i a Mlin Eia.’ ” 9A Musis ivrp'ep'a si lera asnr ardu a Isrel, v'eti hir ahavv'rn ani, sena ti der lil iutakm anr nakl, nlr idv ihuadau sanan.
10Laha, a Mlin Eia ivr an a Musis kavr ti a, 11“Pav'a kavr an a Veru, iv'i mlin a Itsip, kavr ti ipam'ahu a ti ardu a Isrel apavruh arna v'anuan.”
12V'eti a Musis ivr an a Mlin Eia kavr ti a, “?Parn, ipavr ti ardu a Isrel akavv'rn a kana, a Veru ipav'rn a kana ipanap'i? Sena ti kana nav'ana dau.”
13Sarei, a Mlin Eia iv'ana m'ei a Musis m'ei a Erun katu v'nen hua iamk anr, iv'i v'nen hua sanar arm'ertu a Isrel, kav'i sanan a Veru, iv'i mlin a Itsip, a ti ipalev'lar arm'ertu a Isrel apavruh arna v'anu a Itsip.
Nl nam'elar a Musis m'ei a Erun
(Ap'u 46:8-27)
14Ki laha avv'i mlin na nam'elar. A natr a Rup'en, iv'i a natn titiamu a Isrel, avv'i a Hanuk, a Palu, a Esrun, a Karmi. Hir avv'i nl nam'elan a Rup'en. 15A natn a Simiun avv'i a Semuil, a Samin, a Uhat, a Sakin, a Suar m'ei a Saul, iv'i a natn tav'et a Kenan. Hir avv'i nl nam'elan a Simiun. 16#Nut Kaka 3:17-20; 26:57,58; 1 Krun 6:16-19.Ki laha avv'i nahar a natn a Livai, iviviln a naran aviak. Nahar avv'i a Kersun, a Kuhat, m'ei a Merari. Paian a Livai inelnal iv'amk pln ineltl pln isaru (137). 17A natn a Kersun, isapa nl nam'elar, arv'i a Lipni m'ei a Simai. 18A natn a Kuhat avv'i Amram, a Isar, a Eprun m'ei a Usiel. Paian a Kuhat inelnal iv'amk pln ineltl pln itl (133). 19A natn a Merari arv'i a Mali m'ei a Musi. Hir udlani avv'i nl nam'elan a Livai, iviviln a naran aviak.
20Amram iuei a v'nn a tetian, nahan iv'i a Sukupet, ima kav'i a naun, laha ilev' a Musis m'ei a Erun asnn. Paian Amram inelnal iv'amk pln ineltl pln isaru (137). 21A natn a Isar avv'i a Kura, a Nevek m'ei a Sikri. 22A natn a Usiel avv'i a Misael, a Elsavan m'ei a Siv'ri. 23A Erun iuei a Elisepa, ima kav'i a naun, kav'i a natn tav'et Aminatap, kav'i a v'nn a Nasun. Hin ilev' a Netap, Apihu, a Eliesa m'ei a Iv'amar asnn. 24A natn a Kura avv'i Asin, a Elkana m'ei Apiasav. Hir avv'i nl nam'elan a Kura. 25A Eliesa iv'i a natn dui a Erun, iua tav'et iamk ima kav'i a naun, iv'i a natn a Putiel kalev' a Vinias asnn. Hir avv'i pla nl nam'el udlani a Livai, isapa nl nam'elar.
26A Mlin Eia ivr anr a Erun m'ei a Musis lahara, kavr ti a, “Parlev'lar arm'ertu a Isrel apavruh arna nut a Itsip, ipaviviln a nl nam'elar.” 27Hir arv'ana m'ei a Veru, mlin a Itsip, karvr ti ipalev'lar ardu a Isrel arna nut a Itsip. Hir arru arv'i a Musis m'ei a Erun lahara.
A Erun iv'i m'ertu na v'nenan a Musis
28Dav'a, arna napn a Mlin Eia iv'ana m'ei a Musis arna nut a Itsip, 29Hin ivr ani, kavr ti a, “Kana nv'i a Mlin Eia. Pavr an a Veru, a mlin a Itsip, kavr si udlani nvr anh.”
30V'eti a Musis ivri arna nahn a Mlin Eia, kavr ti a, “?A Veru ipav'rn a kana ipanap'i, sena ti kana nav'ana dau?”
Currently Selected:
Avruh 6: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Avruh 6
6
Atua ienur turanienan m'er arm'ertu a Isrel
1Sarei, a Mlin Eia ivr an a Musis kavr ti a, “Hilaha pala sei p'ani m'ei a Veru. Sena ti hin ipatp'tr kam'ahu anr a ti apavrahau. Sena ti hin ipatp'av'r apavruh arna v'anuan.”
2 #
Ap'u 17:1; 28:3; 35:11; Avruh 3:13-15. Atua ivr an a Musis ml kavr ani, kavr ti a, “Kana nv'i a Mlin Eia. 3Ntv'iv'en sera Kana an a Epraham, an Aisak m'ei a Sikup, a ti nv'i Atua Na Nut Hua Udlani. V'eti navrp'ep'a nahak anr kavr ti nv'i a Mlin Eia. 4Nani ti turanienak itp'tir sarei asnr a ti p'etau anr nadep' a Kenan, la avlak aranan kavv'i v'anudl ha. 5Ntrn sera tklienar arm'ertu a Isrel, la ardu Itsip avuadar kavani ti avv'i m'ertu na m'akarienar ha. Ntv'ahur sera turanienak. 6Sena si lera, nakm pavr anr arm'ertu a Isrel kavr ti a, ‘Kana nv'i a Mlin Eia. Kana p'elev'la kam'i arna si dvar ardu Itsip. Laha, p'elev'la kam'i mkavv'i m'ertu na m'akarienar ml. P'elmlm lm'ak kulla kam'i arna lm'ak hua, kutakm anr ardu a Itsip ipastudau. 7Laha, Kana p'elev'la kam'i a ti pavrama kavv'i m'ertuak. Laha, Kana p'ev'i Atuam'i. Arna naran nen, pavrndu ti Kana nv'i a Mlin Eia kav'i Atuam'i, la nlev'la kam'i arna si dvar ardu a Itsip ha. 8Laha, Kana p'euirv'a kam'i pavrav'a arna nadep', la nah lm'ak katuran a ti p'etau an a Epraham, Aisak, m'ei a Sikup ha. Laha, katu kam'i a ti ipav'i nkam'i. Kana nv'i a Mlin Eia.’ ” 9A Musis ivrp'ep'a si lera asnr ardu a Isrel, v'eti hir ahavv'rn ani, sena ti der lil iutakm anr nakl, nlr idv ihuadau sanan.
10Laha, a Mlin Eia ivr an a Musis kavr ti a, 11“Pav'a kavr an a Veru, iv'i mlin a Itsip, kavr ti ipam'ahu a ti ardu a Isrel apavruh arna v'anuan.”
12V'eti a Musis ivr an a Mlin Eia kavr ti a, “?Parn, ipavr ti ardu a Isrel akavv'rn a kana, a Veru ipav'rn a kana ipanap'i? Sena ti kana nav'ana dau.”
13Sarei, a Mlin Eia iv'ana m'ei a Musis m'ei a Erun katu v'nen hua iamk anr, iv'i v'nen hua sanar arm'ertu a Isrel, kav'i sanan a Veru, iv'i mlin a Itsip, a ti ipalev'lar arm'ertu a Isrel apavruh arna v'anu a Itsip.
Nl nam'elar a Musis m'ei a Erun
(Ap'u 46:8-27)
14Ki laha avv'i mlin na nam'elar. A natr a Rup'en, iv'i a natn titiamu a Isrel, avv'i a Hanuk, a Palu, a Esrun, a Karmi. Hir avv'i nl nam'elan a Rup'en. 15A natn a Simiun avv'i a Semuil, a Samin, a Uhat, a Sakin, a Suar m'ei a Saul, iv'i a natn tav'et a Kenan. Hir avv'i nl nam'elan a Simiun. 16#Nut Kaka 3:17-20; 26:57,58; 1 Krun 6:16-19.Ki laha avv'i nahar a natn a Livai, iviviln a naran aviak. Nahar avv'i a Kersun, a Kuhat, m'ei a Merari. Paian a Livai inelnal iv'amk pln ineltl pln isaru (137). 17A natn a Kersun, isapa nl nam'elar, arv'i a Lipni m'ei a Simai. 18A natn a Kuhat avv'i Amram, a Isar, a Eprun m'ei a Usiel. Paian a Kuhat inelnal iv'amk pln ineltl pln itl (133). 19A natn a Merari arv'i a Mali m'ei a Musi. Hir udlani avv'i nl nam'elan a Livai, iviviln a naran aviak.
20Amram iuei a v'nn a tetian, nahan iv'i a Sukupet, ima kav'i a naun, laha ilev' a Musis m'ei a Erun asnn. Paian Amram inelnal iv'amk pln ineltl pln isaru (137). 21A natn a Isar avv'i a Kura, a Nevek m'ei a Sikri. 22A natn a Usiel avv'i a Misael, a Elsavan m'ei a Siv'ri. 23A Erun iuei a Elisepa, ima kav'i a naun, kav'i a natn tav'et Aminatap, kav'i a v'nn a Nasun. Hin ilev' a Netap, Apihu, a Eliesa m'ei a Iv'amar asnn. 24A natn a Kura avv'i Asin, a Elkana m'ei Apiasav. Hir avv'i nl nam'elan a Kura. 25A Eliesa iv'i a natn dui a Erun, iua tav'et iamk ima kav'i a naun, iv'i a natn a Putiel kalev' a Vinias asnn. Hir avv'i pla nl nam'el udlani a Livai, isapa nl nam'elar.
26A Mlin Eia ivr anr a Erun m'ei a Musis lahara, kavr ti a, “Parlev'lar arm'ertu a Isrel apavruh arna nut a Itsip, ipaviviln a nl nam'elar.” 27Hir arv'ana m'ei a Veru, mlin a Itsip, karvr ti ipalev'lar ardu a Isrel arna nut a Itsip. Hir arru arv'i a Musis m'ei a Erun lahara.
A Erun iv'i m'ertu na v'nenan a Musis
28Dav'a, arna napn a Mlin Eia iv'ana m'ei a Musis arna nut a Itsip, 29Hin ivr ani, kavr ti a, “Kana nv'i a Mlin Eia. Pavr an a Veru, a mlin a Itsip, kavr si udlani nvr anh.”
30V'eti a Musis ivri arna nahn a Mlin Eia, kavr ti a, “?A Veru ipav'rn a kana ipanap'i, sena ti kana nav'ana dau?”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia