Avruh 36
36
Avhl Nmah Kanuis na Tamatan Atua
1Laha, a Pesalil m'ei Ahuliap, m'er arm'ertu udlani la avrndu ti apavan sei, la a Mlin Eia itu v'ahien p'as anr, kani ti avrndu sei istudau, kani ti avrndu mamh ti apavm'akar kan sei istudau ha, apavan si udlani a Mlin Eia itvr sarei a ti apavani.”
A Musis ivr ti arm'ertu amavuirma sei ml
2Laha, a Musis iv'ara an a Pesalil m'ei Ahuliap, m'er arm'ertu udlani la avrndu ti apavan sei, la a Mlin Eia itu v'ahien p'as anr, kani ti nlr avrn ip'as a ti apavm'akar ha, a ti apavrama kavan parei. 3Sarei, avlev' si udlani arm'ertu a Isrel avuirma asn a Musis sena parei na ti apavan nutet. Sarei, arna m'etav'aran udlani arm'ertu avuirma sei ml, m'ertu kinkin iatp'r. 4Laha, arm'ertu la avrndu ti apavan sei nakl ha avln pariar a ti apavrama kavan parei na nutet. 5Laha, avvr an a Musis, kavvr ti a, “Arm'ertu atvuirma sera sei istudau par sena parei a Mlin Eia ittu sarei a kam'em' a ti p'vani.”
6Laha, a Musis itu v'nen, sarei avvrp'ep'ei arna nam'el udlani. Ivr ti a, “Arm'ertu udlani, dui v'aha tav'et, mkavuirma sei ml sena nutet.” Inap'i lera, avtukarr m'ertu a ti akavuirma sei ml, 7sena ti sei atvuirma sarei ktvtu mamahi sena parei, istudau par.
Avan Nmah Kanuis na Tamatan Atua
(Avruh 26:1-37)
8Sarei, arm'ertu la avrndu mamh ti apavan sei ha avm'akar a ti apavan nmah kanuis na tamatan Atua. Avan kalik p'arei inal m'a kalik p'as av'ati. Avanr m'a tret iplu, kam'ielm't kam'iel, kavtu m'lk na ensel nahan iv'i serupim aranar. 9Kalik p'arei lera avp'arei kavier mita inal lman iv'a (14). Tv'eliel ier tv'eliel nakl iv'i mita iru. Kalik p'arei udlani avnap'amk.
10Sarei, a Pesalil ihuda kalik p'arei ilm' a ti apavrama kavv'i nki ipamk, sarei ihuda tv'el kalik p'arei ilm' a ti apavv'i nki ipamk ml. 11Sarei, iv'et kalik plu avrav'a auei kavrama eia ml arna tv'eliel iamk na kalik p'arei, v'eti eim nen. Sarei, iani inap'i lera ml arna tv'eliel na kalik p'arei, iv'i niru nen. 12Iv'et kalik iv'a auei kadama eia ml arna tv'eliel iamk na kalik p'arei lera, inellm' (50). Sarei, iani inap'i lera ml arna tv'eliel na kalik p'arei, iv'i niru nen. 13Ien rin m'a aian v'il avnellm' (50), sarei itaur rin lera al kalik la iv'a auei kadama eia ml ha, a ti apavuada nmah kanuis ipahua, ipap'lt mamh.
14Sarei, ien kalik p'arei uraur m'a nil nani, a ti ipatukar nmah kanuis na tamatan Atua. Ien kalik p'arei lera inal lman iamk (11). 15Ki iamk ip'arei kaier mita inal lman ilm' (15). Sarei, tv'eliel ier tv'eliel iv'i mita iru. Kalik p'arei inal lman iamk (11) lera avnap'amk. 16Ihuda kalik p'arei lera arlm' avrama kavamk, kahuda nki uraur avlm'sei avrama kavamk ml. 17Iv'et kalik iv'a auei kadama eia ml arna tv'eliel iamk na kalik p'arei lera, inellm' (50). Sarei, iani inap'i lera ml arna tv'eliel na kalik p'arei, iv'i niru nen. 18Sarei ml, ien rin m'a aian v'il inellm' (50), katu rin lera al kalik la iv'a auei kadama eia ml ha, a ti apavuada nmah kanuis ipahua, ipap'lt mamh. 19Sarei, ilev' nil pua na sivsiv istudau katu kala m'iel aranar a ti apavtukar nmah kanuis, katu nila p'ak sikau istudau arna nila pua na sivsiv lera.
20Sarei, ilev' nai nahan iv'i akeisa, katr nakal na nmah kanuis na tamatan Atua, kahli dav'a ti ip'tir. 21Itr nakal ip'arei kav'i mita ilm', sarei tv'eliel ier tv'eliel iv'i sentimita iv'i 75. 22Nai p'arei sena nakal udlani arruru nakl, a ti apahuda nki ipamk m'a tv'aln. A Pesalil ianr inap'i lera sena nakal uldani na nmah kanuis na tamatan Atua. 23Itr nakal inelru (20) sena nmah kanuis na tamatan Atua. Nki lera avv'i sena tv'eliel arna Saut. 24Itr sei apadren nai a nln, katavkar nut lera m'a silva, a ti apatu nai p'arei a nln nakl. Si lera nakl arnelv'a (40). Itri inap'i lera iv'aru, sena nai p'arei na nakal arru.
25Sarei, itr nakal ml arnelru (20) sena tv'eliel na nmah kanuis na tamatan Atua, arna tv'eliel iv'a arna Nut. 26Itr sei apadren nai a nln nar ml arnelv'a (40) katukar nut lera m'a silva ml. Si lera la itri ha arruru nakl arna nakal udlani. 27Itr nakal avlm'sei sena nut v'iv'a na nmah kanuis na tamatan Atua, arna tv'eliel iv'a arna Ues. 28Itr nakal iru ml sena kka nmah kanuis iru a tahn.
29Sarei, ien rin iamk a ti ipauada nakal iru arna kkar arna nut auei nar, kan ki iamk ml a ti ipauada nakal iru lera arna nut eia nar. Iani inap'i lera sena nakal uraur arna tv'el kka nmah kanuis. Inap'i lera, nut lera arv'i kka nmah kanuis iru. 30Inap'i lera, nakal isatl, m'a nut atri katu silva aranan. Sei adren nai a nln lera arnal lman ilm'sei (16), sena ti atri iv'aru aranar udlani p'sev'.
31Sarei, ilev' nai iv'i akeisa, katr nai p'arei ml sena ti apavuada nakal udlani. Ien nki arlm' sena nakal a tv'eliel iamk na nmah kanuis na tamatan Atua. 32Itu nki arlm' a tv'eliel uraur na nmah kanuis, katu nki arlm' ml arna tv'eliel la iter v'iv'a kadav'a arna Ues ha. 33Sarei, iani ti nai p'arei la iv'i nki a p't nut ha, iv'a a nl nakal udlani, katudina hin a tv'eliel iamk kadav'a kaier tv'eliel uraur. 34Itu kul arna nakal udlani, katu kul arna rin udlani la avuada nai p'arei ha, katu kul arna nai p'arei udlani.
35Sarei, ien kalik p'arei ip'eset iamk. Iv'ati m'a tret iplu, kam'ielm't, kam'iel, ipav'i kalik ipap'eset. Iv'ati ip'eset, katu m'lk na ensel nahan iv'i serupim aranan. 36Ilev' nai iv'i akeisa katr nakal p'arei arv'a, kani ti kalik p'arei p'as lera ilal aranar. Ien uk sanan avv'i kul, katau uk lera al nut itri sanan, nut lera iani m'a silva.
37Sarei ml, ien kalik p'arei ip'eset iamk, a ti ipav'i liu na nmah kanuis na tamatan Atua. Iv'ati m'a tret iplu, kam'ielm't, kam'iel, iv'i kalik ip'eset. M'ertu iv'ati irndu mamh navanel a ti ipav'et sei. 38Itr nakal p'arei arlm', m'a uk nar, katu kul aranar. Nut itri sena uk lera arlm', ianr m'a aian v'il.
Currently Selected:
Avruh 36: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Avruh 36
36
Avhl Nmah Kanuis na Tamatan Atua
1Laha, a Pesalil m'ei Ahuliap, m'er arm'ertu udlani la avrndu ti apavan sei, la a Mlin Eia itu v'ahien p'as anr, kani ti avrndu sei istudau, kani ti avrndu mamh ti apavm'akar kan sei istudau ha, apavan si udlani a Mlin Eia itvr sarei a ti apavani.”
A Musis ivr ti arm'ertu amavuirma sei ml
2Laha, a Musis iv'ara an a Pesalil m'ei Ahuliap, m'er arm'ertu udlani la avrndu ti apavan sei, la a Mlin Eia itu v'ahien p'as anr, kani ti nlr avrn ip'as a ti apavm'akar ha, a ti apavrama kavan parei. 3Sarei, avlev' si udlani arm'ertu a Isrel avuirma asn a Musis sena parei na ti apavan nutet. Sarei, arna m'etav'aran udlani arm'ertu avuirma sei ml, m'ertu kinkin iatp'r. 4Laha, arm'ertu la avrndu ti apavan sei nakl ha avln pariar a ti apavrama kavan parei na nutet. 5Laha, avvr an a Musis, kavvr ti a, “Arm'ertu atvuirma sera sei istudau par sena parei a Mlin Eia ittu sarei a kam'em' a ti p'vani.”
6Laha, a Musis itu v'nen, sarei avvrp'ep'ei arna nam'el udlani. Ivr ti a, “Arm'ertu udlani, dui v'aha tav'et, mkavuirma sei ml sena nutet.” Inap'i lera, avtukarr m'ertu a ti akavuirma sei ml, 7sena ti sei atvuirma sarei ktvtu mamahi sena parei, istudau par.
Avan Nmah Kanuis na Tamatan Atua
(Avruh 26:1-37)
8Sarei, arm'ertu la avrndu mamh ti apavan sei ha avm'akar a ti apavan nmah kanuis na tamatan Atua. Avan kalik p'arei inal m'a kalik p'as av'ati. Avanr m'a tret iplu, kam'ielm't kam'iel, kavtu m'lk na ensel nahan iv'i serupim aranar. 9Kalik p'arei lera avp'arei kavier mita inal lman iv'a (14). Tv'eliel ier tv'eliel nakl iv'i mita iru. Kalik p'arei udlani avnap'amk.
10Sarei, a Pesalil ihuda kalik p'arei ilm' a ti apavrama kavv'i nki ipamk, sarei ihuda tv'el kalik p'arei ilm' a ti apavv'i nki ipamk ml. 11Sarei, iv'et kalik plu avrav'a auei kavrama eia ml arna tv'eliel iamk na kalik p'arei, v'eti eim nen. Sarei, iani inap'i lera ml arna tv'eliel na kalik p'arei, iv'i niru nen. 12Iv'et kalik iv'a auei kadama eia ml arna tv'eliel iamk na kalik p'arei lera, inellm' (50). Sarei, iani inap'i lera ml arna tv'eliel na kalik p'arei, iv'i niru nen. 13Ien rin m'a aian v'il avnellm' (50), sarei itaur rin lera al kalik la iv'a auei kadama eia ml ha, a ti apavuada nmah kanuis ipahua, ipap'lt mamh.
14Sarei, ien kalik p'arei uraur m'a nil nani, a ti ipatukar nmah kanuis na tamatan Atua. Ien kalik p'arei lera inal lman iamk (11). 15Ki iamk ip'arei kaier mita inal lman ilm' (15). Sarei, tv'eliel ier tv'eliel iv'i mita iru. Kalik p'arei inal lman iamk (11) lera avnap'amk. 16Ihuda kalik p'arei lera arlm' avrama kavamk, kahuda nki uraur avlm'sei avrama kavamk ml. 17Iv'et kalik iv'a auei kadama eia ml arna tv'eliel iamk na kalik p'arei lera, inellm' (50). Sarei, iani inap'i lera ml arna tv'eliel na kalik p'arei, iv'i niru nen. 18Sarei ml, ien rin m'a aian v'il inellm' (50), katu rin lera al kalik la iv'a auei kadama eia ml ha, a ti apavuada nmah kanuis ipahua, ipap'lt mamh. 19Sarei, ilev' nil pua na sivsiv istudau katu kala m'iel aranar a ti apavtukar nmah kanuis, katu nila p'ak sikau istudau arna nila pua na sivsiv lera.
20Sarei, ilev' nai nahan iv'i akeisa, katr nakal na nmah kanuis na tamatan Atua, kahli dav'a ti ip'tir. 21Itr nakal ip'arei kav'i mita ilm', sarei tv'eliel ier tv'eliel iv'i sentimita iv'i 75. 22Nai p'arei sena nakal udlani arruru nakl, a ti apahuda nki ipamk m'a tv'aln. A Pesalil ianr inap'i lera sena nakal uldani na nmah kanuis na tamatan Atua. 23Itr nakal inelru (20) sena nmah kanuis na tamatan Atua. Nki lera avv'i sena tv'eliel arna Saut. 24Itr sei apadren nai a nln, katavkar nut lera m'a silva, a ti apatu nai p'arei a nln nakl. Si lera nakl arnelv'a (40). Itri inap'i lera iv'aru, sena nai p'arei na nakal arru.
25Sarei, itr nakal ml arnelru (20) sena tv'eliel na nmah kanuis na tamatan Atua, arna tv'eliel iv'a arna Nut. 26Itr sei apadren nai a nln nar ml arnelv'a (40) katukar nut lera m'a silva ml. Si lera la itri ha arruru nakl arna nakal udlani. 27Itr nakal avlm'sei sena nut v'iv'a na nmah kanuis na tamatan Atua, arna tv'eliel iv'a arna Ues. 28Itr nakal iru ml sena kka nmah kanuis iru a tahn.
29Sarei, ien rin iamk a ti ipauada nakal iru arna kkar arna nut auei nar, kan ki iamk ml a ti ipauada nakal iru lera arna nut eia nar. Iani inap'i lera sena nakal uraur arna tv'el kka nmah kanuis. Inap'i lera, nut lera arv'i kka nmah kanuis iru. 30Inap'i lera, nakal isatl, m'a nut atri katu silva aranan. Sei adren nai a nln lera arnal lman ilm'sei (16), sena ti atri iv'aru aranar udlani p'sev'.
31Sarei, ilev' nai iv'i akeisa, katr nai p'arei ml sena ti apavuada nakal udlani. Ien nki arlm' sena nakal a tv'eliel iamk na nmah kanuis na tamatan Atua. 32Itu nki arlm' a tv'eliel uraur na nmah kanuis, katu nki arlm' ml arna tv'eliel la iter v'iv'a kadav'a arna Ues ha. 33Sarei, iani ti nai p'arei la iv'i nki a p't nut ha, iv'a a nl nakal udlani, katudina hin a tv'eliel iamk kadav'a kaier tv'eliel uraur. 34Itu kul arna nakal udlani, katu kul arna rin udlani la avuada nai p'arei ha, katu kul arna nai p'arei udlani.
35Sarei, ien kalik p'arei ip'eset iamk. Iv'ati m'a tret iplu, kam'ielm't, kam'iel, ipav'i kalik ipap'eset. Iv'ati ip'eset, katu m'lk na ensel nahan iv'i serupim aranan. 36Ilev' nai iv'i akeisa katr nakal p'arei arv'a, kani ti kalik p'arei p'as lera ilal aranar. Ien uk sanan avv'i kul, katau uk lera al nut itri sanan, nut lera iani m'a silva.
37Sarei ml, ien kalik p'arei ip'eset iamk, a ti ipav'i liu na nmah kanuis na tamatan Atua. Iv'ati m'a tret iplu, kam'ielm't, kam'iel, iv'i kalik ip'eset. M'ertu iv'ati irndu mamh navanel a ti ipav'et sei. 38Itr nakal p'arei arlm', m'a uk nar, katu kul aranar. Nut itri sena uk lera arlm', ianr m'a aian v'il.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia