Avruh 22
22
V'nen hua arna sia m'ertu
1Ipavr ti dui iamk iv'nah pluk iamk, v'aha sivsiv iamk, karpep'ni, v'aha iulul ani, hin ipatum'alet a pluk ipalm' sena nki iamk, katum'alet a sivsiv ipav'a sena nki iamk. 2Ipavr ti dui na v'nv'nahien ikapr nmah a ti ipav'nah sei, laha kapaslei kathi laha ti im'a, di m'ertu ikararev' sena si lera. 3V'eti ipavr ti neiel itpeia aranan, uliena si stu ipaiak sena ti din irarev'. V'eti hin ipatum'alet a si udlani. Ipavr ti sian ihei, apulul ani sena ti iv'nah sei. 4Ipavr ti sei iv'nahi isilv' al lm'an, ipavr ti iv'i pluk v'aha tuki v'aha sivsiv, ipatum'alet a nki iparu ml eia arna nki lera.
5Ipavr ti dui iamk iahuda mamh tlv'an, laha ti iv'a kud nina arna nadep'a dui uraur, v'aha tlv'a ilev' suadan arna m'lden v'aha pitvet na nahau na krep na m'ertu uraur, dui lera ipatum'alet a sei m'a si p'sp'as nakl ilav'i arna m'lden uraur, m'a si p'sp'as nakl al pitvet na nahau na krepan.
6Ipavr ti m'ertu kinkin ikasmn nap', laha itu nap' a lu makau, dav'a ti itu nap' a m'ev' na uit v'aha uit ip'tir v'aha sei alaui arna m'lden, m'ertu ien nap' itauamu ipatum'alet a si udlani.
7Ipavr ti dui iamk itu nav'etan v'aha sian kinkin a tv'aln, a ti ipap'auri, laha m'ertu kinkin iv'nahi al nmah a dui lera, ipavr ti apasla dui na v'nv'nahien, hin ipatum'alet a si udlani ipav'aru. 8Ipavr ti ahapasla dui na v'nv'nahien, apauirv'a mlin na nmah asn ardu na v'nen hua, a ti apala ti hin ittu lm'an arna sia tv'aln, v'aha ihei.
9Sena ti si stu kinkin, ipavr ti ier pluk, v'aha tuki, v'aha sivsiv, v'aha klus, v'aha si kinkin uraur la imln v'eti m'ertu uraur ivr ti iv'i nkan ha, si lera ipav'a asnr ardu na v'nen hua. Hir apavv'rn a v'nenar m'ertu arru, laha nki ardu na v'nen hua avv'ana hua m'ei, hin ipatum'alet a sei ipav'aru a tv'aln. 10Ipavr ti dui iamk itu tuki, v'aha pluk, v'aha sivsiv, v'aha tlv'a kinkin a tv'aln a ti ipap'auri, v'eti im'a v'aha si kinkin iutakm ani, v'aha m'ertu itp'av'i, v'eti m'ertu kinkin ialei, 11hir arru aparturan ani, arna nahn a Mlin Eia, a ti ahartu lm'ar arna sia tv'aln. Nki iuei itauamu ipam'ahu ani uaki, tv'aln ikauli. 12V'eti, ipavr ti avpasla ti m'ertu itv'nah sarei pr, tv'aln ipatum'alet a nki iuei itauamu. 13Ipavr ti si dm kinkin iapapri, ipauirma a ti apalei kavrp'ep'ei, hin ikatum'alet a sei la irdapapri ha.
14Ipavr ti dui iamk ilev' sei asn tv'aln, laha si lera im'a v'aha si iamk iutakm ani, v'eti nki iuei itauamu ialak m'ei, dui ilav'i ipatum'alet a ulien nen pr. 15Ipavr ti nki iuei itauamu ilak, ikatum'alet a si kinkin. Ipavr ti auli a ti apalav'i, ulien nen ikviviln ani pr.
V'nen hua ier m'ertu avlak m'er arm'ertu uraur
16 #
TVH 22:28,29. Ipavr ti dui iamk ihlhala uarav'aran iamk adatukari, kam'atr m'ei, ipuli pr a ti ipav'i a naun. 17Ipavr ti a tetian iam'ahu ani, kahua arna v'ahienan, dui lera ipuli ipanep'a nut atu uliena uarav'aran inap'ei.
18 #
TVH 18:10,11. Mkavm'ahu a ti tiet ipasilv'.
19 #
Livai 18:23; 20:15,16; TVH 27:21. M'ertu im'atr m'a si dm, aparpep'ni pr.
20 #
TVH 17:2-7. M'ertu irp sei katau an atua kinkin, iav'i a Mlin Eia, hin aputakm ani dav'a ti ikasilv' ml.
21 #
Avruh 23:9; Livai 19:33,34; TVH 24:17,18; 27:19. Mavutakm a m'rau, kavmlani, sena ti kam'i kv'i m'rau arna v'anu a Itsip.
22Mavutakm a tvtanu kinkin, v'aha mardel a tetian ihei. 23Ipavr ti kvutakm anr arna nut kinkin, laha avvalau ima asnk, Kana p'ev'rn a valuienar, 24laha, nl rerak ipalil ipahuadau sanan, p'etrpep'n kam'i m'a tali han, a naum'i apavv'i tvtanu, armardelam'i a tetiar ikahei ml.
25 #
Livai 25:35-38; TVH 15:7-11; 23:19,20. Ipavr ti patu nav'et anr arm'ertuak kinkin la avlak asnm'i v'eti siar ihei ha, manep'a sera m'ertu avlev' nav'et kavtu ki ml aranan. Nakm matu ulien na sei ipav'a eia mau. 26#TVH 24:10-13.Ipavr ti palev' klusa tv'alm sena turanien kinkin krani, patum'alet ani, sarei neiel ipatpl. 27Sena ti ki lera iv'i klusan iamk uaki, iv'i klusan ipatukar p'akn. ?Ipaua v'ata kam'atr? Laha, ipatu hin, naran ipatakal asnk, p'ev'rn ani, sena ti Kana nmhmah a m'ertu nakl.
28 #
Parei 23:5. Masip'len Atua. Mav'ana stu m'a mlinar m'ertuam.
29Makanut a ti patau an Atua tertauamu na nava nai la im'am'd ha, m'a nauei na krep klav'i itauamu. Titiamu nar a natm dui, patau a Kana. 30Pani ipanap'i lera m'er plukam m'er sivsivam. Ipalak asn a unian napn ipasaru, sarei, arna satl na napn, patau a Kana.
31 #
Livai 17:15. Laha, kam'i pavv'i ardu p'as asnk. Mkavhan tim'ah si dm atvhap'ni, pavsrani asnr lip'ah.
Currently Selected:
Avruh 22: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Avruh 22
22
V'nen hua arna sia m'ertu
1Ipavr ti dui iamk iv'nah pluk iamk, v'aha sivsiv iamk, karpep'ni, v'aha iulul ani, hin ipatum'alet a pluk ipalm' sena nki iamk, katum'alet a sivsiv ipav'a sena nki iamk. 2Ipavr ti dui na v'nv'nahien ikapr nmah a ti ipav'nah sei, laha kapaslei kathi laha ti im'a, di m'ertu ikararev' sena si lera. 3V'eti ipavr ti neiel itpeia aranan, uliena si stu ipaiak sena ti din irarev'. V'eti hin ipatum'alet a si udlani. Ipavr ti sian ihei, apulul ani sena ti iv'nah sei. 4Ipavr ti sei iv'nahi isilv' al lm'an, ipavr ti iv'i pluk v'aha tuki v'aha sivsiv, ipatum'alet a nki iparu ml eia arna nki lera.
5Ipavr ti dui iamk iahuda mamh tlv'an, laha ti iv'a kud nina arna nadep'a dui uraur, v'aha tlv'a ilev' suadan arna m'lden v'aha pitvet na nahau na krep na m'ertu uraur, dui lera ipatum'alet a sei m'a si p'sp'as nakl ilav'i arna m'lden uraur, m'a si p'sp'as nakl al pitvet na nahau na krepan.
6Ipavr ti m'ertu kinkin ikasmn nap', laha itu nap' a lu makau, dav'a ti itu nap' a m'ev' na uit v'aha uit ip'tir v'aha sei alaui arna m'lden, m'ertu ien nap' itauamu ipatum'alet a si udlani.
7Ipavr ti dui iamk itu nav'etan v'aha sian kinkin a tv'aln, a ti ipap'auri, laha m'ertu kinkin iv'nahi al nmah a dui lera, ipavr ti apasla dui na v'nv'nahien, hin ipatum'alet a si udlani ipav'aru. 8Ipavr ti ahapasla dui na v'nv'nahien, apauirv'a mlin na nmah asn ardu na v'nen hua, a ti apala ti hin ittu lm'an arna sia tv'aln, v'aha ihei.
9Sena ti si stu kinkin, ipavr ti ier pluk, v'aha tuki, v'aha sivsiv, v'aha klus, v'aha si kinkin uraur la imln v'eti m'ertu uraur ivr ti iv'i nkan ha, si lera ipav'a asnr ardu na v'nen hua. Hir apavv'rn a v'nenar m'ertu arru, laha nki ardu na v'nen hua avv'ana hua m'ei, hin ipatum'alet a sei ipav'aru a tv'aln. 10Ipavr ti dui iamk itu tuki, v'aha pluk, v'aha sivsiv, v'aha tlv'a kinkin a tv'aln a ti ipap'auri, v'eti im'a v'aha si kinkin iutakm ani, v'aha m'ertu itp'av'i, v'eti m'ertu kinkin ialei, 11hir arru aparturan ani, arna nahn a Mlin Eia, a ti ahartu lm'ar arna sia tv'aln. Nki iuei itauamu ipam'ahu ani uaki, tv'aln ikauli. 12V'eti, ipavr ti avpasla ti m'ertu itv'nah sarei pr, tv'aln ipatum'alet a nki iuei itauamu. 13Ipavr ti si dm kinkin iapapri, ipauirma a ti apalei kavrp'ep'ei, hin ikatum'alet a sei la irdapapri ha.
14Ipavr ti dui iamk ilev' sei asn tv'aln, laha si lera im'a v'aha si iamk iutakm ani, v'eti nki iuei itauamu ialak m'ei, dui ilav'i ipatum'alet a ulien nen pr. 15Ipavr ti nki iuei itauamu ilak, ikatum'alet a si kinkin. Ipavr ti auli a ti apalav'i, ulien nen ikviviln ani pr.
V'nen hua ier m'ertu avlak m'er arm'ertu uraur
16 #
TVH 22:28,29. Ipavr ti dui iamk ihlhala uarav'aran iamk adatukari, kam'atr m'ei, ipuli pr a ti ipav'i a naun. 17Ipavr ti a tetian iam'ahu ani, kahua arna v'ahienan, dui lera ipuli ipanep'a nut atu uliena uarav'aran inap'ei.
18 #
TVH 18:10,11. Mkavm'ahu a ti tiet ipasilv'.
19 #
Livai 18:23; 20:15,16; TVH 27:21. M'ertu im'atr m'a si dm, aparpep'ni pr.
20 #
TVH 17:2-7. M'ertu irp sei katau an atua kinkin, iav'i a Mlin Eia, hin aputakm ani dav'a ti ikasilv' ml.
21 #
Avruh 23:9; Livai 19:33,34; TVH 24:17,18; 27:19. Mavutakm a m'rau, kavmlani, sena ti kam'i kv'i m'rau arna v'anu a Itsip.
22Mavutakm a tvtanu kinkin, v'aha mardel a tetian ihei. 23Ipavr ti kvutakm anr arna nut kinkin, laha avvalau ima asnk, Kana p'ev'rn a valuienar, 24laha, nl rerak ipalil ipahuadau sanan, p'etrpep'n kam'i m'a tali han, a naum'i apavv'i tvtanu, armardelam'i a tetiar ikahei ml.
25 #
Livai 25:35-38; TVH 15:7-11; 23:19,20. Ipavr ti patu nav'et anr arm'ertuak kinkin la avlak asnm'i v'eti siar ihei ha, manep'a sera m'ertu avlev' nav'et kavtu ki ml aranan. Nakm matu ulien na sei ipav'a eia mau. 26#TVH 24:10-13.Ipavr ti palev' klusa tv'alm sena turanien kinkin krani, patum'alet ani, sarei neiel ipatpl. 27Sena ti ki lera iv'i klusan iamk uaki, iv'i klusan ipatukar p'akn. ?Ipaua v'ata kam'atr? Laha, ipatu hin, naran ipatakal asnk, p'ev'rn ani, sena ti Kana nmhmah a m'ertu nakl.
28 #
Parei 23:5. Masip'len Atua. Mav'ana stu m'a mlinar m'ertuam.
29Makanut a ti patau an Atua tertauamu na nava nai la im'am'd ha, m'a nauei na krep klav'i itauamu. Titiamu nar a natm dui, patau a Kana. 30Pani ipanap'i lera m'er plukam m'er sivsivam. Ipalak asn a unian napn ipasaru, sarei, arna satl na napn, patau a Kana.
31 #
Livai 17:15. Laha, kam'i pavv'i ardu p'as asnk. Mkavhan tim'ah si dm atvhap'ni, pavsrani asnr lip'ah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia