Roma 7
7
Desandaha ne tubhono kagaa
7:1-6
1Bhahitieꞌiku! Ingka apugau bhe mie mandeꞌaono tubhono agama. Miina mandeꞌaaneomua gahaꞌa putae sabhaha tubho noꞌatoro manusia ampa kaowu kawantano dadindo? 2Ibahano seemie hobhine gumaano, weo tubhono kagaa ingka notitapu ne moꞌaneno sasuhue dadino moꞌaneno naꞌa. Ane moꞌaneno nomatemo, ingka hobhine anaꞌa miinamo natitapua ne tubhono kagaa. 3Tamaka ane moꞌaneno nandoo nodadi, gahaꞌa hobhine aitu nogaa toha bhe moꞌane sigaoꞌano, ingka dokonae nomonsule. Ampamo kaowu ane moꞌaneno nomatemo, hobhine aitu nobebasimo ne tubhono kagaa; mahinggamo nagumaa toha bhe moꞌane sigaoꞌano, miina namonsulea.
4Pedamo dua hintimiu itu, bhahitieꞌiku. Hampano seꞌiseomu bhe mbadhano Kristus, momatemoomu maiꞌao ne tubhono agama Yahudi ⸤ sampe miinamo nakumuasaikoomu⸥ . Ampa aitu membalimoomu fehebuaꞌano sigaoꞌano, fehebuaꞌano Kristus nefodadi maiꞌao ne mate, neanomo dadintoomu nakofahalaa so Lahataꞌala. 5Endefiꞌini dodadiomu doangkafi kamanusiantoomu. Wakutuu anaꞌa katokano mbadhantoomu nokuasaiꞌe sabhaha kapoindalo modai, dhohono nofoluaꞌe tubhono agama Yahudi, sampe fahalaano ingka neowa mate. 6Tamaka ampa aitu domatemoomu maiꞌao ne tubhono agama Yahudi, dobebasimoomu maiꞌao ne tubho fokuhumano. Ampa aitu intaodi dofeompu ne Lahataꞌala doangkafi tubho buꞌou, tubhono Rohino Lahataꞌala; miinamo damangkafi tubho ngkodau tibuhino weo Kitabi.
O dhosa noangka ne tubhono agama Yahudi
7:7-13
7Kaowu damugauꞌomu nada amai? Bhahaa nokomaꞌana tubhono agama Yahudi maitu nopototo bhe dhosa? Tantumo miina. Ane pae bhe tubhonomo agama Yahudi, ingka pae amandeꞌaane medando ae nekonando dhosa. Miina dua amandeꞌaanea medando ae nekonando kapoindalo modai, ane pae nofohato kanau tubhono agama Yahudi, “Koise mekapoindalo tapa membalino hakumu!” #Kel 20:17; Ul 5:21 8Tamaka noangka ne tubhono agama maitu, o dhosa neꞌawa kasalawa nefolua sabhaha kapoindalo modai weo totono laloku. Kapaꞌamo ane pae bhe tubhono agama, ingka o dhosa pae bhe nepoolinoa, kanggetumo nomate. 9Endefiꞌini adadi miina aepandeꞌao tubhono agama, tamaka saꞌapandeꞌao pahintano agama, o dhosa tanosidadiꞌamo maka idi amatemo. 10Apandeꞌaomo laloku ingka tubhono agama kopatudhuno so meowano dadi, gahaꞌaitu meowanomo mate so idi. 11Noangka ne pahintano agama maitu, dhosa neꞌawa kasalawa nobhohe-bhoheꞌi kanau, bhahamoa noangka ne pahinta maitu nopongko kanau. 12Tubhono agama Yahudi nomaiꞌao ne Lahataꞌala, dadiꞌanomo sabhaha pahintano netaa, nobanara bhe nongkilo. 13Kaowu nokomaꞌana bhahaa metaaꞌano maitu neowa kanau mate? Tantumo miina! Ingka o dhosamo meowano mate, ⸤ suano tubhono agama⸥ . O dhosa nepake kaowu metaaꞌano naꞌa ⸤ maꞌanano tubhono agama⸥ neowa kanau mate, neanomo sifatino dhosa nentaleamo. Pedamo anaꞌa noangka ne pahintano agama, nokobukutiimo kaꞌosano kadaino dhosa.
Potagaliꞌano weo totono lalondo manusia
7:14-25
14Ingka dopandeꞌaanemo tubhono agama Yahudi nomaiꞌao ne Rohino Lahataꞌala, tamaka idi ini o manusia monale. Padamo doaso kanau aembali bhatuano dhosa. 15Kapaꞌamo miina alumosangie podiuku: metaaꞌano nepatudhuiku miina ahumabuea, gahaꞌa modaiꞌano nebansiku nehabukumo. 16Ane ahabu tapa nepatudhuiku, nokomaꞌana aꞌuumbetie putae tubhono agama Yahudi maitu netaa. 17Ane peda anaꞌa, sakotuꞌuꞌano suanomo idi humabue, tamaka o dhosa meateno weo totono laloku. 18Kapaꞌamo apandeꞌaane ne idi ini miina sepaliꞌa bhe metaaꞌano, patudhuku ne mbadha kamanusiaku ini. Nandoo kapoindalo metaa weo totono laloku, tamaka miina amoolie adhalangiea. 19Miina ahumabu metaaꞌano nepatudhuiku, tamaka ahabu modaiꞌano tapa nepatudhuiku. 20Ane ahabu tapa nepatudhuiku itu, ingka suanomo idi tamaka o dhosa meateno weo totono laloku humabue.
21Kapuliaono aeala tubho peda aini: ane patudhuku ahumabu metaaꞌano, sadhia modaiꞌano tumangkumi kanau. 22Totono laloku noꞌiaꞌane tubhono Lahataꞌala, 23tamaka ne katokano mbadhaku awoha tubho sigaoꞌano, poewangino bhe tubhono Lahataꞌala neꞌakuino fekihiku. Panda-pandano idi ini kanggetumo notohongku kanau dhosa, kumuasainomo katokano mbadhaku. 24Kadaino maka kolauku idi ini! Laꞌae bhahaa so mosalamati kanau maiꞌao ne mbadha meowano mate ini? 25Foampe kaitaomu katumpuno lalo ne Lahataꞌala, kasalamati aini noowae Yesus Kristus Ompuntoomu.
Dadiꞌanomo peda aini koeateno dadiku ini: totono laloku nofeompu ne tubhono Lahataꞌala, tamaka mbadha kamanusiaku nofeompu ne tubhono dhosa.
Currently Selected:
Roma 7: mnbSD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.