Roma 11
11
1Mumu nijowa, Wila Mulungu akatagiti nsafi wake ati? Kisiya wiwi. Pakuya nenga nani niyii mIsrael, wa mbeyu ya Ibrahim, wa ntangilo wa Benyamin. 2Mulungu akatagiti lepa nsafi wake, wula akaumanyiti palongolo. Pangi mumanya lepa, ati, kiki lilembo lijowa pa Eliya? umu ampembesa Mulungu kupindika Israel, 3Bambo, wawakomiti wakulweta wako, wabomwili ngani mathbahu gako: na nenga nilekiki nakape, ni waulonda wumi wangu. 4Koma kiki linjowela lihigo lya Mulungu kwa yombe? Nilekiti kwa namwene wagosi elfu saba, wala nawombe wakayinamisi lepa lifugamilo kwa Baal. 5Mumu wiwi pa lukumbi ulu lwa hino kawili kiyili kyakusigala kwa ndingo wa kuhagula kwake neema. 6Koma wona kiyii pa neema, kiyilepe kawili pa makitiko; ndawa wona nukuya wila, neema ngayipatiti lepa kuya neema kawili. 7Mumu kiki? Kila Israel akayili mu kulonda, kila akipatiti lepa; koma wakuhagulika wakipatiti, na wakusigala wakanonopesiki: 8umu yilembekili, Mulungu akawapili roho ya kugochela, miho gasilolela, na makutu gasiyufwa, mpaka pa ligono lya lilino. 9Ni Daudi ajowa,
Mesa yawe yiye ntego, ni lipilili,
Ni kyakukuwala, ni malipilo kwawe,
10Miho gawe galekalike mwisi, gasilola,
Ni liwega liyinamasike magono goha.
11Mumu nijowa, Wila wakuwali nausi wagwile? Kisiya wiwi; koma pa lihoko lyawe uyokosi uwafikili Mihuku, nausi kuwalekalela wifu. 12Leka wona lihoko lyawe liyii ukafi kwa milima, ni kukepakepa kwawe ukafi kwa Mihuku; si kulutila kifwilanalile?
13Koma niwajowela mwenga Mihuku. Ndawa nenga niyii apostolo wa Mihuku, nikukwisa kutumakila kwangu: 14ngati kwali nilekelele kwa awa wa nyama yangu wifu, ni kuyokola wangi wa wombe. 15Pakuya wona kuwataga wala kuyii kutepulanisa kwake ndima, kiki kuwayupa lema kulama kipitile pa wakufwa? 16Ni wona kyakulosa kiyii kiwalafu, liwuli nilyombe liwalafu: ni wona nkiga uyii uwalafu, ndafi nasyombe siwalafu. 17Koma wona ndafi singi sikakachuliki, nu wenga, pakuya mzeituni wa kudasi, ukabadimi pagati pa sila, ni ukakitiki wakuhasangana nasyo pa ndela wa mafuta wa mzeituni; usihikalila pa ndafi: 18koma wona uhikalila, nukuya wenga kwitwika ndela, koma ndela wenga. 19Mumu yaujowe, ndafi sikakachuliki, nausi nenga nibadame mumu. 20Kinofu: kwa pangali kiyitakiso sikakachuliki, nu wenga uyima pa kiyitakiso kyako. Usikita kinywinda, koma uyogope: 21pakuya wona Mulungu akasilekili lepa ndafi syene kisina, haka wenga yaulekeke lepa kisina. 22Mumu lola unofu nu ukali wake Mulungu: kwa awa wakagwili, ukali; koma kwa wenga, unofu wake Mulungu, wona uhwela ngani pa unofu wake: pangi yaudumulike ngani nu wenga kawili. 23Leka wawala kawili, wona wahwela ngani lepa pangali kiyitakiso, yawabadame mumu: pakuya Mulungu ahotola kuwabadamisa pa kawili. 24Pakuya wona wenga ukadumuliki kipitile pa mzeituni wa ku dasi, ni ukabadimi mu mzeituni unofu — kupindika wiwi matamilo gake — si kulutila sila, sisi ndafi sya kumela, yasibadame pa mzeituni wawe wene?
25Pakuya nilonda lepa, walongo, muye wangali kumanya kyakuhyetu iki, nausi musiya wakwilumba pa malango ginu mwawene, kukita kunonopesa lisi limonga kuwatulila Israel, mpaka pala kufwilanasika kwa Mihuku yakuyingile; na wiwi Israel woha yawayokoleke: 26umu yilembekili,
Yahiche kipitile pa Sion Wakufuwula;
Yakilawuse fyakuwipa kuhuma pa Yakobo:
27Ni iki kilagano kyangu kwa wombe,
Pala yanitutuwuse sambi syawe.
28Panani pa evangel wayii wa mitumba ndawa ya mwenga: koma panani pa kuhagula wayii wakuganika ndawa ya wakadadi. 29Pakuya fya waka ni kikemeleko kya Mulungu fiyii fyangali kupela. 30Pakuya ngati mwandi mukayili wangali kunjufwanila Mulungu, na hino mupatiti lipyana kipitile pangali kuyufwa kwawe, 31wiwi awa kawili wayufwini lepa, nausi pa lipyana lila lyapeliwi mwenga wala kawili yawapelewe lipyana. 32Pakuya Mulungu awadinditi woha pangali kuyufwa, nausi awapwelekele woha lipyana.
33Owe kina kya ukafi wa malango ni kumanya kwake Mulungu! mapaulo gake gangali kulingulika, ni ndila syake syangakisika! 34Pakuya nani apatiti kumanya mwoyo wa Bambo? 35pangi nani atemi wakumpela malango? pangi nani akampili palongolo, ni yalipaliwe kawili? 36Pakuya kipitile pa yombe, nu mwa yombe, ni kwa yombe, fyoha fiyili. Kwa yombe kukwisika, kwa miaka ni miaka. Amen.
Currently Selected:
Roma 11: MGS1937
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.
Roma 11
11
1Mumu nijowa, Wila Mulungu akatagiti nsafi wake ati? Kisiya wiwi. Pakuya nenga nani niyii mIsrael, wa mbeyu ya Ibrahim, wa ntangilo wa Benyamin. 2Mulungu akatagiti lepa nsafi wake, wula akaumanyiti palongolo. Pangi mumanya lepa, ati, kiki lilembo lijowa pa Eliya? umu ampembesa Mulungu kupindika Israel, 3Bambo, wawakomiti wakulweta wako, wabomwili ngani mathbahu gako: na nenga nilekiki nakape, ni waulonda wumi wangu. 4Koma kiki linjowela lihigo lya Mulungu kwa yombe? Nilekiti kwa namwene wagosi elfu saba, wala nawombe wakayinamisi lepa lifugamilo kwa Baal. 5Mumu wiwi pa lukumbi ulu lwa hino kawili kiyili kyakusigala kwa ndingo wa kuhagula kwake neema. 6Koma wona kiyii pa neema, kiyilepe kawili pa makitiko; ndawa wona nukuya wila, neema ngayipatiti lepa kuya neema kawili. 7Mumu kiki? Kila Israel akayili mu kulonda, kila akipatiti lepa; koma wakuhagulika wakipatiti, na wakusigala wakanonopesiki: 8umu yilembekili, Mulungu akawapili roho ya kugochela, miho gasilolela, na makutu gasiyufwa, mpaka pa ligono lya lilino. 9Ni Daudi ajowa,
Mesa yawe yiye ntego, ni lipilili,
Ni kyakukuwala, ni malipilo kwawe,
10Miho gawe galekalike mwisi, gasilola,
Ni liwega liyinamasike magono goha.
11Mumu nijowa, Wila wakuwali nausi wagwile? Kisiya wiwi; koma pa lihoko lyawe uyokosi uwafikili Mihuku, nausi kuwalekalela wifu. 12Leka wona lihoko lyawe liyii ukafi kwa milima, ni kukepakepa kwawe ukafi kwa Mihuku; si kulutila kifwilanalile?
13Koma niwajowela mwenga Mihuku. Ndawa nenga niyii apostolo wa Mihuku, nikukwisa kutumakila kwangu: 14ngati kwali nilekelele kwa awa wa nyama yangu wifu, ni kuyokola wangi wa wombe. 15Pakuya wona kuwataga wala kuyii kutepulanisa kwake ndima, kiki kuwayupa lema kulama kipitile pa wakufwa? 16Ni wona kyakulosa kiyii kiwalafu, liwuli nilyombe liwalafu: ni wona nkiga uyii uwalafu, ndafi nasyombe siwalafu. 17Koma wona ndafi singi sikakachuliki, nu wenga, pakuya mzeituni wa kudasi, ukabadimi pagati pa sila, ni ukakitiki wakuhasangana nasyo pa ndela wa mafuta wa mzeituni; usihikalila pa ndafi: 18koma wona uhikalila, nukuya wenga kwitwika ndela, koma ndela wenga. 19Mumu yaujowe, ndafi sikakachuliki, nausi nenga nibadame mumu. 20Kinofu: kwa pangali kiyitakiso sikakachuliki, nu wenga uyima pa kiyitakiso kyako. Usikita kinywinda, koma uyogope: 21pakuya wona Mulungu akasilekili lepa ndafi syene kisina, haka wenga yaulekeke lepa kisina. 22Mumu lola unofu nu ukali wake Mulungu: kwa awa wakagwili, ukali; koma kwa wenga, unofu wake Mulungu, wona uhwela ngani pa unofu wake: pangi yaudumulike ngani nu wenga kawili. 23Leka wawala kawili, wona wahwela ngani lepa pangali kiyitakiso, yawabadame mumu: pakuya Mulungu ahotola kuwabadamisa pa kawili. 24Pakuya wona wenga ukadumuliki kipitile pa mzeituni wa ku dasi, ni ukabadimi mu mzeituni unofu — kupindika wiwi matamilo gake — si kulutila sila, sisi ndafi sya kumela, yasibadame pa mzeituni wawe wene?
25Pakuya nilonda lepa, walongo, muye wangali kumanya kyakuhyetu iki, nausi musiya wakwilumba pa malango ginu mwawene, kukita kunonopesa lisi limonga kuwatulila Israel, mpaka pala kufwilanasika kwa Mihuku yakuyingile; na wiwi Israel woha yawayokoleke: 26umu yilembekili,
Yahiche kipitile pa Sion Wakufuwula;
Yakilawuse fyakuwipa kuhuma pa Yakobo:
27Ni iki kilagano kyangu kwa wombe,
Pala yanitutuwuse sambi syawe.
28Panani pa evangel wayii wa mitumba ndawa ya mwenga: koma panani pa kuhagula wayii wakuganika ndawa ya wakadadi. 29Pakuya fya waka ni kikemeleko kya Mulungu fiyii fyangali kupela. 30Pakuya ngati mwandi mukayili wangali kunjufwanila Mulungu, na hino mupatiti lipyana kipitile pangali kuyufwa kwawe, 31wiwi awa kawili wayufwini lepa, nausi pa lipyana lila lyapeliwi mwenga wala kawili yawapelewe lipyana. 32Pakuya Mulungu awadinditi woha pangali kuyufwa, nausi awapwelekele woha lipyana.
33Owe kina kya ukafi wa malango ni kumanya kwake Mulungu! mapaulo gake gangali kulingulika, ni ndila syake syangakisika! 34Pakuya nani apatiti kumanya mwoyo wa Bambo? 35pangi nani atemi wakumpela malango? pangi nani akampili palongolo, ni yalipaliwe kawili? 36Pakuya kipitile pa yombe, nu mwa yombe, ni kwa yombe, fyoha fiyili. Kwa yombe kukwisika, kwa miaka ni miaka. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.