Yakobo 5
5
1Tiwuke hino, mwenga wakafi, muhuluse masoli ni kukolomokela mahumbuso ginu gayii mu kuwahichila. 2Ukafi winu uwoliki ni fifwato finu fimaliti kuyanangika. 3Zahabu yinu ni ndalama yinu yilekaliki kyengi; ni kyengi kyawe yakiye ulungamakiso pa mwenga, na yakilye nyama yinu ngati mwoto. Mwawikilingani fikokoli finu pa magono gakumalakila. 4Mulolaye, njombe ya wandu wa lihengo wakugehela manyasi pa migunda yinu, yila mulili, yikuwa: ni njwawila ya wakubena yiyingili pa makutu ga Bambo wa Mabanja. 5Mwanyulukaga pa ndima, ni kukina waka; mwaleliti mioyo yinu pa ligono lya kudumula nyama. 6Mwampisiti mbifu, mwankomiti ngolofu yula; ni awapindika lepa.
7Mumu mutamaye wakwisinga, walongo, mpaka pa kuyicha kwake Bambo. Mulolaye, wakulima alindalila fipambiko fya uhemesi fya ndima, wakwisinga nafyo, mpaka fiyupa fula ya kutumbula na ya mpeta. 8Mwenga kawili mwisinge; mutamise mioyo yinu: ndawa kuhicha kwake Bambo kuwandamila. 9Musinung’unika yungi ni njini, walongo, nausi musipaulika: mulolaye, mpausi ayima pa milyango. 10Muholalele, walongo, ndingo wa mahumbuso ni wa kwisinga, wakulweta wala walongili pa lihina lya Bambo. 11Mulolaye, tiwakemela wanya kihomo wala wakayumalakili: mwayufwini luyumalakilo lwa Ayub, na mwaweni pakumalakila pake Bambo, kukita Bambo ayii wakumema nu lukolo, ni mwene lipyana.
12Koma kulutila fyoha, walongo wangu, musilapila, haka kunani, haka kwa ndima, haka kilapilo kiyi kyoha kingi: koma ena yinu yiye ena, na lepa yinu yiye lepa; nausi musigwa pasi pa kupaula.
13Wila ayufwana mahumbuso ayi yoha pa mwenga? asalaye. 14Wila ayi yoha asangaluka? ayimbe saburi. Wila ayi yoha pa mwenga alwala? awakemele wakulu‐wakulu wa kanisa; ni wasalaye pa yombe, kumbakasa na mafuta pa lihina lya Bambo: 15ni liluwo lya kiyitakiso yalinjokole yula ayii mu kuwlala, nu Bambo yansisimuse; na wona akiti sambi, yakulekelekwe kwake. 16Mumu mufumbulaye sambi sinu yungi nu njini, na musali yungi kwa njini, nausi mulamasike. Kuluwa kwake mundu wakugoloka kuyii na makakala pa kuhenga kwake. 17Eliya akayili mundu wakuyufwana fifilafila tiyufwana tenga, na akasaliti nyamhope kukita kusitonya fula; na kwatonyiti lepa pa ndima miaka yidatu ni miesi mhano na umonga. 18Nakasaliti kawili, nu kunani kwapeliki fula, nu ndima ukamelisi fipambiko fyake.
19Walongo wangu, ayi yoha wa mwenga wona asowa pa fya chakaka, nu mundu wona ang’anamuse yombe; 20amanye kukita yula ang’anamusa mwene sambi kuwuka pa kusowa ndila yake yayokole wumi pa kifwa, ni yafunakalike sambi sya mahele.
Currently Selected:
Yakobo 5: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
Yakobo 5
5
1Tiwuke hino, mwenga wakafi, muhuluse masoli ni kukolomokela mahumbuso ginu gayii mu kuwahichila. 2Ukafi winu uwoliki ni fifwato finu fimaliti kuyanangika. 3Zahabu yinu ni ndalama yinu yilekaliki kyengi; ni kyengi kyawe yakiye ulungamakiso pa mwenga, na yakilye nyama yinu ngati mwoto. Mwawikilingani fikokoli finu pa magono gakumalakila. 4Mulolaye, njombe ya wandu wa lihengo wakugehela manyasi pa migunda yinu, yila mulili, yikuwa: ni njwawila ya wakubena yiyingili pa makutu ga Bambo wa Mabanja. 5Mwanyulukaga pa ndima, ni kukina waka; mwaleliti mioyo yinu pa ligono lya kudumula nyama. 6Mwampisiti mbifu, mwankomiti ngolofu yula; ni awapindika lepa.
7Mumu mutamaye wakwisinga, walongo, mpaka pa kuyicha kwake Bambo. Mulolaye, wakulima alindalila fipambiko fya uhemesi fya ndima, wakwisinga nafyo, mpaka fiyupa fula ya kutumbula na ya mpeta. 8Mwenga kawili mwisinge; mutamise mioyo yinu: ndawa kuhicha kwake Bambo kuwandamila. 9Musinung’unika yungi ni njini, walongo, nausi musipaulika: mulolaye, mpausi ayima pa milyango. 10Muholalele, walongo, ndingo wa mahumbuso ni wa kwisinga, wakulweta wala walongili pa lihina lya Bambo. 11Mulolaye, tiwakemela wanya kihomo wala wakayumalakili: mwayufwini luyumalakilo lwa Ayub, na mwaweni pakumalakila pake Bambo, kukita Bambo ayii wakumema nu lukolo, ni mwene lipyana.
12Koma kulutila fyoha, walongo wangu, musilapila, haka kunani, haka kwa ndima, haka kilapilo kiyi kyoha kingi: koma ena yinu yiye ena, na lepa yinu yiye lepa; nausi musigwa pasi pa kupaula.
13Wila ayufwana mahumbuso ayi yoha pa mwenga? asalaye. 14Wila ayi yoha asangaluka? ayimbe saburi. Wila ayi yoha pa mwenga alwala? awakemele wakulu‐wakulu wa kanisa; ni wasalaye pa yombe, kumbakasa na mafuta pa lihina lya Bambo: 15ni liluwo lya kiyitakiso yalinjokole yula ayii mu kuwlala, nu Bambo yansisimuse; na wona akiti sambi, yakulekelekwe kwake. 16Mumu mufumbulaye sambi sinu yungi nu njini, na musali yungi kwa njini, nausi mulamasike. Kuluwa kwake mundu wakugoloka kuyii na makakala pa kuhenga kwake. 17Eliya akayili mundu wakuyufwana fifilafila tiyufwana tenga, na akasaliti nyamhope kukita kusitonya fula; na kwatonyiti lepa pa ndima miaka yidatu ni miesi mhano na umonga. 18Nakasaliti kawili, nu kunani kwapeliki fula, nu ndima ukamelisi fipambiko fyake.
19Walongo wangu, ayi yoha wa mwenga wona asowa pa fya chakaka, nu mundu wona ang’anamuse yombe; 20amanye kukita yula ang’anamusa mwene sambi kuwuka pa kusowa ndila yake yayokole wumi pa kifwa, ni yafunakalike sambi sya mahele.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.