Makitiko Ga Maapostolo 21
21
1Leka baha na baha ikayili kukita tikapatukini nawo, ni kukulula, tikachiti ni ndila yakugoloka pa Kos, ni pa lukela lwake ku Rhodos, ni kuwuka bahalapala ku Patara: 2ni tikawonangini ni liboti liyomboka ku Foinike, tikayikili mumu, ni kukulula. 3Leka apa tikahyetwiki Kupro, na kukileka ku mangigi, tikabiti na matanga ku Suria, na tikakwesiti pa Turo: pakuya bahalapala liboti likalonditi kufuwula misigo yake. 4Leka apa tikawonangini na wanafunsi wala, tikahweliti bahalapala magono saba: awa nawombe wakanjowili Paolo pa roho, akotoke kukwela ku Yerusalem. 5Leka apa tamaliti magono, tikapititi ni kubita mwanja witu: na woha wakatipelakisi, pamonga na wadala na wana, mpaka kunja ku likaya: na kukwinya mafugamilo pa lilowoko, 6tikasaliti, ni kulagilana tenga na wayitu; na tikayingili pa liboti, leka wawalawala nawombe wakakilawukili kwawe wene.
7Leka tenga apa tikamalisi mwanja witu pa liboti kuhumila pa Turo, tikachiti pa Ptolemais; ni apa tikalamwisi walongo tikahweliti kwawe ligono limonga. 8Leka lukela lwake tikapititi, ni kuhicha pa Kaisariya: ni kuyingila pa nyumba ya Filipo evangelisti, wakuya wa awa saba, tikahweliti kwake. 9Leka mundu uyu akayili nawo wana wadala ncheche, wali, wakulweta. 10Leka apa tikahweliti baho magono gangi, wakulweta nunuyu akaselili pa Yudaya, lihina lyake Agabo: 11Leka pakatichilili, ni kutola lamba lya Paolo, akayikungiti mawoko ni magulu, kujowa, Wiwi ajowa Roho Mbalafu, Ngosi uyu ayii nu lamba iyi, waYehudi pa Yerusalem yawankunge wilawila, ni yawamfumbule pa mawoko ga Mihuku. 12Leka baha na baha tikayufwini ifi, tenga na awa wakukulakula kawili tikampembisi asikwela ku Yerusalem. 13Bahalapala Paolo akahigiti, Kiki mukita mwenga kulila ni kunikayulila mwoyo wangu? pakuya nenga niwikingani nukuya kukungika kwakape, koma kufwa kawili pa Yerusalem ndawa ya lihina lya Bambo Yesu. 14Leka apa akopiki wicho lepa, tikakotwiki, kujowa, Iki alonda Bambo kikitike.
15Leka panyuma pa magono aga tikakungiti misewenji yitu, ni tikakweliti ku Yerusalem. 16Leka wakachiti pamonga nu tenga wangi wa wanafunsi wa pa Kaisariya, kuntola nunuyu Mnason wa Kupro, mwanafunsi wa mwandi, kwa uyu ngatihadisi pandu.
17Leka apa tikafiki pa Yerusalem, walongo wakatiyupiti ni kuhekelela. 18Leka lukela lwake Paolo akayingili nu tenga kwa Yakobo; na woha wakulu‐wakulu wakachiti kuku. 19Na apa akawalamwisi, akawakokosili kiyi kyoha kimonga‐kimonga kya ifi Mulungu akakiti kwa kutumakila kwake pa Mihuku. 20Nawombe, pawakayufwini, wakankwisiti Mulungu; ni wakajowiti kwa yombe, Ulole, ndongo witu, walinga wayili elfu pa waYehudi, awa wakeliti; na woha wayii wene wifu kwa torah: 21leka wakawuliki ya wenga, kukita uwayigalisa waYehudi pangi‐pangi pa Mihuku kusambuka kwa Musa, kuwajowela kukita wakotoke kusilimusa wana wawe, haka kugendagenda mu mikuwu yila wasigenda lepa. 22Mumu kiki? yawayufwane kukita chakaka uchiti. Mumu ukitaye iki tikujowela: 23Tiyii nawo wagosi ncheche wakungiki ni kwilapila kwawe; 24uwatole awa, wiwalase pamonga nawo, ni ulipe kwa awa, nausi wamoge mitu yawe: na woha yawapate kumanya kukita aga wawulikeye ya wenga nukuya kandu lepa; koma kukita ugenda wicho na wenga kawili, kulindalila torah. 25Leka panani pa Mihuku awa wamaliti kukela, tenga nati tikalembiti kupawula kukita wigohe kuleka fila fyakulekaleka kwa fifwilifwili, nu mwasi, ni kyakuniongeka, ni ukeme. 26Bahalapala Paolo akawatoliti wandu awa, nu lukela lwake kuwalasika pamonga nawombe, akayingili pa hekalu, kuwandisa kumalisa kwa magono ga kuwalasa, mpaka nyambiko yilekelike kwa awa ayi yoha.
27Leka baha na baha magono saba gayili papipi kumemeseka, waYehudi wa pa Asia, pawakambweni yombe mu hekalu, wakatimbilikini lipuga lyoha, na wakalekili mawoko pa yombe, 28kukwesa malowe, Wagosi wa Israel, mutangatilaye: Yuyu uyu mundu yuawula woha payi poha kupindika nsafi, ni torah, ni pandu apa: ni kulutila kawili hino ayingisi waGriki mu hekalu, ni akakiti pandu apa papakape pawaka. 29Pakuya wakambweni mwandi Trofimo wa Epheso pa likaya pamonga nu yombe, uyu wakiteye kukita Paolo anjingisi mu hekalu. 30Ni likaya lya mfilimila likawusiki, nsafi woha wakakimbisi pamonga: ni wakankamwili Paolo, wakamfutili kunja kwa hekalu: na hino apa milyango yikadindiki. 31Ni pakulonda awa kunkoma, mbili yake yikakweliti kwa kapitao wa elfu wa libanja, kukita Yerusalem wa mfilimila utimbilakini. 32Uyu bahapa akatoliti wa askari ni ma‐kenturion, akawakimbalili pasi: leka wombe, pawakaweni kapitao wa elfu ni wa askari, wakakotwiki kuntowa Paolo. 33Bahalapala kapitao wa elfu akawandamili, akankamwili yombe, ni akapawili kukita akungike ni minyololo yiwili; ni akakotiti kukita Yuyu nani, ni akiti kiki? 34Leka wangi wakakwesiti malowe gangi, na wangi gangi, pa lipuga: leka apa akahotwili lepa kumanya fya chakaka ndawa ya njwawila, akapawili atoleke kuhyetu kwa lilinga. 35Leka apa akatoliki pa makwelelo, kukayili kukita akatwikiki na askari ndawa ya mbafu ya lipuga; pakuya wingi wa nsafi wakachiti mu nyuma, 36kukwesa, Wusa uyu.
37Ni apa Paolo akayili mu kutoleka kuyingila ku lilinga, akanjowili kapitao wa elfu, Kuyitikalika ati nilongele kandu kwa wenga? Leka yombe akajowiti, Umanya kiGriki? 38Ati si wenga mEgupto, yula akasambwiki palongolo pa magono aga, nakabiti nawo kunja ku mapululu elfu ncheche wa Wakukoma wala. 39Koma Paolo akajowiti, nenga mundu mYehudi, wa pa Tarso pa Kilikiya, nkamba wa likaya lyakuyufwanika: ni nikuluwa, uniyitakile nilongele nawo nsafi. 40Leka apa akanjitakili, Paolo, akayimiti pa makwelelo, akakinyili ni kiwoko kwa nsafi; leka apa kikapatiti kuya kinunu nyamhope, akapisiti malowe pa KiHebrayo, kujowa,
Currently Selected:
Makitiko Ga Maapostolo 21: MGS1937
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.
Makitiko Ga Maapostolo 21
21
1Leka baha na baha ikayili kukita tikapatukini nawo, ni kukulula, tikachiti ni ndila yakugoloka pa Kos, ni pa lukela lwake ku Rhodos, ni kuwuka bahalapala ku Patara: 2ni tikawonangini ni liboti liyomboka ku Foinike, tikayikili mumu, ni kukulula. 3Leka apa tikahyetwiki Kupro, na kukileka ku mangigi, tikabiti na matanga ku Suria, na tikakwesiti pa Turo: pakuya bahalapala liboti likalonditi kufuwula misigo yake. 4Leka apa tikawonangini na wanafunsi wala, tikahweliti bahalapala magono saba: awa nawombe wakanjowili Paolo pa roho, akotoke kukwela ku Yerusalem. 5Leka apa tamaliti magono, tikapititi ni kubita mwanja witu: na woha wakatipelakisi, pamonga na wadala na wana, mpaka kunja ku likaya: na kukwinya mafugamilo pa lilowoko, 6tikasaliti, ni kulagilana tenga na wayitu; na tikayingili pa liboti, leka wawalawala nawombe wakakilawukili kwawe wene.
7Leka tenga apa tikamalisi mwanja witu pa liboti kuhumila pa Turo, tikachiti pa Ptolemais; ni apa tikalamwisi walongo tikahweliti kwawe ligono limonga. 8Leka lukela lwake tikapititi, ni kuhicha pa Kaisariya: ni kuyingila pa nyumba ya Filipo evangelisti, wakuya wa awa saba, tikahweliti kwake. 9Leka mundu uyu akayili nawo wana wadala ncheche, wali, wakulweta. 10Leka apa tikahweliti baho magono gangi, wakulweta nunuyu akaselili pa Yudaya, lihina lyake Agabo: 11Leka pakatichilili, ni kutola lamba lya Paolo, akayikungiti mawoko ni magulu, kujowa, Wiwi ajowa Roho Mbalafu, Ngosi uyu ayii nu lamba iyi, waYehudi pa Yerusalem yawankunge wilawila, ni yawamfumbule pa mawoko ga Mihuku. 12Leka baha na baha tikayufwini ifi, tenga na awa wakukulakula kawili tikampembisi asikwela ku Yerusalem. 13Bahalapala Paolo akahigiti, Kiki mukita mwenga kulila ni kunikayulila mwoyo wangu? pakuya nenga niwikingani nukuya kukungika kwakape, koma kufwa kawili pa Yerusalem ndawa ya lihina lya Bambo Yesu. 14Leka apa akopiki wicho lepa, tikakotwiki, kujowa, Iki alonda Bambo kikitike.
15Leka panyuma pa magono aga tikakungiti misewenji yitu, ni tikakweliti ku Yerusalem. 16Leka wakachiti pamonga nu tenga wangi wa wanafunsi wa pa Kaisariya, kuntola nunuyu Mnason wa Kupro, mwanafunsi wa mwandi, kwa uyu ngatihadisi pandu.
17Leka apa tikafiki pa Yerusalem, walongo wakatiyupiti ni kuhekelela. 18Leka lukela lwake Paolo akayingili nu tenga kwa Yakobo; na woha wakulu‐wakulu wakachiti kuku. 19Na apa akawalamwisi, akawakokosili kiyi kyoha kimonga‐kimonga kya ifi Mulungu akakiti kwa kutumakila kwake pa Mihuku. 20Nawombe, pawakayufwini, wakankwisiti Mulungu; ni wakajowiti kwa yombe, Ulole, ndongo witu, walinga wayili elfu pa waYehudi, awa wakeliti; na woha wayii wene wifu kwa torah: 21leka wakawuliki ya wenga, kukita uwayigalisa waYehudi pangi‐pangi pa Mihuku kusambuka kwa Musa, kuwajowela kukita wakotoke kusilimusa wana wawe, haka kugendagenda mu mikuwu yila wasigenda lepa. 22Mumu kiki? yawayufwane kukita chakaka uchiti. Mumu ukitaye iki tikujowela: 23Tiyii nawo wagosi ncheche wakungiki ni kwilapila kwawe; 24uwatole awa, wiwalase pamonga nawo, ni ulipe kwa awa, nausi wamoge mitu yawe: na woha yawapate kumanya kukita aga wawulikeye ya wenga nukuya kandu lepa; koma kukita ugenda wicho na wenga kawili, kulindalila torah. 25Leka panani pa Mihuku awa wamaliti kukela, tenga nati tikalembiti kupawula kukita wigohe kuleka fila fyakulekaleka kwa fifwilifwili, nu mwasi, ni kyakuniongeka, ni ukeme. 26Bahalapala Paolo akawatoliti wandu awa, nu lukela lwake kuwalasika pamonga nawombe, akayingili pa hekalu, kuwandisa kumalisa kwa magono ga kuwalasa, mpaka nyambiko yilekelike kwa awa ayi yoha.
27Leka baha na baha magono saba gayili papipi kumemeseka, waYehudi wa pa Asia, pawakambweni yombe mu hekalu, wakatimbilikini lipuga lyoha, na wakalekili mawoko pa yombe, 28kukwesa malowe, Wagosi wa Israel, mutangatilaye: Yuyu uyu mundu yuawula woha payi poha kupindika nsafi, ni torah, ni pandu apa: ni kulutila kawili hino ayingisi waGriki mu hekalu, ni akakiti pandu apa papakape pawaka. 29Pakuya wakambweni mwandi Trofimo wa Epheso pa likaya pamonga nu yombe, uyu wakiteye kukita Paolo anjingisi mu hekalu. 30Ni likaya lya mfilimila likawusiki, nsafi woha wakakimbisi pamonga: ni wakankamwili Paolo, wakamfutili kunja kwa hekalu: na hino apa milyango yikadindiki. 31Ni pakulonda awa kunkoma, mbili yake yikakweliti kwa kapitao wa elfu wa libanja, kukita Yerusalem wa mfilimila utimbilakini. 32Uyu bahapa akatoliti wa askari ni ma‐kenturion, akawakimbalili pasi: leka wombe, pawakaweni kapitao wa elfu ni wa askari, wakakotwiki kuntowa Paolo. 33Bahalapala kapitao wa elfu akawandamili, akankamwili yombe, ni akapawili kukita akungike ni minyololo yiwili; ni akakotiti kukita Yuyu nani, ni akiti kiki? 34Leka wangi wakakwesiti malowe gangi, na wangi gangi, pa lipuga: leka apa akahotwili lepa kumanya fya chakaka ndawa ya njwawila, akapawili atoleke kuhyetu kwa lilinga. 35Leka apa akatoliki pa makwelelo, kukayili kukita akatwikiki na askari ndawa ya mbafu ya lipuga; pakuya wingi wa nsafi wakachiti mu nyuma, 36kukwesa, Wusa uyu.
37Ni apa Paolo akayili mu kutoleka kuyingila ku lilinga, akanjowili kapitao wa elfu, Kuyitikalika ati nilongele kandu kwa wenga? Leka yombe akajowiti, Umanya kiGriki? 38Ati si wenga mEgupto, yula akasambwiki palongolo pa magono aga, nakabiti nawo kunja ku mapululu elfu ncheche wa Wakukoma wala. 39Koma Paolo akajowiti, nenga mundu mYehudi, wa pa Tarso pa Kilikiya, nkamba wa likaya lyakuyufwanika: ni nikuluwa, uniyitakile nilongele nawo nsafi. 40Leka apa akanjitakili, Paolo, akayimiti pa makwelelo, akakinyili ni kiwoko kwa nsafi; leka apa kikapatiti kuya kinunu nyamhope, akapisiti malowe pa KiHebrayo, kujowa,
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.