Makitiko Ga Maapostolo 16
16
1Leka akafiki pa Derbe ni Lustra kawili: ni lola, mwanafunsi nunuyu akayili baho, lihina lyake Timoteo, mwana wa ndala mYehudi wakukela; koma dadi mundu mGriki. 2Uyu akalungamakiki na walongo wa pa Lustra ni Ikonio. 3Uyu Paolo akalonditi kubita pamonga nuyombe; na pakantoliti akansilimwisi ndawa ya waYehudi wala wakayili pandu bahalapala: pakuya woha wakamanyi kukita dadi mundu ayii mGriki. 4Leka baha na baha pakubita mwanja pagati pa makaya, wakawapili mapawulo wagagohe, aga gakapawuliki na maapostolo na wakulu‐wakulu wa pa Yerusalem. 5Mumu makanisa gakakangamasiki pa kiyitakiso, ni wakayonjakasiki pa kawalangiko kawe ligono ni ligono.
6Leka wakagenditi pagati pa milima ya Frugia ni Galatia, pa wakakanisiki ni Roho Mbalafu wasilongela lilowe ili pa Asia; 7leka pawakafiki pa lisi lya Musia, wakagesiti kuyingila mu Bitunia; ni Roho wa Yesu akawayitakili lepa; 8ni kulutalila pa Musia, wakaselili ku Troa. 9Ni lingumbisi likambonakili Paolo kilo; Akayili mundu wa Makedonia akayimiti ni kumpembesa kujowa, Yomboka mpaka pa Makedonia kutitangatila. 10Leka apa akaweni lingumbisi, hino apa tikalonditi kubita kuyingila pa Makedonia, kuyufwangana kukita Mulungu akatikemili kuwandisa evangel kwa wombe.
11Mumu kukwesa tanga kuwuka pa Troa, tikagenditi mwakugoloka ku Samothrake, ni lukela lwake ku Neapoli; 12ni kuhuma kuko mpaka pa Filipi, ili likaya lya Makedonia, lyakutumbula lya ndima, ni kolonia wa Roma: leka tikayili pa likaya ili kulutakisa magono gangi gangi. 13Ni ligono lya sabato tikapititi kunja ku likaya mu makigi mwa nkuka, baho tikaholiti kukita payii pandu pakusalila; ni tikatemi pasi ni kulongela nawo wadala wakuyicha pamonga. 14Nu ndala nunuyu, lihina lyake Ludia, wakuhemelesa kilulu, wa likaya lya Tuatira, wakungwilakimbo Mulungu, akatiyufwanili: mwoyo wake Bambo akadindwili, kutega makutu kwa aga gakulongeleka nu Paolo. 15Leka apa akabatiswi ni nyumba yake pamonga, akatipembisi kujowa, Wona mupawili kukita nenga niyii wakuyitikalika pa Bambo, muyingilaye pa nyumba yangu, nu kuhwela. Ni akatiyumalakili.
16Leka yikayili, baho tikayili mwanja pandu pakusalila, mwali nunuyu wakutama ni roho yakuweweteka, akakolili nu tenga, nuyombe akawapatili wabambo mundu kipatapata kingi pa kuweweta. 17Yombe, pakakisiti panyuma pa Paolo nu tenga, akakuwiti kujowa, Wandu awa wayii wawanda wa Mulungu wa Panani pene, awa nawombe wawawandisila ndila ya uyokosi. 18Ni iki akakiti kwa magono ga mahele. Koma Paolo, pakawiniti mwoyo, akayitendeukili roho nakajowiti, Nikutaukila wenga pa lihina lya Yesu Kristo upite pa yombe. Ni yikapititi saa yilayila.
19Leka wabambo mundu, pawakaweni kukita kihuwalilo kya kipatapata kyawe kikapiti, wakawakamwili Paolo nu Sila, ni wakawafutiti pa chengo kya makawu ga wakulungu, 20na pakawatoliti kwa anduna wa ngondo, wakajowiti, Wandu awa, pakuya waYehudi, watimbilikana likaya litu, 21ni wawandisa mikuwu iyi yangayitikalika kwa tenga kuyupa haka kugoha, pakuya tiyii wa Roma. 22Ni lipuga lya wandu wakawayimili pamonga: leka wanduna wa boma wakakachwili nguo syawe, wakataukili watoweke ni ndonga. 23Leka apa wakawatowiti ni swatu nyingi, wakawatagiti pakukungika, kunkila wakwalindalila awagohe kigohile: 24nuyombe, pakayupiti luwimbi ngati ulu, akawatagiti pakukungika pa mweya nyahope, ni akakangamisi magulu gawe pa libihi. 25Koma pagati pa kilo Paolo ni Sila wakayili mu kusali ni kunjimbila Mulungu nyimbo, ni wakukungika wayili mu kuwategela makutu; 26leka kikenyemukile kikayili kidigidiso kikulungu, mpaka fya pasi fyake nyumba fikanyukanywiki: na hino apa milyango yoha yikadinduliki; ni minyololo ya woha yikawopwiki. 27Leka wakulindalila, pakayimwisi pa lugono, ni kuwona kukita milyango ya pakukungika yidinduliki, akaholomwili upanga, akalonditi kwikoma pa kuhola kukita wakukungika wakimbilili mumu. 28Koma Paolo akakwesiti ni lilowe likulungu kujowa, Usiyikita kandu kiwifu kwa wamwene: pakuya tawoha tiyii apa. 29Leka akakemalisi nyali, akajumbili mumu, ni kudigida ni woga akagwili pasi palongolo pa Paolo ni Sila, 30na akawatoliti kunja nakajowiti, Wakabambo, nilinganila kukita wuli, nausi niyokoleke? 31Nawombe wakajowiti, Ukele pa Bambo Yesu, ni yauyokoleke wenga ni nyumba yako. 32Ni wakalongili lilowe lya Bambo nuyombe, pamonga na woha wa pa nyumba yake. 33Ni akawatoliti saa yiyilayila kilo, ni akaguywili swatu syawe; ni akabatasiki, mwene na woha kawili awa wake. 34Na akakweliti nawo ku nyumba yake, akawatandakili mesa ya kulila, na akayangalili nyahope, na woha wa pa nyumba yake, pakamaliti kunkela Mulungu.
35Leka paukapatiti kuya musi, anduna wa ngondo wakatumiti makapitao, kujowa, Wawawopole wandu wawalawala. 36Leka uyu wakulindalila wa wakukungika akankokosili Paolo malowe aga, kujowa, Wanduna wa ngondo wakatumiti kukita muwopoleke: mumu hino mupitaye, mubitaye pa kindamba. 37Leka Paolo akawajowili, Wakatitowiti pa chengo, nakupisika lepa uwifu, tenga wandu wa Roma, na wakatitagiti pa kukungika; leka hino wamanya kutitaga kunja ku mweya? lepa; koma wachaye wene watipelekese kunja. 38Leka makapitao wakawatolili wanduna wa ngondo malowe aga: ni pawakayufwini kukita wayii wa Roma wakayogwipi; 39ni wakachiti ni wakawapembisi; leka apa wakawapisiti kunja, wakawakotiti kukita wawuke pa likaya. 40Ni pawakapititi pakukungika, wakayingili kwake Ludia: ni pawakawaweni walongo, wakawakiliti, ni wakapititi.
Currently Selected:
Makitiko Ga Maapostolo 16: MGS1937
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.
Makitiko Ga Maapostolo 16
16
1Leka akafiki pa Derbe ni Lustra kawili: ni lola, mwanafunsi nunuyu akayili baho, lihina lyake Timoteo, mwana wa ndala mYehudi wakukela; koma dadi mundu mGriki. 2Uyu akalungamakiki na walongo wa pa Lustra ni Ikonio. 3Uyu Paolo akalonditi kubita pamonga nuyombe; na pakantoliti akansilimwisi ndawa ya waYehudi wala wakayili pandu bahalapala: pakuya woha wakamanyi kukita dadi mundu ayii mGriki. 4Leka baha na baha pakubita mwanja pagati pa makaya, wakawapili mapawulo wagagohe, aga gakapawuliki na maapostolo na wakulu‐wakulu wa pa Yerusalem. 5Mumu makanisa gakakangamasiki pa kiyitakiso, ni wakayonjakasiki pa kawalangiko kawe ligono ni ligono.
6Leka wakagenditi pagati pa milima ya Frugia ni Galatia, pa wakakanisiki ni Roho Mbalafu wasilongela lilowe ili pa Asia; 7leka pawakafiki pa lisi lya Musia, wakagesiti kuyingila mu Bitunia; ni Roho wa Yesu akawayitakili lepa; 8ni kulutalila pa Musia, wakaselili ku Troa. 9Ni lingumbisi likambonakili Paolo kilo; Akayili mundu wa Makedonia akayimiti ni kumpembesa kujowa, Yomboka mpaka pa Makedonia kutitangatila. 10Leka apa akaweni lingumbisi, hino apa tikalonditi kubita kuyingila pa Makedonia, kuyufwangana kukita Mulungu akatikemili kuwandisa evangel kwa wombe.
11Mumu kukwesa tanga kuwuka pa Troa, tikagenditi mwakugoloka ku Samothrake, ni lukela lwake ku Neapoli; 12ni kuhuma kuko mpaka pa Filipi, ili likaya lya Makedonia, lyakutumbula lya ndima, ni kolonia wa Roma: leka tikayili pa likaya ili kulutakisa magono gangi gangi. 13Ni ligono lya sabato tikapititi kunja ku likaya mu makigi mwa nkuka, baho tikaholiti kukita payii pandu pakusalila; ni tikatemi pasi ni kulongela nawo wadala wakuyicha pamonga. 14Nu ndala nunuyu, lihina lyake Ludia, wakuhemelesa kilulu, wa likaya lya Tuatira, wakungwilakimbo Mulungu, akatiyufwanili: mwoyo wake Bambo akadindwili, kutega makutu kwa aga gakulongeleka nu Paolo. 15Leka apa akabatiswi ni nyumba yake pamonga, akatipembisi kujowa, Wona mupawili kukita nenga niyii wakuyitikalika pa Bambo, muyingilaye pa nyumba yangu, nu kuhwela. Ni akatiyumalakili.
16Leka yikayili, baho tikayili mwanja pandu pakusalila, mwali nunuyu wakutama ni roho yakuweweteka, akakolili nu tenga, nuyombe akawapatili wabambo mundu kipatapata kingi pa kuweweta. 17Yombe, pakakisiti panyuma pa Paolo nu tenga, akakuwiti kujowa, Wandu awa wayii wawanda wa Mulungu wa Panani pene, awa nawombe wawawandisila ndila ya uyokosi. 18Ni iki akakiti kwa magono ga mahele. Koma Paolo, pakawiniti mwoyo, akayitendeukili roho nakajowiti, Nikutaukila wenga pa lihina lya Yesu Kristo upite pa yombe. Ni yikapititi saa yilayila.
19Leka wabambo mundu, pawakaweni kukita kihuwalilo kya kipatapata kyawe kikapiti, wakawakamwili Paolo nu Sila, ni wakawafutiti pa chengo kya makawu ga wakulungu, 20na pakawatoliti kwa anduna wa ngondo, wakajowiti, Wandu awa, pakuya waYehudi, watimbilikana likaya litu, 21ni wawandisa mikuwu iyi yangayitikalika kwa tenga kuyupa haka kugoha, pakuya tiyii wa Roma. 22Ni lipuga lya wandu wakawayimili pamonga: leka wanduna wa boma wakakachwili nguo syawe, wakataukili watoweke ni ndonga. 23Leka apa wakawatowiti ni swatu nyingi, wakawatagiti pakukungika, kunkila wakwalindalila awagohe kigohile: 24nuyombe, pakayupiti luwimbi ngati ulu, akawatagiti pakukungika pa mweya nyahope, ni akakangamisi magulu gawe pa libihi. 25Koma pagati pa kilo Paolo ni Sila wakayili mu kusali ni kunjimbila Mulungu nyimbo, ni wakukungika wayili mu kuwategela makutu; 26leka kikenyemukile kikayili kidigidiso kikulungu, mpaka fya pasi fyake nyumba fikanyukanywiki: na hino apa milyango yoha yikadinduliki; ni minyololo ya woha yikawopwiki. 27Leka wakulindalila, pakayimwisi pa lugono, ni kuwona kukita milyango ya pakukungika yidinduliki, akaholomwili upanga, akalonditi kwikoma pa kuhola kukita wakukungika wakimbilili mumu. 28Koma Paolo akakwesiti ni lilowe likulungu kujowa, Usiyikita kandu kiwifu kwa wamwene: pakuya tawoha tiyii apa. 29Leka akakemalisi nyali, akajumbili mumu, ni kudigida ni woga akagwili pasi palongolo pa Paolo ni Sila, 30na akawatoliti kunja nakajowiti, Wakabambo, nilinganila kukita wuli, nausi niyokoleke? 31Nawombe wakajowiti, Ukele pa Bambo Yesu, ni yauyokoleke wenga ni nyumba yako. 32Ni wakalongili lilowe lya Bambo nuyombe, pamonga na woha wa pa nyumba yake. 33Ni akawatoliti saa yiyilayila kilo, ni akaguywili swatu syawe; ni akabatasiki, mwene na woha kawili awa wake. 34Na akakweliti nawo ku nyumba yake, akawatandakili mesa ya kulila, na akayangalili nyahope, na woha wa pa nyumba yake, pakamaliti kunkela Mulungu.
35Leka paukapatiti kuya musi, anduna wa ngondo wakatumiti makapitao, kujowa, Wawawopole wandu wawalawala. 36Leka uyu wakulindalila wa wakukungika akankokosili Paolo malowe aga, kujowa, Wanduna wa ngondo wakatumiti kukita muwopoleke: mumu hino mupitaye, mubitaye pa kindamba. 37Leka Paolo akawajowili, Wakatitowiti pa chengo, nakupisika lepa uwifu, tenga wandu wa Roma, na wakatitagiti pa kukungika; leka hino wamanya kutitaga kunja ku mweya? lepa; koma wachaye wene watipelekese kunja. 38Leka makapitao wakawatolili wanduna wa ngondo malowe aga: ni pawakayufwini kukita wayii wa Roma wakayogwipi; 39ni wakachiti ni wakawapembisi; leka apa wakawapisiti kunja, wakawakotiti kukita wawuke pa likaya. 40Ni pawakapititi pakukungika, wakayingili kwake Ludia: ni pawakawaweni walongo, wakawakiliti, ni wakapititi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.