Makitiko Ga Maapostolo 14
14
1Leka yikapatiti kuya pa Ikonio wakayingili pamonga pa sunagoge ya waYehudi, na wakalongili wilawila kukita wingi wa waYehudi, ni waGriki kawili wakakeliti. 2Koma waYehudi wala wangayufwanila wakayimwisi mioyo ya wa Mihuku, ni kuwapindika panani pa walongo awa. 3Mumu lukumbi lukulungu wakatemi baho kulongela pa kusindimala pa Bambo, uyu akayili mu kulikitila ulungamakiso lilowe lya neema yake, kupela kukita fiwalalilo ni finyantiti fikitike ni mawoko gawe. 4Leka lipuga lya likaya likagawiki; wangi wakayili pamonga na waYehudi, na wangi pamonga na maapostolo. 5Na baha kukayili kukimbila kwa wa Mihuku na kwa waYehudi pamonga na wakulungu wawe, 6kuwakitila mihenje, ni kuwatumalila maganga, pawakawalalili wakakimbili ku makaya ga Lukaonia, Lustra, ni Derbe, nu ndima wakusyungutila uwu: 7na bahalapala wakawandisi evangel.
8Na pa Lustra akatemi pasi mundu nunuyu, wakulegaleka pa magulu gake, wakuchipila kihumile mu luleme lwa nyongolo, uyu akagendagendaga lepa miaka. 9Uyu akanjufwanili Paolo nalongela: nuyombe, pa akankwinulili, ni pa kulola kukita ayii ni kiyitakiso ayokoleke, 10akajowiti ni lilowe likulungu, Uyimaye pa magulu gako kiyimile. Ni akajumbiti ni akagendagenditi. 11Na mapuga, pa gakaweni iki akakiti Paolo, wakakwesiti malowe gawe, kujowa pa kiLukaonia, Wakamulungu wakuhwanangana ni wandu wakatiselelili tenga. 12Ni wakankemili Barnaba, Zeu; ni Paolo, Hermes, ndawa akayili wakukokosa lilowe. 13Ni kasisi wa Zeu wakuya baho palongolo pa likaya, akachiti ni ng’ombe ni maluwa mpaka pa ndyango, ni akalonditi kuwadumulila nyambiko pamonga na mapuga. 14Leka maapostolo Barnaba nu Paolo, pawakayufwini, wakachwili nguo syawe, ni wakakimbili pagati pa lipuga, kukwesa malowe ni kujowa, Wagosi, mkita kiki findu ifi? 15Nutenga kawili tiyii wandu wakuyufwangana nu mwenga, ni tiwatola evangel kukita muleke findu ifi fya waka ni kung’anamukila Mulungu wa kulama, uyu akapangiti kunani nu ndima ni nyanja, ni fyoha fiyii mumu: 16uyu pa fihogosi fya mwandi akawayitakili mihuku yoha kugendagenda pa ndila syawe wene. 17Haka wila akalekiti lepa mwene pangali ulungamakiso, pakukita akakiti finofu, kuwapela mwenga fula yakuhumila kunani ni ngumbi syakupambika fipambiko, kumemesa mioyo yinu ni fyakulya nu kusangaluka. 18Na pakujowa ifi mwakukangamala wakawasiwilikisi mapuga wasiwadumulila nyambiko.
19Koma wakachiti baho waYehudi kuhumila Antiokia ni Ikonio: ni pawakongiti mapuga, wakantumalili Paolo maganga, ni wakamfutili kunja ku likaya, wakitaga amaliti kufwa. 20Koma apa wanafunsi wakansyungutili, akayimiti, nakayingili pa likaya: nu lukela lwake akapititi pamonga nu Barnaba kubita ku Derbe. 21Na pa wakawandisi evangel pa likaya lila, ni pa wakawuliti wanafunsi wingi, wakakilawiki kuyingila pa Lustra, 22ni Ikonio, ni Antiokia, kukangamasa mawumi ga wanafunsi, kuwakila watamile ngani pa kiyitakiso, leka kukita pa mahumbuso ga mahele tilinganila kuyingila utwa wa Mulungu. 23Na apa wakawawikili wombe wakulu‐wakulu pa kanisa liyi lyoha, ni apa wakasaliti ni kwinota fyakulya, wakawamanyisi kwa Bambo, pa uyu wakakeliti. 24Na wakagenditi pagati pa Pisidia, ni wakayingili pa Pamfulia. 25Na pawakalongili lilowe pa Perga, wakaselili ku Atalia; 26nu kuhumila kukuku wakabiti pa liboti mpaka pa Antiokia, kukulakula wakawikiki pa neema ya Mulungu kuyingila pa lihengo ili wakalimemisi. 27Na apa wakachiti, ni wakakokanisi kanisa pamonga, wakakokwisi fyoha ifi Mulungu akakiti pamonga nu wombe, ni umu yombe akawadindulili Mihuku ndyango wa kiyitakiso. 28Leka wakahweliti lukumbi lwangakepa lepa pamonga na wanafunsi.
Currently Selected:
Makitiko Ga Maapostolo 14: MGS1937
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.
Makitiko Ga Maapostolo 14
14
1Leka yikapatiti kuya pa Ikonio wakayingili pamonga pa sunagoge ya waYehudi, na wakalongili wilawila kukita wingi wa waYehudi, ni waGriki kawili wakakeliti. 2Koma waYehudi wala wangayufwanila wakayimwisi mioyo ya wa Mihuku, ni kuwapindika panani pa walongo awa. 3Mumu lukumbi lukulungu wakatemi baho kulongela pa kusindimala pa Bambo, uyu akayili mu kulikitila ulungamakiso lilowe lya neema yake, kupela kukita fiwalalilo ni finyantiti fikitike ni mawoko gawe. 4Leka lipuga lya likaya likagawiki; wangi wakayili pamonga na waYehudi, na wangi pamonga na maapostolo. 5Na baha kukayili kukimbila kwa wa Mihuku na kwa waYehudi pamonga na wakulungu wawe, 6kuwakitila mihenje, ni kuwatumalila maganga, pawakawalalili wakakimbili ku makaya ga Lukaonia, Lustra, ni Derbe, nu ndima wakusyungutila uwu: 7na bahalapala wakawandisi evangel.
8Na pa Lustra akatemi pasi mundu nunuyu, wakulegaleka pa magulu gake, wakuchipila kihumile mu luleme lwa nyongolo, uyu akagendagendaga lepa miaka. 9Uyu akanjufwanili Paolo nalongela: nuyombe, pa akankwinulili, ni pa kulola kukita ayii ni kiyitakiso ayokoleke, 10akajowiti ni lilowe likulungu, Uyimaye pa magulu gako kiyimile. Ni akajumbiti ni akagendagenditi. 11Na mapuga, pa gakaweni iki akakiti Paolo, wakakwesiti malowe gawe, kujowa pa kiLukaonia, Wakamulungu wakuhwanangana ni wandu wakatiselelili tenga. 12Ni wakankemili Barnaba, Zeu; ni Paolo, Hermes, ndawa akayili wakukokosa lilowe. 13Ni kasisi wa Zeu wakuya baho palongolo pa likaya, akachiti ni ng’ombe ni maluwa mpaka pa ndyango, ni akalonditi kuwadumulila nyambiko pamonga na mapuga. 14Leka maapostolo Barnaba nu Paolo, pawakayufwini, wakachwili nguo syawe, ni wakakimbili pagati pa lipuga, kukwesa malowe ni kujowa, Wagosi, mkita kiki findu ifi? 15Nutenga kawili tiyii wandu wakuyufwangana nu mwenga, ni tiwatola evangel kukita muleke findu ifi fya waka ni kung’anamukila Mulungu wa kulama, uyu akapangiti kunani nu ndima ni nyanja, ni fyoha fiyii mumu: 16uyu pa fihogosi fya mwandi akawayitakili mihuku yoha kugendagenda pa ndila syawe wene. 17Haka wila akalekiti lepa mwene pangali ulungamakiso, pakukita akakiti finofu, kuwapela mwenga fula yakuhumila kunani ni ngumbi syakupambika fipambiko, kumemesa mioyo yinu ni fyakulya nu kusangaluka. 18Na pakujowa ifi mwakukangamala wakawasiwilikisi mapuga wasiwadumulila nyambiko.
19Koma wakachiti baho waYehudi kuhumila Antiokia ni Ikonio: ni pawakongiti mapuga, wakantumalili Paolo maganga, ni wakamfutili kunja ku likaya, wakitaga amaliti kufwa. 20Koma apa wanafunsi wakansyungutili, akayimiti, nakayingili pa likaya: nu lukela lwake akapititi pamonga nu Barnaba kubita ku Derbe. 21Na pa wakawandisi evangel pa likaya lila, ni pa wakawuliti wanafunsi wingi, wakakilawiki kuyingila pa Lustra, 22ni Ikonio, ni Antiokia, kukangamasa mawumi ga wanafunsi, kuwakila watamile ngani pa kiyitakiso, leka kukita pa mahumbuso ga mahele tilinganila kuyingila utwa wa Mulungu. 23Na apa wakawawikili wombe wakulu‐wakulu pa kanisa liyi lyoha, ni apa wakasaliti ni kwinota fyakulya, wakawamanyisi kwa Bambo, pa uyu wakakeliti. 24Na wakagenditi pagati pa Pisidia, ni wakayingili pa Pamfulia. 25Na pawakalongili lilowe pa Perga, wakaselili ku Atalia; 26nu kuhumila kukuku wakabiti pa liboti mpaka pa Antiokia, kukulakula wakawikiki pa neema ya Mulungu kuyingila pa lihengo ili wakalimemisi. 27Na apa wakachiti, ni wakakokanisi kanisa pamonga, wakakokwisi fyoha ifi Mulungu akakiti pamonga nu wombe, ni umu yombe akawadindulili Mihuku ndyango wa kiyitakiso. 28Leka wakahweliti lukumbi lwangakepa lepa pamonga na wanafunsi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.