I Thessalonike 2
2
1Pakuya mwenga mwawene, walongo, mumanya kuyingila kwitu kwa mwenga, kukita kukawoniki lepa kuya kwa waka: 2koma pala tiyufwini mahumbuso palongolo, ni kukitika mihenje umu mumanyila, pa Filippi, tikasindamili mwa Mulungu witu kulongela kwinu evangel ya Mulungu pa kugima kwingi. 3Pakuya kukila kwitu nakuya kipitile pa kusowesa, pangi pa wafu, pangi pa kukonga: 4koma umu tilingiki nu Mulungu kukamulasika ni evangel, wiwi tilongela; nukuya ngati kuwaganisa wandu koma Mulungu, uyu alinganisa mioyo yitu. 5Ndawa tikakolaliki lepa lukumbi luyi lwoha wakulongela na malowe ga kukopakopa waka, umu mumanyila, haka mwingila wa ung’eng’ena, Mulungu ayii ndungumakiso; 6haka kulondalonda kukwisika kwake wandu tikalonditi lepa, haka kipitile pa mwenga, haka kipitile pa wangi, apa tikayili ni chengo kuwatondesa, pakuya tiyii maapostolo wake Kristo. 7Koma tikayili ngati wana pagati pa mwenga, umu wakulela apyupasila wana mundu: 8wiwi, pakuwawukulila mwenga, tikayili mukwiganila kuwapela nukuya evangel ya Mulungu yakape, koma mawumi ga tenga tawete kawili, pakukita mukayili wakuganika muni kwa tenga. 9Pakuya mukumbukila, walongo, mahengo gitu ni gakutopa: pakukita lihengo kilo ni musi tisintondesa ayi yoha wa mwenga, tikawandisi kwinu evangel ya Mulungu. 10Mwenga muyii walungamakiso, nu Mulungu kawili, umu pa uwalafu ni pa ugolofu ni pangali mihalo tikayili na matamilo gitu manofu kwa mwenga wakukela: 11kwa ndingo wa ifi mufimanya umu tikawakitili ayi yoha wa mwenga, ngati dadi wana mundu wa mwene, kuwakila, ni kuwakangamasa, ni kuwalasa ulungamakiso, 12nausi mugendegende umu kundingalila Mulungu, wakuwakemela kuyingila pa utwa wake yombe mwene ni kukwisika.
13Na kwa ndawa iyi tinsengusa Mulungu kisengusile, kukita pala mukaliyupiti lilowe lya kuyufwana pa tenga, lya Mulungu, mukaliyupiti nukuya ngati lilowe lya wandu, koma, umu liyii pa fya chakaka, lilowe lya Mulungu, ili lihengela mwinu mwenga wakukela. 14Pakuya mwenga, walongo, mukakitiki wa kugakisa makanisa ga Mulungu gala gayii pa Yudaya mwa Kristo Yesu: pakukita mahumbuso gagalagala mukagayufwini mwenga namu pa wandu wa nsafi winu, ngati umu wala nawombe pa waYehudi; 15wala wakankomiti Bambo Yesu na wakulweta, ni wakatihyungiti tenga, ni wanganila lepa Mulungu, ni wawapindika wandu woha; 16wakutikanisa tenga tisilongela ni wa Mihuku nausi wayokoleke; kusifwilanisa sambi syawe magono goha: koma kukawafikili kudada kula mpaka kumalakila.
17Leka tenga, walongo, wona tifwiliki na mwenga kwa lukumbi lwa saa, pa kyene, nukuya pa mwoyo, kuyoloka kilutalile tikayumbatisi kuwona fyene finu ni kunyonyela kukulungu: 18ndawa yake tikalonditi kuwahichila, nenga Paolo, kamo ni kawili; koma Shetani akatisiwilakisi. 19Pakuya kiki kihuwalilo kitu, ni kiheko kitu, ni kikupiku kya kwihikalila nakyo? Wila si mwenga mwawene, palongolo pa Bambo witu Yesu Kristo pa kuwoneka kwake? 20Pakuya mwenga muyii kukwisika kwitu ni kiheko kitu.
Currently Selected:
I Thessalonike 2: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
I Thessalonike 2
2
1Pakuya mwenga mwawene, walongo, mumanya kuyingila kwitu kwa mwenga, kukita kukawoniki lepa kuya kwa waka: 2koma pala tiyufwini mahumbuso palongolo, ni kukitika mihenje umu mumanyila, pa Filippi, tikasindamili mwa Mulungu witu kulongela kwinu evangel ya Mulungu pa kugima kwingi. 3Pakuya kukila kwitu nakuya kipitile pa kusowesa, pangi pa wafu, pangi pa kukonga: 4koma umu tilingiki nu Mulungu kukamulasika ni evangel, wiwi tilongela; nukuya ngati kuwaganisa wandu koma Mulungu, uyu alinganisa mioyo yitu. 5Ndawa tikakolaliki lepa lukumbi luyi lwoha wakulongela na malowe ga kukopakopa waka, umu mumanyila, haka mwingila wa ung’eng’ena, Mulungu ayii ndungumakiso; 6haka kulondalonda kukwisika kwake wandu tikalonditi lepa, haka kipitile pa mwenga, haka kipitile pa wangi, apa tikayili ni chengo kuwatondesa, pakuya tiyii maapostolo wake Kristo. 7Koma tikayili ngati wana pagati pa mwenga, umu wakulela apyupasila wana mundu: 8wiwi, pakuwawukulila mwenga, tikayili mukwiganila kuwapela nukuya evangel ya Mulungu yakape, koma mawumi ga tenga tawete kawili, pakukita mukayili wakuganika muni kwa tenga. 9Pakuya mukumbukila, walongo, mahengo gitu ni gakutopa: pakukita lihengo kilo ni musi tisintondesa ayi yoha wa mwenga, tikawandisi kwinu evangel ya Mulungu. 10Mwenga muyii walungamakiso, nu Mulungu kawili, umu pa uwalafu ni pa ugolofu ni pangali mihalo tikayili na matamilo gitu manofu kwa mwenga wakukela: 11kwa ndingo wa ifi mufimanya umu tikawakitili ayi yoha wa mwenga, ngati dadi wana mundu wa mwene, kuwakila, ni kuwakangamasa, ni kuwalasa ulungamakiso, 12nausi mugendegende umu kundingalila Mulungu, wakuwakemela kuyingila pa utwa wake yombe mwene ni kukwisika.
13Na kwa ndawa iyi tinsengusa Mulungu kisengusile, kukita pala mukaliyupiti lilowe lya kuyufwana pa tenga, lya Mulungu, mukaliyupiti nukuya ngati lilowe lya wandu, koma, umu liyii pa fya chakaka, lilowe lya Mulungu, ili lihengela mwinu mwenga wakukela. 14Pakuya mwenga, walongo, mukakitiki wa kugakisa makanisa ga Mulungu gala gayii pa Yudaya mwa Kristo Yesu: pakukita mahumbuso gagalagala mukagayufwini mwenga namu pa wandu wa nsafi winu, ngati umu wala nawombe pa waYehudi; 15wala wakankomiti Bambo Yesu na wakulweta, ni wakatihyungiti tenga, ni wanganila lepa Mulungu, ni wawapindika wandu woha; 16wakutikanisa tenga tisilongela ni wa Mihuku nausi wayokoleke; kusifwilanisa sambi syawe magono goha: koma kukawafikili kudada kula mpaka kumalakila.
17Leka tenga, walongo, wona tifwiliki na mwenga kwa lukumbi lwa saa, pa kyene, nukuya pa mwoyo, kuyoloka kilutalile tikayumbatisi kuwona fyene finu ni kunyonyela kukulungu: 18ndawa yake tikalonditi kuwahichila, nenga Paolo, kamo ni kawili; koma Shetani akatisiwilakisi. 19Pakuya kiki kihuwalilo kitu, ni kiheko kitu, ni kikupiku kya kwihikalila nakyo? Wila si mwenga mwawene, palongolo pa Bambo witu Yesu Kristo pa kuwoneka kwake? 20Pakuya mwenga muyii kukwisika kwitu ni kiheko kitu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.