Abharuumi Obhutangati
Obhutangati
Iinyarubha inu ꞉yaakaamirwe na omutumwa Pawuro. Akabhaga ka okukaama iinyarubha inu, Pawuro ꞉aariga akyari okutaarira omusi gwa Ruumi. Abhakiriisitu bha Ruumi, ꞉bhaariga bharimo Abhayawudi na abhandi bhatari Bhayawudi. Pawuro ꞉aakaamire iinyarubha inu insonga eeyigishe Abhakiriisitu bha Ruumi kutyo eyeendwa Omukiriisitu eekare mu-bhwikirisha, na okumenya amangʼana amakomeeye ganu agatura okumunyoora mu-bhwikirisha bhuyo.
Mu-nyarubha inu, Pawuro keeyigisha amangʼana ga obhwerusha bhunu ekitura okunyoora okuturira ku-Yeesu Kiriisitu era. Riingʼana riinene rinu omukaami wa iinyarubha inu kaaikira, riri mu-mangʼana ganu agaaika ati, “Anye nitakwiswaririra Amangʼana Amajomu, kwa okubha ni bhuturo bhwa Nyamuwanga bhunu obhwerusha abhaanu bhoone kutyo bhanu abheekirisha Yeesu, Abhayawudi okwamba na bhanu bhatari Bhayawudi. Amangʼana Amajomu gayo ageeresha abhweru kutyo Nyamuwanga kaabharira abhaanu obhurengeresi. Kaabhabharira ati ni bharengeresi okuturira ku-bhwikirisha era. Ni rwa kutyo Amakaamo Amataakatiifu agaaika ati, omurengeresi kaarama okuturira ku-bhwikirisha bhwaye” (1:1-17). Ukasiga gayo, Pawuro keeresha abhweru ati abhaanu bhoone kutyo abha mu-kyaro abhatura okwerusibhwa okuturira okwikirisha Yeesu Kiriisitu.
Currently Selected:
Abharuumi Obhutangati: kya
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved