Late 1
1
BU KHATNA
(La 1-41)
Midikte le Migilote
1Mi nuamsa i cihte pen
migilote’ thu a zui lo mi,
mimawhte’ gamtat bangin
a gamta lo mi,
mi a thusim lote tawh
a kipawl lo mi ahi hi.
2Ama nopsakna pen
Topa thu sung bek mah hi a,
sun le zanin ama thu
a ngaihsunsun mi ahi hi.
3Amah pen lui tuiluang gei-a
a kisuan ama gah hunin gah a,
a teh a vul ngei lo
singkung tawh kibang hi.
Ama hihna khempeuhah
a maa pai mahmah hi.#Jer 17:8.
4Migilote ahihleh tua bang hi lo uh
a, huih in a letkhiat
anvai tawh kibang lel uh hi.
5Tua ahih ciangin migilote in
thukhenna thuak zo lo ding uh a,
mimawhte pen midikte’ pawl
sungah kihel thei lo ding uh hi;
6bang hang hiam cih leh
Topa in midikte lam lakin
hu tawntung a,
migilote ahihleh sia maimang
ding uh hi.
Currently Selected:
Late 1: TDB
Highlight
Share
Copy
Want to have your highlights saved across all your devices? Sign up or sign in
Tedim (Chin) Bible © Bible Society of Myanmar, 2011.