ROM 3
3
1Tua ahihleh Jew mite in Gentail mite sangin bang hamphatna neizaw a, vun ki-atna in bang phattuamna nei ahi hiam? 2Lam tampi-ah a phattuamna a om hi. A masa penin, Pasian in Jew mite tungah ama thute a gen hi. 3Ahi zongin Jew mi pawlkhatte in Pasian’ thuciamna zui lo uh hi. Hih mi pawlkhatte’ thu palsatna hangin Pasian in a thuciamna maimangsak dingin ngaihsun na hi uh hiam? 4Tua bang hi het lo hi. Lai Siangtho sungah,
“Thu na gen peuhmah ciangin
a man na genna thu
mite in hong thei ding uh a,
mite in nang hong mawhsakna
na genkik ciangin
na kiphellah ding
khat beek om lo ding hi,”
ci-in a kigelh mah bangin mi khempeuh in zuau a gen zongin Pasian in thuman gen veve ding hi.#La 51:4.
5Pasian a manin gamta ahihna eite’ gamtat khialhna in kilangsak semsem ahih ciangin eite in bang gen ding nei nawn ihi hiam? Pasian in eite gim a hong piak ciangin a thuman lo ahi hiam? (Hih bangin thu ka gen ciangin leitung mihingte’ kammal zat ngeite a zang ka hi hi.) 6Gim hong piakna-ah a thuman lo hi het lo hi. A thuman lo hi zenzen leh bangci-in leitung mi khempeuh’ thu khenthei ding ahi hiam?
7Keima zuautatna in Pasian a thumanna kilangsakin a min thangsak semsem ahihleh bang hangin mawhnei-in kei hong kiseh lailai ahi hiam? 8Thupha a pian nadingin gamtat sia gamta ni, ci ding ihi hiam? Mi pawlkhatte in tu-a bang teek mahin gen hi, ci-in hong mawhsak uh a, ka heh theihtheih nadingin kam a pau se uh hi. Tua bang mite in amau thuak dingin a kilawm gimna a thuak ding uh hi.
Kuamah A Manin Gamta Tawntung Zo lo
9Tua ahihleh Gentail mite sangin ko Jew mite hamphazaw ka hi uh hiam? Bangmah hamphatna nei tuan lo hi ung. Jew mite le Gentail mite a kibangin mawhna khut sungah om uh hi, ci-in ka gen khinzo hi. 10Lai Siangtho sungah zong,
“Pasian’ muhna-ah
mi man kuamah om lo a,
11a man a thei kuamah om lo a,
Pasian tawh kipawl ding a hanciam kuamah om lo hi.
12Kuamah in
Pasian ngaihsutna nei lo uh a,
na-a kimang kuamah om lo a,
a hoih gamtat kuamah om lo hi.#La 14:1-3; 53:2-4.
13A kam uh tawh mi that uh a,
a kam uh tawh zuauthu gen uh a,
a kampaute uh
gulgu tawh kibang hi.#La 5:9; 140:3.
14A kam uh tawh mi samsia uh a,
gitlohna bek tawh a kidim uh hi.#La 10:7.
15Mi that pakpak uh a,
16a paina khempeuh uhah
lungkhamna a piangsak uh hi.
17Nopna a pian nadingin
gamta ngei lo uh a,#Isa 59:7-8.
18Pasian zahtak ding
ngaihsutin nei lo uh hi,”
ci-in a kigelh hi.#La 36:1.
19Tua ahih manin kuamah in paulap a zon theih loh nading le mi khempeuh in Pasian’ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi. 20Thukham in mihingte a mawhna kilangsak thei bek ahih manin thukham zuihna hangin kuamah in Pasian tawh kipawl theihna ngah zo lo hi.#La 143:2; Gal 2:16.
Pasian’ Tawh Kipawl Theih Nading
21Ahi zongin tu-in thukham zuihna hang hi loin thudang khat hangin Pasian tawh kipawl theih nading lampi hong kilangzo a, Thukham le kamsangte in zong hih thu-ah teci a pang uh hi. 22Tua thu in: Jew mi le Gentail mi kuamah a kilamdanna om loin Jesuh Khrih upna hangin mi khempeuh in Pasian tawh kipawl theihna a ngah hi.#Gal 2:16. 23Mi khempeuh mawh ciat uh a, a hong honkhia Pasian tawh kigamla uh hi. 24Ahi zongin Pasian in a hong hehpihna hangin Khrih Jesuh tawh hong tatkhiat manin amah tawh i kipawlthei kik hi. 25Ama hong sihna hangin mawhna a kimaisak theih nadingin Pasian in Jesuh hong pia a, amah a umte in mawhmaisakna a ngah uh hi. Amah tawh i kipawl theih nading zia hong lahna-in hih bangin Pasian a hong gamta ahi hi. Pasian a lungduaina hangin a beisa hunah i mawhnate hong en khong phot hi. 26Ahi zongin tuhun ciangin Jesuh a um mi khempeuh Pasian tawh a kipawl theih nading le amah thuman ahihna a kilatsak nadingin mihingte’ mawhna tawh kisai-in na hong sem hi.
27Tua ahihleh mihingte in i kisialhpih ding bang om ahi hiam? Bangmah om lo hi. Bang bulphuh ding ihi hiam? Thukham zuihna bulphuh ding ihi hiam? Hi lo hi. I upna a bulphuh ding ihi hi. 28Bang hang hiam cih leh mi khatpeuh Pasian tawh a kipawl theihna pen Thukham zuihzawhna hang hi loin upna hang hi, ci-in i genzo hi. 29Pasian, Jew mite’ Pasian bek hi a, Gentail mite’ Pasian hi lo ahi hiam? Gentail mite’ Pasian zong hi veve hi. 30Pasian khat bek hi a, a upna uh hangin Jew mite amah tawh a kipawl thei-in a bawl mah bangin Gentail mite zong a upna uh hang mah tawh amah tawh a kipawl thei-in a bawl hi.#Thkna 6:4; Gal 3:20. 31Tua ahihleh hih upna thu i gen ciangin Thukham a phiat ihi hiam? Hi lo hi; a kipsak semsem ihi hi.
Currently Selected:
ROM 3: TDB
Highlight
Share
Copy
Want to have your highlights saved across all your devices? Sign up or sign in
Tedim (Chin) Bible © Bible Society of Myanmar, 2011.
ROM 3
3
1Tua ahihleh Jew mite in Gentail mite sangin bang hamphatna neizaw a, vun ki-atna in bang phattuamna nei ahi hiam? 2Lam tampi-ah a phattuamna a om hi. A masa penin, Pasian in Jew mite tungah ama thute a gen hi. 3Ahi zongin Jew mi pawlkhatte in Pasian’ thuciamna zui lo uh hi. Hih mi pawlkhatte’ thu palsatna hangin Pasian in a thuciamna maimangsak dingin ngaihsun na hi uh hiam? 4Tua bang hi het lo hi. Lai Siangtho sungah,
“Thu na gen peuhmah ciangin
a man na genna thu
mite in hong thei ding uh a,
mite in nang hong mawhsakna
na genkik ciangin
na kiphellah ding
khat beek om lo ding hi,”
ci-in a kigelh mah bangin mi khempeuh in zuau a gen zongin Pasian in thuman gen veve ding hi.#La 51:4.
5Pasian a manin gamta ahihna eite’ gamtat khialhna in kilangsak semsem ahih ciangin eite in bang gen ding nei nawn ihi hiam? Pasian in eite gim a hong piak ciangin a thuman lo ahi hiam? (Hih bangin thu ka gen ciangin leitung mihingte’ kammal zat ngeite a zang ka hi hi.) 6Gim hong piakna-ah a thuman lo hi het lo hi. A thuman lo hi zenzen leh bangci-in leitung mi khempeuh’ thu khenthei ding ahi hiam?
7Keima zuautatna in Pasian a thumanna kilangsakin a min thangsak semsem ahihleh bang hangin mawhnei-in kei hong kiseh lailai ahi hiam? 8Thupha a pian nadingin gamtat sia gamta ni, ci ding ihi hiam? Mi pawlkhatte in tu-a bang teek mahin gen hi, ci-in hong mawhsak uh a, ka heh theihtheih nadingin kam a pau se uh hi. Tua bang mite in amau thuak dingin a kilawm gimna a thuak ding uh hi.
Kuamah A Manin Gamta Tawntung Zo lo
9Tua ahihleh Gentail mite sangin ko Jew mite hamphazaw ka hi uh hiam? Bangmah hamphatna nei tuan lo hi ung. Jew mite le Gentail mite a kibangin mawhna khut sungah om uh hi, ci-in ka gen khinzo hi. 10Lai Siangtho sungah zong,
“Pasian’ muhna-ah
mi man kuamah om lo a,
11a man a thei kuamah om lo a,
Pasian tawh kipawl ding a hanciam kuamah om lo hi.
12Kuamah in
Pasian ngaihsutna nei lo uh a,
na-a kimang kuamah om lo a,
a hoih gamtat kuamah om lo hi.#La 14:1-3; 53:2-4.
13A kam uh tawh mi that uh a,
a kam uh tawh zuauthu gen uh a,
a kampaute uh
gulgu tawh kibang hi.#La 5:9; 140:3.
14A kam uh tawh mi samsia uh a,
gitlohna bek tawh a kidim uh hi.#La 10:7.
15Mi that pakpak uh a,
16a paina khempeuh uhah
lungkhamna a piangsak uh hi.
17Nopna a pian nadingin
gamta ngei lo uh a,#Isa 59:7-8.
18Pasian zahtak ding
ngaihsutin nei lo uh hi,”
ci-in a kigelh hi.#La 36:1.
19Tua ahih manin kuamah in paulap a zon theih loh nading le mi khempeuh in Pasian’ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi. 20Thukham in mihingte a mawhna kilangsak thei bek ahih manin thukham zuihna hangin kuamah in Pasian tawh kipawl theihna ngah zo lo hi.#La 143:2; Gal 2:16.
Pasian’ Tawh Kipawl Theih Nading
21Ahi zongin tu-in thukham zuihna hang hi loin thudang khat hangin Pasian tawh kipawl theih nading lampi hong kilangzo a, Thukham le kamsangte in zong hih thu-ah teci a pang uh hi. 22Tua thu in: Jew mi le Gentail mi kuamah a kilamdanna om loin Jesuh Khrih upna hangin mi khempeuh in Pasian tawh kipawl theihna a ngah hi.#Gal 2:16. 23Mi khempeuh mawh ciat uh a, a hong honkhia Pasian tawh kigamla uh hi. 24Ahi zongin Pasian in a hong hehpihna hangin Khrih Jesuh tawh hong tatkhiat manin amah tawh i kipawlthei kik hi. 25Ama hong sihna hangin mawhna a kimaisak theih nadingin Pasian in Jesuh hong pia a, amah a umte in mawhmaisakna a ngah uh hi. Amah tawh i kipawl theih nading zia hong lahna-in hih bangin Pasian a hong gamta ahi hi. Pasian a lungduaina hangin a beisa hunah i mawhnate hong en khong phot hi. 26Ahi zongin tuhun ciangin Jesuh a um mi khempeuh Pasian tawh a kipawl theih nading le amah thuman ahihna a kilatsak nadingin mihingte’ mawhna tawh kisai-in na hong sem hi.
27Tua ahihleh mihingte in i kisialhpih ding bang om ahi hiam? Bangmah om lo hi. Bang bulphuh ding ihi hiam? Thukham zuihna bulphuh ding ihi hiam? Hi lo hi. I upna a bulphuh ding ihi hi. 28Bang hang hiam cih leh mi khatpeuh Pasian tawh a kipawl theihna pen Thukham zuihzawhna hang hi loin upna hang hi, ci-in i genzo hi. 29Pasian, Jew mite’ Pasian bek hi a, Gentail mite’ Pasian hi lo ahi hiam? Gentail mite’ Pasian zong hi veve hi. 30Pasian khat bek hi a, a upna uh hangin Jew mite amah tawh a kipawl thei-in a bawl mah bangin Gentail mite zong a upna uh hang mah tawh amah tawh a kipawl thei-in a bawl hi.#Thkna 6:4; Gal 3:20. 31Tua ahihleh hih upna thu i gen ciangin Thukham a phiat ihi hiam? Hi lo hi; a kipsak semsem ihi hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tedim (Chin) Bible © Bible Society of Myanmar, 2011.